1 Ioan 3:8 - Bibla tu limba Rrãmãnã

⁸ Cai fatsi amãrtii, easti di la draclu, cã draclu amãrtisi di tu ahurhitã. Trã aestã s-fãnipsi Hiljilu al Dumnidzãu: trã asprãdzeari lucrili a dracului.

1 Ioan 3:8 ပူးပေါင်းရင်းမြစ်များ

Marc 1:24

dzãcãnda: “Tsi ari namisa di noi sh-di voi, Isus di Nazaret? Vinish tsi s-ni cherdzã? Mini lu shtiu cai eshtã: Sãmtulu al Dumnidzãul.”

1 Ioan 1:2

cã bana s-fãnipsi shi noi lu vidzumã sh-mãrtirsimã ti nãsã, shi vã u dimãndãm a voauã, bana atsea di totãna, tsi eara ncu Tatãlu sh-nã si aspusi a noauã,

1 Ioan 3:10

Di la aestã s-cunoascã hiljilji al Dumnidzãu sh-hiljilji a dracului. Caitsido tsi nu fatsi ndriptatea, nu easti di la Dumnidzãu, ahtar nu easti nitsi atselu cai nu va fratili a lui.

1 Ioan 3:5

Shi voi lu shtits cã elu si-fãnipsi tsi s-dipãrteadzã amãrtiili a noastri, cã tu elu nu ari amãrtii.

1 Ioan 5:19

Noi shtim cã him di la Dumnidzãlu shi cã ntreagã lumea s-aflã sum puterea a Slabului.

Iuda 1:6

Anghilji, tsi nu l-tsãnurã postili a lor di ma nãinti, ma li alãsarã locurili a lor iu bãna, elu lji apãrã tu scutidhi, ligats cu prãnghi eternã ti giudicata a Dzuãljei atsiljei mari.