Yoˊhan 11:42 - Plang (Blang)

⁴² Yawng Uiˊ leuceng Mi leukahˊ Uiˊ naˊ laleung. Daecti lahˊ Uiˊ a yeuh keutitˊ naˊ meuh a punta peue buih cawng maenˊ naˊ kaw ce yumˊ cusˊ Mi Uiˊ lih naˊ.”

Yoˊhan 11:42 ပူးပေါင်းရင်းမြစ်များ

Mahtae 26:53

Hteumˊ mi Uiˊ lawn hk'oˊ Aˊkuiingˊ Eun cusˊ inˊhpom kulˊleualˊ muk ce keulawnˊ lih koˊ, a kaw unˊ cang aw?

Yoˊhan 11:22

Daecti yawng uiˊ saecˊ meuh maetˊmaenˊ, Mi lawn hk'oˊ kuˊ ti ri ceu ri Peucawoˊ Eun koˊ, kaw Eun tuilˊ a ri Mi yeut.”

Yoˊhan 11:31

Yam peue Yuˊda kuˊ ingˊ tuilˊ kawlˊreng eun Mariˊ nang nya naˊ pun ce ri nyu Mariˊ keulawnˊ yuk eun ri heulˊ naˊ, ce ku hotˊ eun heulˊ kopti hteumˊ ce eun kaw heulˊ yam nang leumuic naˊ.

Yoˊhan 11:43

Hawcˊ lahˊ Eun a yeuh keutitˊ naˊ, Eun klawng ri lahˊ lawsˊ, “Lasaruˊ, puc mi lih reuˊ.”

Yoˊhan 12:11

Kopti Lasaruˊ meunang meuh eun kleumˊ ka yeuh peue Yuˊda heunˊ peue naˊ ce plinˊ hpumˊ ri ingˊ yumˊ Yesuˊ Eun naˊ.

Yoˊhan 12:17

Peue cum heunˊ kuˊ utˊ maeeˊ Yesuˊ Eun yam klawng Eun Lasaruˊ eun pucti lih hk'aiˊ keutuiˊ leumuic ri Eun tang yeuh eun kuhˊ imˊ naˊ, ce suip ri hkamˊ saˊhkiˊ ka lawng aenˊ a heulˊ.

Yoˊhan 17:21

Uiˊ hk'oˊ munˊ punta gawmˊeucˊ ce kaw ce meuh yawo ti peue naˊ. Aˊkuiingˊ, punta bhenˊ keuteˊ naˊ kaw a yumˊ cusˊ Mi Uiˊ lih naˊ, seunˊ utˊ Mi hk'aˊnaee Uiˊ maeeˊ Uiˊ utˊ hk'aˊnaee Mi yeuh saˊnhawˊ naˊ koˊ, kah ce utˊ hk'aˊnaee Mi maeeˊ hk'aˊnaee Uiˊ seunˊ awnˊ a yeut reuˊ.

Yoˊhan 17:25

Aˊkuiingˊ Cawoˊ leupaws seumeuˊ, bhenˊ keuteˊ naˊ a saecˊ naˊ unˊ yawng Mi, daecti Uiˊ yawng Mi. Yawng ce cusˊ Mi Uiˊ lih.

Yoˊhan 17:8

Kopti tuilˊ Uiˊ leukahˊ tuilˊ Mi ri Uiˊ naˊ ri ce hawcˊ naˊ. Ce ku leuceng ri ti a. Lih Uiˊ neum Mi ri naˊ, ce yawng a neumneum. Ce ku yumˊ cusˊ Mi Uiˊ lih naˊ.

Yoˊhan 20:31

Daecti lawng aenˊ pun a ri temˊ ri uinˊ ri naˊ a meuh punta kaw peˊ yumˊ Yesuˊ meuh Eun Hkrit, Eun meuh Konˊ aiˊ Eun Peucawoˊ naˊ. Kopti meuh a hk'aˊ yumˊ naˊ, peˊ kaw pun aˊyu hk'aˊnaee muis Eun naˊ.

