Yakopˊ 3:14 - Plang (Blang)

¹⁴ Daecti peˊ lawn hpumˊ suiˊ klehˊklaiˊ ri hkoeˊmangˊ ri peue maeeˊ kuit yawo pun tuˊ ri naˊ palkoe naˊ koˊ, peˊ naˊ pawlaee sukˊseunˊ meun ri kueˊ cuˊyi maeeˊ htuˊhtingˊ leukahˊ leupaws seumeuˊ naˊ.

Yakopˊ 3:14 ပူးပေါင်းရင်းမြစ်များ

Mahtae 27:18

Aenˊ meuh a kopti cawoˊ Piˊlat yawng eun roˊ peue jhawpˊ rit naˊ ap ce Yesuˊ Eun ri ti kopti hkoeˊmangˊ ce Eun naˊ.

Yoˊhan 16:2

Ce kaw ra ri tec peˊ hk'aiˊ saˊla vang hk'oˊ munˊ naˊ. Neumneum ka naˊ koˊ, ti seunyi ka, kuˊ toh peˊ naˊ kaw ce hteumˊ ri buih yeuh kanˊ Eun Peucawoˊ naˊ.

Peue caee 13:45

Yam peue Yuˊda naˊ nyu ce peue cum heunˊ naˊ ce naˊ, ce hkoeˊmangˊ ka nyawkˊ. Ce topˊtawt kuˊ lahˊ eun Pawˊlu naˊ. Ce lahˊ leukahˊ cuˊ kuˊ kleucˊ ri heun.

Peue caee 26:9

Saecˊ uiˊ ri, uiˊ ku tawn kuit kaw ri hkatˊhkan muis Eun Yesuˊ peue veng Nasaraetˊ naˊ seunˊ kuˊ kaw uiˊ cang yeuh pun naˊ yeut.

Peue caee 5:17

Yam awnˊ na, peue jhawpˊ rit keuting naˊ eun maeeˊ aˊmawo eun utˊ nang muk ce peue Saduˊkaeˊ naˊ ce hkoeˊmangˊ peue caee Eun Yesuˊ naˊ ce nyawkˊ.

Peue caee 7:9

Aˊtaˊ keuting awnˊ ce kopti mangˊ ce Yoˊsaep eun, ce paingˊ eun meuh mhaiˊ nang kuingˊ Eˊjiˊtuˊ naˊ. Daecti Peucawoˊ Eun utˊ maeeˊ heun.

Roˊma 1:29

Hk'aˊnaee ce naˊ a nuknhenˊ ri kuˊ unˊ leupaws seumeuˊ, kuˊ rai, lawˊhpa maeeˊ hpumˊ hk'awˊjeuk naˊ ku ceu. Ce nuknhenˊ ri hk'aˊ hkoeˊmangˊ, hk'aˊ toh peue, hk'aˊ kleucˊ leumeul, hk'aˊ copˊlong chiˊlai maeeˊ hk'aˊ kuit rai naˊ. Ce renˊ maeeˊ leukahˊ cokˊcecˊ,

Roˊma 13:13

Kah eˊ yeuh kuˊ kuingˊhpaw maeeˊ utˊ eˊ hk'aˊnaee yam ka peunnyi naˊ, pawlaee yeuh kuˊ renˊkawn pon lheuˊ, pawlaee yuicˊ ri plaiˊ, pawlaee yeuh ri hkuitˊnawngˊtangˊ, pawlaee kleucˊ leumeul puri, pawlaee gvah muk gvah cum puri maeeˊ pawlaee hkoeˊmangˊ puri.

Roˊma 2:17

Lahˊ meun mi ri meuh peue Yuˊda. Mi puing leukahˊ ritroe naˊ. Mi mhawngˊ ri hk'oˊcuin lahˊ ri yawng Peucawoˊ Eun.

