Tiˊtasˊ 1:5 - Plang (Blang)

⁵ Hk'ahˊ uiˊ ri uinˊ mi utˊ nang kawˊ Kretˊ naˊ meuh a punta kaw mi suip kanˊ unˊ nang hawcˊ naˊ ce maeeˊ kaw mi leuk ri uinˊ roˊkan nang kawt muk konˊ Hkrit ku veng seunˊ leukahˊ kuˊ tawmˊ uiˊ ri uinˊ naˊ.

Tiˊtasˊ 1:5 ပူးပေါင်းရင်းမြစ်များ

Peue caee 11:30

Ce yeuh a seunˊ awnˊ na. Ce buˊ lapsawngˊ naˊ ri Banabasˊ eun maeeˊ Sawˊlu ka ri roˊkan nang kawt ce muk konˊ Hkrit naˊ ce.

Peue caee 14:23

Pawˊlu eun maeeˊ Banabasˊ ka leuk muk konˊ Hkrit ku cum naˊ ce isˊ roˊkan nang kawt. Punta kaw ka ap ce nang tiˊ Eun Peucawoˊ yumˊ ce naˊ, ka eutˊ kuˊ hk'a ri hk'oˊ munˊ.

Peue caee 2:11

(gawmˊ peue Yuˊda maeeˊ peue ingˊ lec ritroe ce peue Yuˊda naˊ), peue kawˊ Kretˊ maeeˊ peue Arapˊ, sawngˊ mhawngˊ eˊ ris ce lawng kanˊ keuting Eun Peucawoˊ naˊ ri leukahˊ eˊ naˊ meun.”

Peue caee 27:12

Kopti Vang Tahˊ Reu Ngam naˊ unˊ htukˊ a lai ri kaw tahˊ reu yam kawtˊ naˊ. Punta kaw ye suip hk'aˊ ri heulˊ naˊ, peue heunˊ naˊ ce kuit a deut. Ce keutuiˊ hpumˊ kaw ri heulˊ rot nang veng Hpiˊnisˊ naˊ, ce naˊ tahˊ ri keuluiˊ reu ri naˊ mawnˊ yam kawtˊ naˊ. Veng Hpiˊnisˊ naˊ a meuh veng vang tahˊ reu ka kawˊ Kretˊ naˊ. A tangˊ nhaˊ ri naˊ ri honˊ hk'aˊtuh hk'aˊcol ka hk'aˊlec seunyi naˊ gawmˊ lalˊ plakˊ ri.

Peue caee 27:13

Yam guilˊ honˊ hk'aˊcol naˊ jom a ri puingˊ hukˊ naˊ, ce kuit a meuh seunˊ kuˊ sumˊ kah ce meuh naˊ hawcˊ. Ce olˊ lhawkˊ lhecˊ vokˊ ka reu naˊ hukˊ. Hawcˊ koˊ, ce heulˊ hotˊ keunam ka ba mhaˊseumutˊ ka kawˊ Kretˊ naˊ.

Peue caee 27:21

Hawcˊ unˊ laee nyu ce ri somˊ lingˊ naˊ, Pawˊlu eun kuhˊ cawng ri leukahˊ nang ngonˊ ce naˊ, “Aˊmawo naˊ peˊ, htukˊ peˊ ri leuceng kuˊ lahˊ uiˊ eˊ naˊ unˊ htukˊ ri pucti heulˊ hk'aiˊ kawˊ Kretˊ naˊ. Peˊ lawn leuceng a koˊ, eˊ ku naˊ unˊ hk'eupˊ kuˊ lulaic aenˊ na.

Peue caee 27:7

Ye koekoe heulˊ heunˊ seunyi. Ye heulˊ rot nang veng Kaniˊdasˊ naˊ maeeˊ tuk maeeˊ yak ri. Kopti unˊ cawpˊ a saiˊ guilˊ naˊ, ye heulˊ hk'aˊ unˊ guilˊ hk'aˊcol ka kawˊ Kretˊ nang veng Samone naˊ.

1 Kawˊrinhtuˊ 11:34

Punta yam ingˊ hk'om peˊ puri naˊ peˊ ku naˊ unˊ pun ri hkamˊ hk'aˊ tawsˊ aˊmu ciyang naˊ, aˊnhawˊ lawn sumˊ somˊ koˊ, eun naˊ htukˊ ri somˊ ti nya ri. Yam naˊ uiˊ tang ingˊ rot ri peˊ naˊ, uiˊ naˊ koe tang tuilˊ hk'aˊ sangsawnˊ seubu naˊ ri peˊ baee.

1 Kawˊrinhtuˊ 14:40

Daecti htukˊ ri yeuh ku ceu naˊ hotˊ kuˊ kuingˊ a ri meuh naˊ hotˊ glakˊ hotˊ htan ka naˊ reuˊ.

1 Kawˊrinhtuˊ 4:17

Meuh a kopti awnˊ na, uiˊ cusˊ Tiˊmoˊse konˊ leumeusˊ uiˊ kuˊ kati keutawnˊ hk'aˊnaee Peucawoˊ Eun naˊ eun heulˊ ri peˊ. Aenˊ a meuh punta kaw eun tuilˊ sati peˊ ri kaw peˊ kuit rot ri hk'aˊ aˊyu imˊ uiˊ hk'aˊnaee Yesuˊ Hkrit Eun naˊ. Aˊyu imˊ uiˊ hotˊ seunˊ kuˊ sangsawnˊ uiˊ ri muk konˊ Hkrit ku duihˊ naˊ ce.

Kawˊlawˊsaeˊ 2:5

Kopti tuˊ uiˊ naˊ a saecˊ naˊ unˊ utˊ maeeˊ peˊ koˊ, daecti hpumˊ uiˊ naˊ a utˊ maeeˊ peˊ. Pun uiˊ ri nyu utˊ peˊ cawpˊ hk'aˊ cawpˊ hk'ongˊ ri naˊ maeeˊ yumˊ keutawnˊ peˊ hk'aˊnaee Hkrit Eun naˊ, uiˊ renˊkawn.

1 Tiˊmoˊse 1:3

Seunˊ kuˊ tawn lahˊ uiˊ ri mi yam kaw uiˊ heulˊ nang kuingˊ Masidoˊniˊ naˊ, uiˊ kah mi suip ri kuitˊ nang veng Eˊfeˊsuˊ naˊ punta kaw mi tuilˊ leukahˊ unˊ laee kah peue sangsawnˊ leukahˊ hk'aˊ yumˊ unˊ cawpˊ ngonˊ naˊ ce suip ri sangsawnˊ a baee naˊ,

2 Tiˊmoˊse 2:2

Kuˊ pun mi ri mhawngˊ ri uiˊ nanggalˊ ce peue meuh saˊhkiˊ heunˊ peue naˊ, ap a ri kuˊ yumˊ pun mi kuˊ cang sangsawnˊ peue seubu naˊ ce reuˊ.

Tiˊtasˊ 1:12

Saecˊ meuh peue tamnai hk'aˊnaee ce ti peue naˊ eun, eun ku lahˊ, “Saecˊ yamnhawˊ, peue kawˊ Kretˊ naˊ meuh ce peue cang chiˊlai, ce seunˊ satˊ hk'i rai naˊ, ce hk'a pon hk'a lheuˊ, ce keunah.”