Tiˊtasˊ 1:10 - Plang (Blang)

¹⁰ Kopti peue unˊ leuceng leukahˊ naˊ kueˊ peue heunˊ. Ce meuh peue eoˊ lahˊ kuˊ unˊ meuh naˊ. Punta kaw peue yumˊ a naˊ, ce lahˊ a. Peue aenˊ ce koˊ, a kueˊ hk'aˊnaee muk ce peue tonˊ duingˊ hakˊ naˊ heunˊ.

Tiˊtasˊ 1:10 ပူးပေါင်းရင်းမြစ်များ

Mahtae 23:14

Peue guil leukahˊ ritroe maeeˊ peue Hparisaeˊ meuh peue leukahˊ seungaˊ hpumˊ vokˊ naˊ peˊ, kaw peˊ pun ri hkamˊ hk'aˊ jhaˊ naˊ. Kopti rimˊ peˊ ri ti nya ce aˊya seunao naˊ. Peˊ hk'awng guil ri hk'oˊ munˊ lingˊlangˊ. Kop awnˊ na, peˊ kaw pun ri hkamˊ hk'aˊ ciyang naˊ lheuˊ peue ri.

Peue caee 11:2

Kop awnˊ na yam Petruˊ hukˊ eun nang veng Yeruˊsalaem naˊ, peue Yuˊda yumˊ pun ri tonˊ duingˊ hakˊ ri naˊ ce ram ri heun.

Peue caee 15:1

Peue utˊ nang kuingˊ Yuˊda naˊ ce ngonˊ ce ingˊ nang veng Ahtiˊok naˊ ce sangsawnˊ lahˊ a ri ecˊawngˊ naˊ ce, “Peˊ lawn unˊ tonˊ duingˊ hakˊ ri seunˊ Moˊse tangˊ eun ri uinˊ ritroe naˊ koˊ, peˊ kaw unˊ cang pun hk'aˊ htut lawtpon naˊ.”

Peue caee 15:24

Ye pun ri mhawngˊ peue hk'aˊnaee ye naˊ ce ngonˊ ye saecˊ unˊ kah ce heulˊ ri peˊ, daecti ce heulˊ. Ce heulˊ suksak peˊ ri lahˊ kuˊ yeuh peˊ hpumˊ unˊ samˊran.

Peue caee 20:29

Yawng uiˊ, hawcˊ puc uiˊ ri heulˊ naˊ, ruk saˊhaoˊ naˊ kaw a ingˊ lec nang muk peˊ naˊ. A kaw unˊ laee uinˊ muk konˊyungˊ naˊ vang saecˊ ti tuˊ.

Galatiˊ 2:4

Daecti peue guil ri meuh ecˊawngˊ naˊ ce sumˊ kah Tiˊtasˊ eun tonˊ duingˊ hakˊ ri. Peue aenˊ ce ra ri ingˊ lec hk'aˊnaee muk eˊ naˊ. Ce ingˊ htomˊ jemˊ lawng hk'aˊ pon kueˊ eˊ hk'aˊnaee Yesuˊ Hkrit Eun naˊ. Ce sumˊ kah eˊ meuh mhaiˊ.

Galatiˊ 3:1

Peue Galatiˊ ngaˊ suisa naˊ peˊ, aˊnhawˊ ciˊ copˊ peˊ kleucˊ hk'aˊ ri? Pun peˊ ri nyu Yesuˊ Hkrit pun Eun ri hkamˊ ri yeum pang kleumˊ rawngˊtawpˊ naˊ glihˊgleuengˊ tamˊ ngaiˊ ri hawcˊ.

Eˊfeˊsuˊ 4:14

Kop awnˊ na, eˊ hkuinˊ kaw laee meuh konˊ nyom. Ba leuumˊ naˊ a hkuinˊ kaw laee cang dhimˊ eˊ heulˊ ingˊ, guilˊ ka hk'aˊ sangsawnˊ naˊ maeeˊ hk'aˊ vokˊ chiˊlai geupˊ peue naˊ a hkuinˊ kaw laee cang puingˊ eˊ heulˊ ingˊ.

1 Tiˊmoˊse 1:4

maeeˊ unˊ laee kah peue cuiˊcamˊ leukahˊ apom leumahˊ naˊ maeeˊ leukahˊ ceucat lahˊ ri suip ri ingˊ unˊ kueˊ vang sutˊ vang eucˊ naˊ. Aenˊ ce meuh a kuˊ yeuh peue htuˊhtingˊ puri, a hkuinˊ meuh kuˊ kaw yuk kanˊ Eun Peucawoˊ kuˊ pucti lih neum hk'aˊ yumˊ naˊ.

