Yoˊhan 12:28 - Plang (Blang)

²⁸ Aˊkuiingˊ, hk'oˊ Mi yeuh muis Mi naˊ pun munhpungˊ ri reuˊ.” Hawcˊ koˊ, a kueˊ sengˊ lawsˊ lih neum kuingˊ pang maoˊ naˊ, a lahˊ, “Yeuh Uiˊ muis awnˊ a pun munhpungˊ ri hawcˊ. Uiˊ kaw tang yeuh a pun munhpungˊ naˊ baee.”

Yoˊhan 12:28 ပူးပေါင်းရင်းမြစ်များ

Mahtae 11:25

Yam awnˊ na, Yesuˊ Eun lahˊ, “Aˊkuiingˊ Cawoˊ kuingˊ pang maoˊ maeeˊ bhenˊ keuteˊ naˊ Mi, Uiˊ sukˊseunˊ Mi kopti moˊ Mi lawng aenˊ a ri peue kueˊ cuˊyi naˊ ce maeeˊ peue cang yawng naˊ ce. Daecti Mi tuilˊ peue sumˊhpap naˊ ce nyu a.

Mahtae 11:26

Aˊkuiingˊ, aenˊ meuh a kuˊ htukˊ hpumˊ Mi.

Mahtae 17:5

Yam buih leukahˊ eun naˊ, putumˊ cengˊ naˊ a lih ghuimˊ ce. A kueˊ sengˊ lawsˊ lih neum putumˊ naˊ, “Peue aenˊ meuh Eun Konˊ aiˊ leumeusˊ Uiˊ nyawkˊ. Eun hitˊ ri hpumˊ Uiˊ nyawkˊ. Leuceng ri ti leukahˊ Eun naˊ reuˊ.”

Mahtae 26:42

Eun tang heulˊ hk'oˊ munˊ lalˊ pok ti pok. Eun lahˊ, “Aˊkuiingˊ, Uiˊ lawn kaw pon unˊ pun kawkˊ aenˊ na, Uiˊ kaw kah ri nyui a koˊ, kah a htonnuk hotˊ alo Mi naˊ reuˊ.”

Mahtae 3:17

Sengˊ naˊ a lawsˊ lih neum kuingˊ pang maoˊ. A lahˊ, “Hkaenˊ meuh Eun Konˊ me leumeusˊ Uiˊ. Eun hitˊ ri hpumˊ Uiˊ nyawkˊ.”

Makuˊ 1:11

Hawcˊ koˊ, sengˊ naˊ a lawsˊ lih neum pang maoˊ. A lahˊ, “Meuh Mi Konˊ me Uiˊ, Uiˊ leumeusˊ Mi nyawkˊ. Mi hitˊ ri hpumˊ Uiˊ nyawkˊ.”

Makuˊ 14:36

Eun hk'oˊ munˊ lahˊ, “Abaˊ, Aˊkuiingˊ, cang yeuh Mi ku ceu naˊ gawmˊeucˊ ka. Hk'oˊ Mi ti kawkˊ aenˊ na heulˊ hk'aiˊ Uiˊ. Daecti pawlaee kah a meuh alo Uiˊ, kah a htonnuk hotˊ alo Mi naˊ.”

Makuˊ 9:7

Hawcˊ koˊ, putumˊ naˊ a lih ghuimˊ ce. A kueˊ sengˊ lawsˊ lih neum putumˊ naˊ, “Peue aenˊ meuh Eun Konˊ aiˊ leumeusˊ Uiˊ. Leuceng ri ti leukahˊ Eun naˊ reuˊ.”

Luˊka 3:22

Citˊ seungaˊ naˊ a ruprang seunˊ guiˊ naˊ, a lih utˊ maeeˊ Heun. Sengˊ naˊ a lawsˊ lih neum kuingˊ pang maoˊ. A lahˊ, “Meuh Mi Konˊ aiˊ leumeusˊ Uiˊ. Mi hitˊ ri hpumˊ Uiˊ nyawkˊ.”

Luˊka 9:35

A kueˊ sengˊ lawsˊ lih neum putumˊ naˊ, “Peue aenˊ meuh Eun Konˊ aiˊ leuk Uiˊ ri ti. Leuceng ri ti leukahˊ Eun naˊ reuˊ.”

Yoˊhan 11:4

Yam Yesuˊ pun Eun ri mhawngˊ leukahˊ awnˊ a naˊ, Eun lahˊ, “Peuyhat titˊ hpaw a caˊ kaw hk'oˊ eun yeum. Daecti punta Peucawoˊ Eun maeeˊ Konˊ aiˊ Eun naˊ kaw Ka pun munhpungˊ ri kopti ceu nang aenˊ a naˊ, peuyhat titˊ a keutˊ kueˊ.”

Yoˊhan 18:11

Yesuˊ Eun tuilˊ leukahˊ ri Petruˊ eun, “Riˊ leungawng mi naˊ reuˊ. Kaw Uiˊ unˊ nyui kawkˊ Aˊkuiingˊ tuilˊ Eun ri Uiˊ naˊ aw?”

Yoˊhan 9:3

Yesuˊ Eun topˊ a, “A hkuinˊ meuh kopti mapˊ heun. A ku hkuinˊ meuh kopti mapˊ ka makuiingˊ eun. Daecti ceu nang aenˊ keutˊ meuh ka naˊ meuh a punta kaw peue nyu kanˊ Eun Peucawoˊ naˊ puc a ri lih hk'aˊnaee aˊyu eun naˊ.

Eˊfeˊsuˊ 2:7

punta hk'aˊ nanggalˊ ka naˊ kaw Eun tuhˊ peue nyu munˊ sinˊ htonnuk unˊ laee kueˊ kuˊ kaw keutec ri maeeˊ ka naˊ. Eun tuhˊ eˊ nyu a ri cu Eun hk'aˊ tukyak Eun ri eˊ naˊ hk'aˊnaee Yesuˊ Hkrit Eun.

Eˊfeˊsuˊ 3:10

Vang keutuiˊ hpumˊ Eun naˊ, punta maetˊmaenˊ cawoˊ uˊpeung maeeˊ cawoˊ kueˊ tiˊca hk'aˊnaee kuingˊ pang maoˊ naˊ kaw ce nyu peuyhaˊ cuˊyi ruiˊ nyawkˊ Eun Peucawoˊ naˊ ri muk konˊ Hkrit naˊ ce

Eˊfeˊsuˊ 3:21

Kah munhpungˊ naˊ kueˊ ri Heun hk'aˊnaee muk konˊ Hkrit naˊ ce maeeˊ hk'aˊnaee Yesuˊ Hkrit Eun ku cu suip ri heulˊ cotˊcu ri reuˊ. Amin.

2 Petruˊ 1:17

Kopti pun Eun ri rap ri ti munhpungˊ ri neum Aˊkuiingˊ Peucawoˊ Eun yam lahˊ Eun a ri Heun, “Peue aenˊ meuh Eun Konˊ aiˊ leumeusˊ Uiˊ. Eun hitˊ ri hpumˊ Uiˊ nyawkˊ.”