Yoˊhan 14:26 - Plang (Blang)

²⁶ Daecti Citˊ seungaˊ chakˊ kuˊ teumˊkawm kuˊ Aˊkuiingˊ cusˊ Eun lih hk'aˊnaee muis Uiˊ naˊ Eun kaw guil peˊ ri ceu nang aenˊ ce. Eun kaw yeuh peˊ kuit rot ri kuˊ tawn lahˊ Uiˊ ri peˊ naˊ ce ku ceu ka.

Yoˊhan 14:26 ပူးပေါင်းရင်းမြစ်များ

Mahtae 1:18

Lawng Yesuˊ Hkrit keutˊ Eun naˊ yeuh a kiˊ, Mariˊ ma Eun naˊ meuh eun konˊhk'ihˊ yeuh kati ri kaw ti Yoˊsaep eun. Daecti yam unˊ nang utˊ ka tiduihˊ seunˊ hpoˊme naˊ, Mariˊ eun nyhelˊ kopti meuh a Citˊ seungaˊ chakˊ naˊ.

Mahtae 1:20

Daecti yam buih kuit eun a yeuh keutitˊ naˊ, inˊhpom Eun Peucawoˊ ti peue eun pucti lih lahˊ a hk'aˊnaee vang itˊ eun ri leumu naˊ, “Yoˊsaep konˊ Davitˊ, pawlaee lhatˊ ri kaw mi ti Mariˊ eun meuh beunˊ ri. Nyhelˊ eun konˊ nang keuteul ri naˊ meuh a kopti Citˊ seungaˊ chakˊ naˊ.

Mahtae 28:19

Kop awnˊ na, peˊ naˊ heulˊ yeuh peue ceu gawmˊeucˊ naˊ peue meuh tapaeˊ Uiˊ reuˊ. Tuilˊ hk'aˊ cumˊ naˊ ri ce hk'aˊnaee muis Eun Aˊkuiingˊ Konˊ aiˊ maeeˊ Citˊ seungaˊ chakˊ naˊ reuˊ.

Mahtae 3:11

Tuilˊ uiˊ hk'aˊ cumˊ naˊ ri peˊ ri leuumˊ naˊ a meuh saˊhkiˊ ka tawsˊ peˊ hpumˊ fuin peˊ mapˊ ri naˊ. Daecti kuˊ kaw ingˊ hotˊ uiˊ naˊ kueˊ Eun tiˊca keuting hk'aiˊ uiˊ. Pal yawo kaw uiˊ unˊ kuingˊ ri jangˊ jhaepˊ Eun naˊ. Eun kaw tuilˊ hk'aˊ cumˊ naˊ ri peˊ ri Citˊ seungaˊ chakˊ naˊ maeeˊ ri ngawl naˊ.

Makuˊ 12:36

Davitˊ eun ku lahˊ a hk'aˊnaee cu ri Citˊ seungaˊ chakˊ naˊ yeuhkiˊ, ‘Peucawoˊ lahˊ Eun a ri Cawoˊ uiˊ naˊ Eun, “Mokˊ hk'aˊ aˊtawmˊ Uiˊ naˊ rot ti uinˊ Uiˊ ransu Mi naˊ ce hk'aˊruim dak cung Mi naˊ reuˊ.” ’

Makuˊ 13:11

Saecˊ meuh yamnhawˊ yam mheutˊ peue peˊ hukˊ vang tawsˊ aˊmu naˊ, pawlaee hkiˊkeung ri kuˊ kaw peˊ lahˊ naˊ. Lahˊ yawo pal kuˊ tuilˊ Eun peˊ lahˊ yam awnˊ a naˊ reuˊ, kopti hpaw a caˊ meuh kuˊ lahˊ peˊ meun, daecti meuh a kuˊ lahˊ ka Citˊ seungaˊ chakˊ naˊ.

Luˊka 1:15

Kopti kaw eun meuh peue lhungˊ peue keuting nanggalˊ Eun Peucawoˊ naˊ, eun hkuinˊ kaw kah ri nyui leuumˊ pliˊ bui maeeˊ kuˊ cang yuicˊ naˊ. Tangˊ neum ingˊ tangˊ eun batˊtiˊsanˊhti ri naˊ, eun kaw pun Citˊ seungaˊ chakˊ naˊ htonnuk.

