1 PETRUS 1:3 - Bahasa Manggarai New Testament

³ Naring ga Mori Keraéng, ngong Ema de Mori dité hi Yésus Kristus. Ali nabit mésé, Hia poli widang ité mosé weru lut to’o kolé di Yésus Kristus oné-mai ata mata. Mosé dité penong le bengkes,

1 PETRUS 1:3 ပူးပေါင်းရင်းမြစ်များ

YOHANÉS 1:13

ata situt dading toé oné mai dara ko oné mai humer de nai, toé kolé landing le ngoéng de cengata ata rona, maik oné mai Mori Keraéngn.

ROMA 12:12

Nakam ga landing le bengkes, lembak koém du kélo agu seber koém oné ngaji!

ROMA 15:13

Nahé Mori Keraéng pu’un bengkes, penong oné méu ali naka agu hambor-meler oné imbi de méu, kudut ali mberes de Nai Nggeluk méu penong oné bengkes.

ROMA 4:25

Mori Yésus hitut poli matan ali ndékok dité agu pandé to’o koléy latang te selamak ité.

ROMA 5:10

Ai émé ité du lari toé di’a taud agu Mori Keraéng, pandé hambor agu Hia lut rowa de Anak Diha, céwén kéta te ho’on du ité poli hambor agu Mori Keraéng, toét-toé selamakt ali mosé Diha!

ROMA 8:11

Émé Nai Nggeluk de Mori Keraéng hitut poli pandé to’o kolé Mori Yésus oné mai ata mata ka’éng oné méuy, te Hia hitut te pandé mosé kolé néng weki de méu hitut mosé dokong. Pandé taung situ Liha ali Nai Nggeluk hitut mosé oné méu.

ROMA 8:24

Ai le bengkes ité tiba selamakt. Maik bengkes ata poli itan lité, toé kolég bengkes ngasangn, ai co’o ata ngancéng bengkes kin latang te apa ata poli ita dihan?

1 KORINTUS 13:13

Nenggitu dé cemoln, téké telu tarad kali ga; imbi, bengkes agu momang haé ata, maik ata céwé mésén oné-mai situt telu, momang haé ata.

1 KORINTUS 15:20

Maik ata tu’ungn, te hi Kristus polig to’o kolén, ného ata ngaso oné-mai sanggéd ata poli matad.

2 KORINTUS 1:3

Naring lité Mori Keraéng, Ema de Mori dité Yésus Kristus, Ema ata penong le gawas agu Mori Keraéng pu’ud sanggéd lémbu.

GALATIA 6:16

Latang te sanggén ata situt lorong titong daku, nahé hambor-libur agu nabit wa’u oné isé agu oné isét Israél paéng de Mori Keraéng.

ÉFÉSUS 1:17

Tegi kolé laku oné Mori dité Yésus Kristus, kudut Hia widang koé Nai Nggeluk te si’ang Mori Keraéng oné méu wiga méu pecing tu’ung Hiam.

ÉFÉSUS 1:3

Naring ga Mori Keraéng, Emad Mori dité Yésus Kristus. Hia poli berkak itén le sanggéd widang nggeluk oné Surga, ai ité nai ca anggit agu hi Yésus Kristus.

ÉFÉSUS 1:7

Ai landing le mata di Kristus, ité célad le Mori Keraéng, ngong Hia poli ampongd sanggéd ndékok dité.

ÉFÉSUS 2:4

Maik ali mésén lembak de Mori Keraéng, Hia momang tu’ung ité

ÉFÉSUS 3:20

Le kuasa de Mori Keraéng hitut seber gorin oné weki dité, Hia ngancéng pandé céwé do kolé oné-mai apa ata tegi ko nuk dité.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

KOLOSÉ 1:27

Mori Keraéng ngoéng toi oné isé, leng kétay boran agu mengitn pété ceha hitu oné bahi-réha sanggéd wa’u: Ngong hi Kristus manga oné bahi-réha méuy, wiga méu bengkes te tiba mengit de Mori Keraéng

TÉSALONIKA 1:3

Ai ami nuk mtaung gori de imbi, rébok de momang agu mésén bengkes de méu oné Mori dité Yésus Kristus olo-mai ranga de Mori Keraéng agu Ema dité.

TÉSALONIKA 4:13

Nggerolon ga asé-ka’én, ami toé gori’gm te méu toé pecing latang te isét mata, kudut méu néka susa ného ata bana siot toé manga bengkesd.

