Yakopˊ 3:17 - Plang (Blang)

¹⁷ Daecti cuˊyi lih neum kuingˊ pang maoˊ naˊ koˊ, nanggalˊ ka naˊ seungaˊ chakˊ, hawcˊ koˊ, leumeusˊ hk'aˊ cumyenˊ, hpumˊ lec puri, leuceng leukahˊ puri, tukyak ri puri maeeˊ pliˊ chakˊ htonnuk, unˊ keueˊ ri buh peue maeeˊ unˊ moˊ hpumˊ ri.

Yakopˊ 3:17 ပူးပေါင်းရင်းမြစ်များ

Mahtae 23:28

Seunˊ awnˊ na, peue nyu hk'aˊnok peˊ naˊ seunˊ meuh peˊ peue leupaws seumeuˊ koˊ, daecti hk'aˊnaee peˊ naˊ hk'aˊ leukahˊ seungaˊ hpumˊ vokˊ naˊ maeeˊ kuˊ rai naˊ a nuknhenˊ a.

Mahtae 5:8

Peue hpumˊ seungaˊ chakˊ naˊ kaw ce pun munˊ, kopti kaw ce pun ri nyu Peucawoˊ Eun.

Mahtae 5:9

Peue yeuh hk'aˊ htukˊlung ri puri naˊ kaw ce pun munˊ, kopti kaw ce pun hk'aˊ klawng ri meuh konˊ Eun Peucawoˊ naˊ.

Luˊka 21:15

Kopti punta ransu peˊ naˊ kaw ce unˊ cang htuˊhtingˊ toˊtamˊ pun peˊ naˊ, Uiˊ kaw tuilˊ cuˊyi leukahˊ ri peˊ.

Luˊka 6:36

Yeuh peˊ meuh peue cang tukyak seunˊ Kuiingˊ peˊ naˊ meuh Eun Cawoˊ cang tukyak naˊ reuˊ.

Yoˊhan 1:14

Leukahˊ awnˊ keutˊ a ri meuh nhamˊ keune. A lih utˊ hk'aˊnaee eˊ. Eˊ pun ri nyu munhpungˊ Eun naˊ, a meuh munhpungˊ Eun Konˊ aiˊ ti peue koe kuˊ lih neum Aˊkuiingˊ Eun naˊ. Eun htonnuk ri munˊ sinˊ maeeˊ kuˊ neumneum naˊ.

Yoˊhan 1:47

Yam Yesuˊ nyu Eun Nahtanelaˊ ingˊ eun ri ti naˊ, Eun lahˊ lawng eun naˊ yeuhkiˊ, “Hkawnˊ meuh eun taeng peue Iˊsarelaˊ neum, hk'aˊnaee eun naˊ a hkuinˊ kueˊ hk'aˊ vokˊvekˊ naˊ saecˊ peunaeˊ.”

Peue caee 11:24

Banabasˊ eun meuh peue chakˊ, eun htonnuk ri Citˊ seungaˊ chakˊ naˊ maeeˊ hk'aˊ yumˊ naˊ. Peue heunˊ naˊ ce tang ingˊ yumˊ Cawoˊ Yesuˊ Eun.

Peue caee 9:36

Nang veng Yuˊpe naˊ, a kueˊ tapaeˊ beunˊ ti peue muis Tabiˊhtaˊ (leukahˊ Helasaˊ ka, a meuh Dawkas). Ka yeuh kanˊ chakˊ naˊ maeeˊ ka teumˊkawm peue hk'oˊtukyak naˊ ce laleung.

Roˊma 12:18

A lawn kaw cang koˊ, utˊ a ri peˊ yawo, yeuh ri utˊ cumyenˊ tiduihˊ reuˊ.

Roˊma 12:9

Leumeusˊ sutˊ hpumˊ ri reuˊ. Jeuk kuˊ rai naˊ reuˊ. Jhawpˊ kuˊ chakˊ naˊ reuˊ.

