Yoˊhan 9:39 - Plang (Blang)

³⁹ Yesuˊ Eun lahˊ, “Lih Uiˊ pang bhenˊ keuteˊ naˊ punta kaw Uiˊ tawsˊ aˊmu punta kaw yeuh peue ngaiˊ fecˊ naˊ kaw ce nyu hk'aˊ ri naˊ maeeˊ punta kaw yeuh peue nyu hk'aˊ ri naˊ kaw ce ngaiˊ fecˊ naˊ.”

Yoˊhan 9:39 ပူးပေါင်းရင်းမြစ်များ

Mahtae 11:5

Peue ngaiˊ lecˊ naˊ tang nyu ce hk'aˊ ri. Peue cung lu naˊ ce tang cang heulˊ. Peue peuyhat naw naˊ ce tang chakˊ ngam. Peue lhuitˊ naˊ ce tang cang mhawngˊ. Peue yeum naˊ ce tang kuhˊ imˊ. Peue hk'oˊtukyak naˊ pun ce ri mhawngˊ leukahˊ munˊ renˊkawn naˊ.

Mahtae 15:14

Taeˊ ce reuˊ. Meuh ce peue teukˊ va peue ngaiˊ lecˊ. Peue ngaiˊ lecˊ naˊ ka lawn teukˊ va puri long hk'aˊ koˊ, kaw ka heulˊ hk'uicˊ nang hk'ok gawmˊ lalˊ peue ri.”

Mahtae 6:23

Daecti ngaiˊ mi naˊ a lawn lu koˊ, gawmˊ jawngkuiˊ tuˊ mi naˊ a ku kaw htonnuk ri kuˊ duimˊlawng naˊ yeut. Kuˊ cengˊ hk'aˊnaee mi naˊ a lawn duimˊlawng koˊ, kuˊ duimˊlawng naˊ a ciˊ naˊ pe leupeul aˊneng.

Luˊka 1:79

A kaw tilˊ kuˊ cengˊ ri peue utˊ nang duimˊlawng, maeeˊ peue utˊ hk'aˊruim rum ka aˊlawng hk'aˊ yeum naˊ ce. A kaw teukˊ va eˊ heulˊ hk'aˊ vang kuit nyawkˊ kuit samˊran naˊ.”

Luˊka 13:30

Neumneum ka naˊ koˊ, peue utˊ hk'aˊ toˊ naˊ kaw ce meuh peue utˊ nanggalˊ. Peue utˊ nanggalˊ naˊ kaw ce meuh peue utˊ hk'aˊ toˊ.”

Luˊka 2:34

Hawcˊ koˊ, Siˊmeˊon eun nap munˊ ri ka. Eun lahˊ a ri ma Eun Mariˊ ka, “Kopti konˊ nyom aenˊ Eun, peue Iˊsarelaˊ naˊ ce kaw htangˊmeul heunˊheunˊ, ce kaw tang kuhˊ heunˊheunˊ. Eun kaw meuh hetˊ kaw peue hamˊtap ri.

Luˊka 4:18

“Citˊ seungaˊ Eun Peucawoˊ naˊ kueˊ a hk'aˊpang Uiˊ. Punta kaw Uiˊ suip ri tuilˊ leukahˊ munˊ renˊkawn naˊ ri peue hk'oˊtukyak naˊ ce naˊ, Eun leuk ri ti Uiˊ hawcˊ. Eun saecˊ cusˊ Uiˊ heulˊ naˊ meuh a punta kaw Uiˊ paoˊ peue hk'awngˊ ri naˊ kaw ce ploeˊ ri, maeeˊ peue ngaiˊ lecˊ naˊ kaw ce nyu hk'aˊ ri baee, maeeˊ peue pun ri hkamˊ hk'aˊ keunhapˊ nokneh naˊ kaw ce ploeˊ ri,

Luˊka 7:21

Yam awnˊ na, Eun baiˊ peue peuyhat heunˊ ceu naˊ ce cuin heunˊ. Eun ku ra ri tec seucaˊ yeut. Saecˊ meuh peue ngaiˊ lecˊ naˊ ce, Eun ku baiˊ ce nyu hk'aˊ ri heunˊ yeut.

Yoˊhan 12:31

Maetˊmaenˊ, rot a yam tawsˊ aˊmu ri bhenˊ keuteˊ aenˊ a hawcˊ. Cawoˊ uˊpeung bhenˊ keuteˊ aenˊ kaw a pun ri hkamˊ hk'aˊ ra ri tec ra ri hk'uih naˊ.

Yoˊhan 12:46

Punta peue yumˊ Uiˊ ku peue naˊ kaw ce unˊ pun ri utˊ hk'aˊnaee hk'aˊ duimˊlawng naˊ, Uiˊ lih pang bhenˊ keuteˊ aenˊ na hk'aˊnaee meuh ri kuˊ cengˊ naˊ.

