Peue caee 26:18 - Plang (Blang)

¹⁸ Aenˊ a meuh punta kaw mi heulˊ blasˊ ngaiˊ ce naˊ, hpawtˊ ce hk'aiˊ vang duimˊlawng naˊ ce naˊ tang ingˊ ri kuˊ cengˊ naˊ, hpawtˊ ce hk'aiˊ tiˊca ka Satan naˊ ce naˊ tang ingˊ ri Peucawoˊ Eun naˊ, punta kaw ce pun hk'aˊ ploeˊ mapˊ naˊ, hawcˊ koˊ, ce naˊ pun ri utˊ maeeˊ muk ce peue pun ri saicˊ mapˊ ri seungaˊ chakˊ ri kopti yumˊ ce Uiˊ naˊ.’

Peue caee 26:18 ပူးပေါင်းရင်းမြစ်များ

Mahtae 4:10

Yesuˊ Eun lahˊ, “Satan, hk'uih hk'aiˊ Uiˊ reuˊ. Kopti nang htawm Seungaˊ naˊ temˊ a ri yeuhkiˊ, ‘Kaw mi kah ri faeeˊ Cawoˊ Peucawoˊ ri naˊ Eun, yeuh mhaiˊ Eun naˊ palkoe.’ ”

Mahtae 4:16

ce meuh peue utˊ vang duimˊlawng naˊ, ce pun ri nyu kuˊ cengˊ keuting nyawkˊ naˊ hawcˊ. Peue utˊ hk'aˊruim rum ka hk'aˊ yeum naˊ kuˊ cengˊ naˊ tilˊ ka rot ri ce hawcˊ.”

Luˊka 1:77

Punta peue ceu Eun naˊ kaw ce yawng lawng kopti ploeˊ Eun mapˊ ce naˊ, ce kawnˊ tawlˊ pun hk'aˊ htut lawtpon naˊ.

Luˊka 1:79

A kaw tilˊ kuˊ cengˊ ri peue utˊ nang duimˊlawng, maeeˊ peue utˊ hk'aˊruim rum ka aˊlawng hk'aˊ yeum naˊ ce. A kaw teukˊ va eˊ heulˊ hk'aˊ vang kuit nyawkˊ kuit samˊran naˊ.”

Luˊka 2:32

Meuh a kuˊ cengˊ tilˊ peue unˊ meuh peue ceu Yuˊda naˊ ce gawmˊeucˊ. A meuh munhpungˊ pun peue ceu Mi Iˊsarelaˊ naˊ ce.”

Luˊka 24:45

Hawcˊ awnˊ na, punta kaw ce yawng vangdohˊ ka htawm Seungaˊ naˊ, Eun tuhˊ hpumˊ ce naˊ.

Luˊka 24:47

Tangˊ neum veng Yeruˊsalaem naˊ, lawng tawsˊ hpumˊ fuin mapˊ naˊ maeeˊ lawng ploeˊ mapˊ naˊ kah ri sangsawnˊ a hk'aˊruim muis Eun ri peue ceu gawmˊeucˊ.

Luˊka 4:18

“Citˊ seungaˊ Eun Peucawoˊ naˊ kueˊ a hk'aˊpang Uiˊ. Punta kaw Uiˊ suip ri tuilˊ leukahˊ munˊ renˊkawn naˊ ri peue hk'oˊtukyak naˊ ce naˊ, Eun leuk ri ti Uiˊ hawcˊ. Eun saecˊ cusˊ Uiˊ heulˊ naˊ meuh a punta kaw Uiˊ paoˊ peue hk'awngˊ ri naˊ kaw ce ploeˊ ri, maeeˊ peue ngaiˊ lecˊ naˊ kaw ce nyu hk'aˊ ri baee, maeeˊ peue pun ri hkamˊ hk'aˊ keunhapˊ nokneh naˊ kaw ce ploeˊ ri,

Yoˊhan 17:17

Hk'oˊ Mi yeuh ce seungaˊ chakˊ ri hk'aˊ neumneum naˊ reuˊ. Leukahˊ Mi naˊ meuh a kuˊ neumneum.

Yoˊhan 3:19

Hk'aˊ tawsˊ aˊmu naˊ meuh a yeuhkiˊ, kuˊ cengˊ naˊ ingˊ lec a pang bhenˊ keuteˊ naˊ, daecti peue naˊ peue leumeusˊ hk'aˊ duimˊlawng naˊ lheuˊ kuˊ cengˊ naˊ kopti hk'aˊ yeuh peue naˊ rai ka.

