Yakopˊ 2:5 - Plang (Blang)

⁵ Ecˊawngˊ leumeusˊ uiˊ naˊ peˊ, leuceng a meulamlam, Peucawoˊ leuk Eun ri ti peue bhenˊ keuteˊ hk'oˊtukyak naˊ ce kaw meuh peue meuneum hk'aˊnaee hk'aˊ yumˊ naˊ, maeeˊ kaw ce rap ri ti sinˊ ka kuingˊ yeuh Eun kati ri peue leumeusˊ Eun naˊ ce, unˊ meuh ka aw?

Yakopˊ 2:5 ပူးပေါင်းရင်းမြစ်များ

Mahtae 11:5

Peue ngaiˊ lecˊ naˊ tang nyu ce hk'aˊ ri. Peue cung lu naˊ ce tang cang heulˊ. Peue peuyhat naw naˊ ce tang chakˊ ngam. Peue lhuitˊ naˊ ce tang cang mhawngˊ. Peue yeum naˊ ce tang kuhˊ imˊ. Peue hk'oˊtukyak naˊ pun ce ri mhawngˊ leukahˊ munˊ renˊkawn naˊ.

Mahtae 25:34

Hawcˊ koˊ, Hkunˊhawˊhkamˊ naˊ Eun kaw lahˊ a ri peue utˊ hk'aˊ aˊtawmˊ ri naˊ ce, ‘Peue pun munˊ ri Kuiingˊ Uiˊ Eun naˊ peˊ, ingˊ ti sinˊ peˊ naˊ reuˊ. Sinˊ awnˊ meuh a kuingˊ kuˊ rangraen ri uinˊ ri pun peˊ tangˊ neum yam bhenˊ keuteˊ naˊ pun a ri hpanplengˊ ri naˊ.

Mahtae 5:3

“Peue yawng unˊ papuing ri Peucawoˊ Eun a unˊ pun naˊ kaw ce pun munˊ, kopti kuingˊ pang maoˊ naˊ meuh ka isˊ ce.

Makuˊ 7:14

Hawcˊ awnˊ na, Yesuˊ Eun klawng peue cum heunˊ naˊ ce ingˊ ri ti. Eun lahˊ, “Peˊ ri gawmˊeucˊ leuceng ri yawng kuˊ lahˊ Uiˊ naˊ reuˊ.

Luˊka 12:21

Peue hk'onˊro vahtuˊ hk'ilˊ leumuil pun tuˊ ri meun daecti eun unˊ yeuh kuˊ aˊyeˊ keuting pun Peucawoˊ Eun naˊ, a seunˊ lawng eun peue awnˊ na.”

Luˊka 12:32

Muk konˊyungˊ aetˊ, pawlaee lhatˊ. Kopti Kuiingˊ peˊ kaw Eun tuilˊ peˊ isˊ kuingˊ awnˊ na, a htukˊ hpumˊ Eun.

Luˊka 16:22

A rot ti seunyi, peue hk'oˊ ri hk'a awnˊ eun yeum. Inˊhpom ce uinˊ eun maeeˊ Abraham eun. Peue meuneum naˊ eun ku yeum. Peue puingˊ eun.

Luˊka 16:25

Daecti Abraham eun topˊ a, ‘Aˊaiˊ, unˊ pawn mi yam aˊyu imˊ mi naˊ pun mi kuˊ chakˊ naˊ, daecti Lasaruˊ eun pun kuˊ unˊ chakˊ naˊ. Maetˊmaenˊ pun eun ri utˊ vang kuit nyawkˊ kuit samˊran naˊ, mi ri mi pun kuˊ tukhka nyhapˊ naˊ.

Luˊka 22:29

Seunˊ Kuiingˊ Uiˊ tuilˊ Eun kuingˊ naˊ ri Uiˊ naˊ, Uiˊ ku kaw tuilˊ kuingˊ naˊ ri peˊ.

Luˊka 6:20

Yesuˊ Eun keueˊ ri tapaeˊ ri naˊ ce. Eun lahˊ a, “Peue hk'oˊtukyak naˊ peˊ, kaw peˊ pun munˊ. Kopti Kuingˊ Eun Peucawoˊ naˊ meuh ka isˊ peˊ.

Yoˊhan 7:48

Roˊkan naˊ ce, aˊkoˊ peue Hparisaeˊ naˊ ce ti ri peue, kueˊ a nang yumˊ Eun yeut aw?

Peue caee 7:2

Satehpan eun topˊ a, “Ecˊawngˊ maeeˊ nang kawt naˊ peˊ, hk'oˊ peˊ leuceng a. Peucawoˊ munhpungˊ keuting Eun pucti lih ri kuiingˊ eˊ Abraham eun yam kawnˊ utˊ eun nang kuingˊ Mesoˊpoˊtamiˊ nanggalˊ yam unˊ nang heulˊ utˊ eun nang veng Haran naˊ.

