Peue caee 20:21 - Plang (Blang)

²¹ Hkamˊ uiˊ saˊhkiˊ ri peue Yuˊda maeeˊ peue Helasaˊ naˊ ce. Ce kaw kah ri tawsˊ hpumˊ fuin mapˊ ri, hpawtˊ ri ingˊ ri Peucawoˊ Eun maeeˊ yumˊ hk'aˊnaee Yesuˊ Eun.

Peue caee 20:21 ပူးပေါင်းရင်းမြစ်များ

Mahtae 3:2

Eun lahˊ, “Kopti kuingˊ pang maoˊ naˊ kaw a hk'awsˊ rot hawcˊ naˊ, tawsˊ hpumˊ fuin mapˊ ri naˊ reuˊ.”

Mahtae 4:17

Tangˊ neum yam awnˊ na, Yesuˊ Eun tangˊ ri sangsawnˊ leukahˊ munˊ renˊkawn naˊ. Eun lahˊ, “Kopti kuingˊ pang maoˊ naˊ kaw a hk'awsˊ rot hawcˊ naˊ, tawsˊ hpumˊ fuin mapˊ ri naˊ reuˊ.”

Makuˊ 1:15

Eun lahˊ, “Rot a yam ka hawcˊ, kuingˊ Eun Peucawoˊ naˊ rot a de hawcˊ. Tawsˊ hpumˊ fuin mapˊ ri yumˊ leukahˊ munˊ renˊkawn naˊ reuˊ.”

Makuˊ 6:12

Tapaeˊ naˊ ce pucti heulˊ sangsawnˊ kah peue tawsˊ hpumˊ fuin mapˊ ri.

Luˊka 13:3

Kaw Uiˊ lahˊ a ri peˊ, unˊ meuh. Daecti saecˊ peˊ ri, peˊ lawn unˊ tawsˊ hpumˊ fuin mapˊ ri naˊ koˊ, peˊ ku kaw pun ri lulaic yeut.

Luˊka 13:5

Kaw Uiˊ lahˊ a ri peˊ, unˊ meuh. Daecti saecˊ peˊ ri, peˊ lawn unˊ tawsˊ hpumˊ fuin mapˊ ri koˊ, peˊ ku kaw pun ri lulaic yeut.”

Luˊka 15:10

Seunˊ awnˊ na, Uiˊ lahˊ a ri peˊ, ‘Kopti peue mapˊ ti peue naˊ tawsˊ eun hpumˊ fuin mapˊ ri naˊ, hk'aˊnaee inˊhpom Eun Peucawoˊ naˊ ce ku renˊkawn.’ ”

Luˊka 15:7

Seunˊ awnˊ na, Uiˊ lahˊ a ri peˊ, ‘Kopti peue mapˊ ti peue naˊ tawsˊ eun hpumˊ ri naˊ, nang kuingˊ pang maoˊ naˊ a ku kaw kueˊ hk'aˊ renˊkawn heunˊ hk'aiˊ peue leupaws seumeuˊ seudimˊkulˊ seudimˊ peue naˊ unˊ loˊ ce ri tawsˊ hpumˊ fuin mapˊ ri naˊ.’

Luˊka 16:28

kopti kawnˊ kueˊ uiˊ awngˊ me hpawnˊ peue. Punta kaw ce unˊ pun ri rot vang tukhka aenˊ a naˊ, kah Lasaruˊ eun ingˊ deunˊ sati ce reuˊ.’

Luˊka 24:47

Tangˊ neum veng Yeruˊsalaem naˊ, lawng tawsˊ hpumˊ fuin mapˊ naˊ maeeˊ lawng ploeˊ mapˊ naˊ kah ri sangsawnˊ a hk'aˊruim muis Eun ri peue ceu gawmˊeucˊ.

Yoˊhan 20:31

Daecti lawng aenˊ pun a ri temˊ ri uinˊ ri naˊ a meuh punta kaw peˊ yumˊ Yesuˊ meuh Eun Hkrit, Eun meuh Konˊ aiˊ Eun Peucawoˊ naˊ. Kopti meuh a hk'aˊ yumˊ naˊ, peˊ kaw pun aˊyu hk'aˊnaee muis Eun naˊ.

Yoˊhan 3:36

Aˊnhawˊ lawn yumˊ Konˊ aiˊ naˊ Eun koˊ, eun kaw pun citˊ tip aˊyu tip cotˊcu naˊ. Daecti aˊnhawˊ lawn unˊ rap ri ti Konˊ aiˊ naˊ Eun koˊ, eun kaw unˊ pun ri nyu aˊyu naˊ, kopti hk'aˊ seungeuengˊ Eun Peucawoˊ naˊ kawnˊ utˊ a maeeˊ heun naˊ.”