Yoˊhan 4:10

Yesuˊ Eun topˊ a ri ka, “Paˊ lawn naˊ yawng kuˊ Peucawoˊ kaw Eun tuilˊ naˊ maeeˊ Cawoˊ kuˊ hk'oˊ ri nyui leuumˊ ri paˊ naˊ Eun koˊ, naˊ paˊ chakˊ cang hk'oˊ ri Heun. Eun ku naˊ chakˊ cang tuilˊ paˊ isˊ leuumˊ civit imˊ naˊ.”

Yoˊhan 4:14

Daecti peue nyui leuumˊ tuilˊ Uiˊ naˊ ce hkuinˊ kaw laee sumˊ nyui leuumˊ baee. Neumneum ka naˊ, leuumˊ tuilˊ Uiˊ ri ce naˊ kaw a yeuh civit ce naˊ seunˊ keutuiˊ leuumˊ peuengˊ ri hukˊ hk'aˊnaee tuˊ ce naˊ. A kaw tuilˊ ce isˊ citˊ tip aˊyu tip cotˊcu naˊ.”

Yoˊhan 8:12

Yam Yesuˊ tang lahˊ Eun a ri peue cum heunˊ naˊ ce baee naˊ, Eun lahˊ, “Meuh Uiˊ kuˊ cengˊ ka bhenˊ keuteˊ naˊ. Peue hotˊ Uiˊ naˊ ce hkuinˊ kaw laee long hk'aˊnaee hk'aˊ duimˊlawng naˊ, daecti ce kaw kueˊ kuˊ cengˊ ka hk'aˊ civit naˊ.”

Yoˊhan 9:39

Yesuˊ Eun lahˊ, “Lih Uiˊ pang bhenˊ keuteˊ naˊ punta kaw Uiˊ tawsˊ aˊmu punta kaw yeuh peue ngaiˊ fecˊ naˊ kaw ce nyu hk'aˊ ri naˊ maeeˊ punta kaw yeuh peue nyu hk'aˊ ri naˊ kaw ce ngaiˊ fecˊ naˊ.”

Yoˊhan 9:5

Yam kawnˊ buih utˊ Uiˊ pang bhenˊ keuteˊ naˊ, Uiˊ meuh kuˊ cengˊ ka bhenˊ keuteˊ naˊ.”

Peue caee 10:43

Peue suip leukahˊ Eun Peucawoˊ naˊ ce gawmˊeucˊ ce hkamˊ saˊhkiˊ ka lawng Eun naˊ. Ce lahˊ, ‘Peue yumˊ Eun naˊ ce ku peue kaw ce pun ploeˊ mapˊ ri muis Eun naˊ.’ ”

Peue caee 13:47

Kopti Peucawoˊ tuilˊ Eun leukahˊ ri ya yeuhkiˊ naˊ, ‘Punta kaw mi ti hk'aˊ htut lawtpon naˊ rot ti sutˊ ka bhenˊ keuteˊ naˊ, Uiˊ yeuh mi meuh kuˊ cengˊ pun peue unˊ meuh peue ceu Yuˊda naˊ ce.’ ”

Peue caee 15:9

Eˊ ri maeeˊ ce ri Peucawoˊ Eun unˊ sawnˊ eˊ chat puri, kopti yeuh Eun hpumˊ ce naˊ seungaˊ chakˊ ri hk'aˊ yumˊ naˊ hawcˊ.

Peue caee 2:38

Petruˊ eun topˊ a ri ce, “Punta mapˊ peˊ naˊ kaw a gahˊ, peˊ ri ku peue tawsˊ hpumˊ fuin mapˊ ri rap ri ti hk'aˊ cumˊ hk'aˊruim muis Eun Yesuˊ Hkrit naˊ reuˊ. Hawcˊ koˊ, peˊ kaw pun lapsawngˊ Citˊ seungaˊ chakˊ naˊ.

Peue caee 20:21

Hkamˊ uiˊ saˊhkiˊ ri peue Yuˊda maeeˊ peue Helasaˊ naˊ ce. Ce kaw kah ri tawsˊ hpumˊ fuin mapˊ ri, hpawtˊ ri ingˊ ri Peucawoˊ Eun maeeˊ yumˊ hk'aˊnaee Yesuˊ Eun.

