Yakopˊ 5:7 - Plang (Blang)

⁷ Kop awnˊ na ecˊawngˊ naˊ peˊ, yeunˊhkam a rot ti yam Yesuˊ Hkrit lih rot Eun reuˊ. Keueˊ ri peue sangˊ ri hk'a naˊ ce, ce ciˊ pe koˊ pliˊ kueˊ ngos lih neum bhenˊ keuteˊ naˊ, maeeˊ ce ciˊ pe yeunˊhkam ri koˊ yamla a ri lheˊ naˊ heulˊ rot ti lheˊ tisutˊ naˊ yeuh saˊnhawˊ.

Yakopˊ 5:7 ပူးပေါင်းရင်းမြစ်များ

Mahtae 16:27

Kopti Konˊ aiˊ peue naˊ kaw Eun lih hk'aˊnaee munhpungˊ Eun Kuiingˊ ri naˊ maeeˊ inˊhpom ri naˊ ce tiduihˊ. Yam awnˊ na, Eun kaw tuilˊ lapsawngˊ naˊ ri peue hotˊ seunˊ kuˊ sawngˊ yeuh meun peue naˊ.

Mahtae 16:28

Kaw Uiˊ lahˊ a ri peˊ neumneum, peue cawng maenˊ naˊ ce ngonˊ nanggalˊ yam unˊ nang yeum ce naˊ, ce kaw pun ri nyu Konˊ aiˊ peue naˊ lih Eun nang kuingˊ ri naˊ.”

Mahtae 24:27

Kopti seunˊ cakˊcalˊ naˊ cengˊ a hk'aˊlih seunyi a cang nyu ri rot hk'aˊlec seunyi naˊ, yam Konˊ aiˊ peue kaw Eun tang lih naˊ a ku kaw seunˊ awnˊ a yeut.

Mahtae 24:44

Kop awnˊ na saecˊ peˊ ri, peˊ ku kaw kah ri rangraen ri meulamlam ri. Kopti Konˊ aiˊ peue naˊ kaw Eun lih yam unˊ pawn peˊ kuiˊ ri naˊ.

Luˊka 18:8

Uiˊ lahˊ a ri peˊ, kaw ce pun hk'aˊ leupaws seumeuˊ naˊ vaeevaee Eun kaw nomˊnawk ce. Daecti yam Konˊ aiˊ peue tang lih Eun naˊ, kawnˊ kaw Eun nyu peue yumˊ pang bhenˊ keuteˊ naˊ aw?”

Luˊka 21:27

Yam awnˊ na, peue kaw pun ri nyu Konˊ aiˊ peue naˊ lih Eun hk'aˊnaee putumˊ naˊ ri munhpungˊ tiˊca keuting ri naˊ.

Luˊka 8:15

Kuˊ hk'uicˊ pang bhenˊ keuteˊ ngeuo naˊ meuh a peue pun ri mhawngˊ leukahˊ naˊ, hawcˊ koˊ ce roksaˊ a hk'aˊnaee hpumˊ seumeuˊ hpumˊ chakˊ ri naˊ. Hk'aˊnaee vang yeunˊhkam naˊ, ce pliˊ.

Yoˊhan 21:22

Yesuˊ Eun topˊ a, “Uiˊ lawn sumˊ kah eun utˊ rot ti yam ingˊ Uiˊ naˊ koˊ, a ciˊ kaw toˊ ri ri mi yeuh saˊnhawˊ? Kaw mi kah ri hotˊ Uiˊ.”

Yoˊhan 21:23

Kop awnˊ na, a seutuin seutan lahˊ ri hk'aˊnaee ecˊawngˊ naˊ ce tapaeˊ awnˊ kaw eun unˊ pun ri yeum. Neumneum ka naˊ koˊ, Yesuˊ Eun hkuinˊ lahˊ kaw eun unˊ pun ri yeum, gup lahˊ Eun, “Uiˊ lawn sumˊ kah eun utˊ rot ti yam ingˊ Uiˊ naˊ koˊ, a ciˊ kaw toˊ ri ri mi yeuh saˊnhawˊ?”

Roˊma 15:4

Kopti punta kaw eˊ kueˊ hk'aˊ keutuiˊ hpumˊ ri hk'aˊ yeunˊhkam naˊ maeeˊ ri hk'aˊ tuilˊ kawlˊreng neum htawm Seungaˊ naˊ, leukahˊ temˊ ri yam pon heulˊ hawcˊ naˊ a temˊ ri punta kaw a sangsawnˊ eˊ.

Roˊma 2:7

Pun ce peue coˊcaˊ ri yeuh kuˊ chakˊ, hotˊ ri sok munhpungˊ lhungˊ keuting maeeˊ hotˊ ri sok aˊyu cotˊcu naˊ ce koˊ, Peucawoˊ Eun kaw tuilˊ citˊ tip aˊyu tip cotˊcu naˊ ri ce.

1 Kawˊrinhtuˊ 1:7

Kop awnˊ na yam buih koˊ peˊ yam Cawoˊ eˊ Yesuˊ Hkrit kaw Eun tang pucti lih naˊ, peˊ hkuinˊ kaw laee deut ri lapsawngˊ hk'aˊ civit naˊ saecˊ ti ceu.

