Roˊma 7:1 - Plang (Blang)

¹ Ecˊawngˊ naˊ peˊ, unˊ yawng peˊ a aw, leukahˊ ritroe naˊ kueˊ a tiˊca hk'aˊpang peue cu yam kawnˊ aˊyu imˊ peue naˊ palkoe? Mhaingˊ uiˊ a yeuhkiˊ naˊ kopti buih leukahˊ uiˊ maeeˊ peue yawng leukahˊ ritroe naˊ peˊ.

Roˊma 7:1 ပူးပေါင်းရင်းမြစ်များ

Roˊma 1:13

Ecˊawngˊ naˊ peˊ, punta kaw uiˊ heulˊ vuic pliˊ kuˊ seumal hk'aˊnaee peˊ seunˊ heulˊ vuic uiˊ hk'aˊnaee peue ceu seubu naˊ, uiˊ sumˊ kah peˊ yawng rangraen uiˊ ri kaw ingˊ ri peˊ heunˊ pok hawcˊ (daecti rot maetˊmaenˊ, a kawnˊ meung kueˊ ri kuˊ hamˊtap).

Roˊma 10:1

Ecˊawngˊ naˊ peˊ, kuˊ sumˊ isˊ uiˊ nang hpumˊ ri naˊ maeeˊ leukahˊ hk'oˊ uiˊ munˊ ri Peucawoˊ Eun pun peue Iˊsarelaˊ naˊ ce naˊ meuh a kah ce pun hk'aˊ htut lawtpon naˊ gawmˊeucˊ ri naˊ.

Roˊma 10:4

Punta peue yumˊ naˊ kaw peue kueˊ hk'aˊ leupaws seumeuˊ naˊ ku peue ri, Hkrit Eun meuh vang tisutˊ ka leukahˊ ritroe naˊ.

Roˊma 6:14

Mapˊ naˊ kaw a unˊ laee suip ri meuh cawoˊ peˊ heulˊ baee, kopti hpaw peˊ caˊ laee utˊ hk'aˊruim ka leukahˊ ritroe naˊ, daecti utˊ peˊ hk'aˊruim ka munˊ naˊ.

Roˊma 6:3

Peue rap ri ti hk'aˊ cumˊ ingˊ lec hk'aˊnaee Yesuˊ Hkrit Eun naˊ eˊ gawmˊeucˊ, eˊ ku rap ri ti hk'aˊ cumˊ ingˊ lec hk'aˊnaee hk'aˊ yeum Eun naˊ hawcˊ, unˊ yawng peˊ a aw?

Roˊma 7:6

Daecti maetˊmaenˊ kopti yeum eˊ ri hk'ahˊ kuˊ tawn mawt ka eˊ nanggalˊ hawcˊ naˊ, eˊ pun ri pon hk'aiˊ leukahˊ ritroe naˊ hawcˊ. Aenˊ meuh a punta kaw eˊ yeuh mhaiˊ ka hotˊ hk'aˊ hk'uˊ hotˊ Citˊ seungaˊ naˊ. A hkuinˊ laee meuh hotˊ hk'aˊ hk'imˊ hotˊ leukahˊ ritroe temˊ ri naˊ.

Roˊma 9:3

Kopti sumˊ kah uiˊ a lawn kaw cang koˊ, kah tuˊ uiˊ naˊ hkamˊ hk'aˊ jhaˊ naˊ meun maeeˊ hkamˊ hk'aˊ peutˊ deut hk'aiˊ Hkrit Eun naˊ pun ecˊawngˊ kuˊ meuh peue ceu uiˊ naˊ ce.

1 Kawˊrinhtuˊ 9:8

Lahˊ uiˊ a yeuhkiˊ naˊ a hotˊ kamkuit ce peue naˊ aw? Hk'aˊnaee leukahˊ ritroe naˊ unˊ lahˊ ka a seunˊ aenˊ na aw?

Galatiˊ 4:21

Peue sumˊ utˊ hk'aˊruim ka leukahˊ ritroe naˊ peˊ, unˊ mhawngˊ peˊ kuˊ lahˊ ka leukahˊ ritroe naˊ aw? Lahˊ uiˊ mhawngˊ a reuˊ.