Roˊma 2:8

Daecti peue sok munˊ pun tuˊ ri meun, peue unˊ hotˊ ri yeuh hk'aˊ neumneum naˊ maeeˊ peue hotˊ ri yeuh hk'aˊ rai naˊ kaw ce pun ri rap ri ti hk'aˊ seungeuengˊ naˊ maeeˊ hk'aˊ ciyang Eun Peucawoˊ naˊ.

1 Kawˊrinhtuˊ 13:4

Hk'aˊ leumeusˊkeus naˊ cang yeunˊhkam lingˊ, cang tukyak. Hk'aˊ leumeusˊkeus naˊ unˊ hkoeˊmangˊ, unˊ mhawngˊ ri hk'oˊcuin, unˊ kueˊ hpumˊ lhungˊ hpumˊ keuting.

1 Kawˊrinhtuˊ 3:3

Kawnˊ utˊ peˊ hk'aˊnaee hk'aˊ nhamˊ keune naˊ, kopti hk'aˊnaee muk peˊ naˊ kawnˊ kueˊ peˊ hk'aˊ hkoeˊmangˊ naˊ maeeˊ hk'aˊ kleucˊleumeul puri naˊ. Kopti meuh a awnˊ a naˊ, peˊ kawnˊ utˊ hk'aˊnaee hk'aˊ nhamˊ keune naˊ, unˊ meuh ka aw? Peˊ kawnˊ yeuh seunˊ peue sumˊhpap naˊ ce, unˊ meuh ka aw?

1 Kawˊrinhtuˊ 5:2

A saeeˊ meuh htanˊ aenˊ na, peˊ vaeeˊ kawnˊ meung mhawngˊ ri hk'oˊcuin. Htukˊ peˊ ri hpumˊ lu unˊ makˊ laee yeuh aˊmawo eun peue yeuh keutitˊ naˊ eun, unˊ meuh ka aw?

1 Kawˊrinhtuˊ 5:6

Mhawngˊ peˊ ri hk'oˊcuin naˊ a hkuinˊ chakˊ. Yeuh mapˊ yeuhkiˊ naˊ seunˊ a paeng naˊ koˊ. Paeng kueˊ peunaeˊ jhaecˊ naˊ cang yeuh a hkawomunˊ naˊ bingˊ gawmˊ meulˊ ri.

2 Kawˊrinhtuˊ 12:20

Kopti hkiˊkeung uiˊ ri yam naˊ uiˊ ingˊ rot ri peˊ naˊ, peˊ naˊ cang ra ri unˊ seunˊ kuˊ kuit uiˊ, uiˊ ku naˊ cang ra ri unˊ seunˊ kuˊ kuit peˊ. Uiˊ hkiˊkeung ri naˊ peˊ cang ra ri kleucˊ leumeul puri, hkoeˊmangˊ puri, seungeuengˊ peulel ri puri, hk'akcakˊ puri, peusahˊ nyoe puri, ra ri isˊ puri, hpumˊ lhungˊ hpumˊ keuting ri puri maeeˊ yeuh kuˊ kluˊkluˊ hkawoˊhkawoˊ naˊ.

Galatiˊ 5:15

Daecti peˊ lawn kawk ri hk'a keune puri meun koˊ, uinˊ sati ri reuˊ, naˊ peˊ cang lulaic gawmˊeucˊ ri.

Galatiˊ 5:20

faeeˊ ruphtu, yeuh kahtaˊ, ces ri puri, kleucˊ leumeul puri, sumˊ isˊ isˊ peue, seungeuengˊ peulel ri puri, hpumˊ lhungˊ hpumˊ keuting, htuˊhtingˊ puri, gvah muk gvah cum puri,

Galatiˊ 5:21

hkoeˊmangˊ puri, yuicˊ ri plaiˊ, yeuh hk'aˊ renˊkawn pon lheuˊ maeeˊ kuˊ seubu seunˊ aenˊ a naˊ ce. Seunˊ tawn tuilˊ uiˊ sati peˊ naˊ, uiˊ kaw tang tuilˊ sati peˊ, peue yeuh seunˊ ceu nang aenˊ ce naˊ peue hkuinˊ kaw pun ri rap ri ti kuingˊ Eun Peucawoˊ naˊ meuh sinˊ ri.

