Tuhˊ ri tuilˊ 7:9 - Plang (Blang)

⁹ Hawcˊ awnˊ na, uiˊ keueˊ, nanggalˊ uiˊ naˊ a kueˊ peue cum heunˊ unˊ laee eucˊ mhinˊ ce. Ce ingˊ neum kuingˊ naˊ ku kuingˊ, neum peue ceu naˊ ku ceu, neum ceucat naˊ ku ceucat maeeˊ neum leukahˊ naˊ ku ceu. Ce cawng nanggalˊ ka tenceoˊ maeeˊ Konˊyungˊ naˊ. Ce cuipˊ hk'o dalˊ paing. Ce jangˊ kan lhaˊ ka hkeungˊ naˊ.

Tuhˊ ri tuilˊ 7:9 ပူးပေါင်းရင်းမြစ်များ

Luˊka 12:1

Yam awnˊ na yam peue heunˊ hengˊ naˊ tawkˊ net chokˊchecˊ ce puri ingˊ cu ri naˊ, Yesuˊ Eun lahˊ a ri tapaeˊ ri naˊ ce nanggalˊ, “Uinˊ sati ri paeng ce peue Hparisaeˊ naˊ, meuh ce peue leukahˊ seungaˊ hpumˊ vokˊ.

Luˊka 21:36

Punta kaw peˊ cang pon kuˊ kaw meuh awnˊ ce gawmˊeucˊ naˊ maeeˊ kaw peˊ cang cawng nanggalˊ Eun Konˊ aiˊ peue naˊ, saecˊ yamnhawˊ, koˊ meulamlam ri hk'oˊ munˊ reuˊ.”

Yoˊhan 12:13

Ce jangˊ kan lhaˊ ka hkeungˊ naˊ, ce heulˊ rap ri ti Eun. Ce taˊulˊ ri lahˊ, “Hosana, nap munˊ ri Cawoˊ ingˊ hk'aˊruim muis Eun Peucawoˊ naˊ Eun. Nap munˊ ri Hkunˊhawˊhkamˊ ce peue Iˊsarelaˊ naˊ Eun.”

Roˊma 11:25

Ecˊawngˊ naˊ peˊ, punta kaw peˊ unˊ hpumˊ keuting maeeˊ tuˊ ri meun naˊ, uiˊ sumˊ kah peˊ leuceng pun kuˊ vangdohˊ ruiˊ aenˊ a. Aenˊ a meuh peue Iˊsarelaˊ naˊ ngonˊ kaw ce hpumˊ cenˊ rot ti peue unˊ meuh peue ceu Yuˊda naˊ kaw ce ingˊ lec nuk caˊlangˊ ri naˊ.

Eˊfeˊsuˊ 6:13

Kop awnˊ na, punta kaw peˊ cang cawng keutawnˊ hkamˊ pe yam seunyi rai awnˊ rot ka naˊ pun naˊ, cuipˊ hk'eung anˊnya Eun Peucawoˊ naˊ gawmˊ cum ka reuˊ. Hawcˊ hk'eupˊ peˊ ku ceu gawmˊeucˊ naˊ heulˊ naˊ, peˊ ku naˊ kawnˊ cawng keutawnˊ pun.

Hebraeˊ 11:12

Kop awnˊ na, konˊhk'i heunˊheunˊ seunˊ seumeuengˊ pang maoˊ naˊ maeeˊ sai keunam mhaˊseumutˊ mhinˊ unˊ laee eucˊ naˊ ce keutˊ neum aˊtaˊ seunˊ nang yeum hawcˊ ti peue aenˊ eun.