Peue caee 10:43

Peue suip leukahˊ Eun Peucawoˊ naˊ ce gawmˊeucˊ ce hkamˊ saˊhkiˊ ka lawng Eun naˊ. Ce lahˊ, ‘Peue yumˊ Eun naˊ ce ku peue kaw ce pun ploeˊ mapˊ ri muis Eun naˊ.’ ”

Peue caee 11:18

Yam mhawngˊ ce lawng aenˊ a naˊ, ce unˊ laee kueˊ kuˊ kaw ram ri heun baee. Ce sukˊseunˊ Peucawoˊ Eun. Ce lahˊ, “Yeuh keutitˊ koˊ, saecˊ meuh peue unˊ meuh peue ceu Yuˊda naˊ ce, Peucawoˊ Eun ku kah ce tawsˊ hpumˊ fuin mapˊ ri lec nang civit imˊ naˊ yeut.”

Peue caee 16:31

Ka topˊ a, “Yumˊ Cawoˊ Yesuˊ Eun reuˊ, mi ri maeeˊ peue nya peue hk'ulˊ mi naˊ kaw peˊ pun hk'aˊ htut lawtpon naˊ.”

Peue caee 17:30

Nanggalˊ aenˊ na kopti peue naˊ unˊ nang yawng ce a naˊ, Peucawoˊ Eun unˊ tangˊ aˊmu ri ce. Daecti maetˊmaenˊ, Peucawoˊ Eun tuilˊ leukahˊ ri peue utˊ ku duihˊ naˊ ce gawmˊeucˊ, kah ce tawsˊ hpumˊ fuin mapˊ ri hawcˊ.

Peue caee 19:17

Yam peue Yuˊda maeeˊ peue Helasaˊ utˊ nang veng Eˊfeˊsuˊ naˊ ce gawmˊeucˊ pun ce ri yawng lawng aenˊ a naˊ, ce lhatˊ nyawkˊ. Ce yuk muis Eun Cawoˊ Yesuˊ naˊ keuting lhungˊ.

Peue caee 2:38

Petruˊ eun topˊ a ri ce, “Punta mapˊ peˊ naˊ kaw a gahˊ, peˊ ri ku peue tawsˊ hpumˊ fuin mapˊ ri rap ri ti hk'aˊ cumˊ hk'aˊruim muis Eun Yesuˊ Hkrit naˊ reuˊ. Hawcˊ koˊ, peˊ kaw pun lapsawngˊ Citˊ seungaˊ chakˊ naˊ.

Peue caee 2:40

Petruˊ eun deunˊ sati ce rengreng ri leukahˊ seubu heunˊ ceu. Eun lahˊ, “Roksaˊ tuˊ peˊ naˊ yeuh ri pon peue rai cat aenˊ ce reuˊ.”

Peue caee 20:23

Uiˊ yawng yawo Citˊ seungaˊ chakˊ naˊ tuilˊ a sati uiˊ ri nang veng ku veng naˊ, a lahˊ uiˊ kaw hk'eupˊ htawngˊ maeeˊ kuˊ keunhapˊ nokneh naˊ koˊ ka uiˊ.

Peue caee 20:24

Daecti aˊyu uiˊ naˊ uiˊ unˊ sawnˊ a ngos heunˊ ri ti. Uiˊ lawn long yawo hk'aˊ kaw uiˊ pun ri long naˊ rot ri sutˊ ka maeeˊ yeuh yawo kanˊ meuh saˊhkiˊ ka lawng leukahˊ munˊ renˊkawn munˊ Eun Peucawoˊ kuˊ Yesuˊ tuilˊ Eun ri uiˊ naˊ hawcˊ koˊ, naˊ a hk'oˊ.

Peue caee 24:24

Hawcˊ ka lalˊ loeˊ seunyi naˊ, cawoˊ Felisˊ eun maeeˊ beunˊ eun muis Dusilasˊ naˊ ka va puri ingˊ. Beunˊ eun naˊ ka meuh peue Yuˊda. Cawoˊ Felisˊ eun klawng Pawˊlu eun ingˊ hk'eupˊ ka. Ka leuceng Pawˊlu ris eun lawng hk'aˊ yumˊ hk'aˊnaee Yesuˊ Hkrit Eun naˊ.

Peue caee 26:18

Aenˊ a meuh punta kaw mi heulˊ blasˊ ngaiˊ ce naˊ, hpawtˊ ce hk'aiˊ vang duimˊlawng naˊ ce naˊ tang ingˊ ri kuˊ cengˊ naˊ, hpawtˊ ce hk'aiˊ tiˊca ka Satan naˊ ce naˊ tang ingˊ ri Peucawoˊ Eun naˊ, punta kaw ce pun hk'aˊ ploeˊ mapˊ naˊ, hawcˊ koˊ, ce naˊ pun ri utˊ maeeˊ muk ce peue pun ri saicˊ mapˊ ri seungaˊ chakˊ ri kopti yumˊ ce Uiˊ naˊ.’

