Yoˊhan 12:48 - Plang (Blang)

⁴⁸ Kueˊ a nang kaw tawsˊ aˊmu ri peue unˊ rap ri ti Uiˊ maeeˊ unˊ rap ri ti leukahˊ Uiˊ naˊ ce hawcˊ. Awnˊ a meuh leukahˊ lahˊ Uiˊ naˊ, a kaw tawsˊ aˊmu ri ce hk'aˊnaee seunyi tisutˊ naˊ.

Yoˊhan 12:48 ပူးပေါင်းရင်းမြစ်များ

Mahtae 10:15

Uiˊ lahˊ a ri peˊ neumneum, ‘Hk'aˊnaee seunyi tawsˊ aˊmu naˊ, aˊmu ka veng Soˊdom naˊ maeeˊ veng Gomorah naˊ a kawnˊ seuyungˊ hk'aiˊ aˊmu ka veng awnˊ na.’

Mahtae 21:42

Yesuˊ Eun mhaingˊ ce, “Unˊ duing lip peˊ htawm Seungaˊ ton aenˊ a aw? A lahˊ, ‘Seumu peue goˊ nya naˊ tec ce hawcˊ naˊ, maetˊmaenˊ meuh a seumu ri kleumˊ nang ceˊ ka naˊ hawcˊ. Cawoˊ Peucawoˊ yeuh Eun kanˊ aenˊ na, a meuh kuˊ hk'oˊamˊ ri ngaiˊ eˊ naˊ.’

Mahtae 25:31

Yam Konˊ aiˊ peue lih Eun hk'aˊnaee munhpungˊ ri naˊ maeeˊ inˊhpom naˊ ce tiduihˊ gawmˊeucˊ naˊ, Eun kaw mokˊ pang tenceoˊ ri naˊ hk'aˊnaee munhpungˊ ka kuingˊ pang maoˊ naˊ.

Makuˊ 12:10

Unˊ duing lip peˊ htawm Seungaˊ ton aenˊ a aw? A lahˊ, ‘Seumu peue goˊ nya naˊ tec ce hawcˊ naˊ, maetˊmaenˊ meuh a seumu kleumˊ ka nya vang aˊyeˊ keuting hk'aiˊ seumu seubu naˊ hawcˊ.’

Makuˊ 16:16

Aˊnhawˊ lawn yumˊ, rap ri ti hk'aˊ cumˊ naˊ koˊ, eun kaw pun hk'aˊ htut lawtpon naˊ. Daecti pun ce peue unˊ yumˊ naˊ, ce kaw pun ri hkamˊ hk'aˊ tawsˊ aˊmu naˊ.

Makuˊ 8:31

Hawcˊ awnˊ na, Eun tang sangsawnˊ tapaeˊ ri naˊ ce, “Konˊ aiˊ peue naˊ kaw Eun pun ri hkamˊ kuˊ tukhka naˊ heunˊ ceu. Nang kawt, roˊ peue jhawpˊ rit maeeˊ peue guil leukahˊ ritroe naˊ ce kaw unˊ rap ri ti Eun. Eun kaw pun ri hkamˊ toh peue ri. Naˊ a rot loeˊ seunyi koˊ, Eun naˊ tang kuhˊ imˊ.”

Luˊka 10:16

Peue leuceng leukahˊ peˊ naˊ leuceng ce leukahˊ Uiˊ yeut. Peue unˊ rap ri ti peˊ naˊ ce ku unˊ rap ri ti Uiˊ ri yeut. Peue unˊ rap ri ti Uiˊ naˊ ce ku unˊ rap ri ti Cawoˊ kuˊ cusˊ Uiˊ lih naˊ Eun yeut.”

Luˊka 17:25

Daecti nanggalˊ awnˊ na, Eun kawnˊ kaw kah ri hkamˊ kuˊ tukhka heunˊ ceu naˊ, maeeˊ peue cu aenˊ tecla ce ri naˊ.

