Roˊma 2:6 - Plang (Blang)

⁶ Peucawoˊ “kaw Eun tuilˊ a kuingˊhpaw hotˊ maeeˊ kuˊ sawngˊsawngˊ yeuh peue naˊ.”

Roˊma 2:6 ပူးပေါင်းရင်းမြစ်များ

Mahtae 16:27

Kopti Konˊ aiˊ peue naˊ kaw Eun lih hk'aˊnaee munhpungˊ Eun Kuiingˊ ri naˊ maeeˊ inˊhpom ri naˊ ce tiduihˊ. Yam awnˊ na, Eun kaw tuilˊ lapsawngˊ naˊ ri peue hotˊ seunˊ kuˊ sawngˊ yeuh meun peue naˊ.

Roˊma 14:22

Kuˊ yumˊ mi lawng ceu nang aenˊ ce naˊ roksaˊ a nang seunaˊ paˊ Peucawoˊ naˊ reuˊ. Peue unˊ tangˊ mapˊ ri ti meun ri lawng kuˊ htawhkam eun meuh kuˊ cawpˊ hawcˊ naˊ, kah eun pun munˊ.

1 Kawˊrinhtuˊ 3:8

Nang jheumˊ naˊ eun maeeˊ nang lhuikˊ naˊ eun vang keutuiˊ hpumˊ ka naˊ meuh a keuhti. Ka kaw pun lapsawngˊ naˊ hotˊ seunˊ kanˊ kuˊ sawngˊ yeuh ka naˊ.

1 Kawˊrinhtuˊ 4:5

Kop awnˊ na pawlaee nang kuit a deut nanggalˊ yam ka naˊ unˊ nang rot ka naˊ, koˊ a rot ri yam Peucawoˊ kaw Eun lih rot naˊ reuˊ. Peucawoˊ kaw Eun hueˊ kuˊ moˊ ri vang duimˊlawng naˊ lih vang cengˊ naˊ. Eun kaw tuhˊ kamkuit utˊ nang hpumˊ peue naˊ pucti lih. Yam awnˊ na, peue kaw pun ri rap ri ti hk'aˊ Peucawoˊ sukˊseunˊ Eun ri naˊ kuingˊhpaw maeeˊ kuˊ yeuh ri naˊ ku peue ri.

2 Kawˊrinhtuˊ 11:15

Kop awnˊ na, peue caee ka Satan naˊ ce lawn guil ri yeuh ri meuh peue caee ka hk'aˊ leupaws seumeuˊ naˊ koˊ, a hkuinˊ meuh kuˊ hk'oˊamˊ. Vang tisutˊ ce naˊ kaw a kuingˊhpaw maeeˊ kuˊ yeuh ce naˊ yeut.

2 Kawˊrinhtuˊ 5:10

Kopti eˊ ri gawmˊeucˊ, punta kaw eˊ pun ri rap kuˊ kuingˊhpaw maeeˊ kuˊ yeuh eˊ yam kawnˊ utˊ eˊ hk'aˊnaee jawngkuiˊ tuˊ ri aenˊ a naˊ, kuˊ meuh kuˊ chakˊ yeuh eˊ naˊ, aˊkoˊ kuˊ unˊ chakˊ yeuh eˊ naˊ, eˊ kaw kah ri ingˊ nanggalˊ ka tenceoˊ tawsˊ aˊmu Eun Hkrit naˊ ku peue ri.

2 Tiˊmoˊse 4:14

Alekˊsandoˊ kuˊ meuh aˊtaˊ lhecˊ naˊ yeuh eun uiˊ suiˊ nyawkˊ. Peucawoˊ Eun kaw tang topˊ kuˊ yeuh eun naˊ ri heun.

Tuhˊ ri tuilˊ 2:23

Uiˊ kaw toh konˊ ka beunˊ awnˊ ce. Yeuh keutitˊ naˊ, muk konˊ Hkrit naˊ ce gawmˊeucˊ ce kaw yawng meuh Uiˊ Cawoˊ cang yawng kuˊ kuit peue nang hpumˊ ri naˊ. Uiˊ kaw topˊ kun ka naˊ hotˊ kuˊ yeuh peˊ naˊ ti peue hawcˊ ti peue.

Tuhˊ ri tuilˊ 20:12

Hawcˊ koˊ, uiˊ pun ri nyu peue aetˊ peue keuting yeum heulˊ hawcˊ naˊ cawng ce nanggalˊ ka tenceoˊ naˊ. Htawm naˊ ce glas ri. Htawm seubu keuhti naˊ a ku glas ri, a meuh htawm civit imˊ. Peue yeum heulˊ hawcˊ naˊ pun ce ri hkamˊ hk'aˊ tawsˊ aˊmu naˊ hotˊ seunˊ kuˊ yeuh ri naˊ seunˊ kuˊ temˊ ri nang htawm naˊ ce.

Tuhˊ ri tuilˊ 22:12

Keueˊ reuˊ, unˊ lingˊ kaw Uiˊ lih. Lapsawngˊ Uiˊ naˊ kueˊ a ri Uiˊ. Uiˊ kaw tuilˊ a kuingˊhpaw maeeˊ hotˊ kuˊ yeuh peue naˊ ku peue ri.