1 Tiˊmoˊse 1:6

Peue ngonˊ naˊ tecla peue ceu nang aenˊ ce. Ce hpawtˊ ri lahˊ lawng kuˊ unˊ kueˊ munˊ naˊ ri puri.

1 Tiˊmoˊse 1:9

Eˊ jaen yawng leukahˊ ritroe naˊ unˊ tangˊ a ri uinˊ ri pun ce peue leupaws seumeuˊ naˊ, daecti tangˊ a ri uinˊ ri pun peue unˊ hotˊ ritroe, pun peue kleucˊ ritroe, pun peue unˊ yawng Peucawoˊ Eun, pun peue mapˊ, pun peue unˊ seungaˊ chakˊ, pun peue unˊ kueˊ satsana, pun peue toh makuiingˊ ri, pun peue toh peue,

2 Tiˊmoˊse 3:13

Peue rai maeeˊ peue cang chiˊlai naˊ baet ce ri yawmˊ lih peucuil. Ce chiˊlai peue, peue tang chiˊlai ce.

2 Tiˊmoˊse 4:4

Ce hkuinˊ kaw leuceng leukahˊ leupaws seumeuˊ naˊ, ce kaw hpawtˊ ri leuceng leukahˊ apom naˊ heulˊ.

Tiˊtasˊ 1:6

Roˊkan nang kawt aenˊ ce kaw kah ri meuh peue unˊ kueˊ vang ri, kah ri meuh peue kueˊ yawo beunˊ ti peue. Konˊ ce naˊ ce kaw kah ri meuh peue yumˊ maeeˊ kah ri meuh peue unˊ uinˊ peue lahˊ ri meuh peue eoˊ kleucˊ peue maeeˊ unˊ uinˊ peue lahˊ ri meuh peue lheuˊ leukahˊ.

Yakopˊ 1:26

Aˊnhawˊ lawn kuit ri tamˊ munˊ tamˊ sinˊ ri reng meun daecti unˊ uˊpeung dakˊ ri pun meulamlam koˊ, eun chiˊlai tuˊ ri meun. Tamˊ munˊ tamˊ sinˊ eun naˊ a meuh kuˊ hk'oˊhk'awngˊ.

1 Yoˊhan 2:18

Konˊ leumeusˊ uiˊ naˊ peˊ, maetˊmaenˊ meuh a yam tisutˊ ka hawcˊ. Seunˊ pun peˊ ri mhawngˊ ransu Eun Hkrit naˊ buih ingˊ ka naˊ, saecˊ meuh maetˊmaenˊ ransu Eun Hkrit naˊ a ingˊ heunˊ hawcˊ. Kop awnˊ na, eˊ yawng aenˊ ce meuh a yam tisutˊ ka hawcˊ.

1 Yoˊhan 2:4

Aˊnhawˊ lawn lahˊ, “Yawng uiˊ Eun”, daecti eun lawn unˊ hotˊ ri yeuh kuˊ lahˊ Eun naˊ koˊ, hkawnˊ meuh eun nang chiˊlai, kuˊ leupaws seumeuˊ naˊ a unˊ kueˊ hk'aˊnaee heun.

1 Yoˊhan 4:1

Aˊmawo leumeusˊ uiˊ naˊ peˊ, pawlaee yumˊ citˊ naˊ ce gawmˊeucˊ ka, daecti citˊ awnˊ a ciˊ naˊ meuh nang lih neum Peucawoˊ Eun meuh unˊ meuh caet ri nawk a reuˊ. Kopti peue guil ri meuh peue suip leukahˊ Eun Peucawoˊ naˊ ingˊ ce pang bhenˊ keuteˊ naˊ heunˊ hawcˊ.

Tuhˊ ri tuilˊ 2:14

Daecti Uiˊ kueˊ kuˊ kaw tawk mi ti ceu. Peˊ ri ngonˊ, peˊ jhawpˊ kuˊ sangsawnˊ eun Balam naˊ. Balam eun sangsawnˊ Balakˊ eun heulˊ copˊ peue Iˊsarelaˊ naˊ ce yeuh mapˊ ri kah ce hk'a kuˊ hk'a tan ri ruphtu naˊ maeeˊ kah ce hkuitˊnawngˊtangˊ naˊ.

Tuhˊ ri tuilˊ 2:6

Daecti mi tup kawnˊ kueˊ kuˊ chakˊ naˊ ti ceu, mi ces ri kanˊ yeuh ce muk Niˊhkoˊlasˊ naˊ. Uiˊ ku ces ri ka yeut.