Roˊma 2:5 - Plang (Blang)

⁵ Daecti kopti hpumˊ cenˊ unˊ tawsˊ hpumˊ fuin peˊ mapˊ ri naˊ, peˊ buih ro hk'aˊ seungeuengˊ Eun Peucawoˊ naˊ ri tuˊ ri naˊ meun pun seunyi seungeuengˊ Eun Peucawoˊ yam yeuh Eun hk'aˊ tawsˊ aˊmu leupaws seumeuˊ ri naˊ pucti lih naˊ.

Roˊma 2:5 ပူးပေါင်းရင်းမြစ်များ

Roˊma 1:18

Peucawoˊ yeuh Eun hk'aˊ seungeuengˊ ri naˊ lih neum kuingˊ pang maoˊ naˊ ri kuˊ unˊ leupaws seumeuˊ maeeˊ kuˊ rai gawmˊeucˊ ce peue kuˊ cu kuˊ rai ri naˊ kuipkangˊ hk'aˊ neumneum naˊ.

Roˊma 11:25

Ecˊawngˊ naˊ peˊ, punta kaw peˊ unˊ hpumˊ keuting maeeˊ tuˊ ri meun naˊ, uiˊ sumˊ kah peˊ leuceng pun kuˊ vangdohˊ ruiˊ aenˊ a. Aenˊ a meuh peue Iˊsarelaˊ naˊ ngonˊ kaw ce hpumˊ cenˊ rot ti peue unˊ meuh peue ceu Yuˊda naˊ kaw ce ingˊ lec nuk caˊlangˊ ri naˊ.

Roˊma 9:22

Seunˊ awnˊ na, Peucawoˊ Eun lawn sumˊ yeuh hk'aˊ seungeuengˊ ri naˊ maeeˊ sumˊ kah tiˊca ri naˊ pucti lih glihˊgleuengˊ koˊ, daecti Eun lawn yeunˊhkam a pun peue kuˊ rangraen Eun ri uinˊ ri kaw yeuh ce lulaic naˊ ce koˊ, eˊ ciˊ kaw lahˊ a yeuh saˊnhawˊ?

2 Kawˊrinhtuˊ 5:10

Kopti eˊ ri gawmˊeucˊ, punta kaw eˊ pun ri rap kuˊ kuingˊhpaw maeeˊ kuˊ yeuh eˊ yam kawnˊ utˊ eˊ hk'aˊnaee jawngkuiˊ tuˊ ri aenˊ a naˊ, kuˊ meuh kuˊ chakˊ yeuh eˊ naˊ, aˊkoˊ kuˊ unˊ chakˊ yeuh eˊ naˊ, eˊ kaw kah ri ingˊ nanggalˊ ka tenceoˊ tawsˊ aˊmu Eun Hkrit naˊ ku peue ri.

2 Hteˊsalawˊniˊ 1:5

Aenˊ ce gawmˊeucˊ meuh a saˊhkiˊ ka hk'aˊ tawsˊ aˊmu Eun Peucawoˊ naˊ cawpˊ ka naˊ. Kop awnˊ na, peˊ naˊ pun hk'aˊ sawnˊ ri meuh peue kuingˊhpaw maeeˊ kuingˊ Eun Peucawoˊ kuˊ hkamˊ peˊ ri tukhka rap ri ti pun kuingˊ awnˊ a naˊ.

Hebraeˊ 3:13

Punta hk'aˊnaee peˊ naˊ kaw peˊ unˊ cang lheuˊ leukahˊ kopti meuh a hk'aˊ cuˊ ka mapˊ naˊ saecˊ ti peue naˊ, tuilˊ kawlˊreng puri ku seunyi keuyuit rot ti kawnˊ lahˊ peˊ “Seunyaenˊ” naˊ reuˊ.

Hebraeˊ 3:15

Seunˊ tawn lahˊ a ri, “Seunyaenˊ, peˊ lawn pun ri mhawngˊ leukahˊ Eun naˊ koˊ, pawlaee yeuh hpumˊ ri cenˊ seunˊ yam fuin naˊ.”

Hebraeˊ 4:7

Kop awnˊ na, Peucawoˊ Eun tangˊ ri uinˊ seunyi ka naˊ baee, a lahˊ, “Seunyaenˊ”. Hawcˊ awnˊ na lingˊlangˊ naˊ, Eun cu Davitˊ eun seunˊ kuˊ tawn lahˊ ri uinˊ ri nanggalˊ naˊ yeuhkiˊ, “Seunyaenˊ, peˊ lawn pun ri mhawngˊ leukahˊ Eun naˊ koˊ, pawlaee yeuh hpumˊ ri cenˊ.”

Yakopˊ 5:3

Leuhoˊ naˊ hk'a ka hk'ilˊ leumuil peˊ naˊ. Leuhoˊ awnˊ na meuh a saˊhkiˊ ka taˊnhaˊ peˊ naˊ. A kaw hk'a keune peˊ naˊ seunˊ ngawl naˊ. Ro peˊ ri uinˊ vahtuˊ hk'ilˊ leumuil pun seunyi tisutˊ naˊ.

2 Petruˊ 2:9

Kopti yeuh a keutitˊ naˊ, Peucawoˊ Eun ciˊ kaw teumˊkawm peue leupaws seumeuˊ naˊ ce pon hk'aiˊ hk'aˊ copˊlong naˊ yeuh saˊnhawˊ naˊ, Eun yawng a. Eun ciˊ kaw hk'awngˊ, Eun ciˊ kaw suip ri ciyang peue unˊ leupaws seumeuˊ naˊ ce yeuh saˊnhawˊ heulˊ rot ti yam seunyi kaw tawsˊ aˊmu naˊ, Eun ku yawng a.

2 Petruˊ 3:7

Kopti meuh a leukahˊ awnˊ a naˊ, maoˊ maeeˊ bhenˊ keuteˊ maetˊmaenˊ naˊ a sawnˊ ri uinˊ ri meuh pun kuˊ kaw dum ri ri ngawl, meuh pun kaw koˊ yam seunyi kaw tawsˊ aˊmu naˊ maeeˊ meuh pun kaw yeuh peue unˊ leupaws seumeuˊ naˊ ce lulaic.

Yuˊda 1:6

Saecˊ meuh inˊhpom kuˊ unˊ jhawpˊ ri ti anˊnya tuilˊ Eun Peucawoˊ naˊ ce tecla vang utˊ ri naˊ, punta kaw ce koˊ seunyi tawsˊ aˊmu keuting awnˊ na, Peucawoˊ Eun hk'awngˊ ri uinˊ ce vang duimˊlawng naˊ. Eun mawt ce ri muˊ lhecˊ cotˊcu naˊ.

Tuhˊ ri tuilˊ 2:21

Uiˊ saecˊ tuilˊ yam kaw ka tawsˊ hpumˊ fuin mapˊ ri hk'aiˊ hk'aˊ hkuitˊnawngˊtangˊ ka naˊ koˊ, daecti ka unˊ yeuh a.

Tuhˊ ri tuilˊ 6:17

Kopti rot a ri seunyi seungeuengˊ nyawkˊ Ka Cawoˊ lalˊ peue naˊ hawcˊ. Aˊnhawˊ ciˊ kaw hkamˊ a pun?”