Roˊma 8:17

Maetˊmaenˊ eˊ lawn meuh konˊ Eun hawcˊ koˊ, eˊ ku meuh nang hk'a sinˊ. Meuh nang hk'a sinˊ Eun Peucawoˊ naˊ maeeˊ meuh nang hk'a sinˊ tiduihˊ maeeˊ Hkrit Eun yeut. Eˊ lawn pun ri hkamˊ hk'aˊ tukhka naˊ maeeˊ Hkrit Eun tiduihˊ koˊ, eˊ ku kaw pun ri pawngˊ ri maeeˊ munhpungˊ Eun naˊ maeeˊ Heun.

1 Kawˊrinhtuˊ 2:9

Seunˊ kuˊ temˊ a ri nang htawm Seungaˊ naˊ, “Kuˊ unˊ duing nyu ri ngaiˊ ri naˊ, kuˊ unˊ duing mhawngˊ ri yhukˊ ri naˊ maeeˊ kuˊ unˊ duing kuit rot ri ka nang hpumˊ ri naˊ meuh a kuˊ Peucawoˊ rangraen Eun ri uinˊ pun peue kuˊ ce leumeusˊ Eun naˊ ce.”

2 Kawˊrinhtuˊ 4:15

Ceu nang aenˊ ce gawmˊeucˊ a meuh kuˊ peuehotˊ pun peˊ. Aenˊ a meuh punta peue yawng munˊ Eun Peucawoˊ naˊ kaw peue gawm heunˊ naˊ. A kaw yeuh hk'aˊ munˊ keuting ri Peucawoˊ Eun naˊ gawm heunˊ. A meuh kuˊ tuilˊ munhpungˊ ri Peucawoˊ Eun naˊ.

2 Kawˊrinhtuˊ 6:10

Ya saecˊ naˊ pun ri hkamˊ hk'aˊ tukhka naˊ koˊ, daecti ya renˊkawn laleung. Ya saecˊ naˊ hk'oˊtukyak naˊ koˊ, daecti ya yeuh peue meuneum heunˊ peue. Ya saecˊ meuh peue unˊ kueˊ keunhawˊ naˊ koˊ, daecti ku ceu naˊ meuh a isˊ ya.

2 Kawˊrinhtuˊ 8:9

Kopti yawng peˊ munˊ Eun Cawoˊ Yesuˊ Hkrit eˊ naˊ hawcˊ. Eun saecˊ naˊ meuneum koˊ, Eun yawmˊ ri hk'oˊtukyak pun peˊ. Aenˊ a meuh punta kaw peˊ pun ri meuneum kopti hk'aˊ hk'oˊtukyak Eun naˊ.

Eˊfeˊsuˊ 1:18

Uiˊ ku hk'oˊ hpumˊ peˊ naˊ cengˊ, punta kaw peˊ yawng vang keutuiˊ hpumˊ ka klawng Eun ri ti peˊ naˊ, punta kaw peˊ yawng munˊ sinˊ Eun naˊ a ciˊ pe meuneum aˊneng pun peue Eun naˊ ce,

Eˊfeˊsuˊ 3:8

Peue aetˊ hk'aiˊ peue hk'aˊnaee peue Eun Peucawoˊ naˊ, uiˊ saecˊ naˊ tem hk'aiˊ heun, Peucawoˊ Eun tuilˊ munˊ aenˊ na ri uiˊ. Aenˊ a meuh pun uiˊ ri sangsawnˊ peue unˊ meuh peue ceu Yuˊda naˊ peˊ ri hk'aˊ meuneum tuilˊ Eun Hkrit Cawoˊ sok unˊ pun naˊ,

1 Hteˊsalawˊniˊ 2:12

Ye tuilˊ kawlˊreng peˊ, seueulˊ hpumˊ peˊ maeeˊ kah peˊ aˊyu imˊ kuingˊhpaw maeeˊ Peucawoˊ Cawoˊ klawng peˊ ingˊ lec nang kuingˊ ri maeeˊ munhpungˊ ri naˊ Eun.

2 Hteˊsalawˊniˊ 1:5

Aenˊ ce gawmˊeucˊ meuh a saˊhkiˊ ka hk'aˊ tawsˊ aˊmu Eun Peucawoˊ naˊ cawpˊ ka naˊ. Kop awnˊ na, peˊ naˊ pun hk'aˊ sawnˊ ri meuh peue kuingˊhpaw maeeˊ kuingˊ Eun Peucawoˊ kuˊ hkamˊ peˊ ri tukhka rap ri ti pun kuingˊ awnˊ a naˊ.

