1 KORINTUS 6:2 - Bahasa Manggarai New Testament

² Toé baé le méu ko, te ité kudut beté-bicar lino ho’o? Émé beté-bicar lino ho’o manga oné limé de méuy, ma’ut toé ngancéng le méu te wintuk caca mbolot situt toé manga betua laingd?

1 KORINTUS 6:2 ပူးပေါင်းရင်းမြစ်များ

MATÉUS 19:28

Mai taé de Mori Yésus agu isé: “Aku taé agu méu, moro matan, du leso dédékn kolé, du Anak Manusia lonto lobo seriga mésén, méu so’ot poli lut Akus, te lonto kolé lobo campulusua seriga latang te beté-bicar disét panga campulusua data Israél.

LUKAS 22:30

Landing hitu méu kudut hang agu inung ca méja agu Akum oné Adak Daku, agu méu kudut lonto lobo seriga latang te beté-bicar de panga campulu sua wa’u Israél.

ROMA 6:16

Asa toé baé le méu te méu condo wekis oné cengata ata ného mendi kudut lorong hia, méu te ciri mendi data hitum, agu paka lorong tu’ung le méu. Aram hitu ndékok te ba méu nggere-oné mata, ko hitu muing junggu te ba méu nggere-oné selamak?

1 KORINTUS 1:20

Nias ata situt manga nggalasd? Nias ata situt pecing Taurat? Nias ata situt hoté-hatel lemad oné-mai lino ho’o? Toé weli Mori Keraéng poli pandé caling nggalas de lino ho’o te ciri bapa laing?

1 KORINTUS 1:21

Landing nggalas de lino ho’o toé pecing Mori Keraéng, itup tara nggalas de Mori Keraéng henan te pandé selamak isé situt imbi ali wéro de Keréba Di’a atat loi-la’it taé de lino.

1 KORINTUS 6:4

Koném po nenggitu, émé méu paka wintuk caca mbolot so’ot laséngd, méu néka téi wintuk hitu oné isét ata toé weki serani.

2 KORINTUS 4:18

Ai ami toé pinga situt ita le mata, maik situt toé itad, ai situt ita le mata latang te dokong kaut, maik situt toé itad te mosé tédéng lén.

TÉSALONIKA 3:13

Landing le hitu, Mori Keraéng pandé mberes nai de méu, wiga méu ciri nggelukm agu toé manga celas oné ranga Diha du leso mai kolé de Mori Yésus, cama-cama agu sanggéd ata situt ciri paéng Diha.

WIDANG SI’ANG ONÉ HI YOHANÉS 20:4

Itug kali itan laku dod seriga agu penong atat lonto bétan. Isé situ tiba kuasa latang te beté-bicar. Ita kolé laku sanggéd wakar disét poli poka bokakd ali téing saka-si latang te Mori Yésus, agu landing ba keréba de Mori Keraéng. Isé so’o danong toé suju kaka hitu agu patungn, agu toé kolé tiba palas oné sa’i galad agu oné limé wanangn. Isé te mosé kolés agu perénta ného rajas cama laing agu hi Kristus tédéng ca sebu ntaung.

WIDANG SI’ANG ONÉ HI YOHANÉS 3:21

Céing ata ontong, hia te lonto cama-cama agu Akuy lobo seriga Daku, ného Aku kolé poli ontong’g agu lonto cama-cama agu EmaG lobo seriga Diha.