Luˊka 1:35

Inˊhpom naˊ eun tang topˊ a ri heun, “Citˊ seungaˊ chakˊ Eun Peucawoˊ naˊ kaw a lih hk'aˊpang mi. Tiˊca Eun Cawoˊ lhungˊ hk'aiˊ peue naˊ a kaw kuipkangˊ mi. Kop awnˊ na, konˊ me seungaˊ chakˊ kaw keutˊ awnˊ Eun, peue kaw klawng Eun meuh Konˊ aiˊ Eun Peucawoˊ.

Luˊka 1:41

Yam Eˊliˊsabaeˊ pun eun ri mhawngˊ leukahˊ lahˊ eun Mariˊ naˊ, konˊ nyom utˊ nang keuteul eun naˊ eun keulawnˊ jhuisˊjhasˊ ri. Citˊ seungaˊ chakˊ naˊ a htonnuk hk'aˊnaee eun Eˊliˊsabaeˊ naˊ.

Luˊka 1:67

Citˊ seungaˊ chakˊ naˊ htonnuk a ri Yahkariˊ kuˊ meuh kuiingˊ eun Yoˊhan naˊ eun. Eun lahˊ leukahˊ lih neum Peucawoˊ Eun,

Luˊka 11:13

Peˊ saecˊ naˊ meuh peue rai koˊ, peˊ yawng ri tuilˊ kuˊ chakˊ naˊ ri konˊ ri naˊ ce yeut. Lheuˊ awnˊ na, Kuiingˊ peˊ Cawoˊ utˊ nang kuingˊ pang maoˊ naˊ Eun jaen kaw tuilˊ Citˊ seungaˊ chakˊ ri peue hk'oˊ naˊ ce ku peue ri.

Luˊka 2:25

Yam awnˊ na, a kueˊ peue utˊ nang veng Yeruˊsalaem ti peue. Eun muis Siˊmeˊon. Eun meuh peue leupaws seumeuˊ yumyamˊ Peucawoˊ Eun. Eun buih koˊ yam Peucawoˊ kaw Eun ti peue Iˊsarelaˊ naˊ ce pon hk'aˊ tukhka naˊ. Citˊ seungaˊ chakˊ naˊ a utˊ maeeˊ heun.

Luˊka 24:49

Kaw Uiˊ buˊ kuˊ Kuiingˊ Uiˊ yeuh Eun kati ri naˊ ri peˊ.’ Rot ti naˊ peˊ pun tiˊca neum pang lhungˊ naˊ, peˊ naˊ koˊ nang veng aenˊ na reuˊ.”

Luˊka 3:22

Citˊ seungaˊ naˊ a ruprang seunˊ guiˊ naˊ, a lih utˊ maeeˊ Heun. Sengˊ naˊ a lawsˊ lih neum kuingˊ pang maoˊ. A lahˊ, “Meuh Mi Konˊ aiˊ leumeusˊ Uiˊ. Mi hitˊ ri hpumˊ Uiˊ nyawkˊ.”

Yoˊhan 1:33

‘Mi lawn nyu Citˊ seungaˊ naˊ lih utˊ a maeeˊ aˊnhawˊ koˊ, hkawnˊ meuh Eun Cawoˊ kaw tuilˊ hk'aˊ cumˊ ri peue ri Citˊ seungaˊ chakˊ naˊ Eun hawcˊ’, Peucawoˊ Cawoˊ kah uiˊ tuilˊ hk'aˊ cumˊ ri peue ri leuumˊ naˊ Eun lawn unˊ lahˊ a ri uiˊ yeuh keutitˊ koˊ, uiˊ hkuinˊ kaw duing yawng hkawnˊ meuh Eun aˊnhawˊ.

Yoˊhan 12:16

Nanggalˊ aenˊ na, tapaeˊ naˊ ce hkuinˊ nang leuceng pun lawng aenˊ ce gawmˊeucˊ ka. Daecti hawcˊ ka yam Yesuˊ pun Eun ri rap ri ti munhpungˊ ri naˊ, ce tawlˊ kuit rot ri lawng aenˊ toˊ a ri ri Heun a pun ri temˊ ri uinˊ ri, ce ku yeuh seunˊ awnˊ a. Ce tuilˊ munhpungˊ Eun yeut.

Yoˊhan 14:16

Uiˊ kaw hk'oˊ a ri Aˊkuiingˊ Eun. Eun kaw tuilˊ peˊ isˊ Cawoˊ seubu kaw teumˊkawm peˊ ti peue. Eun kaw utˊ maeeˊ peˊ cotˊcu ri.