1 Tiˊmoˊse 6:18

Kah ce yeuh kuˊ chakˊ, meuneum ri yeuh kuˊ chakˊ, hpumˊ vahveung gvah puri reuˊ.

2 Tiˊmoˊse 4:18

Peucawoˊ Eun kaw yeuh uiˊ pon hk'aiˊ kuˊ rai naˊ ku ceu. Eun ku kaw ti uiˊ saˊpa samˊran ingˊ lec nang kuingˊ pang maoˊ ri naˊ. Kah munhpungˊ naˊ kueˊ ri Heun cotˊcu ri reuˊ. Amin.

2 Tiˊmoˊse 4:8

Maetˊmaenˊ cuiˊmaw hk'ilˊ leupaws seumeuˊ naˊ koˊ ka uiˊ hawcˊ. Peucawoˊ Cawoˊ tawsˊ aˊmu leupaws seumeuˊ naˊ Eun kaw tuilˊ cuiˊmaw hk'ilˊ awnˊ a meuh lapsawngˊ ri uiˊ hk'aˊnaee seunyi awnˊ na. A hkuinˊ kaw meuh uiˊ ri koe, daecti Eun ku kaw tuilˊ a ri peue renˊkawn maeeˊ kaw Eun tang lih naˊ ce ku peue yeut.

Hebraeˊ 11:26

Hkamˊ ri ti kuˊ lulaic naˊ pun Hkrit Eun naˊ, sawnˊ eun a ngos heunˊ hk'aiˊ vahtuˊ hk'ilˊ leumuil ka kuingˊ Eˊjiˊtuˊ naˊ. Kopti keueˊ eun ri lapsawngˊ kuˊ kaw ri pun hk'aˊ nanggalˊ naˊ.

Yakopˊ 1:12

Munˊ keuting ri peue cang yeunˊhkam yam hk'eupˊ eun kuˊ copˊlong naˊ, kopti hawcˊ eun hkamˊ pe ri kuˊ copˊlong naˊ, eun kaw pun cuiˊmaw hk'ilˊ civit kuˊ Peucawoˊ tuilˊ Eun kati ri peue leumeusˊ Eun naˊ ce.

Yakopˊ 1:16

Ecˊawngˊ leumeusˊ uiˊ naˊ peˊ, pawlaee tuilˊ peue chiˊlai Peucawoˊ Eun copˊlong peˊ.

Yakopˊ 1:19

Ecˊawngˊ leumeusˊ uiˊ naˊ peˊ, yeuh ri yawng lawng aenˊ na ku peue ri reuˊ, yeuh ri hpaiˊ ri leuceng, koekoe leukahˊ, koekoe seungeuengˊ.

Yakopˊ 1:9

Ecˊawngˊ meuh peue htan tem naˊ peˊ htukˊ ri nyu htan utˊ ri naˊ lhungˊ hitˊ hpumˊ ri.

1 Petruˊ 1:4

Eun kah eˊ lec hk'aˊnaee sinˊ unˊ cang lulaic, unˊ cang seueumˊ maeeˊ unˊ cang raiˊ kuˊ rangraen ri uinˊ ri pun peˊ nang kuingˊ pang maoˊ naˊ.

2 Petruˊ 1:11

Peˊ kaw pun hk'aˊ renˊkawn rap ri ti ri lec hk'aˊnaee kuingˊ cotˊcu Eun Yesuˊ Hkrit Cawoˊ Peucawoˊ Cawoˊ teumˊkawm htut eˊ lawtpon naˊ Eun.

Tuhˊ ri tuilˊ 2:9

“Yawng Uiˊ kuˊ tukhka kuˊ hk'oˊtukyak hkamˊ mi naˊ. Daecti mi ku kawnˊ meuneum. Uiˊ ku yawng kuˊ saesawmˊ ce mi peue lahˊ ri meuh peue ceu Yuˊda daecti ce unˊ meuh, ce meuh saˊla vang hk'oˊ munˊ ka Satan naˊ.

Tuhˊ ri tuilˊ 21:7

Peue pe naˊ eun kaw pun ri rap ri ti sinˊ aenˊ ce gawmˊeucˊ. Uiˊ kaw meuh Peucawoˊ eun, eun kaw meuh konˊ Uiˊ.

Tuhˊ ri tuilˊ 3:18

Kaw Uiˊ tuilˊ kamkuit mi, punta kaw mi meuneum, kaw mi leuvaee hk'o paing cuipˊ a kangˊ utˊ gungˊgangˊ seurakˊ hk'oˊkaic mi naˊ, maeeˊ kaw mi leuvaee baiˊ pok a ri ngaiˊ ri naˊ mi naˊ cang nyu, ingˊ leuvaee hk'ilˊ lhomˊ ri seungaˊ chakˊ ri ngawl naˊ ri Uiˊ reuˊ.