Yoˊhan 3:17

Kopti Peucawoˊ Eun hkuinˊ cusˊ Konˊ aiˊ ri naˊ Eun lih pang bhenˊ keuteˊ naˊ punta kaw Eun tawsˊ aˊmu ri bhenˊ keuteˊ naˊ, daecti a meuh punta kaw Eun teumˊkawm bhenˊ keuteˊ naˊ lawtpon ri Konˊ aiˊ ri naˊ Eun.

Yoˊhan 8:16

Daecti Uiˊ lawn naˊ tawsˊ aˊmu koˊ, hk'aˊ tawsˊ aˊmu Uiˊ naˊ cawpˊ ka. Kopti hpaw Uiˊ caˊ yeng ri yeuh a koe, Aˊkuiingˊ Cawoˊ cusˊ Uiˊ lih naˊ utˊ Eun maeeˊ Uiˊ.

Yoˊhan 8:29

Cawoˊ kuˊ cusˊ Uiˊ lih naˊ utˊ Eun maeeˊ Uiˊ. Kopti yeuh Uiˊ kuˊ htukˊ hpumˊ Eun naˊ laleung, Eun hkuinˊ tecla Uiˊ utˊ koe.”

Yoˊhan 8:42

Yesuˊ Eun lahˊ a ri ce, “Peucawoˊ Eun lawn naˊ meuh kuiingˊ peˊ koˊ, peˊ ku naˊ leumeusˊ Uiˊ ri yeut, kopti puc Uiˊ ri lih neum Heun ri naˊ. Maetˊmaenˊ, utˊ Uiˊ maenˊ hawcˊ. Hpaw Uiˊ caˊ yeng ri lih meun, daecti cusˊ Eun Uiˊ lih.

Roˊma 8:3

Kopti hk'aˊ nhamˊ keune naˊ yeuh a leukahˊ ritroe naˊ kawlˊreng kloe naˊ kuˊ leukahˊ ritroe naˊ yeuh unˊ pun ka naˊ Peucawoˊ Eun yeuh a hawcˊ ri cusˊ Eun Konˊ aiˊ ri naˊ Eun lih seunˊ peue mapˊ naˊ punta kaw Eun meuh kuˊ tan htut mapˊ naˊ. Kopti yeuh a kiˊ naˊ, Eun pun ri tawsˊ aˊmu ciyang mapˊ ce peue mapˊ naˊ.

Galatiˊ 4:4

Daecti yam tangˊ ri uinˊ naˊ rot ka hawcˊ naˊ koˊ, Peucawoˊ Eun cusˊ Konˊ aiˊ ri naˊ Eun lih keutˊ ri beunˊ naˊ eun. Eun keutˊ hk'aˊruim ka leukahˊ ritroe naˊ.

Hebraeˊ 5:7

Yam Yesuˊ utˊ Eun pang bhenˊ keuteˊ naˊ, Eun tan leukahˊ hk'oˊ munˊ maeeˊ leukahˊ hk'oˊhk'ang ri naˊ ri sengˊ lawsˊ ri maeeˊ leuumˊ ngaiˊ hk'uicˊ ri naˊ ri Peucawoˊ Cawoˊ cang teumˊkawm Eun pon hk'aˊ yeum naˊ Eun. Kopti Yesuˊ leuceng Eun ri ti Peucawoˊ Eun hk'aˊnaee vang hkopyawmˊ yumyamˊ ri naˊ, Peucawoˊ Eun leuceng leukahˊ Eun naˊ.

Hebraeˊ 7:25

Kop awnˊ na, peue cu Eun ce ingˊ ri Peucawoˊ Eun naˊ ce, Eun cang teumˊkawm ce cotˊcu, kopti aˊyu imˊ Eun laleung naˊ. Eun hk'oˊhk'ang pun ce.

1 Yoˊhan 4:14

Pun eˊ ri nyu pun eˊ ri hkamˊ saˊhkiˊ ka Aˊkuiingˊ cusˊ Eun Konˊ aiˊ ri naˊ Eun meuh Cawoˊ htut ka bhenˊ keuteˊ naˊ.