Yoˊhan 12:35 - Plang (Blang)

³⁵ Yesuˊ Eun topˊ a, “Gup kaw peˊ kueˊ kuˊ cengˊ naˊ ti vut ti yam. Suip ri long hk'aˊ heulˊ yam kawnˊ kueˊ a kuˊ cengˊ nanggalˊ yam hk'aˊ duimˊlawng naˊ unˊ nang rot ka naˊ. Peue long hk'aˊ hk'aˊnaee hk'aˊ duimˊlawng naˊ hpaw eun caˊ yawng buih heulˊ ri hk'aˊnhawˊ.

Yoˊhan 12:35 ပူးပေါင်းရင်းမြစ်များ

Luˊka 18:37

Ce lahˊ a ri heun, “Yesuˊ peue veng Nasaraetˊ buih hpai Eun heulˊ.”

Yoˊhan 11:10

Eun cang seuduih ri yam long eun hk'aˊ peunsumˊ naˊ, kopti unˊ kueˊ eun kuˊ cengˊ naˊ.”

Yoˊhan 11:9

Yesuˊ Eun topˊ a, “Peunnyi naˊ kueˊ a kulˊleualˊ nali, unˊ meuh ka aw? Peue long hk'aˊ peunnyi naˊ eun hkuinˊ cang seuduih ri, kopti nyu eun hk'aˊ ri ri kuˊ cengˊ ka bhenˊ keuteˊ aenˊ na.

Yoˊhan 12:36

Punta kaw peˊ meuh konˊ ka kuˊ cengˊ naˊ, yam kuˊ cengˊ naˊ buih kueˊ ka naˊ, papuing kuˊ cengˊ naˊ reuˊ.” Yam Yesuˊ hawcˊ Eun leukahˊ ri naˊ, Eun pucti heulˊ. Eun heulˊ moˊ ri hk'aiˊ peue awnˊ ce.

Yoˊhan 12:46

Punta peue yumˊ Uiˊ ku peue naˊ kaw ce unˊ pun ri utˊ hk'aˊnaee hk'aˊ duimˊlawng naˊ, Uiˊ lih pang bhenˊ keuteˊ aenˊ na hk'aˊnaee meuh ri kuˊ cengˊ naˊ.

Yoˊhan 16:16

Unˊ lingˊ, peˊ hkuinˊ kaw laee pun ri nyu Uiˊ. Hawcˊ ka naˊ unˊ lingˊ, peˊ kaw tang pun ri nyu Uiˊ.”

Yoˊhan 7:33

Yesuˊ Eun lahˊ, “Uiˊ utˊ maeeˊ peˊ ti vut ti yam yawo, hawcˊ koˊ, Uiˊ kaw tang ingˊ ri Cawoˊ cusˊ Uiˊ lih naˊ Eun.

Yoˊhan 8:12

Yam Yesuˊ tang lahˊ Eun a ri peue cum heunˊ naˊ ce baee naˊ, Eun lahˊ, “Meuh Uiˊ kuˊ cengˊ ka bhenˊ keuteˊ naˊ. Peue hotˊ Uiˊ naˊ ce hkuinˊ kaw laee long hk'aˊnaee hk'aˊ duimˊlawng naˊ, daecti ce kaw kueˊ kuˊ cengˊ ka hk'aˊ civit naˊ.”

2 Kawˊrinhtuˊ 3:14

Daecti hpumˊ ce naˊ cenˊ ka, kopti yam lip ce htawm Seungaˊ hk'imˊ naˊ, hpenˊ kangˊ buh ti glawkˊ awnˊ a kawnˊ kueˊ rot seunyaenˊ. A hkuinˊ nang tuhˊ ri. Kopti hk'aˊnaee Hkrit Eun palkoe, hpenˊ awnˊ a cang ti ri tec ri pun.

Galatiˊ 6:10

Kop awnˊ na, yam kueˊ eˊ yam naˊ, yeuh kuˊ chakˊ naˊ ri peue gawmˊeucˊ reuˊ. Lheuˊ awnˊ na, jaen yeuh a ri peue nya peue hk'ulˊ kuˊ kueˊ hk'aˊ yumˊ naˊ ce.

Eˊfeˊsuˊ 5:8

Kopti nanggalˊ aenˊ na utˊ peˊ hk'aˊnaee hk'aˊ duimˊlawng naˊ, daecti maetˊmaenˊ peˊ utˊ hk'aˊnaee cengˊ Eun Peucawoˊ naˊ. Yeuh ri aˊyu imˊ seunˊ konˊ kuˊ cengˊ naˊ reuˊ.