Roˊma 13:9 - Plang (Blang)

⁹ Leukahˊ ritroe kuˊ lahˊ, “Pawlaee lenˊcu, pawlaee toh peue, pawlaee rabawkˊ peue, pawlaee seˊdaiˊ isˊ peue” naˊ, maeeˊ leukahˊ ritroe seubu naˊ ce ku utˊ hk'aˊnaee leukahˊ ritroe aenˊ a hawcˊ. A meuh, “Leumeusˊ peue utˊ keunam caonaoˊ mi naˊ ce seunˊ leumeusˊ mi tuˊ ri naˊ meun yeut reuˊ.”

Roˊma 13:9 ပူးပေါင်းရင်းမြစ်များ

Mahtae 22:39

Lalˊ moeng ka naˊ a ku seunˊ ti moeng ka naˊ yeut. A meuh, ‘Leumeusˊ peue utˊ keunam caonaoˊ mi naˊ ce seunˊ leumeusˊ mi tuˊ ri naˊ yeut reuˊ.’

Makuˊ 10:19

Mi ku yawng leukahˊ ritroe aenˊ na, ‘Pawlaee toh peue, pawlaee lenˊcu, pawlaee ra, pawlaee hkamˊ saˊhkiˊ unˊ kueˊ unˊ meuh, pawlaee chiˊlai ri ti isˊ peue, hkopyawmˊ yumyamˊ ri makuiingˊ mi ka.’ ”

Makuˊ 12:31

Lalˊ moeng ti moeng ka naˊ, ‘Leumeusˊ peue utˊ keunam caonaoˊ mi naˊ ce seunˊ leumeusˊ mi tuˊ ri naˊ yeut reuˊ.’ Leukahˊ ritroe kuˊ keuting hk'aiˊ leukahˊ lalˊ moeng aenˊ a naˊ hpaw a caˊ laee kueˊ.”

Luˊka 10:27

Eun tang topˊ a, “Kaw mi kah ri leumeusˊ Peucawoˊ ri naˊ Eun sutˊ hpumˊ ri, sutˊ civit ri, sutˊ kawlˊreng ri, sutˊ kamkuit ri naˊ gawmˊeucˊ ka. Leumeusˊ peue utˊ keunam caonaoˊ mi naˊ ce seunˊ leumeusˊ mi tuˊ ri naˊ yeut.”

Luˊka 18:20

Yawng mi kuˊ lahˊ ka leukahˊ ritroe naˊ, ‘Pawlaee lenˊcu, pawlaee toh peue, pawlaee rabawkˊ peue, pawlaee hkamˊ saˊhkiˊ unˊ kueˊ unˊ meuh, hkopyawmˊ ri makuiingˊ mi ka.’ ”

Galatiˊ 5:13

Ecˊawngˊ naˊ peˊ, punta kaw peˊ pun ri pon naˊ, Peucawoˊ klawng Eun ri ti peˊ. Daecti, pawlaee loˊ hk'aˊ pon peˊ naˊ hotˊ ri yeuh alo ka hk'aˊ nhamˊ keune ri naˊ heulˊ. Daecti, yeuh mhaiˊ puri ti peue hawcˊ ti peue ri hk'aˊ leumeusˊkeus naˊ reuˊ.