Tuhˊ ri tuilˊ 1:4 - Plang (Blang)

⁴ Htawm ti okˊ aenˊ na koˊ, meuh uiˊ Yoˊhan, uiˊ temˊ ri tuilˊ a ri muk konˊ Hkrit aˊres muk utˊ nang kuingˊ Asaˊ naˊ ce. Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Peucawoˊ Cawoˊ aˊyu imˊ maetˊmaenˊ, aˊyu imˊ yam pon heulˊ naˊ maeeˊ aˊyu imˊ hk'aˊ nhaˊ hk'aˊ nanggalˊ naˊ, maeeˊ lih neum citˊ aˊres citˊ utˊ nanggalˊ tenceoˊ Eun Peucawoˊ naˊ,

Tuhˊ ri tuilˊ 1:4 ပူးပေါင်းရင်းမြစ်များ

Yoˊhan 1:1

Tangˊ neum yamla ka naˊ, kueˊ a Leukahˊ. Leukahˊ awnˊ Eun utˊ maeeˊ Peucawoˊ Eun. Leukahˊ awnˊ Eun meuh Peucawoˊ Eun.

Peue caee 19:10

Eun yeuh keutitˊ pun lalˊ neum rot ri peue Yuˊda maeeˊ peue Helasaˊ utˊ nang kuingˊ Asaˊ naˊ ce gawmˊeucˊ ce pun ri mhawngˊ leukahˊ Eun Yesuˊ naˊ.

Peue caee 2:9

Eˊ meuh peue Patiˊ, peue Mediˊ, peue Elam meuh peue utˊ kuingˊ Mesoˊpoˊtamiˊ, peue Yuˊda maeeˊ peue Kapadosia, peue Pontasˊ maeeˊ peue utˊ kuingˊ Asaˊ,

Roˊma 1:7

Uiˊ temˊ ri tuilˊ htawm ti okˊ aenˊ a ri peue utˊ nang veng Roˊma kuˊ Peucawoˊ leumeusˊ Eun maeeˊ kuˊ pun ri klawng ri meuh peue Eun naˊ ce ku peue. Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Kuiingˊ Peucawoˊ eˊ naˊ Eun maeeˊ neum Cawoˊ Yesuˊ Hkrit Eun naˊ kueˊ ri peˊ reuˊ.

1 Kawˊrinhtuˊ 1:3

Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Kuiingˊ Peucawoˊ eˊ naˊ Eun maeeˊ neum Cawoˊ Yesuˊ Hkrit Eun naˊ kueˊ ri peˊ reuˊ.

2 Kawˊrinhtuˊ 1:2

Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Kuiingˊ Peucawoˊ eˊ naˊ Eun maeeˊ neum Cawoˊ Yesuˊ Hkrit Eun naˊ kueˊ ri peˊ reuˊ.

Hebraeˊ 13:8

Peunkuˊ, seunyaenˊ maeeˊ cotˊcu naˊ heulˊ, Yesuˊ Hkrit seunˊ Eun hk'imˊ laleung.

Yakopˊ 1:17

Lapsawngˊ chakˊ htonnuk naˊ gawmˊeucˊ lih a neum pang lhungˊ, neum Aˊkuiingˊ ka kuˊ cengˊ pang maoˊ naˊ Eun. Eun hkuinˊ leuplohˊ plinˊ ri seunˊ aˊlawng naˊ leuplohˊ plinˊ a ri.

Tuhˊ ri tuilˊ 1:1

Punta Yesuˊ Hkrit kaw Eun tuhˊ ri tuilˊ mhaiˊ ri naˊ ce nyu lawng kuˊ kaw hk'awsˊ kah ri meuh hk'aˊ nanggalˊ naˊ ce, Peucawoˊ Eun tuhˊ ri tuilˊ a ri Yesuˊ Hkrit Eun. Hawcˊ koˊ, Yesuˊ Eun cusˊ inˊhpom ri naˊ eun heulˊ tuhˊ ri tuilˊ a ri Yoˊhan mhaiˊ ri naˊ eun.

Tuhˊ ri tuilˊ 1:11

A lahˊ, “Temˊ kuˊ pun mi ri nyu naˊ nang bawlˊ htawm naˊ buˊ a ri muk konˊ Hkrit aˊres muk naˊ ce reuˊ. Ce meuh muk konˊ Hkrit Eˊfeˊsuˊ, Sameunaˊ, Peugamaˊ, Tiyatira, Sadisˊ, Hpiˊladeufia maeeˊ Laodisia.”

