Tiˊtasˊ 3:3 - Plang (Blang)

³ Kopti nanggalˊ aenˊ na eˊ ku tawn meuh peue ngaˊ suisa, unˊ cang leuceng ri ti, kleucˊ hk'aˊ ri, taˊnhaˊ, hotˊ hk'aˊ renˊkawn naˊ ku ceu. Eˊ aˊyu imˊ hk'aˊnaee kuˊ rai naˊ, hkoeˊmangˊ puri, pereng puri maeeˊ ces ri puri.

Tiˊtasˊ 3:3 ပူးပေါင်းရင်းမြစ်များ

Mahtae 21:29

Konˊ naˊ eun lahˊ, ‘Uihˊ, hpaw uiˊ caˊ kaw heulˊ.’ Daecti hawcˊ ka naˊ eun plinˊ hpumˊ ri naˊ, eun heulˊ.

Luˊka 21:8

Eun topˊ a, “Punta kaw peue unˊ cang copˊ ri ti peˊ naˊ, uinˊ sati ri reuˊ. Kopti peue heunˊ naˊ kaw ce peus muis Uiˊ naˊ ce naˊ ingˊ lahˊ, ‘Meuh uiˊ Heun ri’, maeeˊ ‘Yam ka naˊ kaw a hk'awsˊ rot hawcˊ.’ Peˊ naˊ, pawlaee hotˊ ce heulˊ.

Yoˊhan 8:34

Yesuˊ Eun topˊ a, “Kaw Uiˊ lahˊ a ri peˊ neumneum. Peue yeuh mapˊ naˊ ce ku peue, meuh ce mhaiˊ ka mapˊ naˊ.

Roˊma 11:30

Seunˊ a saecˊ peˊ ri tawn unˊ leuceng peˊ Peucawoˊ Eun nanggalˊ aenˊ a naˊ, maetˊmaenˊ peˊ pun hk'aˊ tukyak Eun naˊ kopti meuh a hk'aˊ unˊ leuceng ce naˊ.

Roˊma 6:12

Kop awnˊ na, pawlaee tuilˊ mapˊ naˊ uˊpeung tuˊ cang yeum peˊ kuˊ kaw cuˊ peˊ yawmˊ ri hotˊ ri yeuh hk'aˊ taˊnhaˊ rai ka jawngkuiˊ tuˊ peˊ naˊ.

Roˊma 6:17

Daecti munˊ keuting ri Peucawoˊ Eun. Peˊ saecˊ naˊ tawn meuh mhaiˊ ka mapˊ naˊ, peˊ ku yumˊ leukahˊ sangsawnˊ tuilˊ ri ri peˊ naˊ sutˊ hpumˊ ri.

Roˊma 6:22

Daecti maetˊmaenˊ, pun peˊ ri lawtpon hk'aiˊ mapˊ naˊ, peˊ pun ri meuh mhaiˊ Eun Peucawoˊ hawcˊ. Peˊ pun ri saicˊ ri seungaˊ chakˊ. Vang tisutˊ ka naˊ, peˊ kaw pun citˊ tip aˊyu tip cotˊcu naˊ.

Roˊma 6:6

Kopti yawng eˊ punta tuˊ ka mapˊ eˊ naˊ kaw a pun ri lulaic heulˊ naˊ, maeeˊ punta kaw eˊ unˊ laee suip ri meuh mhaiˊ ka mapˊ naˊ, jawngkuiˊ tuˊ hk'imˊ eˊ naˊ a pun ri tawkˊ ri maeeˊ Heun hawcˊ.

2 Kawˊrinhtuˊ 12:20

Kopti hkiˊkeung uiˊ ri yam naˊ uiˊ ingˊ rot ri peˊ naˊ, peˊ naˊ cang ra ri unˊ seunˊ kuˊ kuit uiˊ, uiˊ ku naˊ cang ra ri unˊ seunˊ kuˊ kuit peˊ. Uiˊ hkiˊkeung ri naˊ peˊ cang ra ri kleucˊ leumeul puri, hkoeˊmangˊ puri, seungeuengˊ peulel ri puri, hk'akcakˊ puri, peusahˊ nyoe puri, ra ri isˊ puri, hpumˊ lhungˊ hpumˊ keuting ri puri maeeˊ yeuh kuˊ kluˊkluˊ hkawoˊhkawoˊ naˊ.

Galatiˊ 6:3

Aˊnhawˊ eun hkuinˊ meuh peue kueˊ aˊyeˊ keuting daecti eun lawn kuit meun tuˊ ri naˊ meuh peue kueˊ aˊyeˊ keuting koˊ, chiˊlai eun tuˊ ri naˊ meun.