Peue caee 20:32

Maetˊmaenˊ ap uiˊ peˊ ri Peucawoˊ Eun maeeˊ leukahˊ munˊ Eun kuˊ cang yeuh peˊ hukˊhawnˊ, cang kah peˊ isˊ sinˊ tiduihˊ maeeˊ peue pun ri saicˊ ri seungaˊ naˊ ce gawmˊeucˊ.

Peue caee 26:19

Tangˊ neum yam awnˊ na, hkunˊhawˊhkamˊ Akliˊpaˊ, uiˊ unˊ plohˊplehˊ ri ri limit lih neum kuingˊ pang maoˊ awnˊ na.

Peue caee 26:23

Ce lahˊ, ‘Hkrit kaw Eun pun ri tukhka, Eun kaw yeuh peue Yuˊda maeeˊ peue unˊ meuh peue ceu Yuˊda naˊ ce nyu kuˊ cengˊ. Eun meuh peue tang kuhˊ imˊ nanggalˊ ri peue.’ ”

Peue caee 3:19

Kop awnˊ na punta Peucawoˊ kaw Eun saicˊ ri tec mapˊ peˊ naˊ, tawsˊ hpumˊ fuin mapˊ ri hpawtˊ ri ingˊ ri Peucawoˊ Eun reuˊ. Peˊ lawn yeuh keutitˊ koˊ, hk'aˊ kuit samˊran naˊ a kaw lih neum Peucawoˊ Eun,

Peue caee 5:31

Punta peue Iˊsarelaˊ naˊ kaw ce tawsˊ hpumˊ fuin mapˊ ri pun ploeˊ mapˊ ri naˊ, Peucawoˊ Eun yuk Yesuˊ Eun hukˊ utˊ hk'aˊ aˊtawmˊ ri, uinˊ Eun meuh Cawoˊ uˊpeung Cawoˊ htut.

Roˊma 8:17

Maetˊmaenˊ eˊ lawn meuh konˊ Eun hawcˊ koˊ, eˊ ku meuh nang hk'a sinˊ. Meuh nang hk'a sinˊ Eun Peucawoˊ naˊ maeeˊ meuh nang hk'a sinˊ tiduihˊ maeeˊ Hkrit Eun yeut. Eˊ lawn pun ri hkamˊ hk'aˊ tukhka naˊ maeeˊ Hkrit Eun tiduihˊ koˊ, eˊ ku kaw pun ri pawngˊ ri maeeˊ munhpungˊ Eun naˊ maeeˊ Heun.

1 Kawˊrinhtuˊ 1:2

Ya temˊ ri tuilˊ a ri muk konˊ Hkrit Eun Peucawoˊ utˊ nang veng Kawˊrinhtuˊ naˊ peˊ. Peˊ pun ri saicˊ ri seungaˊ chakˊ hk'aˊnaee Yesuˊ Hkrit Eun maeeˊ peˊ pun ri klawng ri meuh peue Eun Peucawoˊ tiduihˊ maeeˊ peue klawng muis Eun Yesuˊ Hkrit Cawoˊ utˊ ku duihˊ naˊ ce. Yesuˊ Hkrit Eun meuh Peucawoˊ ce maeeˊ Peucawoˊ eˊ.

1 Kawˊrinhtuˊ 1:30

Kopti meuh a Peucawoˊ Eun, peˊ pun ri utˊ hk'aˊnaee Yesuˊ Hkrit Cawoˊ meuh cuˊyi neum Peucawoˊ Eun pun eˊ naˊ Eun. Aenˊ a meuh hk'aˊ leupaws seumeuˊ, hk'aˊ seungaˊ chakˊ maeeˊ hk'aˊ htut lawtpon eˊ naˊ.

2 Kawˊrinhtuˊ 4:4

Punta peue unˊ yumˊ naˊ kaw ce unˊ cang nyu kuˊ cengˊ ka leukahˊ munˊ renˊkawn munhpungˊ keuting Eun Hkrit Cawoˊ meuh ruprang Eun Peucawoˊ naˊ, peucawoˊ ka cu maetˊmaenˊ naˊ a yeuh hpumˊ ce naˊ ngaiˊ fecˊ.

