Tuhˊ ri tuilˊ 15:2 - Plang (Blang)

² Uiˊ pun ri nyu kuˊ ti ceu a seunˊ mhaˊseumutˊ glawkˊ ceoˊ hkawoˊ ngawl naˊ. Peue pe satˊ rai naˊ, ruphtu rup ka naˊ maeeˊ vang mhaiˊ ka muis ka naˊ ce cawng keunam ka mhaˊseumutˊ naˊ. Ce jhawpˊ tingˊ kuˊ Peucawoˊ tuilˊ Eun ri ce naˊ.

Tuhˊ ri tuilˊ 15:2 ပူးပေါင်းရင်းမြစ်များ

Tuhˊ ri tuilˊ 4:6

Nanggalˊ ka tenceoˊ naˊ, a ku kueˊ kuˊ seunˊ mhaˊseumutˊ ceoˊ seungawm seunˊ blesˊ ceoˊ naˊ ti ceu. Keunam nang ngonˊ ka tenceoˊ naˊ rop, a kueˊ kuˊ aˊyu imˊ kueˊ ngaiˊ hk'aˊkuiˊ hk'aˊkalˊ ri rop punˊ tuˊ.

Tuhˊ ri tuilˊ 12:11

Ce pe roˊ ka seucaˊ rai naˊ eun ri nhamˊ Eun Konˊyungˊ naˊ maeeˊ ri leukahˊ hkamˊ ce saˊhkiˊ ri naˊ hawcˊ. Ce unˊ lhatˊ ri yeum, unˊ seˊdaiˊ aˊyu ri.

Tuhˊ ri tuilˊ 5:8

Hawcˊ ti Eun bawlˊ htawm naˊ, kuˊ aˊyu imˊ punˊ tuˊ naˊ maeeˊ nang kawt lalˊkulˊ punˊ peue naˊ ce nghupˊ ri nanggalˊ Eun Konˊyungˊ naˊ. Ce jangˊ tingˊ maeeˊ paenˊ hk'ilˊ seuglongˊ kueˊ ten tuˊ homˊ nuk naˊ ku peue ri. Ten tuˊ homˊ naˊ a meuh sengˊ hk'oˊ munˊ ce peue Eun Peucawoˊ naˊ.

Tuhˊ ri tuilˊ 21:18

Hkui veng naˊ a goˊ ri ri seumu sengˊ seurakˊ. Veng naˊ a plengˊ ri neum hk'ilˊ unˊ laee hkawoˊ keunhawˊ naˊ. A seungaˊ seungawm seunˊ ceoˊ naˊ.

1 Petruˊ 1:7

Ceu nang aenˊ keutˊ kueˊ ka naˊ meuh a kopti punta kaw a htawhkam kueˊ peˊ hk'aˊ yumˊ neumneum naˊ. Hk'aˊ yumˊ neumneum aenˊ a kawnˊ ngos heunˊ hk'aiˊ hk'ilˊ kuˊ hk'oˊ a saecˊ saicˊ ri seungawm ri ngawl daecti a kawnˊ cang lulaic heulˊ naˊ. Hk'aˊ yumˊ aenˊ a kaw yeuh peˊ pun munhpungˊ, hk'aˊ sukˊseunˊ maeeˊ tangˊ ri lhungˊ keuting naˊ yam Yesuˊ Hkrit tang lih Eun naˊ.

Mahtae 3:11

Tuilˊ uiˊ hk'aˊ cumˊ naˊ ri peˊ ri leuumˊ naˊ a meuh saˊhkiˊ ka tawsˊ peˊ hpumˊ fuin peˊ mapˊ ri naˊ. Daecti kuˊ kaw ingˊ hotˊ uiˊ naˊ kueˊ Eun tiˊca keuting hk'aiˊ uiˊ. Pal yawo kaw uiˊ unˊ kuingˊ ri jangˊ jhaepˊ Eun naˊ. Eun kaw tuilˊ hk'aˊ cumˊ naˊ ri peˊ ri Citˊ seungaˊ chakˊ naˊ maeeˊ ri ngawl naˊ.

Tuhˊ ri tuilˊ 13:14

Kopti meuh a hetˊ keuting pun a ri rap ri ti tiˊca kaw yeuh a tangˊ tuˊ ka satˊ rai nanggalˊ naˊ, a copˊ peue bhenˊ keuteˊ naˊ peue. Punta kaw a meuh munhpungˊ pun satˊ rai kuˊ a saecˊ pun ri mawk ri ri leungawng daecti a hkuinˊ nang yeum naˊ, satˊ rai lalˊ tuˊ ti tuˊ naˊ a kah peue naˊ peue plengˊ ruphtu rup ka satˊ rai nanggalˊ naˊ.

1 Petruˊ 4:12

Aˊmawo leumeusˊ uiˊ naˊ peˊ, kuˊ copˊlong suiˊ nyawkˊ pun peˊ ri hkamˊ naˊ pawlaee amˊ ri ka, pawlaee nyu a seunˊ meuh a kuˊ hk'oˊamˊ keutˊ kueˊ ri peˊ.

Tuhˊ ri tuilˊ 13:1

Hawcˊ koˊ, uiˊ pun ri nyu satˊ rai ti tuˊ puc a ri hukˊ neum mhaˊseumutˊ naˊ. A kueˊ cingˊ aˊres cingˊ maeeˊ reungˊ kulˊ reungˊ. Reungˊ ka naˊ a chuipˊ cuiˊmaw hk'ilˊ kulˊ meulˊ. Cingˊ ka naˊ a temˊ tuˊ muis leukahˊ unˊ nawpsang Peucawoˊ Eun naˊ.

Tuhˊ ri tuilˊ 13:17

Aˊnhawˊ lawn unˊ kueˊ vang mhaiˊ kuˊ meuh muis ka satˊ rai naˊ, aˊkoˊ nambat ka muis ka naˊ koˊ, ce hkuinˊ kaw cang leuvaee cang paingˊ hk'eung ri puri.