Yoˊhan 5:30 - Plang (Blang)

³⁰ Uiˊ hkuinˊ cang yeuh keunhawˊ naˊ ri tuˊ ri naˊ meun palkoe. Uiˊ tawsˊ aˊmu naˊ hotˊ seunˊ kuˊ pun Uiˊ ri mhawngˊ naˊ palkoe. Leukahˊ tawsˊ aˊmu Uiˊ naˊ leupaws seumeuˊ ka, kopti Uiˊ hkuinˊ caee yeuh kuˊ hitˊ hpumˊ ri naˊ, daecti yeuh Uiˊ kuˊ hitˊ hpumˊ Eun Cawoˊ cusˊ Uiˊ lih naˊ Eun.

Yoˊhan 5:30 ပူးပေါင်းရင်းမြစ်များ

Mahtae 26:39

Hawcˊ koˊ, Eun sat ri heulˊ peunaengˊ. Eun nghupˊ buh ri naˊ pang keuteˊ naˊ. Eun hk'oˊ munˊ lahˊ, “Aˊkuiingˊ, a lawn kaw cang koˊ, hk'oˊ Mi ti kawkˊ ka hk'aˊ tukhka aenˊ na heulˊ hk'aiˊ Uiˊ. Daecti pawlaee kah a meuh alo Uiˊ, kah a htonnuk hotˊ alo Mi naˊ.”

Yoˊhan 14:10

Utˊ Uiˊ hk'aˊnaee Aˊkuiingˊ Eun maeeˊ Aˊkuiingˊ Eun utˊ hk'aˊnaee Uiˊ naˊ, unˊ yumˊ peˊ a aw? Leukahˊ lahˊ Uiˊ ri peˊ naˊ, hpaw a caˊ meuh leukahˊ Uiˊ palkoe, daecti a ku meuh leukahˊ Eun Aˊkuiingˊ Cawoˊ utˊ hk'aˊnaee Uiˊ kuˊ buih yeuh kanˊ Eun naˊ Eun.

Yoˊhan 17:4

Uiˊ pun ri tuilˊ munhpungˊ ri Mi pang bhenˊ keuteˊ naˊ ri yeuh Uiˊ kanˊ tuilˊ Mi ri Uiˊ naˊ htonnuk gawmˊeucˊ ka naˊ.

Yoˊhan 18:11

Yesuˊ Eun tuilˊ leukahˊ ri Petruˊ eun, “Riˊ leungawng mi naˊ reuˊ. Kaw Uiˊ unˊ nyui kawkˊ Aˊkuiingˊ tuilˊ Eun ri Uiˊ naˊ aw?”

Yoˊhan 4:34

Yesuˊ Eun lahˊ, “Kuˊ hk'a Uiˊ naˊ koˊ, meuh a hotˊ ri yeuh alo Eun kuˊ cusˊ Uiˊ lih naˊ maeeˊ yeuh kanˊ Eun naˊ htonnuk naˊ.

Yoˊhan 5:19

Yesuˊ Eun topˊ a ri ce, “Uiˊ lahˊ a ri peˊ neumneum, Konˊ aiˊ Eun hkuinˊ cang yeuh keunhawˊ naˊ meun koe. Cang yeuh Eun pal kuˊ nyu Eun Aˊkuiingˊ ri yeuh Eun naˊ palkoe, kopti Aˊkuiingˊ naˊ Eun lawn yeuh keunhawˊ koˊ, Konˊ aiˊ naˊ Eun ku yeuh a yeut.

Yoˊhan 6:38

Kopti lih Uiˊ neum kuingˊ pang maoˊ naˊ, Uiˊ hkuinˊ caee kaw lih yeuh a hotˊ alo ri naˊ meun, daecti kaw Uiˊ yeuh a hotˊ alo Eun Cawoˊ cusˊ Uiˊ lih naˊ Eun.

Yoˊhan 8:28

Kop awnˊ na Yesuˊ Eun lahˊ, “Hawcˊ yuk peˊ Konˊ aiˊ peue naˊ Eun hukˊ pang kleumˊ rawngˊtawpˊ naˊ, peˊ naˊ kawnˊ yawng meuh Uiˊ kuˊ lahˊ Uiˊ ri meuh naˊ Eun. Hpaw Uiˊ caˊ yeng ri yeuh a meun, daecti lahˊ Uiˊ a hotˊ pal kuˊ sangsawnˊ Eun Kuiingˊ Uiˊ naˊ.

Yoˊhan 8:42

Yesuˊ Eun lahˊ a ri ce, “Peucawoˊ Eun lawn naˊ meuh kuiingˊ peˊ koˊ, peˊ ku naˊ leumeusˊ Uiˊ ri yeut, kopti puc Uiˊ ri lih neum Heun ri naˊ. Maetˊmaenˊ, utˊ Uiˊ maenˊ hawcˊ. Hpaw Uiˊ caˊ yeng ri lih meun, daecti cusˊ Eun Uiˊ lih.

Yoˊhan 8:50

Hpaw Uiˊ caˊ sok ri tuilˊ tuˊ meun ri naˊ isˊ munhpungˊ, daecti a kueˊ nang sok ri tuilˊ a ri Uiˊ ti peue. Eun meuh nang tawsˊ aˊmu.

Roˊma 15:3

Kopti saecˊ meuh Hkrit Eun, Eun ku unˊ yeuh kuˊ htukˊ hpumˊ ri naˊ. Hotˊ seunˊ kuˊ temˊ a ri nang htawm Seungaˊ naˊ, “Leukahˊ unˊ nawpsang ce peue unˊ nawpsang Mi naˊ rot a hk'aˊpang uiˊ.”

Roˊma 2:2

Eˊ ku tup yawng Peucawoˊ tawsˊ Eun aˊmu naˊ hotˊ kuˊ meuh neumneum naˊ ri peue yeuh kuˊ yeuhkoˊ naˊ ce.

Roˊma 2:5

Daecti kopti hpumˊ cenˊ unˊ tawsˊ hpumˊ fuin peˊ mapˊ ri naˊ, peˊ buih ro hk'aˊ seungeuengˊ Eun Peucawoˊ naˊ ri tuˊ ri naˊ meun pun seunyi seungeuengˊ Eun Peucawoˊ yam yeuh Eun hk'aˊ tawsˊ aˊmu leupaws seumeuˊ ri naˊ pucti lih naˊ.