Tuhˊ ri tuilˊ 1:9 - Plang (Blang)

⁹ Meuh uiˊ Yoˊhan meuh ecˊawngˊ meuh aˊmawo peˊ. Meuh kuˊ buih ruim ri hkamˊ kuˊ tukhka, buih ruim ri hkamˊ kuingˊ Eun Peucawoˊ maeeˊ buih ruim ri hkamˊ kuˊ yeunˊhkam naˊ ce gawmˊeucˊ maeeˊ peˊ tiduihˊ hk'aˊnaee Yesuˊ Hkrit Eun naˊ. Kopti sangsawnˊ uiˊ leukahˊ Eun Peucawoˊ naˊ maeeˊ hkamˊ uiˊ saˊhkiˊ lawng Eun Yesuˊ naˊ, uiˊ pun ri hk'awngˊ ri nang kawˊ Patmosˊ naˊ.

Tuhˊ ri tuilˊ 1:9 ပူးပေါင်းရင်းမြစ်များ

Mahtae 20:23

Yesuˊ Eun lahˊ a ri ka, “Kaw paˊ kah ri nyui kawkˊ Uiˊ naˊ neumneum yeut. Daecti kuˊ kaw tuilˊ aˊnhawˊ mokˊ hk'aˊ aˊtawmˊ hk'aˊ aˊveˊ Uiˊ naˊ, a hkuinˊ meuh Uiˊ ri. Daecti vang mokˊ awnˊ meuh a isˊ ce peue kuˊ Kuiingˊ Uiˊ rangraen Eun ri uinˊ pun ce naˊ.”

Makuˊ 10:39

Ka topˊ a, “Kaw ya cang hkamˊ a pun yeut.” Yesuˊ Eun lahˊ, “Kawkˊ nyui Uiˊ naˊ kaw paˊ pun ri nyui a, hk'aˊ cumˊ rap Uiˊ ri ti naˊ paˊ ku kaw pun ri rap ri ti a.

Yoˊhan 16:33

Punta kaw peˊ kueˊ hk'aˊ kuit nyawkˊ kuit samˊran cumyenˊ hk'aˊnaee Uiˊ naˊ, Uiˊ lahˊ lawng aenˊ ce ri peˊ. Peˊ kaw kueˊ hk'aˊ kuit nyhapˊ kuit yak hk'aˊpang bhenˊ keuteˊ aenˊ na. Daecti, hpumˊ samˊran reuˊ. Pe Uiˊ bhenˊ keuteˊ naˊ hawcˊ.”

Peue caee 1:15

Hk'aˊnaee seunyi meuyam awnˊ na, Petruˊ eun kuhˊ cawng nang ngonˊ ce peue yumˊ naˊ (ce kueˊ hk'ao ri pakˊ leualˊkulˊ peue.)

Peue caee 14:22

Punta kaw ka teumˊkawm tapaeˊ naˊ ce reng keuting naˊ, tuilˊ kawlˊreng ce kueˊ hpumˊ keutawnˊ hk'aˊnaee hk'aˊ yumˊ naˊ. Ka sangsawnˊ ce. Ka lahˊ, “Punta kaw eˊ pun ri lec nang kuingˊ Eun Peucawoˊ naˊ, eˊ kaw kah ri hkamˊ kuˊ tukhka heunˊ ceu naˊ.”

Roˊma 8:17

Maetˊmaenˊ eˊ lawn meuh konˊ Eun hawcˊ koˊ, eˊ ku meuh nang hk'a sinˊ. Meuh nang hk'a sinˊ Eun Peucawoˊ naˊ maeeˊ meuh nang hk'a sinˊ tiduihˊ maeeˊ Hkrit Eun yeut. Eˊ lawn pun ri hkamˊ hk'aˊ tukhka naˊ maeeˊ Hkrit Eun tiduihˊ koˊ, eˊ ku kaw pun ri pawngˊ ri maeeˊ munhpungˊ Eun naˊ maeeˊ Heun.

Roˊma 8:25

Daecti eˊ lawn keutuiˊ hpumˊ kuˊ unˊ nang nyu ri naˊ koˊ, eˊ kaw koˊ ceu nang awnˊ a hk'aˊnaee hk'aˊ yeunˊhkam ri naˊ.

2 Kawˊrinhtuˊ 1:7

Keutuiˊ hpumˊ ya peˊ naˊ keutawnˊ seupit, kopti yawng ya peˊ lawn pun ri pawngˊ ri hk'aˊnaee hk'aˊ tukhka ya naˊ aˊneng koˊ, peˊ ku naˊ pun ri pawngˊ ri hk'aˊnaee hk'aˊ kuit nyawkˊ kuit samˊran ya naˊ peunawˊ yeut.

