1 YOHANÉS 1:2 - Bahasa Manggarai New Testament

² Mosé hitu polig nesan, agu polig itan lami. Te ho’on ga, ami téing saka-si agu keréba mosé tédéng lén hitu oné méu. Mosé hitu, manga cama-cama agu hi Ema agu poli si’angn oné ami.

1 YOHANÉS 1:2 ပူးပေါင်းရင်းမြစ်များ

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.

YOHANÉS 1:4

Hiay pu’un mosé, agu mosé hitu te gérak manusiay.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

YOHANÉS 17:3

Ho’oy mosé tédéng lén hitu, ngong isé pecing Ité, Mori hitut ca kanang kali ata tu’ungn, agu pecing hi Yésus Kristus ata wuat tu’ung Litéy.

1 YOHANÉS 5:11

Betuan saka-si hitu: ngong Mori Keraéng poli widang ité mosé tédéng lén, agu AnakN te ciri pu’un mosé tédéng lén hitu.

1 YOHANÉS 3:8

Céing ata pandé ndékok kin, ata hitu mai oné-mai jing da’atn, ai pu’ung du wangkan muing jing da’at ruda olo kétay pandé ndékokn. Latang te hitu dé tara cain Anak de Mori Keraéng, kudut pandé ampus taungs sanggéd gori de jing da’at.

TITUS 1:2

agu ligeng de bengkes kudut mosé tédéng lén hitut danong empo-walok poli reké le Mori Keraéng ata toé manga nggopétN.

YOHANÉS 14:6

Mai walé de Mori Yésus agu hia: “Akuy dé salang, agu molor agu mosé! Toé kéta cengatan ata ngancéng ngo oné hi Ema, émé hia toé palé Akuy.

1 YOHANÉS 3:5

Pecing le méu, te Hia mai kudut ampong sanggéd ndékok. Oné Hia toé kéta manga ndékok.

2 TIMOTIUS 1:10

Te ho’on widang hitu polig si’angn, ali mai de Mori Sambé dité hi Yésus Kristus. Keréba Di’a hitu poli pandé kodan kuasa de mata agu téing mosé hitut toé ngancéng ampusn.

GALATIA 4:4

Maik du rapakg leson, itu kali Mori Keraéng wuat AnakN. Hia loas le cengata iné-wai agu mosé lorong wintuk Taurat.

YOHANÉS 15:27

Maik méu kolé paka ciri sakasi, ai méu du wangka pu’ung muingm ga cama laing agu Akum.”

TOMBO PÉTÉ GORI DE RASUL-RASUL 3:15

Méu poli mbelé Hiat wé’ang salang te mosé di’a, maik Mori Keraéng pandé mosé kolé Hia oné mai ata mata, agu latang te hitu ami ho’o saka-sin.

1 PETRUS 5:1

Aku toing sanggéd ata tu’a laing oné bahi-réha méu. Aku ho’o dé haé reba data tu’a laing de méu, ata saka-si ta’ong susa di Kristus agu ata kudut tiba lahé oné mengit di Kristus hitut si’ang tai.

ROMA 8:3

Ai apa ata toé ngancéng pandén le wintuk Taurat landing le lunggu-lepé dité, poli pandén le Mori Keraéng. Ali wuat Anak de Run cama ného manusia hitut ndékok, agu latang te ampong ndékok, Hia poli téing wahéng oné Mori Yésus landing le ndékok de manusia.

TOMBO PÉTÉ GORI DE RASUL-RASUL 10:41

toé nggere-oné sanggén wa’u Yahudi, maik oné ata saka-si, ata bebolon poli toi le run Mori Keraéng, ngong oné ami ata poli hang agu inung cama-cama agu Hia, du Hia poli mosé kolé oné mai ata matan.

TOMBO PÉTÉ GORI DE RASUL-RASUL 5:32

Ami ho’o ata saka-sin sanggéd taung situ, ami agu Nai Nggeluk, ata widang le Mori Keraéng latang te sanggén ata situt lorong Hia.”

TOMBO PÉTÉ GORI DE RASUL-RASUL 2:32

Mori Yésus ho’o hitu pandé to’o kolé le Mori Keraéng agu latang te hitu ami ho’o ata saka-sin.

TOMBO PÉTÉ GORI DE RASUL-RASUL 1:22

Pu’ung oné mai cebong di Yohanés dengkir agu leso héndéngn Mori Yésus nggere-éta Surga agu ledong ami kudut ciri saka-si ného ami latang te to’o kolé'N.”

YOHANÉS 21:14

Hitut te telu ngkalin Mori Yésus toto wekiN agu ata nungku'N lawang poli to’on oné mai ata mata.

YOHANÉS 17:5

Landing hitu yo Ema, bong koé Aku oné ranga Rud Ité, ali bong hitut nipu Laku oné ranga Dité be bolon mangan lino ho’o.

YOHANÉS 16:28

Aku mai oné mai hi Ema, agu Aku mai nggere-oné lino; Aku lego kolé lino agu ngo oné hi Ema.”

YOHANÉS 8:38

Apa ata ita Daku oné Emag, hitu kolé ata curup daku, agu nenggitu kolé wintuk de méu latang te apa ata poli dengé le méu oné mai emas.”

YOHANÉS 7:29

Aku pecing Hiak, ai Aku mai oné mai Hiag agu Hia ata wuat Aku.”

YOHANÉS 3:13

Toé kéta cengatan ata poli ngo éta Surgan, hanang Hia hitut poli wa’u éta mai Surgan, ngong Anak Manusia.

YOHANÉS 1:18

Toé kéta manga cengatan ata poli ita Mori Keraéng; maik Anak léca de Mori Keraéng, ata manga oné lobo pa’a de Ema'N, Hia dé ata tombon.

1 YOHANÉS 1:1

Reweng hitut téing mosé, polig manga du wangkan. Ami poli dengén le tilugm, poli ita dungkan le matagm, poli saka-si agu poli cau kéta le limé rugm. Hitu ata tulisn lami oné méu.

YOHANÉS 10:28

agu Aku téing isé mosé tédéng lén, agu isé poli itan muing toé manga calangd dengkir lén, agu toé kéta cengatan te rumbu isé oné mai limé Daku.

YOHANÉS 19:35

Agu ata hitut ita le mata run, ata sakasi laingy, agu tu’ung kéta sakasin hitu, agu pecing liha, te hia curup laing molorn, kudut imbi kolé le méu.

1 YOHANÉS 2:25

Ho’oy dé reké di Yésus Kristus hitu: ité te tiba mosé tédéng lén.

1 YOHANÉS 4:2

Nenggo’oy kudut pecing le méu Nai Nggeluk de Mori Keraéng: atat taé te hi Yésus Kristus mai oné lino agu ciri manusiay, hia hitu dé ata paéng Nai Nggeluk hitut widang de Mori Keraéng.

1 YOHANÉS 4:14

Ami poli ita agu téing saka-si, te hi Ema poli wuat Anakn ciri Ata Sambé de lino.

1 YOHANÉS 5:13

Sanggéd taung situ tulis laku latang te méut imbi Anak de Mori Keraéng, kudut pecing te méu hitu paéng mosé tédéng lén.