Tuhˊ ri tuilˊ 8:2 - Plang (Blang)

² Uiˊ pun ri nyu inˊhpom aˊres peue naˊ cawng ce nanggalˊ Eun Peucawoˊ. Ce rap ri ti piˊtaeˊraeˊ aˊres deul naˊ.

Tuhˊ ri tuilˊ 8:2 ပူးပေါင်းရင်းမြစ်များ

Mahtae 18:10

Uinˊ sati peˊ meulamlam ri reuˊ. Pawlaee va ri unˊ nawpsang ri konˊ nyom aetˊ aenˊ ce saecˊ ti peue. Kaw Uiˊ lahˊ a ri peˊ neumneum, sawngˊ kueˊ ce ri isˊ inˊhpom meun utˊ nanggalˊ Eun Aˊkuiingˊ Cawoˊ utˊ nang kuingˊ pang maoˊ naˊ Eun. Inˊhpom ce naˊ ce buih nomˊnawk ce laleung.

Mahtae 24:31

Eun kaw cusˊ inˊhpom ri naˊ ce lih maeeˊ sengˊ piˊtaeˊraeˊ lawsˊ nyawkˊ naˊ. Ce kaw heulˊ hk'onˊro peue leuk Eun ri ti naˊ ce tangˊ neum rot ri hkopˊ lok dal maoˊ punˊ honˊ punˊ ceˊ naˊ.

Luˊka 1:19

Inˊhpom naˊ eun tang topˊ a, “Meuh uiˊ Gabelaˊ, uiˊ cawng nanggalˊ Eun Peucawoˊ. Eun ploeˊ uiˊ lih tuilˊ leukahˊ renˊkawn aenˊ na ri mi.

Luˊka 21:36

Punta kaw peˊ cang pon kuˊ kaw meuh awnˊ ce gawmˊeucˊ naˊ maeeˊ kaw peˊ cang cawng nanggalˊ Eun Konˊ aiˊ peue naˊ, saecˊ yamnhawˊ, koˊ meulamlam ri hk'oˊ munˊ reuˊ.”

1 Kawˊrinhtuˊ 15:52

hk'aˊnaee ti jep ngaiˊ naˊ yam piˊtaeˊraeˊ naˊ sawm a ri puingˊ ri naˊ. Kopti sengˊ ka piˊtaeˊraeˊ naˊ kaw a lawsˊ, peue yeum naˊ ce kaw pun ri tang kuhˊ imˊ hk'aˊnaee kaw ce unˊ laee cang seueumˊ heulˊ naˊ. Eˊ ku kaw pun ri leuplohˊ plinˊ ri yeut.

1 Hteˊsalawˊniˊ 4:16

Kopti Cawoˊ Peucawoˊ kaw Eun lih neum kuingˊ pang maoˊ naˊ maeeˊ leukahˊ tuilˊ Eun sengˊ lawsˊ nyawkˊ naˊ, maeeˊ sengˊ eun roˊ keuting ce inˊhpom ti peue naˊ, maeeˊ sengˊ piˊtaeˊraeˊ Eun Peucawoˊ naˊ. Yam awnˊ na, peue yeum hk'aˊnaee Hkrit Eun naˊ ce kaw tang kuhˊ imˊ nanggalˊ.

Tuhˊ ri tuilˊ 1:4

Htawm ti okˊ aenˊ na koˊ, meuh uiˊ Yoˊhan, uiˊ temˊ ri tuilˊ a ri muk konˊ Hkrit aˊres muk utˊ nang kuingˊ Asaˊ naˊ ce. Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Peucawoˊ Cawoˊ aˊyu imˊ maetˊmaenˊ, aˊyu imˊ yam pon heulˊ naˊ maeeˊ aˊyu imˊ hk'aˊ nhaˊ hk'aˊ nanggalˊ naˊ, maeeˊ lih neum citˊ aˊres citˊ utˊ nanggalˊ tenceoˊ Eun Peucawoˊ naˊ,

Tuhˊ ri tuilˊ 11:15

Yam inˊhpom aˊres peue ti peue naˊ puingˊ eun piˊtaeˊraeˊ ri naˊ, a kueˊ sengˊ lawsˊ nyawkˊ heunˊ sengˊ a lawsˊ lih neum kuingˊ pang maoˊ naˊ. A lahˊ, “Kuingˊ ka bhenˊ keuteˊ naˊ keutˊ a ri meuh kuingˊ Eun Peucawoˊ eˊ naˊ maeeˊ kuingˊ Eun Hkrit naˊ hawcˊ. Eun kaw uˊpeung a cotˊcu ri.”

Tuhˊ ri tuilˊ 15:1

Uiˊ pun ri nyu hetˊ keuting kuˊ hk'oˊamˊ nyawkˊ seubu nang kuingˊ pang maoˊ naˊ. A meuh inˊhpom aˊres peue naˊ ce maeeˊ kuˊ keunhapˊ keuting aˊres ceu naˊ. Kuˊ keunhapˊ keuting awnˊ a meuh kuˊ keunhapˊ vang tisutˊ ka naˊ, kopti hk'aˊ seungeuengˊ Eun Peucawoˊ naˊ kaw a eucˊ ri kuˊ keunhapˊ keuting awnˊ na.

Tuhˊ ri tuilˊ 16:1

Hawcˊ awnˊ na, uiˊ pun ri mhawngˊ sengˊ lawsˊ naˊ puc a ri lih neum nya hk'oˊ munˊ keuting naˊ. A lahˊ a ri inˊhpom aˊres peue naˊ ce, “Heulˊ bah kuˊ seungeuengˊ Eun Peucawoˊ kuˊ utˊ hk'aˊnaee paenˊ seuglongˊ aˊres meulˊ naˊ lih pang bhenˊ keuteˊ naˊ reuˊ.”

Tuhˊ ri tuilˊ 8:13

Yam keueˊ uiˊ naˊ, uiˊ pun ri nyu klangˊ keuting naˊ peulˊ a eoˊ nang ngonˊ ka maoˊ naˊ. A klawng ri lahˊ sengˊ lawsˊ, “Peue bhenˊ keuteˊ naˊ peˊ, kaw peˊ pun ri hkamˊ hk'aˊ jhaˊ naˊ, hk'aˊ jhaˊ naˊ, hk'aˊ jhaˊ naˊ, kopti sengˊ ka piˊtaeˊraeˊ ce inˊhpom loeˊ peue naˊ kawnˊ kaw a ingˊ naˊ.”

Tuhˊ ri tuilˊ 8:6

Hawcˊ koˊ, inˊhpom aˊres peue kueˊ piˊtaeˊraeˊ aˊres deul naˊ ce rangraen ri kaw puingˊ piˊtaeˊraeˊ ri naˊ.

Tuhˊ ri tuilˊ 9:1

Yam inˊhpom hpawnˊ peue ti peue naˊ puingˊ eun piˊtaeˊraeˊ ri naˊ, uiˊ pun ri nyu seumeuengˊ hk'uicˊ lih neum pang maoˊ naˊ lih a pang bhenˊ keuteˊ ti meulˊ. Seumeuengˊ awnˊ a pun pakhkeucaeˊ kaw tahˊ keutongˊnyarok ruiˊ naˊ.