Yoˊhan 14:25

Ceu nang aenˊ ce gawmˊeucˊ lahˊ Uiˊ a ri peˊ hawcˊ yam kawnˊ utˊ Uiˊ maeeˊ peˊ naˊ.

Yoˊhan 15:26

Uiˊ kaw cusˊ Cawoˊ teumˊkawm lih neum Aˊkuiingˊ Eun naˊ ri peˊ. Eun meuh Citˊ seungaˊ chakˊ ka hk'aˊ neumneum kuˊ lih neum Aˊkuiingˊ Eun naˊ. Yam naˊ Eun lih rot hawcˊ naˊ, Eun kaw hkamˊ saˊhkiˊ lawng Uiˊ naˊ.

Yoˊhan 16:7

Daecti kaw Uiˊ lahˊ kuˊ neumneum naˊ ri peˊ, hk'akcakˊ Uiˊ peˊ naˊ a meuh punta kuˊ chakˊ pun peˊ. Uiˊ lawn unˊ hk'akcakˊ peˊ koˊ, Cawoˊ teumˊkawm naˊ Eun hkuinˊ kaw lih ri peˊ. Daecti Uiˊ lawn hk'akcakˊ peˊ koˊ, Uiˊ kaw cusˊ Eun lih ri peˊ.

Yoˊhan 2:22

Hawcˊ yam tang kuhˊ imˊ Eun hk'aiˊ vang yeum ri naˊ, tapaeˊ Eun naˊ ce kuit rot ri kuˊ lahˊ Eun ri uinˊ naˊ. Kop awnˊ na, ce yumˊ leukahˊ htawm Seungaˊ naˊ maeeˊ kuˊ Yesuˊ lahˊ Eun naˊ.

Yoˊhan 20:22

Hawcˊ lahˊ Eun a yeuh keutitˊ naˊ, Eun ghuihˊ hpumˊ ri hk'aˊpang ce. Eun lahˊ, “Rap ri ti Citˊ seungaˊ chakˊ naˊ reuˊ.

Yoˊhan 6:45

Nang htawm ce peue suip leukahˊ Eun Peucawoˊ naˊ temˊ a ri, ‘Peucawoˊ kaw Eun sangsawnˊ ce gawmˊeucˊ.’ Peue pun ri mhawngˊ pun ri rin ri Aˊkuiingˊ Eun naˊ ce ku peue kaw ce ingˊ ri Uiˊ.

Yoˊhan 7:39

Lahˊ Eun a yeuhkiˊ naˊ, Eun sumˊ lahˊ a rot ti Citˊ seungaˊ naˊ. Peue yumˊ Eun naˊ kaw ce pun ri rap ri ti a hk'aˊ nanggalˊ ka. Yam awnˊ na, Citˊ seungaˊ naˊ a hkuinˊ nang tuilˊ ri, kopti unˊ nang yeum Eun, Eun unˊ nang pun munhpungˊ ri naˊ ri Peucawoˊ Eun nang kuingˊ pang maoˊ naˊ.

Peue caee 1:2

rot ri hukˊ Eun kuingˊ pang maoˊ naˊ Eun cu Citˊ seungaˊ chakˊ naˊ Eun tuilˊ leukahˊ ri peue caee leuk ri naˊ ce, uiˊ temˊ ri tuilˊ a ri mi nang htawm nanggalˊ naˊ hawcˊ.

Peue caee 1:4

Ti pok yam buih somˊ Eun maeeˊ ce naˊ, Eun tuilˊ leukahˊ ri ce, “Paw nang pucti heulˊ hk'aiˊ veng Yeruˊsalaem naˊ, daecti rot ri pun peˊ lapsawngˊ leukahˊ kati Kuiingˊ Uiˊ kuˊ pun peˊ ri mhawngˊ ri Uiˊ naˊ nuk ka naˊ, puing koˊ a reuˊ.

Peue caee 1:8

Daecti yam Citˊ seungaˊ chakˊ naˊ lih a hk'aˊpang peˊ naˊ, peˊ kaw pun tiˊca naˊ. Peˊ kaw meuh nang hkamˊ saˊhkiˊ Uiˊ tangˊ neum veng Yeruˊsalaem naˊ rot kuingˊ Yuˊda, kuingˊ Samariˊ rot vang bhenˊ keuteˊ naˊ sutˊ ka naˊ.”