Roˊma 15:14

Ecˊawngˊ naˊ peˊ, yumˊ uiˊ htonnuk peˊ ri kuˊ chakˊ naˊ, htonnuk peˊ ri cuˊyi naˊ maeeˊ cang sangsawnˊ peˊ puri pun naˊ.

1 Kawˊrinhtuˊ 12:8

Ti peue eun koˊ Citˊ seungaˊ naˊ a tuilˊ eun isˊ leukahˊ kueˊ cuˊyi naˊ. Kuˊ seubu ti peue naˊ eun koˊ, Citˊ seungaˊ ti tonˊ awnˊ a tuilˊ eun isˊ leukahˊ cang yeuh peue yawng naˊ.

2 Kawˊrinhtuˊ 10:1

Uiˊ ri, meuh uiˊ Pawˊlu. Uiˊ hk'oˊhk'ang a ri peˊ hk'aˊnaee hpumˊ onawnˊ Eun Hkrit naˊ. Yam utˊ uiˊ maeeˊ peˊ naˊ, lahˊ peˊ uiˊ hpumˊ onawnˊ. Daecti yam utˊ uiˊ seungai peˊ naˊ, peˊ lahˊ uiˊ hpumˊ hatˊhanˊ.

2 Kawˊrinhtuˊ 6:6

Ya roksaˊ hk'aˊ seungaˊ chakˊ, hk'aˊ cang yawng, hk'aˊ kuit langˊ naˊ maeeˊ hk'aˊ cang tukyak ri naˊ. Citˊ seungaˊ chakˊ naˊ a utˊ maeeˊ ya. Hk'aˊ leumeusˊkeus ya naˊ a meuh hk'aˊ leumeusˊkeus neumneum.

2 Kawˊrinhtuˊ 7:11

Hk'aˊ hpumˊ lu hotˊ alo Eun Peucawoˊ naˊ a ciˊ yeuh keunhawˊ naˊ pucti lih hk'aˊnaee peˊ naˊ kuit ri nawk a reuˊ, a meuh kueˊ peˊ hpumˊ coˊcaˊ, lahˊ meun tuˊ ri leupaws seumeuˊ, hk'aˊ seungeuengˊ ri peue yeuh mapˊ naˊ ce, hk'aˊ pawn kuiˊ ri, hk'aˊ keutuiˊ hpumˊ, hk'aˊ peus hpumˊ ri maeeˊ hk'aˊ tang yeuh ri topˊ naˊ. Unˊ laee yeuh kleucˊ peˊ ri ceu nang aenˊ ce naˊ, peˊ htawhkam meun a ri ti hawcˊ.

2 Kawˊrinhtuˊ 9:10

Maetˊmaenˊ, Peucawoˊ Cawoˊ tuilˊ kuˊ seumal naˊ ri nang puinˊ kuˊ seumal, Cawoˊ tuilˊ kuˊ hk'a naˊ ri peue naˊ Eun ku kaw yeuh kuˊ puinˊ peˊ naˊ baet ri gawm heunˊ, Eun ku kaw yeuh pliˊ ka hk'aˊ leupaws seumeuˊ peˊ naˊ baet ri gawm hukˊhawnˊ.

Eˊfeˊsuˊ 5:9

Kopti pliˊ ka kuˊ cengˊ naˊ meuh a hk'aˊ chakˊ, hk'aˊ leupaws seumeuˊ maeeˊ hk'aˊ neumneum naˊ gawmˊeucˊ.

Hpiˊliˊpiˊ 1:11

maeeˊ punta kaw peˊ kueˊ pliˊ ka hk'aˊ leupaws seumeuˊ lih neum Yesuˊ Hkrit Eun naˊ htonnuk naˊ. Aenˊ a meuh punta kaw tuilˊ hk'aˊ munhpungˊ maeeˊ hk'aˊ sukˊseunˊ Peucawoˊ Eun naˊ.

