Peue caee 7:25 - Plang (Blang)

²⁵ Eun saecˊ hteumˊ ecˊawngˊ ri naˊ ce kaw yawng Peucawoˊ cu Eun ri eun kaw teumˊkawm htut ce lawtpon naˊ, daecti ce unˊ yawng a.

Peue caee 7:25 ပူးပေါင်းရင်းမြစ်များ

Makuˊ 9:32

Daecti ce saecˊ unˊ cengˊ ri vangdohˊ ka kuˊ sumˊ lahˊ Eun naˊ, ce kaw mhaingˊ Eun ce lhatˊ.

Luˊka 18:34

Tapaeˊ naˊ ce leuceng unˊ pun lawng aenˊ na saecˊ peunaeˊ. Vangdohˊ ka leukahˊ awnˊ na, a geupˊ ri ce. Ce unˊ yawng Yesuˊ buih lahˊ Eun lawng keunhawˊ.

Luˊka 9:45

Daecti ce unˊ cengˊ ri leukahˊ awnˊ na, kopti punta kaw ce unˊ cengˊ ri leukahˊ naˊ, a lahˊ geupˊ ri ri ce. Daecti ce unˊ hatˊ ri mhaingˊ Eun ri lawng ka naˊ.

Peue caee 14:27

Yam ingˊ rot ka mawnˊ naˊ, ka klawng ri cu muk konˊ Hkrit naˊ ce hk'om puri. Ka ris ce mhawngˊ lawng kuˊ Peucawoˊ cu Eun ka yeuh naˊ ce, maeeˊ lawng Peucawoˊ tahˊ Eun leuvaˊ hk'aˊ yumˊ ri peue unˊ meuh peue ceu Yuˊda naˊ ce.

Peue caee 15:4

Yam rot ce nang veng Yeruˊsalaem naˊ, muk konˊ Hkrit naˊ ce, peue caee Eun Yesuˊ naˊ ce maeeˊ roˊkan nang kawt naˊ ce rap ri ti ce. Ka ris ce mhawngˊ lawng kuˊ Peucawoˊ cu Eun ka yeuh naˊ gawmˊeucˊ ka.

Peue caee 15:7

Hawcˊ saˊlit ce puri lawng aenˊ na heunˊheunˊ naˊ, Petruˊ eun kuhˊ cawng ri lahˊ, “Ecˊawngˊ naˊ peˊ, peˊ ku yawng Peucawoˊ leuk Eun ri ti uiˊ hk'aˊnaee peˊ tangˊ neum nanggalˊ aenˊ na. Eun kah uiˊ sangsawnˊ leukahˊ munˊ renˊkawn ri peue unˊ meuh peue ceu Yuˊda naˊ ce, punta kaw ce pun ri mhawngˊ, pun ri yumˊ a.

Peue caee 21:19

Hawcˊ Pawˊlu lahˊ eun leukahˊ hk'eupˊ puri maeeˊ ce naˊ, eun ris ce mhawngˊ lawng kuˊ Peucawoˊ yeuh Eun ri muk ce peue unˊ meuh peue ceu Yuˊda naˊ hk'aˊnaee kanˊ yeuh ri naˊ meulamlam ri.

Peue caee 7:24

Eun nyu peue Eˊjiˊtuˊ naˊ buih keunhapˊ eun peue Iˊsarelaˊ naˊ eun. Eun heulˊ teumˊkawm peue Iˊsarelaˊ naˊ eun. Eun topˊ a tangˊ eun, eun toh peue Eˊjiˊtuˊ naˊ eun.

Peue caee 7:26

Hawcˊ awnˊ na ti seunyi, Moˊse eun nyu peue Iˊsarelaˊ lalˊ peue naˊ kleucˊ ka puri. Eun hamˊ ka lahˊ a ri ka, ‘Aˊmawo, meuh paˊ ecˊawngˊ. A ciˊ yeuh keunhawˊ, paˊ vaeeˊ kleucˊ puri?’

Roˊma 15:18

Daecti a lawn unˊ meuh yawo kuˊ Yesuˊ Hkrit kah Eun uiˊ yeuh palkoe naˊ koˊ, uiˊ hkuinˊ kaw hatˊ ri mhawngˊ ri hk'oˊcuin maeeˊ kuˊ seubu naˊ saecˊ ti ceu. Eun kah uiˊ va peue unˊ meuh peue ceu Yuˊda naˊ ce ingˊ yumˊ Peucawoˊ Eun ri kuˊ lahˊ kuˊ yeuh uiˊ

1 Kawˊrinhtuˊ 15:10

Daecti kopti meuh a munˊ Eun Peucawoˊ naˊ, uiˊ ku lakˊ meuh yeuhkiˊ. Munˊ Eun Peucawoˊ kueˊ ri uiˊ naˊ a hkuinˊ meuh kuˊ hk'oˊhk'awngˊ. Uiˊ yeuh kanˊ heunˊ hk'aiˊ peue caee Eun Yesuˊ naˊ ce gawmˊeucˊ. Daecti uiˊ hkuinˊ yeuh meun a, munˊ Eun Peucawoˊ kuˊ kueˊ hk'aˊnaee uiˊ naˊ a yeuh a.

1 Kawˊrinhtuˊ 3:9

Kopti meuh ya nang yeuh kanˊ Eun Peucawoˊ naˊ tiduihˊ. Peˊ ri, peˊ meuh malˊ Eun Peucawoˊ maeeˊ peˊ meuh nya Eun Peucawoˊ naˊ.

2 Kawˊrinhtuˊ 6:1

Hk'aˊnaee vang meuh eˊ peue yeuh kanˊ Eun Peucawoˊ naˊ ya hk'oˊhk'ang a ri peˊ, pawlaee yeuh munˊ Eun Peucawoˊ pun peˊ ri rap ri ti naˊ meuh kuˊ hk'oˊhk'awngˊ.

Kawˊlawˊsaeˊ 1:29

Pun vang keutuiˊ hpumˊ aenˊ a naˊ, uiˊ saeˊcaeeˊ coˊcaˊ ri yeuh kanˊ ri cu uiˊ kawlˊreng Eun naˊ gawmˊeucˊ kuˊ buih yeuh kanˊ tiˊca reng hk'aˊnaee uiˊ naˊ.