Peue caee 11:16

Yam awnˊ na, uiˊ kuit rot ri leukahˊ Yesuˊ lahˊ Eun, ‘Yoˊhan tuilˊ eun hk'aˊ cumˊ naˊ ri peˊ ri leuumˊ. Daecti peˊ kaw pun ri rap ri ti hk'aˊ cumˊ naˊ ri Citˊ seungaˊ chakˊ naˊ.’

Peue caee 13:2

Yam buih eutˊ ce kuˊ hk'a ri faeeˊ Peucawoˊ Eun naˊ, Citˊ seungaˊ chakˊ naˊ a lahˊ, “Punta Banabasˊ maeeˊ Sawˊlu kaw ka yeuh kanˊ kuˊ klawng uiˊ ka yeuh naˊ, tangˊ ri uinˊ ka reuˊ.”

Peue caee 13:4

Citˊ seungaˊ chakˊ naˊ a cusˊ ka lih nang veng Selukiˊ naˊ. Ka pawk reu neum mawnˊ naˊ, ka heulˊ nang kawˊ kuingˊ Saiˊplasˊ naˊ.

Peue caee 15:28

Citˊ seungaˊ chakˊ naˊ maeeˊ ye ri kaw ye unˊ po beus hk'aˊpang peˊ saecˊ ti ceu naˊ, a htukˊ hpumˊ ye. Daecti peˊ kaw kah ri vel ceu nang aenˊ ce.

Peue caee 15:8

Peucawoˊ cang yawng nang hpumˊ naˊ Eun, rap Eun ri ti ce naˊ yeuh Eun a pucti lih ri tuilˊ Eun Citˊ seungaˊ chakˊ naˊ ri ce seunˊ tuilˊ Eun a ri eˊ naˊ.

Peue caee 16:6

Kopti Citˊ seungaˊ chakˊ naˊ unˊ kah a ce sangsawnˊ leukahˊ munˊ renˊkawn naˊ nang kuingˊ Asaˊ naˊ, Pawˊlu eun maeeˊ cum eun naˊ ce tawlˊ heulˊ nang kuingˊ Fiˊciaˊ naˊ maeeˊ kuingˊ Galatiˊ naˊ ku duihˊ ka.

Peue caee 2:33

Yam pun Eun hk'aˊ tangˊ ri lhungˊ keuting hk'aˊ aˊtawmˊ Eun Peucawoˊ naˊ, seunˊ Aˊkuiingˊ tuilˊ Eun kati ri, Eun pun Citˊ seungaˊ chakˊ naˊ ri Heun. Hawcˊ koˊ, Eun kah Citˊ seungaˊ naˊ lih seunˊ pun peˊ ri mhawngˊ, pun peˊ ri nyu a maetˊmaenˊ naˊ.

Peue caee 2:4

Citˊ seungaˊ chakˊ naˊ a nuk hk'aˊnaee ce gawmˊeucˊ. Ce tangˊ ri lahˊ leukahˊ seubu heunˊ ceu naˊ seunˊ kuˊ Citˊ seungaˊ chakˊ naˊ kah a ce lahˊ ris naˊ.

Peue caee 20:28

Nomˊnawk tuˊ peˊ naˊ maeeˊ muk konˊyungˊ kuˊ Citˊ seungaˊ chakˊ naˊ uinˊ a peˊ meuh nang nomˊnawk roksaˊ naˊ ce meulamlam ri reuˊ. Meuh nang koˊ konˊyungˊ muk konˊ Hkrit Eun Peucawoˊ kuˊ Peucawoˊ leuvaee Eun hk'aiˊ nhamˊ ri naˊ reuˊ.

Peue caee 20:35

Kuˊ pun uiˊ ri yeuh peˊ nawk heulˊ hawcˊ naˊ ce ku ceu ka hk'aˊnaee vang saeˊcaeeˊ yeuh kanˊ seunˊ aenˊ a naˊ, eˊ naˊ kah ri teumˊkawm peue kawlˊreng kloe naˊ ce. Kuit rot ri kuˊ Yesuˊ lahˊ Eun naˊ reuˊ. Eun lahˊ, ‘Tuilˊ naˊ koˊ, munˊ keuting a hk'aiˊ pun naˊ.’ ”

