1 KORINTUS 6:3 - Bahasa Manggarai New Testament

³ Toé baé le méu ko, te ité kudut beté-bicar malékat-malékat? Jari, apan kolé latang te caca mbolot oné mosé dité lété leso.

1 KORINTUS 6:3 ပူးပေါင်းရင်းမြစ်များ

MATÉUS 25:41

Agu mai kolé curup Diha agu ata situt oné racap léon: Néka ita wa ranga Dakum, oé méut niur, ngo oné api utung tédéng lén ata poli muing améngn latang te jing da’at agu haé didingn.

LUKAS 21:34

“Lami koé wekis, boto wugur le ramé mésé, jingu-jangut langu agu simpung te mosé wié-leso, agu kudut leso de Mori Keraéng, néka teka ta’a kaut pa’u lobo haun mana cempé,

LUKAS 8:14

Tana oné remang karot, ngong ata situt poli dengé curup situ, agu du uwa nggerolod ga, isé kecé le simpung agu le bora agu minakn mosé, wiga isé toé cir wua situt té’é.

ROMA 6:16

Asa toé baé le méu te méu condo wekis oné cengata ata ného mendi kudut lorong hia, méu te ciri mendi data hitum, agu paka lorong tu’ung le méu. Aram hitu ndékok te ba méu nggere-oné mata, ko hitu muing junggu te ba méu nggere-oné selamak?

1 KORINTUS 6:15

Nuk dé, te sanggés méu ného nggota weki di Kristus. Jari, ngancéng weli laku emi nggota di Kristus hitu te ciri nggota weki data mbérong? Toé!

1 KORINTUS 6:16

Toé baé le méu ko, te céi kaut ata neki agu iné-wai mbérong ciri ca wekis agu hia? Ai nggo’o taé de Surak Nggeluk: “Isét sua ciri ca wekis.”

1 KORINTUS 6:19

Toé baé le méu ko, te sanggéd weki de méu ciri osang baté ka’éng de Nai Nggeluk ata poli tiba le méu oné-mai Mori Keraéng? Méu toé paéng de rus.

1 KORINTUS 6:4

Koném po nenggitu, émé méu paka wintuk caca mbolot so’ot laséngd, méu néka téi wintuk hitu oné isét ata toé weki serani.

2 TIMOTIUS 2:4

Cengata serdadu hiot lari tili-mboétn, toé nuk mosé de weki run, ali hitu hia henan oné nai de tu’ad serdadu.

2 TIMOTIUS 4:10

ai hi Demas céwé momang lino ho’oy wiga legong akuy. Hia poli ngo oné Tésalonikan. Hi Kréskés poli ngo oné Galatian agu hi Titus ngo oné Dalmatiay.

2 PÉTRUS 2:4

Danong Mori Keraéng toé momang sanggéd malékat situt pandé ndékok, maik péncar isé nggere-wa neraka, osang nendep baté pongo isé le ranté kesep cai leson beté-bicar.

YUDAS 1:6

Nggitu kolé sanggéd malékat siot toé junggu oné watas kuasad, og kali legong osang baté ka’éngd. Mori Keraéng oké isé oné osang nendep agu langki isé dengkir leso beté-bicar.