Luˊka 20:17

Yesuˊ Eun seuluilˊ ce. Eun lahˊ, “Leukahˊ temˊ ri aenˊ na, a ciˊ sumˊ lahˊ keunhawˊ? ‘Seumu peue goˊ nya naˊ tec ce hawcˊ naˊ, maetˊmaenˊ meuh a seumu kleumˊ ka nya vang aˊyeˊ keuting hk'aiˊ seumu seubu naˊ hawcˊ.’

Luˊka 7:30

Daecti alo Eun Peucawoˊ pun peue Hparisaeˊ maeeˊ peue yawng leukahˊ ritroe naˊ, ce unˊ rap ri ti a. Ce unˊ rap ri ti hk'aˊ cumˊ ri Yoˊhan eun.

Luˊka 9:22

Hawcˊ koˊ, Eun lahˊ, “Konˊ aiˊ peue naˊ kaw Eun pun ri hkamˊ kuˊ tukhka naˊ heunˊ ceu. Nang kawt, roˊ peue jhawpˊ rit maeeˊ peue guil leukahˊ ritroe naˊ ce kaw unˊ rap ri ti Eun. Eun kaw pun ri hkamˊ toh peue ri. Loeˊ seunyi ti seunyi naˊ, Eun naˊ tang kuhˊ imˊ.”

Luˊka 9:26

Kopti aˊnhawˊ lawn kaic ri Uiˊ maeeˊ leukahˊ Uiˊ naˊ koˊ, yam Konˊ aiˊ peue naˊ lih Eun maeeˊ munhpungˊ ri maeeˊ munhpungˊ Eun Aˊkuiingˊ maeeˊ munhpungˊ ce inˊhpom seungaˊ chakˊ naˊ, Eun kaw kaic ri peue awnˊ eun.

Yoˊhan 11:24

Mahtaˊ eun topˊ a, “Yawng uiˊ kaw eun tang kuhˊ imˊ baee hk'aˊnaee seunyi tang kuhˊ imˊ seunyi tisutˊ naˊ.”

Yoˊhan 5:45

Daecti pawlaee hteumˊ Uiˊ kaw tang ingˊ sawˊtangˊ peˊ ri Aˊkuiingˊ Eun. Kuˊ sawˊtangˊ peˊ naˊ meuh a Moˊse kuˊ papuing peˊ naˊ eun.

Yoˊhan 6:39

Alo Eun Cawoˊ cusˊ Uiˊ lih naˊ koˊ, meuh a unˊ kah Eun Uiˊ va peue tuilˊ Eun ri Uiˊ naˊ ce lulaic heulˊ saecˊ ti peue, daecti Eun kaw kah peue awnˊ ce tang kuhˊ imˊ hk'aˊnaee seunyi tisutˊ naˊ.

Yoˊhan 8:47

Peue meuh isˊ Eun Peucawoˊ naˊ, leuceng eun kuˊ lahˊ Eun Peucawoˊ naˊ. Unˊ leuceng peˊ ri ti naˊ meuh a kopti unˊ meuh peˊ isˊ Eun Peucawoˊ naˊ.”

Peue caee 17:31

Kopti hpawtˊ Eun seunyi kaw ri tawsˊ aˊmu hk'aˊnaee hk'aˊ leupaws seumeuˊ ri naˊ ri peue bhenˊ keuteˊ hawcˊ naˊ. Eun leuk peue ti peue kah Eun tawsˊ aˊmu tangˊ ri. Punta lawng aenˊ kaw a meuh saˊhkiˊ ka ri peue gawmˊeucˊ naˊ, Peucawoˊ Eun yeuh peue aenˊ Eun tang kuhˊ imˊ.”

Peue caee 3:23

Aˊnhawˊ lawn unˊ leuceng leukahˊ eun koˊ, eun kaw pun ri hkamˊ rengˊ ri tec ri hk'aiˊ ceucat ri naˊ ce.’

Roˊma 2:16

Ceu nang aenˊ ce kaw a meuh pucti lih hk'aˊnaee seunyi yam Peucawoˊ kaw Eun tawsˊ aˊmu ri kuˊ moˊ ri hk'aˊnaee peue naˊ ri cu Eun Yesuˊ Hkrit Eun hotˊ seunˊ kuˊ lahˊ ri hk'aˊnaee leukahˊ munˊ renˊkawn paoˊ uiˊ naˊ.

