Tuhˊ ri tuilˊ 18:3 - Plang (Blang)

³ Kopti peue ceu gawmˊeucˊ naˊ nyui ce ri yuicˊ ri leuumˊ pliˊ bui lenˊcu ka veng naˊ. Hkunˊhawˊhkamˊ ka bhenˊ keuteˊ naˊ ce lenˊcu ri veng naˊ. Kopti meuh a yeuh pon yeuh lheuˊ ka veng naˊ, peue ka hkaiˊ ka bhenˊ keuteˊ naˊ ce baet ri meuneum hukˊ.”

Tuhˊ ri tuilˊ 18:3 ပူးပေါင်းရင်းမြစ်များ

Luˊka 7:25

Aˊkoˊ, peˊ ciˊ heulˊ nawk keunhawˊ? Heulˊ nawk peˊ peue cuipˊ hk'eung chakˊ hk'eung ngam naˊ ce aw? Uihˊ, peue cuipˊ hk'eung ngos, hk'a pon hk'a lheuˊ, yeuh pon yeuh lheuˊ naˊ utˊ ce nang hawˊ eun hkunˊhawˊhkamˊ naˊ.

1 Tiˊmoˊse 5:11

Saecˊ meuh aˊya seunao kawnˊ nhumˊ naˊ ce, paw nang seueˊ ce lec nang caˊlangˊ. Kopti yam alo jawngkuiˊ tuˊ kuˊ sumˊ yeuh ce naˊ a lawn keuting hk'aiˊ alo jawngkuiˊ tuˊ tan ce ri Hkrit Eun naˊ koˊ, ce naˊ tang sumˊ isˊ me baee.

Tuhˊ ri tuilˊ 14:8

Inˊhpom lalˊ peue ti peue naˊ eun ingˊ hotˊ. Eun lahˊ, “Lhuˊjah ka hawcˊ, veng keuting Babuˊlon kuˊ yeuh peue yuicˊ ri leuumˊ pliˊ bui maeeˊ lenˊcu naˊ pun a ri lhuˊjah hawcˊ.”

Tuhˊ ri tuilˊ 17:2

Hkunˊhawˊhkamˊ pang bhenˊ keuteˊ naˊ ce lenˊcu ri heun gawmˊeucˊ ri. Peue bhenˊ keuteˊ naˊ ce ku nyui ri yuicˊ ri leuumˊ pliˊ bui lenˊcu eun beunˊ awnˊ na.”

Tuhˊ ri tuilˊ 18:19

Ce kaw sawngˊ ghuimˊ cingˊ ri naˊ ri peuluing. Ce kaw klehˊklaiˊ yam ri veng awnˊ na. Ce lahˊ, “Oˊ, veng keuting, pun mi hk'aˊ jhaˊ hawcˊ, pun mi hk'aˊ jhaˊ hawcˊ. Kopti meuh a hk'aˊ meuneum ka veng naˊ, cawoˊ reu nang mhaˊseumutˊ naˊ ce ku keutˊ ri meuneum ku peue ri. Hk'aˊnaee ti nali naˊ yawo, mi pun ri lulaic heulˊ hawcˊ.

Tuhˊ ri tuilˊ 18:23

A hkuinˊ kaw laee kueˊ cengˊ ka kawkˊ ngawl naˊ nang veng aenˊ na baee. Aˊnhawˊ hkuinˊ kaw laee mhawngˊ sengˊ konˊhk'ihˊ seula nang veng aenˊ na baee. Peue ka hkaiˊ mi naˊ meuh ce peue lhungˊ peue keuting pang bhenˊ keuteˊ naˊ. Loˊ mi kahtaˊ naˊ mi yeuh peue kleucˊ hk'aˊ ri gawmˊeucˊ.

Tuhˊ ri tuilˊ 18:7

Kuˊ yeuh pon yeuh lheuˊ ka ri tuˊ ri meun naˊ a lawn heunˊ aˊneng koˊ, kah kuˊ kuit nyhapˊ klehˊklaiˊ naˊ kueˊ ri ka peunawˊ yeut reuˊ. A hpumˊ keuting lahˊ a nang hpumˊ ri naˊ meun, ‘Mokˊ uiˊ ri meuh nangˊhawˊhkamˊ. Uiˊ hkuinˊ meuh aˊya seunao. Uiˊ hkuinˊ kaw laee duing kueˊ seunyi kuit nyhapˊ naˊ.’

Tuhˊ ri tuilˊ 18:9

Yam hkunˊhawˊhkamˊ bhenˊ keuteˊ kuˊ lenˊcu, yeuh kuˊ yeuh pon yeuh lheuˊ ri veng naˊ nyu ce tuˊ ngawl ka veng haˊ naˊ, ce kaw klehˊklaiˊ yam ri veng awnˊ na.