Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tiˊtasˊ 1:2 - Plang (Blang)

2 hk'aˊ yumˊ maeeˊ cuˊyi aenˊ a tangˊ kleumˊ ri ri keutuiˊ hpumˊ citˊ tip aˊyu tip cotˊcu naˊ. A meuh kuˊ Peucawoˊ unˊ cang chiˊlai naˊ yeuh Eun kati ri tangˊ neum yam naˊ unˊ nang kueˊ ka naˊ.

အခန်းကိုကြည့်ပါ။ ကော်ပီ




Tiˊtasˊ 1:2
46 ပူးပေါင်းရင်းမြစ်များ  

Hawcˊ koˊ, Hkunˊhawˊhkamˊ naˊ Eun kaw lahˊ a ri peue utˊ hk'aˊ aˊtawmˊ ri naˊ ce, ‘Peue pun munˊ ri Kuiingˊ Uiˊ Eun naˊ peˊ, ingˊ ti sinˊ peˊ naˊ reuˊ. Sinˊ awnˊ meuh a kuingˊ kuˊ rangraen ri uinˊ ri pun peˊ tangˊ neum yam bhenˊ keuteˊ naˊ pun a ri hpanplengˊ ri naˊ.


Hawcˊ koˊ, peue aenˊ ce kaw kah ri pucti heulˊ rap ri ti hk'aˊ ciyang cotˊcu naˊ. Daecti peue leupaws seumeuˊ naˊ ce kaw pun ri lec vang aˊyu imˊ cotˊcu naˊ.”


Yam Yesuˊ puc Eun ri long hk'aˊ naˊ heulˊ, peue ti peue eun ingˊ seukluin ri nanggalˊ Eun naˊ. Eun mhaingˊ Eun, “Seuraˊ chakˊ, uiˊ ciˊ kaw kah ri yeuh saˊnhawˊ uiˊ naˊ pun citˊ tip aˊyu tip cotˊcu naˊ?”


hk'aˊnaee cu cat aenˊ na eun kaw pun nammaet ka tipakˊ pun (nya, ecˊawngˊ, ma, konˊhk'i, na malˊ maeeˊ gawmˊ kuˊ tukhka.) Cu hk'aˊ cat naˊ eun naˊ eun kaw pun citˊ tip aˊyu tip cotˊcu ri.


Uiˊ tuilˊ aˊyu cotˊcu naˊ ri ce. Ce hkuinˊ kaw laee duing lulaic heulˊ. Aˊnhawˊ hkuinˊ kaw cang rimˊ ri ti ce hk'aiˊ dak tiˊ Uiˊ naˊ.


Kopti tuilˊ Mi Konˊ aiˊ Eun kueˊ tiˊca hk'aˊpang peue gawmˊeucˊ naˊ a meuh punta Konˊ aiˊ kaw Eun tuilˊ citˊ tip aˊyu tip cotˊcu naˊ ri peue tuilˊ Mi ri Heun naˊ ce.


Aˊkuiingˊ, Uiˊ sumˊ kah peue tuilˊ Mi ri Uiˊ naˊ ce utˊ maeeˊ ti vang utˊ Uiˊ naˊ maeeˊ sumˊ kah ce nyu munhpungˊ Uiˊ kuˊ tuilˊ Mi ri Uiˊ naˊ kopti leumeusˊ Mi Uiˊ tangˊ neum nanggalˊ ka yam unˊ nang hpanplengˊ Mi bhenˊ keuteˊ naˊ


Kopti kuit peˊ ri kaw pun citˊ tip aˊyu tip cotˊcu naˊ ri htawm Seungaˊ naˊ, peˊ coˊcaˊ ri rin a. Aenˊ ce meuh a htawm Seungaˊ kuˊ hkamˊ saˊhkiˊ ka lawng Uiˊ naˊ yeut.


Aˊnhawˊ lawn hk'a keune nyui nhamˊ Uiˊ naˊ koˊ, eun kaw kueˊ citˊ tip aˊyu tip cotˊcu naˊ. Uiˊ kaw yeuh eun kuhˊ imˊ hk'aˊnaee seunyi tisutˊ naˊ.


Siˊmon Petruˊ eun topˊ a, “Cawoˊ, ye ciˊ kawnˊ kaw heulˊ maeeˊ aˊnhawˊ? Kueˊ Mi leukahˊ citˊ tip aˊyu tip cotˊcu naˊ.


Lawng aenˊ a yawng ri tangˊ neum leumahˊ.


A meuh leukahˊ munˊ renˊkawn kuˊ Peucawoˊ yeuh Eun kati ri tangˊ neum yamla ka naˊ ri suip Eun ri cu peue suip leukahˊ Eun naˊ ce hk'aˊnaee htawm Seungaˊ naˊ.


