1 PETRUS 5:3 - Bahasa Manggarai New Testament

³ Néka pandé néhot méu ata kuasa latangt te perénta isé situt irip le méus, maik poro ciri ata toming laing le jimbal situ.

1 PETRUS 5:3 ပူးပေါင်းရင်းမြစ်များ

YOHANÉS 13:15

ai Aku poli téing ca toming latang te méu, kudut méu kolé pandé cama ného hitut poli pandé Laku agu méu.

TOMBO PÉTÉ GORI DE RASUL-RASUL 20:28

Lami di’a-di’a weki rus, agu lami kolé sanggén taung weki, ai méu ata poli wérét le Nai Nggeluk ciri ata lami kudut titong ro’éng de Mori Keraéng ata dumpu Liha ali dara Run Hia.

1 KORINTUS 11:11

Koném po nenggitu, latang te Mori Keraéng toé manga inéwai émé toé manga ata rona, agu toé manga ata rona émé toé manga inéwai.

1 KORINTUS 3:5

Jari, céing néng hi Apolos? Céing néng hi Paulus hitu? Isé ata keturu laing wiga méu ciri imbim, néténg gori lorong widang de Mori Keraéng.

1 KORINTUS 3:9

Ai ami haé-reba oné ca gori latang te Mori Keraéng, méu cama ného uma lokang agu cama ného mbaru de Mori Keraéng.

2 KORINTUS 1:24

Toé ali ngoéng dami te perénta apa ata paka imbi le méu, ai méu poli mereps oné imbi. Ngot ami ngoéng lorong gori latang te nisang nai de méu.

2 KORINTUS 4:5

Ai ami toé keréba weki rugm, maik keréba Mori Yésus. Weki rug ami ciri mendi de méu landing ngoéng de Mori Yésus.

PILIPI 3:17

Asé-ka’én, lorong koé toming dakum agu lut koé isé siot mosé cama ného ami ata ciri toming latang te méu.

PILIPI 4:9

Pandé taungs le méu apa kaut ata poli nungkud, ata poli tibad, ata poli dengéd agu ata poli ita de méu oné aku. Ali hitu, Mori Keraéng pu’un hambor-libur te loréng méuy.

TÉSALONIKA 1:7

Ali hitu méu ciri toming laing latang te sanggén ata situt imbi oné tana Makédonia agu Akhaya.

2 TÉSALONIKA 3:9

Toé landing toé manga hak’gm ami latang te hitu, maik pandé dami ca toming latang te méu, kudut lorong le méu.

2 TIMOTÉUS 4:12

Néka manga cengatan ata hep hau, méséng kaut hau rémé uwam. Hau paka ciri toming laing le sanggén ata imbi, oné sanggéd curupm, ba wekim, toto momangm, junggum, agu oné nggelok naim.

TITUS 2:7

Latang te hau Titus, hau paka ciri ata toming laing oné sanggéd pandé ata di’ad. Poro hau kali paka molor nai agu tu’ung-tu’ung oné toingm,

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.