Hpiˊliˊpiˊ 1:7

Yumˊ uiˊ peˊ gawmˊeucˊ yeuhkiˊ naˊ cawpˊ ka, kopti utˊ peˊ hk'aˊnaee hpumˊ uiˊ naˊ. Kopti yam buih pun uiˊ ri hkamˊ hk'aˊ hk'awngˊ ri naˊ, aˊkoˊ yam leukahˊ htuˊhtingˊ htawhkam uiˊ leukahˊ munˊ renˊkawn naˊ, peˊ ku pun ri pawngˊ ri maeeˊ uiˊ hk'aˊnaee kanˊ kuˊ Peucawoˊ tuilˊ Eun a ri uiˊ ri munˊ Eun naˊ.

Hpiˊliˊpiˊ 4:14

Daecti yam pun uiˊ ri tukhka naˊ, peˊ gvah ri tuilˊ uiˊ isˊ naˊ, a chakˊ nyawkˊ.

2 Hteˊsalawˊniˊ 3:5

Kah Peucawoˊ Eun teukˊ va peˊ heulˊ lec hk'aˊnaee hk'aˊ leumeusˊkeus Eun naˊ maeeˊ hk'aˊnaee hpumˊ keutawnˊ seupit Eun Hkrit naˊ reuˊ.

2 Tiˊmoˊse 1:8

Kop awnˊ na, pawlaee kaic ri hkamˊ eˊ saˊhkiˊ lawng Eun Peucawoˊ eˊ naˊ maeeˊ pawlaee kaic ri uiˊ kuˊ pun uiˊ ri hk'awngˊ ri nang htawngˊ pun Heun naˊ. Daecti hkamˊ kuˊ tukhka naˊ pun leukahˊ munˊ renˊkawn naˊ ri tiˊca Eun Peucawoˊ naˊ maeeˊ uiˊ tiduihˊ reuˊ.

Hebraeˊ 10:36

Peˊ naˊ kah ri yeunˊhkam. Kopti peˊ lawn yeuh hotˊ alo Eun Peucawoˊ naˊ koˊ, peˊ kaw pun ri rap ri ti kuˊ Peucawoˊ yeuh Eun kati ri naˊ.

1 Petruˊ 5:1

Roˊkan nang kawt hk'aˊnaee muk naˊ peˊ, meuh uiˊ nang kawt seunˊ peˊ ri yeut, uiˊ ku meuh saˊhkiˊ ka Hkrit pun Eun ri hkamˊ hk'aˊ tukhka naˊ ti peue yeut, uiˊ ku pawngˊ hk'aˊnaee munhpungˊ kawnˊ kaw pucti lih Eun Hkrit naˊ yeut. Uiˊ sumˊ hk'oˊ a ri peˊ yeuh keutitˊ,

Tuhˊ ri tuilˊ 1:1

Punta Yesuˊ Hkrit kaw Eun tuhˊ ri tuilˊ mhaiˊ ri naˊ ce nyu lawng kuˊ kaw hk'awsˊ kah ri meuh hk'aˊ nanggalˊ naˊ ce, Peucawoˊ Eun tuhˊ ri tuilˊ a ri Yesuˊ Hkrit Eun. Hawcˊ koˊ, Yesuˊ Eun cusˊ inˊhpom ri naˊ eun heulˊ tuhˊ ri tuilˊ a ri Yoˊhan mhaiˊ ri naˊ eun.

Tuhˊ ri tuilˊ 1:2

Seunˊ Yoˊhan pun eun ri nyu leukahˊ Eun Peucawoˊ naˊ maeeˊ leukahˊ hkamˊ saˊhkiˊ Eun Yesuˊ Hkrit naˊ, eun ku hkamˊ saˊhkiˊ ka naˊ ce.

Tuhˊ ri tuilˊ 1:4

Htawm ti okˊ aenˊ na koˊ, meuh uiˊ Yoˊhan, uiˊ temˊ ri tuilˊ a ri muk konˊ Hkrit aˊres muk utˊ nang kuingˊ Asaˊ naˊ ce. Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Peucawoˊ Cawoˊ aˊyu imˊ maetˊmaenˊ, aˊyu imˊ yam pon heulˊ naˊ maeeˊ aˊyu imˊ hk'aˊ nhaˊ hk'aˊ nanggalˊ naˊ, maeeˊ lih neum citˊ aˊres citˊ utˊ nanggalˊ tenceoˊ Eun Peucawoˊ naˊ,

Tuhˊ ri tuilˊ 1:6

Eun uinˊ eˊ meuh peue kuingˊ ri, maeeˊ punta kaw eˊ yeuh mhaiˊ Eun Peucawoˊ maeeˊ yeuh mhaiˊ Eun Kuiingˊ Eun naˊ, Eun uinˊ eˊ meuh peue jhawpˊ rit. Kah munhpungˊ maeeˊ tiˊca naˊ kueˊ ri Heun cotˊcu ri reuˊ. Amin.

Tuhˊ ri tuilˊ 11:7

Yam hawcˊ hkamˊ ka saˊhkiˊ naˊ, satˊ rai pucti lih neum keutongˊnyarok ruiˊ naˊ a yeuh ka suiˊ. A kaw pe ka, toh ka yeum.