Maetˊmaenˊ, ri Peucawoˊ Cawoˊ cang yeuh peˊ cawng keutawnˊ ri leukahˊ munˊ renˊkawn uiˊ naˊ maeeˊ ri hk'aˊ paoˊ lawng Eun Yesuˊ Hkrit naˊ hotˊ kuˊ yeuh Eun eˊ nawk vangdohˊ ruiˊ ka kuˊ moˊ ri tangˊ neum yam naˊ unˊ nang tangˊ a ri


Pun ce peue coˊcaˊ ri yeuh kuˊ chakˊ, hotˊ ri sok munhpungˊ lhungˊ keuting maeeˊ hotˊ ri sok aˊyu cotˊcu naˊ ce koˊ, Peucawoˊ Eun kaw tuilˊ citˊ tip aˊyu tip cotˊcu naˊ ri ce.


Eun va eˊ ingˊ cawng hk'aˊruim rum ka munˊ aenˊ a ri hk'aˊ yumˊ naˊ. Eˊ kueˊ hk'aˊ renˊkawn sukˊseunˊ naˊ hk'aˊnaee hk'aˊ keutuiˊ hpumˊ kaw pun ri pawngˊ ri maeeˊ munhpungˊ Eun Peucawoˊ naˊ.


Seunˊ mapˊ naˊ yeuh a peue yeum naˊ, munˊ naˊ a ku yeuh peue meuh peue leupaws seumeuˊ maeeˊ aˊyu imˊ cotˊcu ri Cawoˊ eˊ Yesuˊ Hkrit Eun.


Hk'aˊ yeunˊhkam naˊ a yeuh meuh eˊ peue Peucawoˊ cang loˊ Eun eˊ naˊ pucti lih. Aenˊ a yeuh eˊ kueˊ hk'aˊ keutuiˊ hpumˊ.


Kopti ngos reng ka mapˊ naˊ meuh a hk'aˊ yeum naˊ. Daecti lapsawngˊ lih neum Peucawoˊ Eun naˊ a meuh citˊ tip aˊyu tip cotˊcu hk'aˊnaee Yesuˊ Hkrit Cawoˊ meuh Peucawoˊ eˊ naˊ Eun.


Peucawoˊ sumˊ kah Eun peue ri naˊ ce yawng sumˊ tuilˊ Eun peue unˊ meuh peue ceu Yuˊda naˊ ce yawng leukahˊ vangdohˊ ruiˊ ri naˊ. Leukahˊ vangdohˊ ruiˊ Eun naˊ a meuh Hkrit utˊ Eun hk'aˊnaee peˊ naˊ, a meuh hk'aˊ keutuiˊ hpumˊ kaw peˊ pun ri rap ri ti munhpungˊ tiduihˊ maeeˊ Heun naˊ.


Ce toh Cawoˊ Yesuˊ Eun maeeˊ toh peue suip leukahˊ Eun Peucawoˊ naˊ ce. Ce ra ri tec eˊ. Ce yeuh Peucawoˊ Eun hpumˊ unˊ samˊran. Ce meuh ransu ri peue gawmˊeucˊ


Daecti kopti meuh eˊ peue utˊ hk'aˊ peunnyi naˊ, eˊ naˊ sawngˊ uˊpeung tuˊ ri naˊ pawh. Cuipˊ hk'aˊ yumˊ naˊ maeeˊ hk'aˊ leumeusˊkeus naˊ meuh hpaˊla ri nukˊ ri naˊ. Cuipˊ hk'aˊ keutuiˊ hpumˊ ka hk'aˊ htut lawtpon naˊ meuh cuiˊmaw lhecˊ ri ti.


Peuengˊ suikˊ chakˊ pun hk'aˊ yumˊ naˊ. Citˊ tip aˊyu tip cotˊcu kuˊ Peucawoˊ klawng Eun ri kah mi rap ri ti yam hkamˊ mi saˊhkiˊ chakˊ nanggalˊ ce peue meuh saˊhkiˊ heunˊ peue naˊ, jhawpˊ a meulamlam ri reuˊ.


Yeuh keutitˊ naˊ koˊ, meuh a sawngˊ yeuh ri roksaˊ hk'ilˊ leumuil pun tuˊ ri meun nang kuingˊ pang maoˊ. Punta kaw ce pun aˊyu neumneum naˊ, a meuh kleumˊ keutawnˊ pun cu hk'aˊ cat naˊ.