Hebraeˊ 12:22

Daecti ingˊ rot peˊ pang gong Yiˊon naˊ hawcˊ, rot ri veng keuting Eun Peucawoˊ Cawoˊ aˊyu imˊ naˊ, a meuh veng Yeruˊsalaem ka kuingˊ pang maoˊ naˊ. Peˊ ingˊ rot ri vang inˊhpom muk heunˊ nyawkˊ naˊ renˊkawn hk'om ce puri naˊ,

Tuhˊ ri tuilˊ 11:15

Yam inˊhpom aˊres peue ti peue naˊ puingˊ eun piˊtaeˊraeˊ ri naˊ, a kueˊ sengˊ lawsˊ nyawkˊ heunˊ sengˊ a lawsˊ lih neum kuingˊ pang maoˊ naˊ. A lahˊ, “Kuingˊ ka bhenˊ keuteˊ naˊ keutˊ a ri meuh kuingˊ Eun Peucawoˊ eˊ naˊ maeeˊ kuingˊ Eun Hkrit naˊ hawcˊ. Eun kaw uˊpeung a cotˊcu ri.”

Tuhˊ ri tuilˊ 22:3

A hkuinˊ laee kueˊ hk'aˊ jhaˊ naˊ baee. Tenceoˊ Eun Peucawoˊ naˊ maeeˊ tenceoˊ Eun Konˊyungˊ naˊ a kaw uinˊ ri nang veng awnˊ na. Peue yeuh mhaiˊ Eun naˊ ce kaw yeuh mhaiˊ Eun.

Tuhˊ ri tuilˊ 3:18

Kaw Uiˊ tuilˊ kamkuit mi, punta kaw mi meuneum, kaw mi leuvaee hk'o paing cuipˊ a kangˊ utˊ gungˊgangˊ seurakˊ hk'oˊkaic mi naˊ, maeeˊ kaw mi leuvaee baiˊ pok a ri ngaiˊ ri naˊ mi naˊ cang nyu, ingˊ leuvaee hk'ilˊ lhomˊ ri seungaˊ chakˊ ri ngawl naˊ ri Uiˊ reuˊ.

Tuhˊ ri tuilˊ 4:4

Keunam ka tenceoˊ awnˊ na rop a kueˊ ten lalˊkulˊ punˊ ten. Nang kawt lalˊkulˊ punˊ peue naˊ ce mokˊ pang ten awnˊ na. Ce cuipˊ hk'eung paing, ce cuipˊ cuiˊmaw hk'ilˊ pang cingˊ ri naˊ.

Tuhˊ ri tuilˊ 5:11

Hawcˊ ka naˊ uiˊ keueˊ, uiˊ pun ri mhawngˊ sengˊ ce inˊhpom hk'oˊ saenˊ hk'oˊ lan ri unˊ laee eucˊ mhinˊ ri naˊ ce. Ce rop tenceoˊ naˊ maeeˊ kuˊ aˊyu imˊ punˊ tuˊ naˊ maeeˊ muk nang kawt naˊ ce.

Tuhˊ ri tuilˊ 5:9

Ce lahˊ sengˊ cai hk'uˊ naˊ. Ce lahˊ, “Kuingˊ Mi ri rap ri ti bawlˊ htawm naˊ maeeˊ tohˊ taˊraˊ naˊ maeeˊ glas htawm naˊ, kopti pun Mi ri hkamˊ toh peue ri hawcˊ. Mi leuvaee peue gawmˊeucˊ naˊ peue neum peue ceu ku ceu, leukahˊ ku ceu, ceucat ku ceu maeeˊ peue kuingˊ ku kuingˊ naˊ peue hk'aiˊ nhamˊ ri naˊ ap ce ri Peucawoˊ Eun hawcˊ.

Tuhˊ ri tuilˊ 6:11

Hawcˊ koˊ, ce pun hk'o dalˊ paing naˊ hotˊ peue ri ti ri cum. Peucawoˊ Eun lahˊ a ri ce, “Puing koˊ a rot ti yam caˊlangˊ ce peue yeuh mhaiˊ naˊ maeeˊ ecˊawngˊ ce kuˊ toh peue ce seunˊ peˊ ri naˊ htonnuk ka.”

Tuhˊ ri tuilˊ 7:8

neum ceucat Yebulun 12,000 peue, neum ceucat Yoˊsaep 12,000 peue, neum ceucat Benyamin 12,000 peue.