Kawˊlawˊsaeˊ 1:21

Nanggalˊ aenˊ na tawn hk'akcakˊ peˊ Peucawoˊ Eun, peˊ meuh ransu ri Heun hk'aˊnaee hpumˊ ri kopti yeuh peˊ kuˊ rai naˊ.

Kawˊlawˊsaeˊ 3:7

Nanggalˊ aenˊ na, peˊ ku tawn aˊyu imˊ hk'aˊnaee hk'aˊ aenˊ na yeut.

2 Tiˊmoˊse 3:13

Peue rai maeeˊ peue cang chiˊlai naˊ baet ce ri yawmˊ lih peucuil. Ce chiˊlai peue, peue tang chiˊlai ce.

2 Tiˊmoˊse 3:6

Ce ri ngonˊ, ce guil ri meuh peue chakˊ lec nang nya peue naˊ. Ce uˊpeung beunˊ unˊ hengˊlaetˊ mapˊ heunˊ kuˊ hotˊ taˊnhaˊ hk'awˊjeuk ka bhenˊ keuteˊ ku ceu naˊ ce.

Tiˊtasˊ 1:16

Ce saecˊ lahˊ ri yawng Peucawoˊ Eun, daecti kuˊ yeuh ce naˊ a tecla Eun. Ce meuh peue hk'awˊjeuk, peue unˊ cang leuceng ri ti maeeˊ unˊ kuingˊ ri yeuh kanˊ chakˊ naˊ ku ceu ka.

Tiˊtasˊ 2:12

A sangsawnˊ eˊ tecla kuˊ unˊ chakˊ naˊ maeeˊ kuˊ taˊnhaˊ ka bhenˊ keuteˊ naˊ. A ku sangsawnˊ eˊ aˊyu imˊ eutˊ hpumˊ ri hk'aˊnaee cu cat aenˊ na, meuh peue leupaws seumeuˊ maeeˊ aˊyu imˊ hotˊ Peucawoˊ Eun.

Yakopˊ 1:26

Aˊnhawˊ lawn kuit ri tamˊ munˊ tamˊ sinˊ ri reng meun daecti unˊ uˊpeung dakˊ ri pun meulamlam koˊ, eun chiˊlai tuˊ ri meun. Tamˊ munˊ tamˊ sinˊ eun naˊ a meuh kuˊ hk'oˊhk'awngˊ.

1 Petruˊ 1:14

Yeuh ri seunˊ konˊ nyom cang leuceng ri ti naˊ ce reuˊ. Pawlaee aˊyu imˊ hotˊ kuˊ rai taˊnhaˊ tawn kueˊ peˊ yam aˊyu imˊ peˊ yam unˊ nang yawng peˊ naˊ.

Tuhˊ ri tuilˊ 12:9

Peuyong keuting naˊ a pun ri fatˊ ri tec ri lih. Peuyong awnˊ a meuh seueuengˊ leumahˊ naˊ, peue klawng a meuh seucaˊ rai, aˊkoˊ meuh Satan. A copˊlong peue bhenˊ keuteˊ naˊ peue kleucˊ hk'aˊ ri gawmˊeucˊ. A pun ri fatˊ ri tec ri lih pang bhenˊ keuteˊ naˊ maeeˊ inˊhpom ri naˊ ce tiduihˊ.

Tuhˊ ri tuilˊ 13:14

Kopti meuh a hetˊ keuting pun a ri rap ri ti tiˊca kaw yeuh a tangˊ tuˊ ka satˊ rai nanggalˊ naˊ, a copˊ peue bhenˊ keuteˊ naˊ peue. Punta kaw a meuh munhpungˊ pun satˊ rai kuˊ a saecˊ pun ri mawk ri ri leungawng daecti a hkuinˊ nang yeum naˊ, satˊ rai lalˊ tuˊ ti tuˊ naˊ a kah peue naˊ peue plengˊ ruphtu rup ka satˊ rai nanggalˊ naˊ.

Tuhˊ ri tuilˊ 18:2

Eun taˊulˊ ri lahˊ lawsˊ, “Lhuˊjah ka, veng keuting Babuˊlon naˊ lhuˊjah ka hawcˊ. Veng keuting aenˊ a keutˊ ri meuh vang utˊ seucaˊ hawcˊ. A meuh vang utˊ ka seucaˊ rai naˊ. A meuh vang utˊ ka simˊ hk'awˊjeuk naˊ maeeˊ simˊ hk'oˊklehˊ hk'oˊkeunah naˊ ku ceu.