Peue caee 28:25

Hk'aˊnaee muk ce naˊ, ce unˊ maen puri. Ce baet ri pucti heulˊ ti peue hawcˊ ti peue yam Pawˊlu lahˊ eun leukahˊ yeuh keutitˊ naˊ, “Meuh ka neum seunˊ kuˊ Citˊ seungaˊ chakˊ naˊ cu ka Iˊsayaˊ kuˊ meuh peue suip leukahˊ Eun Peucawoˊ lahˊ a ri aˊtaˊ aˊya peˊ naˊ ce yeuh keutitˊ naˊ,

Peue caee 5:3

Petruˊ eun lahˊ, “Ananiˊ, a ciˊ meuh kop keunhawˊ, Satan naˊ a vaeeˊ yeuh mi kuit dohˊ ri kaw mi chiˊlai Citˊ seungaˊ chakˊ naˊ maeeˊ kaw mi ti ri uinˊ ngos bhenˊ keuteˊ naˊ pun paˊ ti pun?

Peue caee 7:51

Peue cingˊ cenˊ, hpumˊ lheuˊ leukahˊ maeeˊ yhukˊ unˊ leuceng naˊ peˊ, peˊ ku seunˊ aˊtaˊ keuting ri naˊ ce yeut. Ce hamˊtap Citˊ seungaˊ chakˊ naˊ laleung.

Peue caee 7:55

Daecti Satehpan eun kueˊ Citˊ seungaˊ chakˊ naˊ htonnuk. Eun mungˊ maoˊ naˊ, eun pun ri nyu munhpungˊ Eun Peucawoˊ naˊ maeeˊ Yesuˊ cawng Eun hk'aˊ aˊtawmˊ Eun Peucawoˊ naˊ.

Roˊma 14:17

Kopti kuingˊ Eun Peucawoˊ naˊ hpaw a caˊ meuh lawng kuˊ nyui kuˊ hk'a, daecti a meuh hk'aˊ leupaws seumeuˊ, hk'aˊ kuit nyawkˊ kuit samˊran cumyenˊ maeeˊ hk'aˊ renˊkawn hk'aˊnaee Citˊ seungaˊ chakˊ naˊ.

Roˊma 15:13

Punta kaw peˊ htonnuk ri hk'aˊ keutuiˊ hpumˊ ri tiˊca ka Citˊ seungaˊ chakˊ naˊ, kah Peucawoˊ Cawoˊ keutuiˊ hpumˊ peˊ Eun naˊ Eun yeuh peˊ htonnuk ri hk'aˊ renˊkawn naˊ maeeˊ hk'aˊ kuit nyawkˊ kuit samˊran cumyenˊ naˊ kopti hanˊ peˊ maeeˊ Heun naˊ reuˊ.

Roˊma 15:16

Eun kah uiˊ meuh mhaiˊ Eun Yesuˊ Hkrit, kah uiˊ heulˊ ri peue unˊ meuh peue ceu Yuˊda naˊ ce. Eun kah uiˊ yeuh kanˊ ce peue jhawpˊ rit, a meuh heulˊ paoˊ leukahˊ munˊ renˊkawn Eun Peucawoˊ naˊ ri punta peue unˊ meuh peue ceu Yuˊda naˊ kaw ce keutˊ ri meuh kuˊ tan kuˊ Peucawoˊ rap Eun ri ti pun naˊ, a meuh kuˊ pun ri saicˊ ri seungaˊ chakˊ ri Citˊ seungaˊ chakˊ naˊ.

Roˊma 5:5

Hk'aˊ keutuiˊ hpumˊ naˊ a yeuh hpumˊ eˊ naˊ unˊ cang lu, kopti Peucawoˊ buit Eun hk'aˊ leumeusˊkeus ri naˊ ri eˊ ri Citˊ seungaˊ chakˊ kuˊ Peucawoˊ tuilˊ Eun a ri eˊ hawcˊ naˊ.

1 Kawˊrinhtuˊ 12:3

Kop awnˊ na, uiˊ sumˊ kah peˊ yawng a, hpaw a caˊ kueˊ aˊnhawˊ eun naˊ cu Citˊ seungaˊ Eun Peucawoˊ naˊ eun naˊ lahˊ, “Kah Yesuˊ Eun pun ri hkamˊ hk'aˊ jhaˊ naˊ reuˊ.” Maeeˊ hpaw a caˊ kueˊ aˊnhawˊ eun naˊ unˊ cu Citˊ seungaˊ chakˊ naˊ eun naˊ lahˊ, “Yesuˊ meuh Eun Cawoˊ.”

