Yoˊhan 5:23 - Plang (Blang)

²³ Aenˊ a meuh punta peue gawmˊeucˊ naˊ kaw peue tuilˊ munhpungˊ naˊ ri Konˊ aiˊ Eun seunˊ tuilˊ peue a ri Aˊkuiingˊ naˊ Eun. Aˊnhawˊ lawn unˊ tuilˊ munhpungˊ naˊ ri Konˊ aiˊ Eun koˊ, eun ku unˊ tuilˊ a ri Aˊkuiingˊ Cawoˊ cusˊ Konˊ aiˊ Eun lih naˊ Eun yeut.

Yoˊhan 5:23 ပူးပေါင်းရင်းမြစ်များ

Mahtae 10:37

Aˊnhawˊ lawn leumeusˊ makuiingˊ ri ce lheuˊ Uiˊ ri naˊ koˊ, hpaw eun caˊ kuingˊ maeeˊ Uiˊ. Aˊnhawˊ lawn leumeusˊ konˊ beunˊ konˊ me ri ce lheuˊ Uiˊ ri naˊ koˊ, eun ku unˊ kuingˊ maeeˊ Uiˊ.

Mahtae 11:27

Kuiingˊ Uiˊ ap Eun ku ceu gawmˊeucˊ naˊ ri Uiˊ hawcˊ. A lawn unˊ meuh Aˊkuiingˊ Eun koˊ, aˊnhawˊ hkuinˊ yawng Konˊ aiˊ Eun saecˊ ti peue. A lawn unˊ meuh Konˊ aiˊ Eun maeeˊ kuˊ Konˊ aiˊ sumˊ tuhˊ Eun peue yawng Aˊkuiingˊ Eun naˊ koˊ, aˊnhawˊ hkuinˊ yawng Aˊkuiingˊ Eun saecˊ ti peue.”

Mahtae 12:21

Peue ceu gawmˊeucˊ naˊ peue kaw uinˊ hk'aˊ keutuiˊ hpumˊ ri naˊ ri muis Eun naˊ.”

Mahtae 15:8

‘Peue aenˊ sukˊseunˊ ce Uiˊ ri moeng ri naˊ palkoe, daecti hpumˊ ce naˊ a seungai Uiˊ nyawkˊ.

Mahtae 28:19

Kop awnˊ na, peˊ naˊ heulˊ yeuh peue ceu gawmˊeucˊ naˊ peue meuh tapaeˊ Uiˊ reuˊ. Tuilˊ hk'aˊ cumˊ naˊ ri ce hk'aˊnaee muis Eun Aˊkuiingˊ Konˊ aiˊ maeeˊ Citˊ seungaˊ chakˊ naˊ reuˊ.

Luˊka 10:16

Peue leuceng leukahˊ peˊ naˊ leuceng ce leukahˊ Uiˊ yeut. Peue unˊ rap ri ti peˊ naˊ ce ku unˊ rap ri ti Uiˊ ri yeut. Peue unˊ rap ri ti Uiˊ naˊ ce ku unˊ rap ri ti Cawoˊ kuˊ cusˊ Uiˊ lih naˊ Eun yeut.”

Yoˊhan 14:1

Pawlaee va hpumˊ peˊ naˊ kuit nyhapˊ kuit yak. Papuing Peucawoˊ Eun reuˊ. Papuing Uiˊ ri yeut reuˊ.

Yoˊhan 16:14

Eun kaw ti ri tuilˊ munhpungˊ ri Uiˊ ri ti Eun kuˊ meuh isˊ Uiˊ naˊ Eun tuhˊ peˊ nyu a naˊ.

Yoˊhan 17:10

Kuˊ kueˊ Uiˊ ku ceu naˊ meuh a isˊ Mi. Kuˊ kueˊ Mi ku ceu naˊ a ku meuh isˊ Uiˊ. Uiˊ pun munhpungˊ ri neum ce ri.

