Yoˊhan 5:46 - Plang (Blang)

⁴⁶ Peˊ lawn yumˊ Moˊse eun koˊ, Peˊ ku naˊ htukˊ ri yumˊ Uiˊ ri yeut, kopti temˊ eun lawng Uiˊ naˊ yeut.

Yoˊhan 5:46 ပူးပေါင်းရင်းမြစ်များ

Luˊka 24:27

Hawcˊ koˊ, Eun lahˊ ka mhawngˊ vangdohˊ ka htawm Seungaˊ vang lahˊ a lawng Eun naˊ tangˊ neum Moˊse eun maeeˊ peue suip leukahˊ Eun Peucawoˊ kuˊ seubu naˊ ce gawmˊeucˊ ka.

Yoˊhan 1:45

Yam Hpiˊlipˊ sok eun ri hk'eupˊ Nahtanelaˊ eun naˊ, eun lahˊ a ri heun, “Peue kuˊ Moˊse temˊ eun ri uinˊ lawng Eun nang htawm leukahˊ ritroe naˊ maeeˊ kuˊ peue suip leukahˊ Eun Peucawoˊ naˊ ce ku temˊ ri uinˊ naˊ, pun eˊ ri nyu Eun hawcˊ. Eun meuh Yesuˊ konˊ eun Yoˊsaep peue veng Nasaraetˊ naˊ Eun.”

Yoˊhan 5:47

Daecti kopti unˊ yumˊ pe kuˊ temˊ eun naˊ, peˊ ciˊ kaw cang yumˊ kuˊ lahˊ Uiˊ naˊ yeuh saˊnhawˊ?”

Peue caee 26:22

Daecti kopti Peucawoˊ teumˊkawm Eun uiˊ rot seunyaenˊ naˊ, uiˊ pun ri cawng ri hkamˊ saˊhkiˊ ri peue aetˊ peue keuting naˊ peˊ maenˊ. Uiˊ hkuinˊ lahˊ kuˊ seubu, uiˊ lahˊ yawo pal kuˊ peue suip leukahˊ Eun Peucawoˊ naˊ maeeˊ kuˊ Moˊse lahˊ eun naˊ.

Roˊma 10:4

Punta peue yumˊ naˊ kaw peue kueˊ hk'aˊ leupaws seumeuˊ naˊ ku peue ri, Hkrit Eun meuh vang tisutˊ ka leukahˊ ritroe naˊ.

Galatiˊ 2:19

Hk'aˊnaee cu uiˊ leukahˊ ritroe naˊ, uiˊ pun ri yeum hk'aiˊ leukahˊ ritroe naˊ hawcˊ. Aenˊ a meuh punta kaw uiˊ pun ri aˊyu imˊ pun Peucawoˊ Eun naˊ.

Galatiˊ 3:10

Peue papuing hotˊ ri yeuh leukahˊ ritroe naˊ peue gawmˊeucˊ, pun ce ri hkamˊ hk'aˊ jhaˊ naˊ. Kopti hk'aˊnaee htawm Seungaˊ naˊ temˊ a, “Peue unˊ hotˊ ri yeuh kuˊ temˊ ri hk'aˊnaee leukahˊ ritroe naˊ ku moeng naˊ, pun ce ri hkamˊ hk'aˊ jhaˊ naˊ.”

Galatiˊ 3:13

Daecti Hkrit teumˊkawm htut Eun eˊ lawtpon hk'aiˊ hk'aˊ jhaˊ ka leukahˊ ritroe naˊ ri yawmˊ Eun ri hkamˊ hk'aˊ jhaˊ naˊ pun eˊ. Kopti hk'aˊnaee htawm Seungaˊ naˊ temˊ a, “Aˊnhawˊ lawn pun ri tawkˊ ri pang kleumˊ hkuˊ naˊ koˊ, pun Eun ri hkamˊ hk'aˊ jhaˊ naˊ hawcˊ.”

Galatiˊ 3:24

Kop awnˊ na, punta kaw eˊ pun ri meuh peue leupaws seumeuˊ ri hk'aˊ yumˊ naˊ, leukahˊ ritroe naˊ a uˊpeung eˊ rot ti yam Hkrit lih rot Eun naˊ.