Htawm ti okˊ aenˊ na koˊ, meuh uiˊ Pawˊlu meuh peue caee Eun Yesuˊ Hkrit kop alo Eun Peucawoˊ hotˊ kati aˊyu imˊ hk'aˊnaee Yesuˊ Hkrit Eun naˊ,


Heun ri, teumˊkawm htut Eun eˊ lawtpon. Eun klawng eˊ lec hk'aˊnaee aˊyu seungaˊ chakˊ naˊ. A hkuinˊ meuh kopti yeuh eˊ a, daecti meuh a kopti alo maeeˊ munˊ Eun naˊ. Munˊ aenˊ a tuilˊ ri ri eˊ hk'aˊnaee Yesuˊ Hkrit Eun tangˊ neum yamla ri naˊ hawcˊ,


Kop awnˊ na punta peue pun ri leuk ri ti naˊ kaw ce pun hk'aˊ htut lawtpon kueˊ hk'aˊnaee Eun Yesuˊ Hkrit naˊ ri munhpungˊ cotˊcu naˊ, uiˊ yeunˊhkam ku ceu gawmˊeucˊ naˊ ce.


Eˊ saecˊ kati unˊ keutawnˊ, Heun ri Eun kati keutawnˊ, kopti unˊ cang tecla Eun tuˊ ri naˊ meun.


Punta kaw mi meuh peue Peucawoˊ htawhkam pun Eun naˊ, saeˊcaeeˊ coˊcaˊ ri yeuh a reuˊ. Kah mi meuh nang yeuh kanˊ unˊ cang kaic, maeeˊ kah mi cang loˊ leukahˊ leupaws seumeuˊ naˊ cawpˊcawpˊ.


Hk'aˊnaee cu cat aenˊ na, koˊ eˊ vang keutuiˊ hpumˊ munˊ htonnuk naˊ. Vang keutuiˊ hpumˊ munˊ htonnuk awnˊ a meuh munhpungˊ Eun Yesuˊ Hkrit Cawoˊ meuh Peucawoˊ Cawoˊ htut keuting eˊ naˊ kaw a pucti lih naˊ.


Cu kuˊ chakˊ yeuh mi ku ceu naˊ meuh vang hotˊ rin ce ri ti. Vang sangsawnˊ mi naˊ, kah hpumˊ seumeuˊ hpumˊ nhimˊ mi naˊ pucti lih.


Aenˊ a meuh punta yam pun eˊ ri sawnˊ ri meuh peue leupaws seumeuˊ naˊ, eˊ kaw keutˊ ri meuh peue suipˊ sinˊ, kueˊ vang keutuiˊ hpumˊ citˊ tip aˊyu tip cotˊcu naˊ.


Aenˊ ce a meuh kati tuilˊ Eun ri eˊ. A meuh citˊ tip aˊyu tip cotˊcu naˊ.


Punta kaw eˊ cang yawng Peucawoˊ neumneum naˊ Eun maeeˊ kaw eˊ utˊ hk'aˊnaee Heun lahˊ ka naˊ a meuh utˊ eˊ hk'aˊnaee Konˊ aiˊ Eun naˊ Eun Cawoˊ Yesuˊ Hkrit Eun, Eun meuh Peucawoˊ neumneum meuh citˊ tip aˊyu tip cotˊcu, Konˊ aiˊ Eun Peucawoˊ naˊ Eun lih tuilˊ eˊ isˊ hpumˊ cang yawng naˊ eˊ ku yawng a yeut.


Yam buih koˊ peˊ hk'aˊ tukyak Eun Yesuˊ Hkrit eˊ a kaw va peˊ heulˊ ri citˊ tip aˊyu tip cotˊcu naˊ, roksaˊ tuˊ peˊ naˊ utˊ hk'aˊnaee hk'aˊ leumeusˊkeus Eun Peucawoˊ naˊ reuˊ.


Peue bhenˊ keuteˊ gawmˊeucˊ naˊ ce kaw faeeˊ satˊ rai awnˊ na. Peue awnˊ meuh ce peue unˊ kueˊ muis hk'aˊnaee htawm civit imˊ Eun Konˊyungˊ kuˊ pun ri hkamˊ toh peue ri tangˊ neum yam hpanplengˊ bhenˊ keuteˊ naˊ Eun.


Satˊ rai pun mi ri nyu naˊ, leumahˊ tawn kueˊ a aˊyu yeut, daecti maetˊmaenˊ a unˊ laee kueˊ. A kaw pucti hukˊ neum keutongˊnyarok ruiˊ naˊ, hawcˊ koˊ a kaw tang lec nang vang lulaic ri naˊ. Peue bhenˊ keuteˊ kuˊ muis ce unˊ kueˊ a nang htawm aˊyu imˊ tangˊ neum yam hpanplengˊ bhenˊ keuteˊ naˊ, yam nyu ce satˊ rai awnˊ na ce kaw amˊ ri ka. Kopti leumahˊ a tawn kueˊ aˊyu, maetˊmaenˊ a unˊ laee kueˊ, daecti hk'aˊ nanggalˊ ka naˊ a kaw tang kueˊ aˊyu baee.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