2 TÉSALONIKA 2:16

Mori dité hi Yésus Kristus, agu Mori Keraéng Ema dité, poli toto momang oné ité le tabing lémbu agu bengkes tédéng lén.

2 TIMOTÉUS 1:14

Ngot aku téing penong le widang nggeluk le Mori dité, oné imbi hi Kristus Yésus agu momang haé ata.

TITUS 2:13

Te ho’on ité rémé géréng leso hitut bengkes dité; du leso hitu lino ho’o te ita mengit de Yésus Kristus ngong Mori Keraéng Pu’un Kuasa agu Mori Sambé dité.

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

JAMES 1:18

Ali ngoéng Run, Mori Keraéng poli dédék ité ali rewengN ata molor, kudut ité ciri anak ngaso oné-mai sanggéd ata poli dédék.

1 PETRUS 1:13

Landing hitu, mengkek di’a-di’a nai-nawa de méu. Jerék agu bengkes koé tu’ung-tu’ungm oné tabing hitut kudut téing oné méu du mai di Yésus Kristus tai.

1 PETRUS 1:21

Lut hi Kristus hitu, méu tara imbis oné Mori Keraéng hitut poli pandé to’o kolé Hia oné-mai ata mata agu poli bong Hia. Ali hitu, méu paka imbi agu bengkes hanang oné Mori Keraéng.

1 PETRUS 1:23

Ai lut reweng de Mori Keraéng hitut mosé tédéng lén, méu ciri manusia werum ata toé loas le manusia hitut mosé dokongy, maik le Hia hitut mosé tédéng lén.

1 PETRUS 2:2

Jari koém ného anak wara hiot loas weru, hiot masa mtaung waé cucu ata nggélok, ngong reweng de Mori Keraéng, ali hitu uwa imbis agu haéng selamak.

1 PETRUS 3:15

Maik hiang koé oné nais nggeluk di Kristus Mori dité! Agu jerék tédéng te téing papong oné néténg ata situt tegi papong latang te bengkes de méu. Maik, paka ali nai ngalis tuka ngéngga, hiang

1 PETRUS 3:21

Nenggitu kolé rapangn méu te ho’on, tiba selamakm ali cebong le waé serani. Waé serani hitu, toé kudut pandé nggélok saki de weki, maik kudut tegi nai bakok oné-mai Mori Keraéng, ai Mori Yésus Kristus poli mosé koléN oné-mai mata.

1 PETRUS 3:5

Ai nenggitu muing molas de sangéd iné-wai nggeluk danong, ngong sanggéd iné-wai situt manga bengkesd oné Mori Keraéng, isé hiang ronad.

1 YOHANÉS 2:29

Émé pecing le méu te hi Kristus hitu ciri Anak le pandé molor, méu paka pecing kolé, te sanggéd ata situt pandé molor loas oné-mai Mori Keraéngd.

1 YOHANÉS 3:3

Sanggéd atat bengkes te ciri cama agu hi Kristus, lami wekid te nggeluk moséd, ai hi Kristus hitu nggelukN.

1 YOHANÉS 3:9

Néténg ata siot loas oné-mai Mori Keraéngd, hia toé ruda olo pandé ndékok, ai gauk de Mori Keraéng manga oné hiay. Hia toé tédéng pandé ndékok, ai hia loas oné-mai Mori Keraéngn.

1 YOHANÉS 4:7

Asé-ka’én ata momang laku! Mait ga ité momang haé ata, ai momang hitu mai oné-mai Mori Keraéngn. Néténg atat momang haé ata, loas oné-mai Mori Keraéng agu pecing Mori Keraéngs.

1 YOHANÉS 5:1

Céing kaut ata imbi te Mori Yésus hitu hi Kristus, ata hitu loas oné-mai Mori Keraéngn. Céing ata momang Mori Keraéng, hia kolé momang isét loas oné-mai Mori Keraéngd.

1 YOHANÉS 5:18

Pecing lité te néténg atat loas oné-mai Mori Keraéng toé ruda olo pandé ndékok, ai Anak de Mori Keraéng sémbéng hiay agu toé ngancéng cegotn le jing da’at.

1 YOHANÉS 5:4

Ai sanggéd ata loas oné-mai Mori Keraéngd, ngancéng pandé koda lino ho’o. Ali imbid, tara ngancéng pandé kodan lité lino ho’o.