2 Kawˊrinhtuˊ 4:6

Kopti Peucawoˊ aenˊ lahˊ Eun, “Kah kuˊ cengˊ naˊ pucti lih hk'aiˊ hk'aˊ duimˊlawng naˊ reuˊ”, Eun kah kuˊ cengˊ ri naˊ tilˊ hk'aˊnaee hpumˊ ya naˊ punta kaw ya kueˊ kuˊ cengˊ ka cuˊyi cang yawng munhpungˊ Eun Peucawoˊ kuˊ pucti lih neum buh Eun Hkrit naˊ.

2 Kawˊrinhtuˊ 6:14

Pawlaee peus aecˊ tiduihˊ maeeˊ peue unˊ yumˊ naˊ ce, kopti hk'aˊ leupaws seumeuˊ naˊ a ciˊ kaw cang pawngˊ ri maeeˊ hk'aˊ unˊ leupaws seumeuˊ naˊ yeuh saˊnhawˊ? Kuˊ cengˊ naˊ a ciˊ kaw cang toˊ ri maeeˊ kuˊ duimˊlawng naˊ yeuh saˊnhawˊ?

Galatiˊ 2:20

Pun uiˊ ri hkamˊ hk'aˊ tawkˊ ri naˊ maeeˊ Hkrit Eun hawcˊ. Uiˊ hkuinˊ laee suip ri kueˊ aˊyu, daecti a meuh Hkrit kueˊ Eun aˊyu hk'aˊnaee uiˊ. Aˊyu imˊ uiˊ hk'aˊnaee jawngkuiˊ tuˊ ri aenˊ a naˊ koˊ, uiˊ aˊyu imˊ ri hk'aˊ yumˊ uiˊ hk'aˊnaee Konˊ aiˊ Eun Peucawoˊ Cawoˊ leumeusˊ uiˊ maeeˊ Cawoˊ pun ri sum tuˊ ri pun uiˊ naˊ Eun.

Galatiˊ 3:14

Hkrit teumˊkawm htut Eun eˊ lawtpon naˊ a meuh punta kopti munˊ kuˊ Yesuˊ Hkrit tuilˊ Eun a ri Abraham eun naˊ kaw a rot ri peue unˊ meuh peue ceu Yuˊda naˊ ce. Punta kopti meuh a hk'aˊ yumˊ naˊ, eˊ kaw pun ri rap Citˊ seungaˊ naˊ hotˊ seunˊ kati yeuh Eun Peucawoˊ naˊ.

Galatiˊ 3:2

Sumˊ mhaingˊ uiˊ peˊ ti moeng yawo. Pun peˊ Citˊ seungaˊ naˊ ri kopti hotˊ peˊ ri yeuh leukahˊ ritroe naˊ aw, aˊkoˊ kopti yumˊ peˊ kuˊ pun peˊ ri mhawngˊ naˊ aw?

Eˊfeˊsuˊ 1:11

Hk'aˊnaee Hkrit Eun, eˊ pun hk'aˊ leuk ri meuh nang rap ri ti sinˊ naˊ hotˊ hk'aˊ kanˊ Peucawoˊ mheˊ Eun ri uinˊ nanggalˊ hawcˊ naˊ. Eun yeuh ku ceu gawmˊeucˊ naˊ meuh hotˊ vang keutuiˊ hpumˊ ka alo ri naˊ,

Eˊfeˊsuˊ 1:14

Citˊ seungaˊ chakˊ naˊ a meuh nang htawhkam eˊ kaw meuh nang rap ri ti sinˊ ri naˊ rot ti yam peue Eun Peucawoˊ naˊ kaw ce pun hk'aˊ htut lawtpon naˊ. Aenˊ meuh a pun kuˊ kaw sukˊseunˊ munhpungˊ Eun naˊ.

Eˊfeˊsuˊ 1:18

Uiˊ ku hk'oˊ hpumˊ peˊ naˊ cengˊ, punta kaw peˊ yawng vang keutuiˊ hpumˊ ka klawng Eun ri ti peˊ naˊ, punta kaw peˊ yawng munˊ sinˊ Eun naˊ a ciˊ pe meuneum aˊneng pun peue Eun naˊ ce,

Eˊfeˊsuˊ 1:7

Hk'aˊnaee Hkrit Eun, eˊ pun hk'aˊ htut lawtpon naˊ ri nhamˊ Eun naˊ. Eˊ pun hk'aˊ ploeˊ mapˊ naˊ hotˊ munˊ htonnuk Eun Peucawoˊ

Eˊfeˊsuˊ 2:8

Kopti meuh a munˊ Eun Peucawoˊ naˊ, peˊ pun hk'aˊ htut lawtpon naˊ ri hk'aˊ yumˊ peˊ naˊ. Hk'aˊ htut aenˊ na, peˊ hkuinˊ pun a ri yeuh meun peˊ a, daecti a meuh lapsawngˊ lih neum Peucawoˊ Eun,

Eˊfeˊsuˊ 4:18

Kopti unˊ yawng ce kopti hpumˊ cenˊ ce naˊ, hk'aˊ cang yawng ce naˊ a duimˊlawng heulˊ. Ce seungai hk'aˊ aˊyu imˊ Eun Peucawoˊ naˊ.

