Yoˊhan 14:10 - Plang (Blang)

¹⁰ Utˊ Uiˊ hk'aˊnaee Aˊkuiingˊ Eun maeeˊ Aˊkuiingˊ Eun utˊ hk'aˊnaee Uiˊ naˊ, unˊ yumˊ peˊ a aw? Leukahˊ lahˊ Uiˊ ri peˊ naˊ, hpaw a caˊ meuh leukahˊ Uiˊ palkoe, daecti a ku meuh leukahˊ Eun Aˊkuiingˊ Cawoˊ utˊ hk'aˊnaee Uiˊ kuˊ buih yeuh kanˊ Eun naˊ Eun.

Yoˊhan 14:10 ပူးပေါင်းရင်းမြစ်များ

Yoˊhan 10:30

Uiˊ ri maeeˊ Aˊkuiingˊ meuh ya ti peue.”

Yoˊhan 10:38

Daecti Uiˊ lawn yeuh a koˊ, peˊ saecˊ naˊ unˊ yumˊ Uiˊ, yumˊ kuˊ yeuh Uiˊ naˊ reuˊ. Yeuh keutitˊ koˊ, naˊ peˊ leuceng pun yawng Aˊkuiingˊ utˊ Eun hk'aˊnaee Uiˊ, Uiˊ utˊ hk'aˊnaee Aˊkuiingˊ Eun naˊ.”

Yoˊhan 11:26

Saecˊ meuh aˊnhawˊ, eun lawn yumˊ Uiˊ yam aˊyu imˊ ri naˊ koˊ, eun hkuinˊ kaw pun ri yeum. Yumˊ mi a yeuh keutitˊ aw?”

Yoˊhan 12:49

Kopti hpaw Uiˊ caˊ lahˊ a hotˊ seunˊ kuˊ sumˊ lahˊ Uiˊ naˊ, daecti Aˊkuiingˊ Cawoˊ cusˊ Uiˊ lih naˊ tuilˊ Eun leukahˊ Uiˊ kaw lahˊ keunhawˊ maeeˊ lahˊ a yeuh saˊnhawˊ naˊ.

Yoˊhan 14:11

Yam lahˊ Uiˊ utˊ Uiˊ hk'aˊnaee Aˊkuiingˊ Eun maeeˊ Aˊkuiingˊ Eun ku utˊ hk'aˊnaee Uiˊ naˊ, yumˊ Uiˊ reuˊ. Unˊ meuh koˊ, yumˊ kanˊ kuˊ yeuh Uiˊ naˊ reuˊ.

Yoˊhan 14:20

Seunyi awnˊ na, peˊ kaw yawng utˊ Uiˊ hk'aˊnaee Aˊkuiingˊ Eun, peˊ utˊ hk'aˊnaee Uiˊ maeeˊ Uiˊ utˊ hk'aˊnaee peˊ naˊ.

Yoˊhan 14:24

Aˊnhawˊ lawn unˊ leumeusˊ Uiˊ koˊ, eun kaw unˊ leuceng ri ti leukahˊ sangsawnˊ Uiˊ naˊ. Leukahˊ pun peˊ ri mhawngˊ aenˊ hpaw a caˊ meuh leukahˊ Uiˊ meun, daecti a meuh leukahˊ Eun Aˊkuiingˊ Cawoˊ cusˊ Uiˊ lih naˊ Eun.

Yoˊhan 17:8

Kopti tuilˊ Uiˊ leukahˊ tuilˊ Mi ri Uiˊ naˊ ri ce hawcˊ naˊ. Ce ku leuceng ri ti a. Lih Uiˊ neum Mi ri naˊ, ce yawng a neumneum. Ce ku yumˊ cusˊ Mi Uiˊ lih naˊ.

Yoˊhan 3:2

Eun ingˊ lahˊ a ri Yesuˊ Eun peunsumˊ naˊ, “Rabiˊ, yawng ye meuh Mi seuraˊ lih neum Peucawoˊ Eun. Kopti Peucawoˊ Eun lawn unˊ utˊ maeeˊ peue koˊ, aˊnhawˊ hkuinˊ cang yeuh hetˊ keuting seunˊ kuˊ yeuh Mi naˊ saecˊ ti peue.”