Hpiˊliˊpiˊ 4:8

Ecˊawngˊ naˊ peˊ, leukahˊ tisutˊ naˊ, kuˊ meuh neumneum, kuˊ kuingˊ ri sukˊseunˊ, kuˊ cawpˊ, kuˊ seungaˊ chakˊ, kuˊ hk'oˊleumeusˊ maeeˊ kuˊ hk'oˊsukˊseunˊ naˊ kuit ri mhawngˊ lawng aenˊ ce reuˊ. Ceu nang aenˊ ce meuh a kuˊ chakˊ kuingˊ ri sukˊseunˊ naˊ, kuit ri nawk a reuˊ.

Kawˊlawˊsaeˊ 1:10

Hk'oˊ ya munˊ yeuhkiˊ naˊ meuh a punta kaw peˊ aˊyu imˊ kuingˊhpaw maeeˊ meuh peˊ peue Eun Peucawoˊ naˊ maeeˊ punta kaw peˊ hitˊ hpumˊ Eun ri hk'aˊ ku ceu naˊ maeeˊ meuh a punta kaw peˊ kueˊ pliˊ hk'aˊnaee kanˊ chakˊ ku ceu naˊ, hukˊhawnˊ hk'aˊnaee cuˊyi yawng Peucawoˊ Eun naˊ,

1 Hteˊsalawˊniˊ 2:7

Daecti yam utˊ ye maeeˊ peˊ naˊ, ye hpumˊ onawnˊ seunˊ ma naˊ roksaˊ ka oˊngak naˊ eun koˊ.

1 Tiˊmoˊse 5:21

Tuilˊ uiˊ leukahˊ aenˊ na ri mi nanggalˊ Eun Peucawoˊ, nanggalˊ Eun Yesuˊ Hkrit maeeˊ nanggalˊ ce inˊhpom kuˊ Peucawoˊ leuk Eun naˊ ce. Jhawpˊ leukahˊ sangsawnˊ aenˊ na ri unˊ meuh mi hk'aˊmawnˊ hk'aˊmaenˊ, pawlaee yeuh a maeeˊ keueˊ mi ri buh peue.

2 Tiˊmoˊse 2:24

Mhaiˊ Eun Peucawoˊ naˊ unˊ kah ri meuh nang kleucˊ peue, daecti kah ri meuh peue hpumˊ onawnˊ ri peue gawmˊeucˊ, cang sangsawnˊ peue, cang yeunˊhkam.

Tiˊtasˊ 1:15

Pun ce peue hpumˊ seungaˊ naˊ, ku ceu naˊ seungaˊ ka. Daecti pun ce peue hpumˊ hk'awˊjeuk maeeˊ peue unˊ yumˊ naˊ, a hkuinˊ kueˊ kuˊ seungaˊ naˊ saecˊ ti ceu. Neumneum ka naˊ koˊ, kamkuit maeeˊ hpumˊ cang yawng ce naˊ a ku hk'awˊjeuk yeut.

Tiˊtasˊ 3:2

pawlaee peusahˊ nyoe peue, leumeusˊ hk'aˊ cumyenˊ naˊ, yeuh ri yawng hpumˊ peue, yeuh ri hpumˊ onawnˊ ri peue gawmˊeucˊ reuˊ.

Hebraeˊ 12:11

Hk'aˊnaee yam awnˊ na, a hkuinˊ kueˊ hk'aˊ taˊfaetˊ sangsawnˊ kuˊ yeuh hpumˊ eˊ samˊran naˊ, a kueˊ yawo pal kuˊ yeuh eˊ suiˊ naˊ. Daecti hawcˊ ka naˊ, a kaw kueˊ hk'aˊ leupaws seumeuˊ naˊ maeeˊ hk'aˊ kuit nyawkˊ kuit samˊran cumyenˊ naˊ ri peue pun ri hkvuikˊ ri hkamˊ hk'aˊ taˊfaetˊ sangsawnˊ awnˊ ce.

Hebraeˊ 12:14

Coˊcaˊ ri yeuh ri pun ri renˊkawn cumyenˊ utˊ maeeˊ peue seubu naˊ ce maeeˊ yeuh ri meuh peue seungaˊ chakˊ reuˊ. Kopti a lawn unˊ kueˊ hk'aˊ seungaˊ chakˊ naˊ koˊ, aˊnhawˊ hkuinˊ cang pun ri nyu Peucawoˊ Eun saecˊ ti peue.

