1 PETRUS 2:2 - Bahasa Manggarai New Testament

² Jari koém ného anak wara hiot loas weru, hiot masa mtaung waé cucu ata nggélok, ngong reweng de Mori Keraéng, ali hitu uwa imbis agu haéng selamak.

1 PETRUS 2:2 ပူးပေါင်းရင်းမြစ်များ

ÉFÉSUS 4:15

Maik céwé di’an, ali mberes cau molor oné momang, beka kéta besik dité oné Hia, ngong hi Kristus ata ciri Tu’a laing dité.

2 PÉTRUS 3:18

Ciri tu’a koém ga oné tabing agu imbi hi Yésus Kristus, Mori agu Ata sambé dité. Latang te Hia dé mengit, te ho’on agu tédéng lén.

MARKUS 10:15

Aku taé agu méu: Moro matan, céing kaut ata toé tiba Adak de Mori Keraéng cama ného anak koé, hia toé ngancéng ngo bonén.”

1 KORINTUS 14:20

Asé-ka’én, néka cama ného nuk de anak koém. Ciri anak koé kali oné pandé da’ats, maik ciri ata tu’a oné nuks.

2 TÉSALONIKA 1:3

Asé-ka’én, ami paka wali di’a oné Mori Keraéng landing méu, agu naun muing nenggitu, ai imbi de méu tambang mésé. Nenggitu kolé momang de méu cama taus tambang kéta mberesn.

MATÉUS 18:3

agu mai taén: “Aku taé agu méu, moron, émé méu toé teserm agu toé ciri ného anak koé ho’om, méu toé ngancéng ngo oné Adak Surgas.

ÉFÉSUS 2:21

Hia dé ata pandé heséd sanggéd mbaru situ, ciri mbaru ngaji latangt Mori Keraéng.

ROMA 6:4

Ali cebong le waé serani hitu ité poli boak agu mata cama-cama agu Hia, nenggitu kolé ité ngancéng mosé oné mosé weru. Cama ného hi Kristus poli pandé to’o kolé oné mai ata mata le angos de Mori Keraéng Ema.

1 PETRUS 1:23

Ai lut reweng de Mori Keraéng hitut mosé tédéng lén, méu ciri manusia werum ata toé loas le manusia hitut mosé dokongy, maik le Hia hitut mosé tédéng lén.

MATÉUS 19:14

Maik mai taé de Mori Yésus: “Ondangs anak koé situ, néka cakas te mai nggere-cé’é Aku; ai ata ného isé situ dé morin Adak Surga.”

LUKAS 18:17

Aku taé agu méu: Moro matan kéta, céing ata toé tiba Adak de Mori Keraéng ného cengata anak koé, hia toé kéta ngo bonéy.”