Eˊfeˊsuˊ 5:11

Pawlaee heulˊ pawngˊ ri maeeˊ kanˊ ka kuˊ duimˊlawng kuˊ unˊ kueˊ pliˊ naˊ, daecti tuhˊ vang kleucˊ ka naˊ pucti lih naˊ a jaen chakˊ.

Eˊfeˊsuˊ 5:14

Kopti kuˊ cengˊ naˊ yeuh a ku ceu naˊ pun ri nyu ri glihˊgleuengˊ. Kop awnˊ na, lahˊ a ri yeuhkiˊ, “Peue buih itˊ naˊ, hk'awnˊ reuˊ. Tang kuhˊ imˊ hk'aiˊ vang yeum ri naˊ reuˊ. Hkrit kaw Eun tilˊ kuˊ cengˊ ri mi.”

Eˊfeˊsuˊ 5:8

Kopti nanggalˊ aenˊ na utˊ peˊ hk'aˊnaee hk'aˊ duimˊlawng naˊ, daecti maetˊmaenˊ peˊ utˊ hk'aˊnaee cengˊ Eun Peucawoˊ naˊ. Yeuh ri aˊyu imˊ seunˊ konˊ kuˊ cengˊ naˊ reuˊ.

Eˊfeˊsuˊ 6:12

Kopti hpaw eˊ caˊ peuengˊ hk'aˊ nhamˊ keune naˊ, daecti peuengˊ eˊ cawoˊ uˊpeung naˊ ce, cawoˊ tiˊca keuting naˊ ce, tiˊca ka hk'aˊ duimˊlawng ka bhenˊ keuteˊ aenˊ a naˊ ce maeeˊ citˊ rai utˊ nang angˊkatˊ naˊ ce.

2 Tiˊmoˊse 2:26

Lheuˊ awnˊ na, punta peue aenˊ kaw ce pawn sati ri maeeˊ kaw ce pon saeeˊpan ka seucaˊ rai kuˊ mheutˊ ka ce kaw meuh mhaiˊ ri naˊ, eun kaw kah ri tangˊ hpumˊ ri onawnˊ cang lahˊ cang ris ri peue toˊtamˊ ri naˊ ce.

Hebraeˊ 10:10

Kopti meuh a alo Eun Peucawoˊ aenˊ a naˊ, eˊ pun hk'aˊ saicˊ ri seungaˊ chakˊ naˊ ri Yesuˊ Hkrit tan Eun tuˊ ri naˊ meuh kuˊ tan naˊ ti pok yawo a hk'oˊ hawcˊ.

Hebraeˊ 10:14

Kopti meuh a kop hk'aˊ tan yeuh Eun ti pok yawo naˊ a yeuh peue rap ri ti hk'aˊ saicˊ ri seungaˊ naˊ ce htonnuk cotˊcu ri.

Hebraeˊ 11:6

Hk'aˊ yumˊ naˊ a lawn unˊ kueˊ koˊ, kaw yeuh kuˊ hitˊ ti hpumˊ Eun Peucawoˊ naˊ unˊ cang meuh ka. Kopti peue ingˊ ri Peucawoˊ Eun naˊ, kaw ce kah ri yumˊ Peucawoˊ kawnˊ aˊyu imˊ Eun naˊ maeeˊ kaw ce kah ri yumˊ peue sok Eun meulamlam naˊ kaw Eun tuilˊ lapsawngˊ ri ce naˊ.

Hebraeˊ 9:15

Kop awnˊ na, punta peue Peucawoˊ klawng Eun ri ti naˊ kaw ce pun ri rap ri ti sinˊ cotˊcu kuˊ yeuh Eun kati naˊ, Hkrit Eun meuh nang seunaˊ ka kati satˊcaˊ hk'uˊ naˊ. Kopti punta Hkrit kaw Eun ploeˊ mapˊ yeuh ce hk'aˊruim ka kati satˊcaˊ nanggalˊ naˊ, Eun pun ri sum aˊyu ri meuh ngos ka hk'aˊ htut lawtpon naˊ.