1 Kawˊrinhtuˊ 6:19

Unˊ yawng peˊ jawngkuiˊ tuˊ peˊ naˊ meuh a nya hk'oˊ munˊ ka Citˊ seungaˊ chakˊ kuˊ utˊ hk'aˊnaee peˊ kuˊ pun peˊ ri rap ri ti neum Peucawoˊ Eun naˊ aw? Hpaw peˊ caˊ meuh cawoˊ ka jawngkuiˊ tuˊ ri naˊ meun.

2 Kawˊrinhtuˊ 13:14

Kah munˊ sinˊ Eun Cawoˊ Yesuˊ Hkrit, hk'aˊ leumeusˊkeus Eun Peucawoˊ naˊ maeeˊ hk'aˊ yeuh aˊmawo puri isˊ ka Citˊ seungaˊ chakˊ naˊ kueˊ ri peˊ gawmˊeucˊ peˊ reuˊ.

2 Kawˊrinhtuˊ 6:6

Ya roksaˊ hk'aˊ seungaˊ chakˊ, hk'aˊ cang yawng, hk'aˊ kuit langˊ naˊ maeeˊ hk'aˊ cang tukyak ri naˊ. Citˊ seungaˊ chakˊ naˊ a utˊ maeeˊ ya. Hk'aˊ leumeusˊkeus ya naˊ a meuh hk'aˊ leumeusˊkeus neumneum.

Eˊfeˊsuˊ 1:13

Yam pun peˊ ri mhawngˊ leukahˊ leupaws seumeuˊ kuˊ meuh leukahˊ munˊ renˊkawn ka hk'aˊ htut lawtpon peˊ naˊ, peˊ ku pun ri pawngˊ ri hk'aˊnaee Hkrit Eun yeut. Yam yumˊ peˊ naˊ, peˊ pun ri tawkˊ ri ri taˊraˊ naˊ hk'aˊnaee Heun. Taˊraˊ naˊ a meuh Citˊ seungaˊ chakˊ kuˊ Peucawoˊ yeuh Eun ri uinˊ kati naˊ.

Eˊfeˊsuˊ 1:17

Hk'oˊ uiˊ a ri Peucawoˊ Eun Cawoˊ Yesuˊ Hkrit eˊ kuˊ meuh Aˊkuiingˊ munhpungˊ keuting naˊ Eun kah peˊ kueˊ citˊ seungaˊ ka cuˊyi naˊ maeeˊ citˊ seungaˊ ka tuhˊ ri tuilˊ naˊ, punta kaw peˊ gawm yawng Eun heunˊ naˊ.

Eˊfeˊsuˊ 4:30

Pawlaee va ri yeuh Citˊ seungaˊ chakˊ Eun Peucawoˊ naˊ hpumˊ lu. Pun peˊ ri tawkˊ taˊraˊ ri Citˊ seungaˊ aenˊ na hawcˊ pun seunyi ka hk'aˊ htut lawtpon naˊ.

1 Hteˊsalawˊniˊ 4:8

Kop awnˊ na, aˊnhawˊ lawn tecla leukahˊ sangsawnˊ aenˊ na koˊ, eun hkuinˊ tecla peue, daecti tecla eun Peucawoˊ Cawoˊ tuilˊ Citˊ seungaˊ chakˊ ri naˊ ri eˊ naˊ Eun.

2 Tiˊmoˊse 1:14

Cu Citˊ seungaˊ chakˊ utˊ hk'aˊnaee eˊ naˊ, roksaˊ kuˊ chakˊ ap ri ri mi naˊ meulamlam ri reuˊ.

Tiˊtasˊ 3:5

Eun kaw teumˊkawm htut eˊ lawtpon. Aenˊ a hkuinˊ meuh kopti yeuh eˊ kuˊ leupaws seumeuˊ naˊ, daecti a meuh kopti hk'aˊ tukyak Eun naˊ. Eun teumˊkawm htut eˊ lawtpon ri hk'aˊ saicˊ seungaˊ ka tang keutˊ hk'uˊ naˊ maeeˊ hk'aˊ tang hpanplengˊ hk'uˊ eˊ hk'aˊnaee Citˊ seungaˊ chakˊ naˊ.

