Yoˊhan 8:11 - Plang (Blang)

¹¹ Beunˊ naˊ eun lahˊ, “Uihˊ, caˊ tangˊ ce.” Yesuˊ Eun lahˊ, “Uiˊ ku hkuinˊ kaw tangˊ mapˊ ri mi. Heulˊ reuˊ, tecla hk'aˊ aˊyu imˊ mapˊ mi naˊ reuˊ.”

Yoˊhan 8:11 ပူးပေါင်းရင်းမြစ်များ

Luˊka 13:3

Kaw Uiˊ lahˊ a ri peˊ, unˊ meuh. Daecti saecˊ peˊ ri, peˊ lawn unˊ tawsˊ hpumˊ fuin mapˊ ri naˊ koˊ, peˊ ku kaw pun ri lulaic yeut.

Luˊka 13:5

Kaw Uiˊ lahˊ a ri peˊ, unˊ meuh. Daecti saecˊ peˊ ri, peˊ lawn unˊ tawsˊ hpumˊ fuin mapˊ ri koˊ, peˊ ku kaw pun ri lulaic yeut.”

Luˊka 15:10

Seunˊ awnˊ na, Uiˊ lahˊ a ri peˊ, ‘Kopti peue mapˊ ti peue naˊ tawsˊ eun hpumˊ fuin mapˊ ri naˊ, hk'aˊnaee inˊhpom Eun Peucawoˊ naˊ ce ku renˊkawn.’ ”

Luˊka 15:32

Eˊ htukˊ ri yeuh kuˊ renˊkawn, kopti awngˊ mi aenˊ yeum eun hawcˊ daecti eun tang imˊ baee naˊ. Eun raiˊ hawcˊ, daecti tang hk'eupˊ nyu eun hawcˊ.’ ”

Luˊka 15:7

Seunˊ awnˊ na, Uiˊ lahˊ a ri peˊ, ‘Kopti peue mapˊ ti peue naˊ tawsˊ eun hpumˊ ri naˊ, nang kuingˊ pang maoˊ naˊ a ku kaw kueˊ hk'aˊ renˊkawn heunˊ hk'aiˊ peue leupaws seumeuˊ seudimˊkulˊ seudimˊ peue naˊ unˊ loˊ ce ri tawsˊ hpumˊ fuin mapˊ ri naˊ.’

Luˊka 5:32

Hpaw Uiˊ caˊ lih kopti punta kaw Uiˊ klawng ri ti peue leupaws seumeuˊ naˊ ce, daecti punta peue mapˊ naˊ kaw ce tawsˊ hpumˊ fuin mapˊ ri naˊ, Uiˊ lih.”

Luˊka 9:56

Hawcˊ koˊ, ce tang heulˊ hk'aˊ yungˊ tawk seubu naˊ.

Yoˊhan 18:36

Yesuˊ Eun lahˊ, “Kuingˊ Uiˊ naˊ hpaw a caˊ meuh isˊ ka bhenˊ keuteˊ aenˊ na. Kuingˊ Uiˊ naˊ a lawn meuh isˊ ka bhenˊ keuteˊ aenˊ na koˊ, punta peue Yuˊda naˊ kaw ce unˊ cang mheutˊ ri ti Uiˊ naˊ, peue Uiˊ naˊ ce naˊ peuengˊ hamˊtap ce. Daecti kuingˊ Uiˊ naˊ ingˊ a neum tawk seubu.”

Yoˊhan 3:17

Kopti Peucawoˊ Eun hkuinˊ cusˊ Konˊ aiˊ ri naˊ Eun lih pang bhenˊ keuteˊ naˊ punta kaw Eun tawsˊ aˊmu ri bhenˊ keuteˊ naˊ, daecti a meuh punta kaw Eun teumˊkawm bhenˊ keuteˊ naˊ lawtpon ri Konˊ aiˊ ri naˊ Eun.

Yoˊhan 5:14

Hawcˊ awnˊ na unˊ lingˊ, Yesuˊ Eun tang pun ri hk'eupˊ eun nang nya hk'oˊ munˊ keuting naˊ baee. Eun lahˊ a ri heun, “Keueˊ, utˊ samˊran mi cawn. Cu yeuh mapˊ mi naˊ reuˊ. A lawn unˊ yeuh keutitˊ koˊ, kuˊ rai lheuˊ kuˊ hk'imˊ naˊ naˊ a cang tang ingˊ keutˊ ri mi.”

Yoˊhan 8:15

Tawsˊ peˊ aˊmu hotˊ aˊcangˊ ce peue naˊ, Uiˊ hkuinˊ tawsˊ aˊmu ri aˊnhawˊ.

Roˊma 2:4

Aˊkoˊ, kawnˊ unˊ nawpsang peˊ hk'aˊ tukyak, hk'aˊ yeunˊhkam maeeˊ hk'aˊ kuit langˊ htonnuk Eun Peucawoˊ naˊ aw? Hk'aˊ tukyak Eun Peucawoˊ naˊ va ka peˊ kaw tang tawsˊ hpumˊ fuin mapˊ ri naˊ, unˊ yawng peˊ a aw?

1 Kawˊrinhtuˊ 5:12

Kanˊ tawsˊ aˊmu ri peue utˊ hk'aˊnok ce muk konˊ Hkrit naˊ ce, hpaw a caˊ meuh kanˊ uiˊ. Kaw peˊ pun ri tawsˊ aˊmu ri peue utˊ hk'aˊnaee muk peˊ naˊ ce, unˊ meuh ka aw?

2 Petruˊ 3:15

Kuit rot ri ka reuˊ, hk'aˊ yeunˊhkam Eun Peucawoˊ naˊ meuh a punta peue naˊ kaw peue pun hk'aˊ htut lawtpon naˊ, seunˊ awngˊ leumeusˊ eˊ Pawˊlu eun ku temˊ ri tuilˊ htawm ri peˊ ri cuˊyi Peucawoˊ tuilˊ Eun ri heun naˊ.