Galatiˊ 5:5

Kopti meuh a hk'aˊ yumˊ naˊ, eˊ keutuiˊ hpumˊ kaw eˊ pun ri rap ri ti hk'aˊ leupaws seumeuˊ naˊ ri neum Citˊ seungaˊ naˊ hotˊ seunˊ kuˊ keutuiˊ hpumˊ eˊ naˊ.

Galatiˊ 6:9

Pawlaee kawlˊreng kloe ri hk'aˊnaee vang yeuh kuˊ chakˊ naˊ, kopti eˊ lawn unˊ hpumˊ keuceum koˊ, eˊ kaw pun ri vuic yam cawpˊ a yam ri naˊ.

Kawˊlawˊsaeˊ 1:11

kawlˊreng keuting ri cu kawlˊreng Eun naˊ gawmˊeucˊ hotˊ tiˊca kueˊ munhpungˊ Eun naˊ punta kaw peˊ cang yeunˊhkam nyawkˊ maeeˊ renˊkawn kuit nyawkˊ kuit samˊran

1 Hteˊsalawˊniˊ 1:3

Nanggalˊ Eun Kuiingˊ Peucawoˊ eˊ naˊ saecˊ meuh yamnhawˊ ye kuit rot ri kanˊ kuˊ yeuh peˊ hk'aˊnaee hk'aˊ yumˊ naˊ, ri kanˊ katcin yeuh peˊ hk'aˊnaee hk'aˊ leumeusˊkeus naˊ maeeˊ ri hk'aˊ yeunˊhkam peˊ hk'aˊnaee keutuiˊ hpumˊ peˊ Cawoˊ eˊ Yesuˊ Hkrit Eun naˊ.

1 Hteˊsalawˊniˊ 2:19

Kopti yam Cawoˊ eˊ Yesuˊ naˊ Eun tang lih naˊ, vang keutuiˊ hpumˊ ye, vang renˊkawn ye, maeeˊ cuiˊmaw hk'ilˊ kuˊ kaw ye pun munhpungˊ ri nanggalˊ Eun naˊ, a ciˊ meuh keunhawˊ? Meuh ka peˊ ri hawcˊ, unˊ meuh ka aw?

1 Hteˊsalawˊniˊ 3:13

Punta kaw peˊ seungaˊ chakˊ unˊ laee kueˊ vang ri nanggalˊ Eun Kuiingˊ Peucawoˊ yam Cawoˊ Yesuˊ eˊ naˊ naˊ Eun tang lih maeeˊ peue seungaˊ chakˊ ri naˊ ce gawmˊeucˊ naˊ, kah Peucawoˊ Eun yeuh hpumˊ peˊ naˊ kueˊ kawlˊreng nhimˊ reuˊ.

Hebraeˊ 6:15

Kop awnˊ na, kopti Abraham yeunˊhkam koˊ eun naˊ, eun pun ri rap ri ti hotˊ kuˊ Peucawoˊ yeuh Eun kati ri naˊ.

Yakopˊ 4:11

Ecˊawngˊ naˊ peˊ, pawlaee eoˊ peusahˊ nyoe puri. Aˊnhawˊ lawn eoˊ peusahˊ nyoe, unˊ lahˊ, tawsˊ aˊmu ri ecˊawngˊ ri koˊ, eun ku peusahˊ nyoe, tawsˊ aˊmu ka leukahˊ ritroe naˊ yeut. Mi lawn tawsˊ aˊmu ka leukahˊ ritroe naˊ koˊ, unˊ meuh mi nang hotˊ ri yeuh leukahˊ ritroe naˊ, daecti mi meuh nang tawsˊ aˊmu ka.

Yakopˊ 5:10

Ecˊawngˊ naˊ peˊ, peue cu muis Eun Peucawoˊ meuh peue suip leukahˊ Eun naˊ yam hk'eupˊ ce kuˊ tukhka naˊ ce ciˊ yeunˊhkam a yeuh saˊnhawˊ naˊ, hotˊ ri yeuh a reuˊ.

Yakopˊ 5:3

Leuhoˊ naˊ hk'a ka hk'ilˊ leumuil peˊ naˊ. Leuhoˊ awnˊ na meuh a saˊhkiˊ ka taˊnhaˊ peˊ naˊ. A kaw hk'a keune peˊ naˊ seunˊ ngawl naˊ. Ro peˊ ri uinˊ vahtuˊ hk'ilˊ leumuil pun seunyi tisutˊ naˊ.

2 Petruˊ 3:4

Ce kaw lahˊ, “Kati lahˊ ri uinˊ ri lahˊ, ‘Yesuˊ Eun kaw tang lih’ naˊ, uiˊ nawk a? Lingˊ ka hawcˊ, tangˊ neum aˊtaˊ aˊya eˊ naˊ yeum ce heulˊ naˊ, ku ceu gawmˊeucˊ naˊ a kawnˊ meung seunˊ ri yam bhenˊ keuteˊ naˊ tangˊ a ri hpanplengˊ ri naˊ.”