Tuhˊ ri tuilˊ 1:17

Yam pun uiˊ ri nyu Eun naˊ, uiˊ cungˊkus keunam cung Eun naˊ, uiˊ seunˊ peue yeum koˊ. Hawcˊ koˊ, Eun tangˊ tiˊ aˊtawmˊ ri naˊ hk'aˊpang uiˊ. Eun lahˊ, “Pawlaee lhatˊ. Meuh Uiˊ yamla naˊ maeeˊ yam tisutˊ naˊ.

Tuhˊ ri tuilˊ 1:20

Kuˊ vangdohˊ ruiˊ sumˊ lahˊ ka seumeuengˊ aˊres meulˊ pun mi ri nyu ri hk'aˊ tiˊ aˊtawmˊ Uiˊ naˊ maeeˊ binˊ ngawl hk'ilˊ aˊres binˊ naˊ sumˊ lahˊ ka a yeuh keutitˊ, seumeuengˊ aˊres meulˊ naˊ meuh a inˊhpom ce muk konˊ Hkrit aˊres muk naˊ, binˊ ngawl aˊres binˊ naˊ meuh a muk konˊ Hkrit aˊres muk naˊ ce.

Tuhˊ ri tuilˊ 1:8

Cawoˊ Peucawoˊ lahˊ Eun, “Meuh uiˊ Alfa maeeˊ Omega. Aˊyu imˊ Uiˊ maetˊmaenˊ maeeˊ yam pon heulˊ naˊ maeeˊ hk'aˊ nhaˊ hk'aˊ nanggalˊ naˊ. Uiˊ meuh Cawoˊ tiˊca keuting.”

Tuhˊ ri tuilˊ 1:9

Meuh uiˊ Yoˊhan meuh ecˊawngˊ meuh aˊmawo peˊ. Meuh kuˊ buih ruim ri hkamˊ kuˊ tukhka, buih ruim ri hkamˊ kuingˊ Eun Peucawoˊ maeeˊ buih ruim ri hkamˊ kuˊ yeunˊhkam naˊ ce gawmˊeucˊ maeeˊ peˊ tiduihˊ hk'aˊnaee Yesuˊ Hkrit Eun naˊ. Kopti sangsawnˊ uiˊ leukahˊ Eun Peucawoˊ naˊ maeeˊ hkamˊ uiˊ saˊhkiˊ lawng Eun Yesuˊ naˊ, uiˊ pun ri hk'awngˊ ri nang kawˊ Patmosˊ naˊ.

Tuhˊ ri tuilˊ 16:5

Hawcˊ awnˊ na, uiˊ pun ri mhawngˊ inˊhpom cawoˊ roksaˊ leuumˊ naˊ lahˊ eun, “Cawoˊ seungaˊ chakˊ, Cawoˊ aˊyu imˊ yam pon hawcˊ naˊ maeeˊ yam maetˊmaenˊ naˊ Mi, tawsˊ Mi aˊmu hotˊ hk'aˊ leupaws seumeuˊ naˊ hawcˊ.

Tuhˊ ri tuilˊ 2:12

Temˊ ri tuilˊ htawm ri inˊhpom ce muk konˊ Hkrit Peugamaˊ naˊ eun yeuh keutitˊ, ‘Cawoˊ jhawpˊ leungawng lawm lalˊ plakˊ lawm nyawkˊ naˊ Eun lahˊ a yeuh keutitˊ,

Tuhˊ ri tuilˊ 2:18

Temˊ ri tuilˊ htawm ri inˊhpom ce muk konˊ Hkrit Tiyatira naˊ eun yeuh keutitˊ, ‘Konˊ aiˊ Eun Peucawoˊ Cawoˊ ngaiˊ Eun a seunˊ kueng ngawl, cung Eun a seunˊ tong lhomˊ ri naee meuh leuumˊ ri nang peungˊ ri naˊ Eun lahˊ a yeuh keutitˊ,

Tuhˊ ri tuilˊ 2:8

Temˊ ri tuilˊ htawm ri inˊhpom ce muk konˊ Hkrit Sameunaˊ naˊ eun yeuh keutitˊ, ‘Cawoˊ meuh kleumˊ yamla naˊ maeeˊ yam tisutˊ kuˊ yeum hawcˊ Eun tang kuhˊ imˊ naˊ Eun lahˊ a yeuh keutitˊ,

Tuhˊ ri tuilˊ 22:16

Meuh Uiˊ Yesuˊ. Uiˊ cusˊ inˊhpom ri naˊ eun lih hkamˊ saˊhkiˊ lawng aenˊ ce ri peˊ pun muk konˊ Hkrit naˊ ce. Meuh Uiˊ res maeeˊ ceucat eun Davitˊ. Uiˊ ku meuh seumeuengˊ keuting peunngup cawo cengˊ nyawkˊ naˊ yeut.”