Roˊma 1:7

Uiˊ temˊ ri tuilˊ htawm ti okˊ aenˊ a ri peue utˊ nang veng Roˊma kuˊ Peucawoˊ leumeusˊ Eun maeeˊ kuˊ pun ri klawng ri meuh peue Eun naˊ ce ku peue. Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Kuiingˊ Peucawoˊ eˊ naˊ Eun maeeˊ neum Cawoˊ Yesuˊ Hkrit Eun naˊ kueˊ ri peˊ reuˊ.

Roˊma 15:12

Iˊsayaˊ eun ku lahˊ, “Res eun Yesaeˊ naˊ a kaw pucti lih, Eun kaw pucti lih punta kaw Eun uˊpeung peue ceu gawmˊeucˊ naˊ, peue unˊ meuh peue ceu Yuˊda naˊ ce kaw kueˊ hk'aˊ keutuiˊ hpumˊ hk'aˊnaee Heun.”

Roˊma 6:22

Daecti maetˊmaenˊ, pun peˊ ri lawtpon hk'aiˊ mapˊ naˊ, peˊ pun ri meuh mhaiˊ Eun Peucawoˊ hawcˊ. Peˊ pun ri saicˊ ri seungaˊ chakˊ. Vang tisutˊ ka naˊ, peˊ kaw pun citˊ tip aˊyu tip cotˊcu naˊ.

Roˊma 8:9

Daecti Citˊ seungaˊ Eun Peucawoˊ naˊ a lawn utˊ hk'aˊnaee peˊ koˊ, peˊ hkuinˊ pun hk'aˊ uˊpeung ka hk'aˊ nhamˊ keune naˊ, daecti peˊ pun hk'aˊ uˊpeung ka hk'aˊ Citˊ seungaˊ naˊ. Aˊnhawˊ lawn unˊ kueˊ Citˊ seungaˊ Eun Hkrit naˊ koˊ, hkawnˊ unˊ meuh eun isˊ Eun Hkrit.

1 Kawˊrinhtuˊ 1:3

Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Kuiingˊ Peucawoˊ eˊ naˊ Eun maeeˊ neum Cawoˊ Yesuˊ Hkrit Eun naˊ kueˊ ri peˊ reuˊ.

1 Kawˊrinhtuˊ 10:31

Kop awnˊ na, yam hk'a peˊ, yam nyui peˊ, aˊkoˊ yam yeuh peˊ kuˊ ti ri ceu naˊ, yeuh a punta kaw a tuilˊ munhpungˊ Eun Peucawoˊ naˊ reuˊ.

1 Kawˊrinhtuˊ 16:22

Aˊnhawˊ lawn unˊ leumeusˊ Peucawoˊ Eun koˊ, kah eun pun ri hkamˊ hk'aˊ jhaˊ naˊ reuˊ. Peucawoˊ, lih reuˊ.

1 Kawˊrinhtuˊ 6:19

Unˊ yawng peˊ jawngkuiˊ tuˊ peˊ naˊ meuh a nya hk'oˊ munˊ ka Citˊ seungaˊ chakˊ kuˊ utˊ hk'aˊnaee peˊ kuˊ pun peˊ ri rap ri ti neum Peucawoˊ Eun naˊ aw? Hpaw peˊ caˊ meuh cawoˊ ka jawngkuiˊ tuˊ ri naˊ meun.

2 Kawˊrinhtuˊ 1:9

Neumneum ka naˊ koˊ, hteumˊ ya ri rot htan kaw yeum naˊ hawcˊ. Daecti meuh a yeuhkiˊ naˊ a meuh punta kaw ya unˊ papuing jawngkuiˊ tuˊ ri naˊ meun, daecti ya papuing Peucawoˊ Cawoˊ yeuh peue yeum ce tang kuhˊ imˊ naˊ Eun.

2 Kawˊrinhtuˊ 13:14

Kah munˊ sinˊ Eun Cawoˊ Yesuˊ Hkrit, hk'aˊ leumeusˊkeus Eun Peucawoˊ naˊ maeeˊ hk'aˊ yeuh aˊmawo puri isˊ ka Citˊ seungaˊ chakˊ naˊ kueˊ ri peˊ gawmˊeucˊ peˊ reuˊ.

