Yoˊhan 15:21 - Plang (Blang)

²¹ Kopti meuh a muis Uiˊ naˊ, ce kaw yeuhkiˊ ri peˊ. Kopti unˊ yawng ce Cawoˊ kuˊ cusˊ Uiˊ lih naˊ Eun.

Yoˊhan 15:21 ပူးပေါင်းရင်းမြစ်များ

Mahtae 10:18

Meuh a kopti Uiˊ ri, peˊ kaw pun ri va ri heulˊ nanggalˊ ce cawoˊ veng naˊ maeeˊ hkunˊhawˊhkamˊ naˊ ce. Peˊ kaw kah ri hkamˊ saˊhkiˊ ri ce maeeˊ ri peue unˊ meuh peue ceu Yuˊda naˊ ce.

Mahtae 10:22

Kopti meuh a Uiˊ ri, peue gawmˊeucˊ peue kaw nyu peˊ pereng ri. Daecti peue yeunˊhkam a rot tisutˊ ka naˊ kaw ce pun ri lawtpon.

Mahtae 10:39

Aˊnhawˊ lawn jhawpˊ aˊyu ri naˊ koˊ, eun kaw pun ri sum aˊyu ri. Aˊnhawˊ lawn sum aˊyu ri naˊ pun Uiˊ koˊ, eun kaw pun aˊyu ri.

Mahtae 24:9

Kopti meuh a Uiˊ ri, peue kaw mheutˊ peˊ, peue kaw yeuh kuˊ tukhka naˊ ri peˊ, peue kaw toh peˊ yeum. Peue gawmˊeucˊ peue kaw nyu peˊ pereng ri.

Mahtae 5:11

Yam yeuh peue kuˊ unˊ nawpsang, keunhapˊ nokneh peˊ maeeˊ lahˊ lawng kuˊ unˊ kueˊ unˊ meuh naˊ ri peˊ kopti meuh a Uiˊ ri naˊ, kaw peˊ pun munˊ.

Makuˊ 13:13

Kopti meuh a Uiˊ ri, peue gawmˊeucˊ peue kaw nyu peˊ pereng ri. Daecti peue yeunˊhkam a rot tisutˊ ka naˊ kaw ce pun ri lawtpon.

Luˊka 21:12

Daecti nanggalˊ yam aenˊ ce gawmˊeucˊ unˊ nang meuh ka naˊ, peue kaw mheutˊ ri keunhapˊ peˊ. Ce kaw cusˊ peˊ heulˊ nang saˊla vang hk'oˊ munˊ naˊ maeeˊ nang htawngˊ naˊ. Ce kaw va peˊ heulˊ ri hkunˊhawˊhkamˊ maeeˊ cawoˊ veng naˊ ce. Aenˊ ce gawmˊeucˊ a meuh kopti muis Uiˊ naˊ.

Luˊka 21:17

Kopti meuh a Uiˊ ri, peue gawmˊeucˊ peue kaw nyu peˊ pereng ri.

Luˊka 6:22

Meuh a kopti Konˊ aiˊ peue naˊ Eun, peue naˊ ces ri peˊ, sawnˊ ri tec peˊ, chaw hkamram peˊ maeeˊ yeuh muis peˊ naˊ lu, kaw peˊ pun munˊ.

Yoˊhan 15:24

Uiˊ yeuh kanˊ kuˊ peue seubu naˊ unˊ duing yeuh peue naˊ hk'aˊnaee ce ri. Uiˊ lawn unˊ yeuh ceu nang aenˊ a koˊ, ce hkuinˊ kaw kueˊ kuˊ kleucˊ ri mapˊ naˊ. Daecti maetˊmaenˊ pun ce ri nyu kuˊ hk'oˊamˊ aenˊ ce hawcˊ, daecti ce kawnˊ ces ri Uiˊ maeeˊ Kuiingˊ Uiˊ Eun.

Yoˊhan 16:3

Yeuh ce keutitˊ naˊ meuh a kopti unˊ yawng ce Aˊkuiingˊ Eun maeeˊ Uiˊ ri naˊ.

Yoˊhan 17:25

Aˊkuiingˊ Cawoˊ leupaws seumeuˊ, bhenˊ keuteˊ naˊ a saecˊ naˊ unˊ yawng Mi, daecti Uiˊ yawng Mi. Yawng ce cusˊ Mi Uiˊ lih.

Yoˊhan 8:19

Hawcˊ koˊ, ce mhaingˊ Eun, “Kuiingˊ Mi naˊ Eun ciˊ utˊ tawngnhawˊ” Yesuˊ Eun topˊ a, “Uiˊ ri unˊ lahˊ Kuiingˊ Uiˊ Eun unˊ lahˊ, unˊ yawng peˊ Ya. A lawn naˊ meuh yawng peˊ Uiˊ koˊ, peˊ ku naˊ yawng Kuiingˊ Uiˊ naˊ Eun.”

Yoˊhan 8:54

Yesuˊ Eun topˊ a, “Uiˊ lawn tangˊ tuˊ ri naˊ kueˊ munhpungˊ meun koˊ, munhpungˊ awnˊ a kaw meuh kuˊ hk'oˊhk'awngˊ. Kuiingˊ Uiˊ kuˊ lahˊ peˊ meuh Peucawoˊ ri naˊ meuh Eun kuˊ tuilˊ munhpungˊ Uiˊ naˊ Eun.