Galatiˊ 5:26

Pawlaee va ri hpumˊ lhungˊ hpumˊ keuting, pawlaee va ri yeuh puri seungeuengˊ ri puri maeeˊ pawlaee hkoeˊmangˊ puri.

Galatiˊ 6:13

Saecˊ meuh peue pun ri rap ri tonˊ duingˊ hakˊ ri hawcˊ naˊ ce ku hkuinˊ hotˊ ri yeuh leukahˊ ritroe naˊ. Daecti, punta kaw ce cang mhawngˊ ri hk'oˊcuin maeeˊ hotˊ peˊ ri yeuh kuˊ lahˊ ce naˊ, ce sumˊ kah peˊ tonˊ duingˊ hakˊ ri naˊ.

Hpiˊliˊpiˊ 1:15

Meuh a neum, peue ngonˊ naˊ paoˊ ce lawng Eun Hkrit naˊ maeeˊ hkoeˊmangˊ ri maeeˊ sumˊ keutec hkeng puri naˊ. Daecti kuˊ seubu naˊ ce ngonˊ, ce paoˊ a maeeˊ keutuiˊ hpumˊ ri kuˊ chakˊ naˊ.

Hpiˊliˊpiˊ 2:3

Pawlaee yeuh ri sumˊ lhungˊ sumˊ keuting, pawlaee kuit yawo pun tuˊ ri naˊ palkoe, daecti yeuh a hk'aˊnaee hpumˊ onawnˊ ri, sawnˊ peue ri chakˊ hk'aiˊ tuˊ peˊ naˊ reuˊ.

1 Tiˊmoˊse 2:4

kuˊ sumˊ kah peue gawmˊeucˊ peue pun hk'aˊ htut lawtpon naˊ maeeˊ sumˊ kah peue yawng lawng kuˊ leupaws seumeuˊ naˊ Eun.

1 Tiˊmoˊse 6:4

eun meuh peue hpumˊ keuting pil kuiˊ ri unˊ leuceng pun keunhawˊ. Eun saeˊcaeeˊ htuˊhtingˊ peue ri leukahˊ leupong, a yeuh hkoeˊmangˊ puri, rutrimˊ puri, peusahˊ nyoe puri, htanghteumˊ puri

Tiˊtasˊ 3:3

Kopti nanggalˊ aenˊ na eˊ ku tawn meuh peue ngaˊ suisa, unˊ cang leuceng ri ti, kleucˊ hk'aˊ ri, taˊnhaˊ, hotˊ hk'aˊ renˊkawn naˊ ku ceu. Eˊ aˊyu imˊ hk'aˊnaee kuˊ rai naˊ, hkoeˊmangˊ puri, pereng puri maeeˊ ces ri puri.

Yakopˊ 1:18

Punta kaw eˊ meuh pliˊ nanggalˊ ka kuˊ hpanplengˊ Eun naˊ gawmˊeucˊ ka, Eun leuk eˊ keutˊ ri meuh konˊ ri ri leukahˊ leupaws seumeuˊ naˊ.

Yakopˊ 3:16

Kopti tawngnhawˊ naˊ a lawn kueˊ kuˊ hkoeˊmangˊ peue maeeˊ kuˊ kuit yawo pun tuˊ ri naˊ palkoe naˊ koˊ, mawnˊ naˊ a ku kueˊ kuˊ suksak maeeˊ yeuh kuˊ rai ku ceu naˊ.

Yakopˊ 5:19

Ecˊawngˊ naˊ peˊ, hk'aˊnaee peˊ ri aˊnhawˊ lawn kleucˊ hk'aˊ ka hk'aˊ leupaws seumeuˊ naˊ heulˊ daecti peue ti ri peue eun lawn tang va eun ingˊ koˊ,