Yakopˊ 1:17

Lapsawngˊ chakˊ htonnuk naˊ gawmˊeucˊ lih a neum pang lhungˊ, neum Aˊkuiingˊ ka kuˊ cengˊ pang maoˊ naˊ Eun. Eun hkuinˊ leuplohˊ plinˊ ri seunˊ aˊlawng naˊ leuplohˊ plinˊ a ri.

Yakopˊ 1:5

Hk'aˊnaee peˊ ti ri peue aˊnhawˊ lawn cuˊyi unˊ nuk koˊ, hk'oˊ a ri Peucawoˊ Cawoˊ cang tuilˊ ri peue ri hpumˊ vah ri unˊ cang isˊ naˊ Eun reuˊ, kaw eun pun a.

Yakopˊ 2:13

Kopti peue unˊ cang tukyak naˊ kaw eun pun ri hkamˊ hk'aˊ tawsˊ aˊmu ka unˊ cang tukyak naˊ. Hk'aˊ cang tukyak naˊ pe a hk'aˊ tawsˊ aˊmu naˊ.

Yakopˊ 2:4

peˊ gvah htan peue, peˊ tawsˊ aˊmu ri peue maeeˊ kamkuit unˊ leupaws seumeuˊ naˊ, unˊ meuh ka aw?

Yakopˊ 3:15

Cuˊyi yeuhkiˊ naˊ hpaw a caˊ meuh cuˊyi lih neum kuingˊ pang maoˊ, daecti a meuh cuˊyi ka bhenˊ keuteˊ, nhamˊ keune maeeˊ seucaˊ rai naˊ.

Yakopˊ 4:8

Sat ri ingˊ keunam Eun Peucawoˊ, Eun ku kaw sat ri ingˊ keunam mi yeut. Peue mapˊ naˊ hkucˊ tiˊ ri naˊ seungaˊ reuˊ. Peue hpumˊ heunˊ naˊ yeuh hpumˊ ri naˊ seungaˊ reuˊ.

1 Petruˊ 1:22

Punta kaw peˊ leumeusˊ ecˊawngˊ ri naˊ ce neumneum naˊ, maetˊmaenˊ yeuh peˊ ri seungaˊ chakˊ meun ri leuceng peˊ kuˊ leupaws seumeuˊ naˊ hawcˊ. Kop awnˊ na, peˊ naˊ leumeusˊ puri rot tisutˊ ka hpumˊ ri naˊ reuˊ.

1 Petruˊ 2:1

Kop awnˊ na, hpumˊ sumˊ yeuh peue lu, hpumˊ chiˊlai ri hk'a, leukahˊ seungaˊ hpumˊ vokˊ, hkoeˊmangˊ peue maeeˊ peusahˊ nyoe peue naˊ ku ceu ka, tecla a hk'aiˊ tuˊ peˊ naˊ reuˊ.

1 Petruˊ 2:18

Mhaiˊ naˊ peˊ, leuceng ri ti leukahˊ ce cawoˊ peˊ naˊ hk'aˊnaee vang hkopyawmˊ ri reuˊ. A hkuinˊ kaw meuh leuceng cawoˊ hpumˊ chakˊ hpumˊ onawnˊ naˊ ce palkoe, daecti a ku kaw meuh leuceng cawoˊ rai naˊ ce yeut.

1 Yoˊhan 3:18

Konˊ leumeusˊ uiˊ naˊ peˊ, pawlaee leumeusˊ puri ri leukahˊ maeeˊ ri moeng ri naˊ palkoe, daecti leumeusˊ puri ri kuˊ yeuh maeeˊ kuˊ leupaws seumeuˊ naˊ reuˊ.

1 Yoˊhan 3:3

Peue keutuiˊ hpumˊ a yeuhkiˊ hk'aˊnaee Heun naˊ peue ku peue, ce kaw yeuh tuˊ ri naˊ seungaˊ chakˊ seunˊ seungaˊ chakˊ Heun naˊ.