Yoˊhan 8:55

Daecti peˊ saecˊ naˊ unˊ yawng Eun, Uiˊ yawng Eun. Uiˊ lawn lahˊ ri unˊ yawng Eun koˊ, Uiˊ ku naˊ meuh peue chiˊlai seunˊ peˊ ri yeut. Daecti yawng Uiˊ Eun. Uiˊ hotˊ ri yeuh kuˊ lahˊ Eun naˊ.

Peue caee 17:23

Kopti yam eoˊ nawk uiˊ kuˊ faeeˊ peˊ naˊ meulamlam ri ti duihˊ hawcˊ ti duihˊ naˊ, uiˊ pun ri nyu vang dum ri tan kuˊ tan ti duihˊ a temˊ ri yeuhkiˊ, ‘Meuh a pun Eun Peucawoˊ Cawoˊ unˊ yawng naˊ.’ Maetˊmaenˊ, kaw uiˊ lahˊ ris peˊ mhawngˊ lawng Eun Peucawoˊ Cawoˊ faeeˊ peˊ, peˊ unˊ yawng naˊ Eun.

Peue caee 26:9

Saecˊ uiˊ ri, uiˊ ku tawn kuit kaw ri hkatˊhkan muis Eun Yesuˊ peue veng Nasaraetˊ naˊ seunˊ kuˊ kaw uiˊ cang yeuh pun naˊ yeut.

Peue caee 3:17

Ecˊawngˊ naˊ peˊ, yawng uiˊ kopti unˊ yawng peˊ a naˊ peˊ yeuh a. Saecˊ roˊ peˊ naˊ ce ku seunˊ awnˊ a yeut.

Peue caee 4:17

Daecti punta kaw eˊ yutˊ lawng aenˊ kaw a unˊ laee seutuin seutan nang peue heunˊ naˊ ce naˊ, eˊ kaw kah ri hamˊ ka unˊ laee kah ka lahˊ muis aenˊ a ri aˊnhawˊ baee.”

Peue caee 5:41

Peue caee Eun Yesuˊ naˊ ce renˊkawn pucti heulˊ hk'aiˊ muk peue hk'om kanˊ naˊ ce, kopti pun ce ri hkamˊ kuˊ hk'oˊkaic kuˊ tukhka naˊ kopti meuh a muis awnˊ na. Ce sawnˊ a topˊ ngos ri nyawkˊ.

Peue caee 9:14

Punta kaw eun mawt ri ti peue klawng muis Mi naˊ ce gawmˊeucˊ naˊ, eun ingˊ nang tiˊca eun peue jhawpˊ rit keuting naˊ maenˊ.”

Peue caee 9:16

Kopti meuh a muis Uiˊ naˊ, eun kaw pun ri tukhka aˊneng, Uiˊ kaw yeuh eun nyu a.”

Roˊma 1:28

Lheuˊ awnˊ na, kopti unˊ nyu ce ngos ka yawng ce Peucawoˊ Eun naˊ, Peucawoˊ Eun taeˊ ce kueˊ hpumˊ rai naˊ, Eun taeˊ ce yeuh kuˊ unˊ kuingˊ unˊ hpaw naˊ.

1 Kawˊrinhtuˊ 15:34

Kuit ri nawk hk'aˊ leupaws seumeuˊ naˊ reuˊ. Pawlaee tang yeuh mapˊ naˊ baee. Kopti peue ngonˊ naˊ unˊ yawng ce lawng Eun Peucawoˊ naˊ. Lahˊ uiˊ a yeuhkiˊ naˊ meuh a punta kaw a yeuh peˊ kaic.

1 Kawˊrinhtuˊ 2:8

Cawoˊ uˊpeung cu yam maetˊmaenˊ naˊ ce hkuinˊ kueˊ nang leuceng pun cuˊyi aenˊ a saecˊ ti peue. Kopti ce lawn naˊ leuceng pun a koˊ, ce hkuinˊ kaw duing tawkˊ Cawoˊ munhpungˊ keuting naˊ Eun pang kleumˊ rawngˊtawpˊ naˊ.

2 Hteˊsalawˊniˊ 1:8

Eun kaw ciyang peue unˊ yawng Peucawoˊ Eun naˊ ce maeeˊ peue unˊ rap ri ti leukahˊ munˊ renˊkawn Eun Cawoˊ Yesuˊ eˊ naˊ Eun.

1 Yoˊhan 3:1

Peucawoˊ Eun ciˊ pe leumeusˊ eˊ aˊneng naˊ kuit ti mhawngˊ a reuˊ. Eun lahˊ eˊ meuh konˊhk'i Eun Peucawoˊ, eˊ ku meuh a yeut. Peue bhenˊ keuteˊ naˊ unˊ yawng ce eˊ, kopti unˊ yawng ce Eun.

3 Yoˊhan 1:7

Ce saecˊ naˊ unˊ pun kuˊ teumˊkawm ce peue unˊ meuh muk konˊ Hkrit naˊ koˊ, daecti ce pucti heulˊ pun Hkrit Eun.

Tuhˊ ri tuilˊ 2:3

Uiˊ yawng pun mi ri yeunˊhkam, pun mi ri hkamˊ kuˊ tukhka kopti meuh a muis Uiˊ naˊ, mi unˊ hpumˊ lu.