2 Kawˊrinhtuˊ 4:3

Leukahˊ munˊ renˊkawn ya naˊ a lawn pun ri kuip ri koˊ, a pun ri kuip ri pun peue kaw lulaic heulˊ naˊ ce.

2 Hteˊsalawˊniˊ 1:8

Eun kaw ciyang peue unˊ yawng Peucawoˊ Eun naˊ ce maeeˊ peue unˊ rap ri ti leukahˊ munˊ renˊkawn Eun Cawoˊ Yesuˊ eˊ naˊ Eun.

Hebraeˊ 10:25

Pawlaee va hk'om puri naˊ rangˊram seunˊ peue seubu ngonˊ naˊ yeuh ce a rangˊram laleung naˊ. Daecti eˊ naˊ gawm tuilˊ kawlˊreng puri. Yam nyu peˊ yam ka naˊ kaw a hk'awsˊ rot naˊ, gawm yeuh a lheuˊ awnˊ na reuˊ.

Hebraeˊ 12:25

Uinˊ sati ri reuˊ, pawlaee lheuˊ leukahˊ Eun Cawoˊ buih leukahˊ naˊ. Yam lheuˊ ce leukahˊ Eun Cawoˊ buih leukahˊ pang bhenˊ keuteˊ naˊ, ce lawn hk'uih unˊ pon koˊ, eˊ lawn hk'uih ri Cawoˊ ram ri eˊ neum kuingˊ pang maoˊ naˊ Eun koˊ, eˊ ciˊ kaw pe jaen unˊ cang pon lheuˊ ce ri aˊneng?

Hebraeˊ 2:3

eˊ lawn unˊ rap ri ti hk'aˊ htut lawtpon keuting seunˊ aenˊ na koˊ, eˊ ciˊ kaw cang pon yeuh saˊnhawˊ? Tangˊ neum yamla ka naˊ, Peucawoˊ paoˊ meun Eun lawng hk'aˊ htut lawtpon aenˊ na. Peue pun ri mhawngˊ a ri Heun naˊ ce tang htawhkam a ri eˊ.

Hebraeˊ 4:12

Kopti leukahˊ Eun Peucawoˊ naˊ aˊyu imˊ ka maeeˊ tiˊca keuting ka. A lawm hk'aiˊ leungawng lawm lalˊ plakˊ naˊ ku htenˊ ka. Saecˊ meuh hpumˊ maeeˊ civit, seuangˊ jhawngˊ maeeˊ gawl nang seuangˊ naˊ a sawtˊ a rocˊ. A nyu yawng kamkuit maeeˊ aˊcangˊ ka hpumˊ naˊ.

1 Petruˊ 1:5

Kopti meuh a hk'aˊ yumˊ peˊ naˊ, Peucawoˊ Eun roksaˊ peˊ ri tiˊca ri naˊ rot ti pun peˊ hk'aˊ htut lawtpon kuˊ rangraen ri hawcˊ kaw pucti glihˊgleuengˊ hk'aˊnaee seunyi tisutˊ naˊ.

2 Petruˊ 3:3

Nanggalˊ ka naˊ, kaw peˊ htukˊ ri yeuh ri yawng, cu yam vang tisutˊ naˊ, kaw a kueˊ peue cang chaw hkamram peue maeeˊ peue hotˊ ri yeuh hk'aˊ taˊnhaˊ rai ka jawngkuiˊ tuˊ ri naˊ.

2 Petruˊ 3:7

Kopti meuh a leukahˊ awnˊ a naˊ, maoˊ maeeˊ bhenˊ keuteˊ maetˊmaenˊ naˊ a sawnˊ ri uinˊ ri meuh pun kuˊ kaw dum ri ri ngawl, meuh pun kaw koˊ yam seunyi kaw tawsˊ aˊmu naˊ maeeˊ meuh pun kaw yeuh peue unˊ leupaws seumeuˊ naˊ ce lulaic.