Hebraeˊ 10:15

Saecˊ meuh Citˊ seungaˊ chakˊ naˊ a ku hkamˊ saˊhkiˊ ka lawng aenˊ na ri eˊ yeut. Peucawoˊ lahˊ Eun leukahˊ nanggalˊ naˊ,

Hebraeˊ 2:4

Saecˊ meuh Peucawoˊ Eun meun, Eun ku htawhkam a ri yeuh Eun hetˊ keuting, kuˊ hk'oˊamˊ, loˊ tiˊca ri yeuh heunˊ ceu maeeˊ tuilˊ Eun lapsawngˊ Citˊ seungaˊ chakˊ naˊ hotˊ alo Eun naˊ.

Hebraeˊ 3:7

Kop awnˊ na, hotˊ kuˊ lahˊ ka Citˊ seungaˊ chakˊ naˊ, “Seunyaenˊ, peˊ lawn pun ri mhawngˊ leukahˊ Eun naˊ koˊ,

Hebraeˊ 9:8

Citˊ seungaˊ chakˊ naˊ tuhˊ ka eˊ nyu cu yam tupˊ nanggalˊ naˊ kawnˊ kueˊ ka naˊ, a hkuinˊ kueˊ hk'aˊ kaw ingˊ lec hk'aˊnaee hkawng seungaˊ chakˊ nyawkˊ hk'aiˊ peue naˊ.

1 Petruˊ 1:12

Peucawoˊ Eun tuhˊ ce nawk leukahˊ tamnai ce naˊ a hkuinˊ meuh pun ce, daecti a meuh pun peˊ. Maetˊmaenˊ peue sangsawnˊ leukahˊ munˊ renˊkawn naˊ ris ce peˊ mhawngˊ ceu nang aenˊ ce ri Citˊ seungaˊ chakˊ lih neum kuingˊ pang maoˊ naˊ hawcˊ. Saecˊ meuh inˊhpom naˊ ce ku sumˊ yawng ceu nang aenˊ ce yeut.

2 Petruˊ 1:21

Kopti leukahˊ tamnai ce peue suip leukahˊ Eun Peucawoˊ naˊ a hkuinˊ ingˊ neum alo ce peue naˊ, daecti leukahˊ lih neum Peucawoˊ Eun kuˊ Citˊ seungaˊ chakˊ naˊ tuhˊ a hpumˊ ce ri ka naˊ, ce lahˊ a.

1 Yoˊhan 2:20

Daecti kopti pun peˊ ri leuk ri uinˊ ri ri Citˊ seungaˊ naˊ neum Eun Cawoˊ seungaˊ naˊ hawcˊ, peˊ yawng kuˊ meuh neum naˊ ku peue ri.

1 Yoˊhan 2:27

Peˊ ri koˊ, kopti pun peˊ hk'aˊ leuk Eun ri ti hawcˊ naˊ, peˊ hkuinˊ kaw laee loˊ peue sangsawnˊ ri. Daecti kopti hk'aˊ leuk Eun ri ti naˊ sangsawnˊ a peˊ ri ku ceu naˊ maeeˊ hk'aˊ leuk Eun ri ti awnˊ meuh a kuˊ neumneum, a unˊ laee meuh kuˊ chiˊlai naˊ, peˊ naˊ utˊ hk'aˊnaee Eun hotˊ seunˊ hk'aˊ leuk Eun ri ti naˊ sangsawnˊ ka naˊ reuˊ.

1 Yoˊhan 5:7

Kopti kuˊ meuh saˊhkiˊ ka naˊ kueˊ a loeˊ ceu.

Yuˊda 1:20

Daecti aˊmawo leumeusˊ uiˊ naˊ peˊ, yeuh puri hukˊhawnˊ hk'aˊnaee hk'aˊ yumˊ seungaˊ chakˊ kueˊ peˊ naˊ maeeˊ hk'oˊ munˊ hk'aˊnaee Citˊ seungaˊ chakˊ naˊ reuˊ.

Tuhˊ ri tuilˊ 2:11

Peue kueˊ yhukˊ naˊ, leuceng leukahˊ kuˊ Citˊ seungaˊ naˊ lahˊ ka ri muk konˊ Hkrit naˊ ce reuˊ. Aˊnhawˊ lawn pe koˊ, eun hkuinˊ kaw pun ri hkamˊ kuˊ suiˊ ri hk'aˊ yeum lalˊ pok ti pok naˊ.” ’