Tuhˊ ri tuilˊ 12:11

Ce pe roˊ ka seucaˊ rai naˊ eun ri nhamˊ Eun Konˊyungˊ naˊ maeeˊ ri leukahˊ hkamˊ ce saˊhkiˊ ri naˊ hawcˊ. Ce unˊ lhatˊ ri yeum, unˊ seˊdaiˊ aˊyu ri.

Tuhˊ ri tuilˊ 12:17

Peuyong naˊ a seungeuengˊ nyawkˊ ri beunˊ naˊ ka. A heulˊ peuengˊ suikˊ ri konˊ kawnˊ vang ka naˊ ce. Konˊ awnˊ ce koˊ, ce meuh peue leuceng leukahˊ tuilˊ Eun Peucawoˊ naˊ maeeˊ kati keutawnˊ ri saˊhkiˊ lawng Eun Yesuˊ naˊ. Peuyong naˊ a cawng pang kawˊ sai keunam mhaˊseumutˊ naˊ.

Tuhˊ ri tuilˊ 13:10

Aˊnhawˊ lawn hteuk ri kaw pun ri hk'awngˊ ri koˊ, eun kaw pun ri hkamˊ a. Aˊnhawˊ lawn hteuk ri kaw yeum ri leungawng koˊ, eun kaw pun ri yeum ri leungawng. Lawng aenˊ na, peue Eun Peucawoˊ naˊ ce kaw kah ri kueˊ hk'aˊ yeunˊhkam naˊ maeeˊ hk'aˊ kati keutawnˊ naˊ.

Tuhˊ ri tuilˊ 14:12

Lawng aenˊ na, peue Eun Peucawoˊ kuˊ leuceng ri ti leukahˊ ritroe Eun naˊ maeeˊ kuˊ kati keutawnˊ ri Yesuˊ Eun naˊ ce kaw kah ri kueˊ hk'aˊ yeunˊhkam naˊ.

Tuhˊ ri tuilˊ 19:10

Yam awnˊ na, uiˊ nghupˊ ri kaw faeeˊ eun maeeˊ cung eun naˊ. Daecti eun lahˊ a ri uiˊ, “Pawlaee yeuhkoˊ. Meuh uiˊ mhaiˊ Eun Peucawoˊ seunˊ mi ri maeeˊ ecˊawngˊ mi kuˊ jhawpˊ saˊhkiˊ hkamˊ lawng Eun Yesuˊ naˊ yeut. Faeeˊ Peucawoˊ Eun reuˊ. Kopti saˊhkiˊ hkamˊ lawng Eun Yesuˊ naˊ meuh a meulˊ bhumˊ ka hk'aˊ sangsawnˊ leukahˊ munˊ renˊkawn naˊ.”

Tuhˊ ri tuilˊ 20:4

Uiˊ pun ri nyu ten naˊ ce. Peue mokˊ pang ten awnˊ ce meuh peue pun tiˊca kaw tawsˊ aˊmu naˊ. Hawcˊ koˊ, uiˊ pun ri nyu civit ce kuˊ tawsˊ peue ngok ce naˊ kopti hkamˊ ce saˊhkiˊ lawng Eun Yesuˊ naˊ maeeˊ hkamˊ ce saˊhkiˊ lawng leukahˊ Eun Peucawoˊ naˊ. Ce unˊ faeeˊ satˊ rai naˊ, aˊkoˊ ruphtu rup ka naˊ. Ce unˊ pun vang mhaiˊ ka satˊ rai naˊ ri relˊ ri, aˊkoˊ ri tiˊ ri. Peue awnˊ ce tang kuhˊ imˊ. Ce uˊpeung maeeˊ Hkrit Eun tiduihˊ tihengˊ neum.

Tuhˊ ri tuilˊ 3:10

Kopti yeunˊhkam mi ri hotˊ leukahˊ tuilˊ Uiˊ naˊ, yam kuˊ long ri nawk naˊ punta kaw a long ri nawk peue utˊ pang bhenˊ keuteˊ naˊ ce a rot pang bhenˊ keuteˊ naˊ ku duihˊ naˊ, Uiˊ ku kaw yeuh mi lawtpon hk'aiˊ cu ka naˊ.

Tuhˊ ri tuilˊ 6:9

Yam tohˊ Eun ri glas taˊraˊ nambat hpawnˊ naˊ, hk'aˊruim ka vang dum ri tan kuˊ tan naˊ, uiˊ pun ri nyu civit ce peue kuˊ toh peue ce kop meuh a leukahˊ Eun Peucawoˊ naˊ maeeˊ saˊhkiˊ hkamˊ ce naˊ.

Tuhˊ ri tuilˊ 7:14

Uiˊ topˊ a, “Cawoˊ, yawng mi a.” Eun tang lahˊ, “Peue aenˊ meuh ce peue ingˊ neum vang tukhka keuting ri. Ce pun ri saicˊ hk'o dalˊ ri naˊ seungawm paing nang nhamˊ Eun Konˊyungˊ naˊ hawcˊ.