Yoˊhan 3:17

Kopti Peucawoˊ Eun hkuinˊ cusˊ Konˊ aiˊ ri naˊ Eun lih pang bhenˊ keuteˊ naˊ punta kaw Eun tawsˊ aˊmu ri bhenˊ keuteˊ naˊ, daecti a meuh punta kaw Eun teumˊkawm bhenˊ keuteˊ naˊ lawtpon ri Konˊ aiˊ ri naˊ Eun.

Yoˊhan 3:19

Hk'aˊ tawsˊ aˊmu naˊ meuh a yeuhkiˊ, kuˊ cengˊ naˊ ingˊ lec a pang bhenˊ keuteˊ naˊ, daecti peue naˊ peue leumeusˊ hk'aˊ duimˊlawng naˊ lheuˊ kuˊ cengˊ naˊ kopti hk'aˊ yeuh peue naˊ rai ka.

Yoˊhan 8:12

Yam Yesuˊ tang lahˊ Eun a ri peue cum heunˊ naˊ ce baee naˊ, Eun lahˊ, “Meuh Uiˊ kuˊ cengˊ ka bhenˊ keuteˊ naˊ. Peue hotˊ Uiˊ naˊ ce hkuinˊ kaw laee long hk'aˊnaee hk'aˊ duimˊlawng naˊ, daecti ce kaw kueˊ kuˊ cengˊ ka hk'aˊ civit naˊ.”

Yoˊhan 8:15

Tawsˊ peˊ aˊmu hotˊ aˊcangˊ ce peue naˊ, Uiˊ hkuinˊ tawsˊ aˊmu ri aˊnhawˊ.

Yoˊhan 9:25

Peue tawn ngaiˊ fecˊ naˊ eun topˊ a, “Hpaw uiˊ caˊ yawng meuh unˊ meuh Eun peue mapˊ. Yawng uiˊ ti ceu, tawn ngaiˊ fecˊ uiˊ, daecti maetˊmaenˊ uiˊ nyu hk'aˊ ri hawcˊ.”

Peue caee 26:18

Aenˊ a meuh punta kaw mi heulˊ blasˊ ngaiˊ ce naˊ, hpawtˊ ce hk'aiˊ vang duimˊlawng naˊ ce naˊ tang ingˊ ri kuˊ cengˊ naˊ, hpawtˊ ce hk'aiˊ tiˊca ka Satan naˊ ce naˊ tang ingˊ ri Peucawoˊ Eun naˊ, punta kaw ce pun hk'aˊ ploeˊ mapˊ naˊ, hawcˊ koˊ, ce naˊ pun ri utˊ maeeˊ muk ce peue pun ri saicˊ mapˊ ri seungaˊ chakˊ ri kopti yumˊ ce Uiˊ naˊ.’

2 Kawˊrinhtuˊ 2:16

A meuh aiˊ ka hk'aˊ yeum naˊ pun kuˊ ti muk naˊ ce, daecti pun kuˊ ti muk naˊ ce a meuh aiˊ ka hk'aˊ civit naˊ. Aˊnhawˊ ciˊ kaw kuingˊ ri yeuh kanˊ yeuhkiˊ naˊ?

Eˊfeˊsuˊ 5:14

Kopti kuˊ cengˊ naˊ yeuh a ku ceu naˊ pun ri nyu ri glihˊgleuengˊ. Kop awnˊ na, lahˊ a ri yeuhkiˊ, “Peue buih itˊ naˊ, hk'awnˊ reuˊ. Tang kuhˊ imˊ hk'aiˊ vang yeum ri naˊ reuˊ. Hkrit kaw Eun tilˊ kuˊ cengˊ ri mi.”

2 Hteˊsalawˊniˊ 2:10

Punta kaw eun copˊlong ri ti peue kaw lulaic heulˊ naˊ ce naˊ, eun ku kaw yeuh ri tuilˊ ce nyu kuˊ rai naˊ ce ku ceu. Ce kaw lulaic kopti unˊ leumeusˊ ce hk'aˊ leupaws seumeuˊ kuˊ kaw va ce heulˊ ri hk'aˊ htut lawtpon naˊ.

1 Petruˊ 2:9

Daecti meuh peˊ peue Peucawoˊ leuk Eun ri ti. Peˊ meuh peue jhawpˊ rit keuting, meuh peue ceu seungaˊ chakˊ, meuh konˊhk'i Eun Peucawoˊ. Kuˊ yeuh Eun aenˊ a meuh punta kaw peˊ heulˊ paoˊ lawng kanˊ keuting Eun naˊ. Eun klawng peˊ pucti hk'aiˊ vang duimˊlawng naˊ ingˊ lec vang cengˊ chakˊ Eun naˊ.

1 Yoˊhan 2:11

Daecti aˊnhawˊ lawn ces ri ecˊawngˊ ri naˊ ce koˊ, utˊ eun hk'aˊnaee kuˊ duimˊlawng naˊ, eun lomlom hk'aˊnaee kuˊ duimˊlawng naˊ. Kopti kuˊ duimˊlawng naˊ yeuh ka eun ngaiˊ fecˊ, eun hkuinˊ yawng heulˊ ri tawngnhawˊ.