Yoˊhan 12:13 - Plang (Blang)

¹³ Ce jangˊ kan lhaˊ ka hkeungˊ naˊ, ce heulˊ rap ri ti Eun. Ce taˊulˊ ri lahˊ, “Hosana, nap munˊ ri Cawoˊ ingˊ hk'aˊruim muis Eun Peucawoˊ naˊ Eun. Nap munˊ ri Hkunˊhawˊhkamˊ ce peue Iˊsarelaˊ naˊ Eun.”

Yoˊhan 12:13 ပူးပေါင်းရင်းမြစ်များ

Mahtae 23:39

Kopti lahˊ Uiˊ a ri mi, hpaw mi caˊ kaw nang pun ri nyu Uiˊ rot ti kaw mi lahˊ, ‘Sukˊseunˊ Cawoˊ ingˊ hk'aˊruim muis Eun Peucawoˊ naˊ Eun.’ ”

Mahtae 27:42

Ce lahˊ, “Eun teumˊkawm htut peue ri pun, daecti Eun hkuinˊ cang teumˊkawm htut meun ti ri pun. Eun lawn meuh hkunˊhawˊhkamˊ ce peue Iˊsarelaˊ naˊ koˊ, kah Eun keulawnˊ lih hk'aiˊ kleumˊ rawngˊtawpˊ naˊ maetˊmaenˊ reuˊ. Eˊ ku naˊ yumˊ Eun.

Yoˊhan 1:49

Hawcˊ koˊ, Nahtanelaˊ eun lahˊ a ri Heun, “Rabiˊ, meuh Mi Konˊ aiˊ Eun Peucawoˊ, Mi meuh Hkunˊhawˊhkamˊ ye peue Iˊsarelaˊ naˊ.”

Yoˊhan 12:14

Yesuˊ Eun hk'eupˊ rawngla aetˊ ti tuˊ naˊ. Eun pawk a seunˊ kuˊ temˊ a ri nang htawm Seungaˊ naˊ,

Yoˊhan 12:15

“Konˊ beunˊ Yiˊon, pawlaee lhatˊ. Keueˊ reuˊ, Hkunˊhawˊhkamˊ mi naˊ buih ingˊ Eun. Eun pawk rawngla aetˊ naˊ ingˊ.”

Yoˊhan 19:15

Daecti ce taˊulˊ ri lahˊ, “Va Eun heulˊ. Va Eun heulˊ. Tawkˊ Eun pang kleumˊ rawngˊtawpˊ naˊ reuˊ.” Cawoˊ Piˊlat eun mhaingˊ ce, “Kaw peˊ kah uiˊ tawkˊ hkunˊhawˊhkamˊ peˊ naˊ Eun pang kleumˊ rawngˊtawpˊ naˊ aw?” Roˊ peue jhawpˊ rit keuting naˊ ce topˊ a, “Lheuˊ siˊ hkunˊhawˊhkamˊ Kaeˊsa eun koˊ, hpaw ye caˊ kueˊ hkunˊhawˊhkamˊ.”

Tuhˊ ri tuilˊ 15:3

Ce lahˊ sengˊ htawm eun Moˊse kuˊ meuh mhaiˊ Eun Peucawoˊ naˊ maeeˊ sengˊ htawm Eun Konˊyungˊ naˊ. Ce lahˊ, “Cawoˊ Peucawoˊ, Peucawoˊ tiˊca keuting, kanˊ Mi naˊ keuting ka, a hk'oˊamˊ nyawkˊ. Cawoˊ Hkunˊhawˊhkamˊ ku cu, hk'aˊ Mi naˊ leupaws seumeuˊ ka, a meuh kuˊ neum.

Tuhˊ ri tuilˊ 19:16

Ri hk'o dalˊ maeeˊ ri kleumˊ leuvang Eun naˊ, a temˊ muis Eun naˊ yeuhkiˊ, “Hkunˊhawˊhkamˊ hk'aˊpang hkunˊhawˊhkamˊ gawmˊeucˊ. Cawoˊ hk'aˊpang cawoˊ gawmˊeucˊ.”

Tuhˊ ri tuilˊ 7:9

Hawcˊ awnˊ na, uiˊ keueˊ, nanggalˊ uiˊ naˊ a kueˊ peue cum heunˊ unˊ laee eucˊ mhinˊ ce. Ce ingˊ neum kuingˊ naˊ ku kuingˊ, neum peue ceu naˊ ku ceu, neum ceucat naˊ ku ceucat maeeˊ neum leukahˊ naˊ ku ceu. Ce cawng nanggalˊ ka tenceoˊ maeeˊ Konˊyungˊ naˊ. Ce cuipˊ hk'o dalˊ paing. Ce jangˊ kan lhaˊ ka hkeungˊ naˊ.