Tuhˊ ri tuilˊ 22:8

Meuh uiˊ Yoˊhan kuˊ pun ri nyu pun ri mhawngˊ lawng aenˊ a naˊ eun. Hawcˊ pun uiˊ ri nyu pun uiˊ ri mhawngˊ lawng aenˊ a naˊ, uiˊ nghupˊ ri kaw faeeˊ inˊhpom kuˊ yeuh uiˊ nyu a naˊ eun maeeˊ cung eun naˊ.

Tuhˊ ri tuilˊ 3:1

Temˊ ri tuilˊ htawm ri inˊhpom ce muk konˊ Hkrit Sadisˊ naˊ eun yeuh keutitˊ, ‘Cawoˊ Jhawpˊ citˊ Eun Peucawoˊ aˊres citˊ naˊ maeeˊ seumeuengˊ aˊres meulˊ naˊ Eun lahˊ a yeuh keutitˊ, “Yawng Uiˊ kuˊ yeuh mi naˊ. Peue saecˊ naˊ sukˊseunˊ aˊyu imˊ mi naˊ koˊ, daecti yeum mi hawcˊ.

Tuhˊ ri tuilˊ 3:14

Temˊ ri tuilˊ htawm ri inˊhpom ce muk konˊ Hkrit Laodisia naˊ eun yeuh keutitˊ, ‘Cawoˊ Amin kuˊ meuh Cawoˊ hkamˊ saˊhkiˊ kati keutawnˊ leupaws seumeuˊ kuˊ uˊpeung kuˊ hpanplengˊ Eun Peucawoˊ naˊ gawmˊeucˊ naˊ Eun lahˊ a yeuh keutitˊ,

Tuhˊ ri tuilˊ 3:7

Temˊ ri tuilˊ htawm ri inˊhpom ce muk konˊ Hkrit Hpiˊladeufia naˊ eun yeuh keutitˊ, ‘Cawoˊ seungaˊ chakˊ leupaws seumeuˊ kuˊ jhawpˊ pakhkeucaeˊ eun Davitˊ naˊ Eun, kuˊ tahˊ Eun naˊ aˊnhawˊ hkuinˊ cang sawngˊ a, kuˊ sawngˊ Eun naˊ aˊnhawˊ hkuinˊ cang tahˊ a naˊ Eun lahˊ a yeuh keutitˊ,

Tuhˊ ri tuilˊ 4:5

Cengˊ ka cakˊcalˊ yhapyhap naˊ maeeˊ sengˊ neumhk'i ruingruing naˊ a lih neum tenceoˊ awnˊ na. Nanggalˊ ka tenceoˊ awnˊ na, a kueˊ binˊ ngawl cengˊ ruingruing aˊres binˊ. A meuh citˊ Eun Peucawoˊ aˊres citˊ naˊ.

Tuhˊ ri tuilˊ 4:8

Kuˊ aˊyu imˊ punˊ tuˊ awnˊ na ku tuˊ ka a kueˊ hk'ecˊ les hk'ecˊ. A kueˊ ngaiˊ hk'awpˊ tuˊ ri naˊ, saecˊ meuh ruim hk'ecˊ ka naˊ a ku kueˊ ngaiˊ. Gawmˊ sumˊ gawmˊ seunyi a unˊ laee keuluiˊ ri, a klawng ri lahˊ a yeuh keutitˊ, “Seungaˊ chakˊ, seungaˊ chakˊ, seungaˊ chakˊ. Seungaˊ chakˊ naˊ meuh Eun Cawoˊ Peucawoˊ tiˊca keuting Cawoˊ aˊyu imˊ yam pon heulˊ, aˊyu imˊ maetˊmaenˊ maeeˊ Cawoˊ kaw lih hk'aˊ nhaˊ hk'aˊ nanggalˊ naˊ Eun.”

Tuhˊ ri tuilˊ 5:6

Hawcˊ ka naˊ, uiˊ pun ri nyu Konˊyungˊ kuˊ seunˊ sak toh ri hawcˊ naˊ cawng Eun nang ngonˊ ka tenceoˊ naˊ. Kuˊ aˊyu imˊ punˊ tuˊ naˊ maeeˊ muk nang kawt naˊ ce rop Eun. Eun kueˊ reungˊ aˊres reungˊ maeeˊ ngaiˊ aˊres ngaiˊ. Ngaiˊ aˊres ngaiˊ naˊ a meuh citˊ aˊres Citˊ Eun Peucawoˊ Cawoˊ cusˊ Eun heulˊ pang bhenˊ keuteˊ naˊ ku duihˊ ka naˊ.

Tuhˊ ri tuilˊ 8:2

Uiˊ pun ri nyu inˊhpom aˊres peue naˊ cawng ce nanggalˊ Eun Peucawoˊ. Ce rap ri ti piˊtaeˊraeˊ aˊres deul naˊ.