2 Kawˊrinhtuˊ 5:14

Hk'aˊ leumeusˊkeus Eun Hkrit naˊ uˊpeung ka eˊ. Kopti yawng eˊ peue ti peue naˊ pun Eun ri hkamˊ ri yeum pun peue gawmˊeucˊ naˊ, kop awnˊ na, peue gawmˊeucˊ naˊ peue yeum hawcˊ.

2 Kawˊrinhtuˊ 5:19

Aenˊ a meuh Peucawoˊ yeuh Eun peue bhenˊ keuteˊ naˊ peue tang htukˊlung ri ri cu Eun Hkrit Eun naˊ. Eun hkuinˊ mawt mapˊ peue naˊ. Eun tuilˊ ya heulˊ sangsawnˊ lawng kaw peue htukˊlung ri naˊ.

Eˊfeˊsuˊ 6:24

Kah munˊ sinˊ naˊ kueˊ ri peue leumeusˊ Cawoˊ eˊ Yesuˊ Hkrit naˊ Eun ri hk'aˊ leumeusˊkeus unˊ laee cang sutˊ cang eucˊ naˊ ce gawmˊeucˊ reuˊ.

2 Tiˊmoˊse 1:12

Meuh a kopti aenˊ a naˊ, uiˊ pun ri tukhka yeuhkiˊ. Daecti uiˊ unˊ kaic, kopti yawng uiˊ Cawoˊ yumˊ ri naˊ Eun. Uiˊ yumˊ kaw Eun roksaˊ kuˊ ap uiˊ ri Heun naˊ rot ti seunyi Yesuˊ Hkrit kaw Eun lih naˊ.

Hebraeˊ 1:6

Lheuˊ awnˊ na, yam tuilˊ Eun Konˊ aiˊ ri naˊ Eun lih pang bhenˊ keuteˊ naˊ, Eun lahˊ, “Kah inˊhpom Peucawoˊ naˊ ce faeeˊ Eun gawmˊeucˊ reuˊ.”

2 Petruˊ 1:1

Htawm ti okˊ aenˊ na koˊ, meuh uiˊ Siˊmon Petruˊ meuh mhaiˊ meuh peue caee Eun Yesuˊ Hkrit, uiˊ temˊ ri tuilˊ a ri peue pun ri rap ri ti hk'aˊ yumˊ ngos heunˊ naˊ ce seunˊ uiˊ ri pun uiˊ ri rap ri ti a hk'aˊnaee hk'aˊ leupaws seumeuˊ Eun Yesuˊ Hkrit meuh Peucawoˊ Cawoˊ htut eˊ naˊ Eun.

2 Petruˊ 3:18

Daecti kah peˊ hukˊhawnˊ hk'aˊnaee munˊ sinˊ Eun Yesuˊ Hkrit Cawoˊ Peucawoˊ Cawoˊ teumˊkawm htut eˊ lawtpon naˊ Eun, maeeˊ kah peˊ gawm yawng Eun saeˊcaeeˊ heunˊ reuˊ. Kah Eun kueˊ munhpungˊ maetˊmaenˊ rot ti cotˊcu ri reuˊ. Amin.

1 Yoˊhan 2:23

Peue tecla Konˊ aiˊ naˊ Eun, unˊ kueˊ eun Aˊkuiingˊ. Peue rap ri ti Konˊ aiˊ naˊ Eun, eun ku kueˊ Aˊkuiingˊ yeut.

2 Yoˊhan 1:9

Aˊnhawˊ lawn yeuh pon yeuh lheuˊ maeeˊ unˊ suip ri hotˊ ri yeuh kuˊ sangsawnˊ Eun Hkrit naˊ koˊ, hpaw eun caˊ kueˊ Peucawoˊ. Daecti aˊnhawˊ lawn suip ri hotˊ ri yeuh kuˊ sangsawnˊ Eun naˊ koˊ, eun kueˊ Aˊkuiingˊ maeeˊ Konˊ aiˊ ka gawmˊ alˊ.