1 PETRUS 2:9 - Bahasa Manggarai New Testament

⁹ Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.

1 PETRUS 2:9 ပူးပေါင်းရင်းမြစ်များ

MATÉUS 4:16

uku ata sedep oné nendep itag lisé gérak mésé agu latang te isé siot kumbu le susa polig téa le gérak.”

MATÉUS 5:16

Nenggitu kolé gerak de méu, néray olo mai ranga data, kudut itas lisé pandé di’a de méu agu bong ngasang Emam hitu éta Surga.”

LUKAS 1:79

latang te gérak isét ka’éng oné nendep, agu ata gonggém moséd, kudut tito wa’i dité nggere oné salang hambor-meler.”

YOHANÉS 17:19

agu Aku pandé nggeluk weki Rug latang te isé, kudut isé ciri nggeluks oné molor.

TOMBO PÉTÉ GORI DE RASUL-RASUL 20:28

Lami di’a-di’a weki rus, agu lami kolé sanggén taung weki, ai méu ata poli wérét le Nai Nggeluk ciri ata lami kudut titong ro’éng de Mori Keraéng ata dumpu Liha ali dara Run Hia.

TOMBO PÉTÉ GORI DE RASUL-RASUL 26:18

kudut cengka mata disé, kudut isé holés oné mai nendep nggere-oné néra agu oné mai kuasa de jing da’at nggere-oné Mori Keraéng, kudut isé ali imbid oné Aku, tiba ampong ndékoks agu tiba reco oné mai apa ata poli wérét latang te sanggéd ata nggeluk.

TOMBO PÉTÉ GORI DE RASUL-RASUL 26:28

Mai walé di Agripa: “Téké cekoén kaut le hau pandé ciri ata Kristén aku!”

ROMA 9:24

ngong ité ata poli bénta Liha toé hanang oné mai ata Yahudi, maik oné mai wa’u bana kolé.

1 KORINTUS 3:17

Émé manga ata hiot pandé ampus mbaru de Mori Keraéng, Mori Keraéng kolé te pandé ampus hia. Ai nggelukn mbaru de Mori Keraéng, agu mbaru de Mori Keraéng hitu ngong sanggés taung méu.

ÉFÉSUS 1:14

Nai Nggeluk hitu dé pa’arn mbaté dité dengkir agu tiban sambé, wiga ité ciri paéng de Mori Keraéng latang te naring mengit Diha.

ÉFÉSUS 1:6

Naring ga Mori Keraéng hitut mengit, ai létang laing le Anak MomangN, Hia momang tu’ung itéy.

ÉFÉSUS 3:21

Bong koé ngasang de Mori Keraéng oné weki serani dengkir agu anak wan, létang laing hi Kristus Yésus. Naring ga Mori Keraéng dengkir tédéng lén. Amén.

PILIPI 3:14

Itu tara toé ké’étg aku mping kudut haéng ontong du turung cemoln, ngong mosé tédéng lén éta Surga; latang te hitup tara béntad ité le Mori Keraéng lorong hi Kristus Yésus.

KOLOSÉ 1:13

Hia poli ledo ité oné-mai kuasa de nendep agu hésing ité nggere-oné Adak de Anak Diha hitut momang.

2 TIMOTIUS 1:9

Mori Keraéng ata pandé selamak ité, agu bénta ité te ciri ro’éng de Run. Pandé hitu Diha toé landing le apa ata poli pandé dité, maik landing le nanéng agu nabit de Run Hia. Tabing hitu widang Liha oné ité, loréng hi Kristus Yésus du toé di dédékn lino ho’o.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

1 PETRUS 1:2

Méu poli pilé lorong nanéng de Mori Keraéng Ema dité agu poli pandé nggeluks le Nai Nggeluk, kudut junggu oné hi Yésus Kristus agu poli pandé nggélok le dara Diha. Nahé tabing agu hambor libur penong kéta latang te méu.

1 PETRUS 2:5

Méu ondang wekis te papé laing ného watu mosé, te pandé ca mbaru nggeluk de Mori Keraéng. Ali hitu méu ciri ného imam ata gori latangt Mori Keraéng, agu létang hi Yésus Kristus podo takung ata henan oné nai de Mori Keraéng.

1 PETRUS 4:11

Céing ata ba keréba, paka ba keréba de Mori Keraéng; céing ata keturu laing, paka keturu lorong mberes hitut widang de Mori Keraéng, kudut oné sanggén cao-ca bongy Mori Keraéng landing hi Yésus Kristus. Latang te Hia dé bong agu kuasa tédéng lén! Amén.

WIDANG SI’ANG ONÉ HI YOHANÉS 1:6

Hia kolé poli wintuk ité ciri ca wa’u latang te imam kanang, te gori keturu latang te Mori Keraéng, Ema Diha. Latang te Hiay mengit agu kuasa dengkir lén. Amén.

WIDANG SI’ANG ONÉ HI YOHANÉS 20:6

Mosé di’a isé situt lut oné to’o kolé laring cain hitu. Isé patun te ciri ata nggeluk. Mata te suan, toé manga kuasan latang te isé. Isé te ciri imam de Mori Keraéngs agu di Kristus, agu te perénta cama laing agu Kristus tédéng ca sebu ntaung.

WIDANG SI’ANG ONÉ HI YOHANÉS 5:10

Ité poli pandé isé ciri ca wa’u latang te imam kanang, te gori keturu latang te Mori Keraéng dité, agu isé te perénta ného rajas oné lino.”