Yakopˊ 2:5

Ecˊawngˊ leumeusˊ uiˊ naˊ peˊ, leuceng a meulamlam, Peucawoˊ leuk Eun ri ti peue bhenˊ keuteˊ hk'oˊtukyak naˊ ce kaw meuh peue meuneum hk'aˊnaee hk'aˊ yumˊ naˊ, maeeˊ kaw ce rap ri ti sinˊ ka kuingˊ yeuh Eun kati ri peue leumeusˊ Eun naˊ ce, unˊ meuh ka aw?

1 Petruˊ 1:4

Eun kah eˊ lec hk'aˊnaee sinˊ unˊ cang lulaic, unˊ cang seueumˊ maeeˊ unˊ cang raiˊ kuˊ rangraen ri uinˊ ri pun peˊ nang kuingˊ pang maoˊ naˊ.

1 Petruˊ 2:25

Kopti seunˊ peˊ konˊyungˊ veung raiˊ heulˊ naˊ, daecti maetˊmaenˊ peˊ keutah ingˊ rot ri Cawoˊ goˊ Cawoˊ roksaˊ civit peˊ naˊ Eun hawcˊ.

1 Petruˊ 2:9

Daecti meuh peˊ peue Peucawoˊ leuk Eun ri ti. Peˊ meuh peue jhawpˊ rit keuting, meuh peue ceu seungaˊ chakˊ, meuh konˊhk'i Eun Peucawoˊ. Kuˊ yeuh Eun aenˊ a meuh punta kaw peˊ heulˊ paoˊ lawng kanˊ keuting Eun naˊ. Eun klawng peˊ pucti hk'aiˊ vang duimˊlawng naˊ ingˊ lec vang cengˊ chakˊ Eun naˊ.

1 Yoˊhan 1:9

Eˊ lawn hk'oˊ ri ploeˊ mapˊ ri koˊ, Eun kati keutawnˊ leupaws seumeuˊ, Eun kaw ploeˊ mapˊ eˊ. Eun kaw saicˊ ri tec kuˊ unˊ leupaws seumeuˊ naˊ gawmˊeucˊ.

1 Yoˊhan 2:12

Konˊ leumeusˊ uiˊ naˊ peˊ, kopti pun peˊ hk'aˊ ploeˊ mapˊ ri muis Eun Yesuˊ naˊ hawcˊ, uiˊ temˊ ri tuilˊ htawm ri peˊ.

1 Yoˊhan 3:8

Peue yeuh mapˊ naˊ ingˊ ce neum seucaˊ naˊ, kopti tangˊ neum yamla ka naˊ seucaˊ naˊ yeuh a mapˊ naˊ. Konˊ aiˊ Eun Peucawoˊ lih Eun naˊ meuh a kop kaw Eun yeuh kanˊ ka seucaˊ naˊ lu.

1 Yoˊhan 5:19

Yawng eˊ meuh ri konˊ Eun Peucawoˊ, maeeˊ yawng eˊ bhenˊ keuteˊ naˊ gawmˊeucˊ utˊ ka hk'aˊruim vang uˊpeung ka seucaˊ rai naˊ.

Yuˊda 1:1

Htawm ti okˊ aenˊ na koˊ, meuh uiˊ Yuˊda meuh mhaiˊ Eun Yesuˊ Hkrit meuh awngˊ eun Yakopˊ, uiˊ temˊ ri tuilˊ a ri peue Peucawoˊ klawng Eun ri ti kuˊ Kuiingˊ Peucawoˊ leumeusˊ Eun maeeˊ kuˊ pun hk'aˊ Yesuˊ Hkrit roksaˊ Eun naˊ peˊ.

Tuhˊ ri tuilˊ 21:27

Kuˊ hk'awˊjeuk naˊ, aˊkoˊ peue yeuh kuˊ hk'oˊkaic naˊ, aˊkoˊ peue cang chiˊlai naˊ ce hkuinˊ kaw cang ingˊ lec veng awnˊ na. Daecti peue kueˊ muis nang htawm civit imˊ Eun Konˊyungˊ naˊ ce yawo ce kaw pun ri lec a.