Yoˊhan 5:17

Yesuˊ Eun lahˊ a ri ce, “Kuiingˊ Uiˊ naˊ yeuh Eun kanˊ ri naˊ keuyuit laleung rot seunyaenˊ. Uiˊ ku buih yeuh kanˊ seunˊ Heun ri yeut.”

Yoˊhan 5:19

Yesuˊ Eun topˊ a ri ce, “Uiˊ lahˊ a ri peˊ neumneum, Konˊ aiˊ Eun hkuinˊ cang yeuh keunhawˊ naˊ meun koe. Cang yeuh Eun pal kuˊ nyu Eun Aˊkuiingˊ ri yeuh Eun naˊ palkoe, kopti Aˊkuiingˊ naˊ Eun lawn yeuh keunhawˊ koˊ, Konˊ aiˊ naˊ Eun ku yeuh a yeut.

Yoˊhan 7:16

Yesuˊ Eun topˊ a, “Leukahˊ sangsawnˊ Uiˊ naˊ hpaw a caˊ meuh isˊ Uiˊ meun, daecti lih a neum Cawoˊ cusˊ Uiˊ lih naˊ Eun.

Yoˊhan 8:28

Kop awnˊ na Yesuˊ Eun lahˊ, “Hawcˊ yuk peˊ Konˊ aiˊ peue naˊ Eun hukˊ pang kleumˊ rawngˊtawpˊ naˊ, peˊ naˊ kawnˊ yawng meuh Uiˊ kuˊ lahˊ Uiˊ ri meuh naˊ Eun. Hpaw Uiˊ caˊ yeng ri yeuh a meun, daecti lahˊ Uiˊ a hotˊ pal kuˊ sangsawnˊ Eun Kuiingˊ Uiˊ naˊ.

Yoˊhan 8:38

Buih lahˊ Uiˊ kuˊ pun Uiˊ ri nyu yam utˊ Uiˊ maeeˊ Aˊkuiingˊ Eun naˊ ri peˊ. Peˊ ku yeuh kuˊ pun peˊ ri mhawngˊ ri aˊkuiingˊ peˊ naˊ eun naˊ.”

Yoˊhan 8:40

Daecti Uiˊ meuh nang lahˊ ris peˊ mhawngˊ hk'aˊ neumneum Eun Peucawoˊ naˊ, peˊ vaeeˊ saeˊcaeeˊ sok ri yeuh ri kaw pun ri toh Uiˊ. Abraham caˊ yeuh eun koˊ.

Peue caee 10:38

A meuh lawng Peucawoˊ tangˊ Eun ri uinˊ Yesuˊ peue veng Nasaraetˊ naˊ Eun ri cu Eun Citˊ seungaˊ chakˊ naˊ maeeˊ tiˊca ri naˊ, maeeˊ lawng heulˊ Eun ti duihˊ hawcˊ ti duihˊ, Eun yeuh kuˊ chakˊ maeeˊ baiˊ Eun peue utˊ hk'aˊruim tiˊca ka Satan naˊ ce ku peue ri, kopti Peucawoˊ utˊ Eun maeeˊ Heun.

2 Kawˊrinhtuˊ 5:19

Aenˊ a meuh Peucawoˊ yeuh Eun peue bhenˊ keuteˊ naˊ peue tang htukˊlung ri ri cu Eun Hkrit Eun naˊ. Eun hkuinˊ mawt mapˊ peue naˊ. Eun tuilˊ ya heulˊ sangsawnˊ lawng kaw peue htukˊlung ri naˊ.

Kawˊlawˊsaeˊ 1:19

Kopti kuˊ htonnuk kueˊ hk'aˊnaee Peucawoˊ Eun naˊ gawmˊeucˊ a ku kueˊ hk'aˊnaee Konˊ aiˊ naˊ Eun yeut.

Kawˊlawˊsaeˊ 2:9

Kopti ruprang Eun Peucawoˊ naˊ gawmˊeucˊ kueˊ a htonnuk hk'aˊnaee jawngkuiˊ tuˊ Eun Hkrit naˊ.

1 Yoˊhan 5:7

Kopti kuˊ meuh saˊhkiˊ ka naˊ kueˊ a loeˊ ceu.