Peue caee 26:20

Uiˊ la ri sangsawnˊ leukahˊ munˊ renˊkawn naˊ ri peue veng Damasˊkasˊ naˊ ce. Hawcˊ ka naˊ, uiˊ sangsawnˊ a ri peue veng Yeruˊsalaem naˊ, ri peue kuingˊ Yuˊda maeeˊ peue unˊ meuh peue ceu Yuˊda naˊ ce yeut. Kaw ce kah ri tawsˊ hpumˊ fuin mapˊ ri, tang hpawtˊ ri ingˊ ri Peucawoˊ Eun maeeˊ yeuh peue nyu tawsˊ ce hpumˊ ri hawcˊ naˊ ri kanˊ kuˊ yeuh ce naˊ, uiˊ sangsawnˊ ce.

Peue caee 28:23

Ce hpawtˊ seunyi kaw ri hk'eupˊ Pawˊlu eun naˊ. Peue heunˊ naˊ ce ingˊ cu ri vang utˊ eun Pawˊlu naˊ. Tangˊ neum peunngup rot ri hk'aˊpul naˊ, Pawˊlu eun lahˊ ce mhawngˊ a meulamlam ri maeeˊ hkamˊ saˊhkiˊ lawng kuingˊ Eun Peucawoˊ naˊ ri ce. Eun coˊcaˊ ri yeuh ce yumˊ Yesuˊ Eun ri cu eun htawm leukahˊ ritroe eun Moˊse naˊ maeeˊ htawm ce peue suip leukahˊ Eun Peucawoˊ naˊ.

Peue caee 3:19

Kop awnˊ na punta Peucawoˊ kaw Eun saicˊ ri tec mapˊ peˊ naˊ, tawsˊ hpumˊ fuin mapˊ ri hpawtˊ ri ingˊ ri Peucawoˊ Eun reuˊ. Peˊ lawn yeuh keutitˊ koˊ, hk'aˊ kuit samˊran naˊ a kaw lih neum Peucawoˊ Eun,

Peue caee 8:25

Yam Petruˊ eun maeeˊ Yoˊhan hkamˊ ka saˊhkiˊ sangsawnˊ leukahˊ Eun Peucawoˊ hawcˊ naˊ, ka keutah ingˊ hukˊ nang veng Yeruˊsalaem. Yam hotˊ ka hk'aˊ ingˊ naˊ, ka sangsawnˊ leukahˊ munˊ renˊkawn naˊ nang yungˊ ce peue Samariˊ naˊ heunˊ yungˊ ingˊ.

Roˊma 1:14

Gawmˊ peue Helasaˊ naˊ ce, aˊkoˊ peue unˊ meuh peue Helasaˊ naˊ ce, maeeˊ gawmˊ peue kueˊ cuˊyi naˊ ce, aˊkoˊ peue unˊ kueˊ cuˊyi naˊ ce, uiˊ kueˊ beus ri ce.

Roˊma 1:16

Unˊ kaic uiˊ ri leukahˊ munˊ renˊkawn naˊ. Kopti leukahˊ munˊ renˊkawn naˊ meuh a tiˊca Eun Peucawoˊ punta peue yumˊ naˊ kaw ce pun hk'aˊ htut lawtpon naˊ ku peue ri naˊ. Peue Yuˊda naˊ pun ce a nanggalˊ, hawcˊ ka naˊ peue unˊ meuh peue ceu Yuˊda naˊ ce ku pun a.

Roˊma 10:9

Aenˊ na koˊ, moeng peˊ naˊ a lawn rap ri ti Yesuˊ meuh Eun Peucawoˊ naˊ maeeˊ hpumˊ peˊ naˊ a yumˊ Peucawoˊ yeuh Eun Yesuˊ Eun tang kuhˊ imˊ hk'aiˊ vang yeum ri naˊ koˊ, peˊ ku kaw pun ri rap ri ti hk'aˊ htut lawtpon naˊ yeut.

Roˊma 2:4

Aˊkoˊ, kawnˊ unˊ nawpsang peˊ hk'aˊ tukyak, hk'aˊ yeunˊhkam maeeˊ hk'aˊ kuit langˊ htonnuk Eun Peucawoˊ naˊ aw? Hk'aˊ tukyak Eun Peucawoˊ naˊ va ka peˊ kaw tang tawsˊ hpumˊ fuin mapˊ ri naˊ, unˊ yawng peˊ a aw?

Roˊma 4:24

daecti a ku meuh pun kuˊ Peucawoˊ sawnˊ Eun meuh peue leupaws seumeuˊ kuˊ yumˊ Cawoˊ yeuh Peucawoˊ Yesuˊ eˊ naˊ Eun tang kuhˊ imˊ hk'aiˊ vang yeum ri naˊ eˊ.

Roˊma 5:1

Kopti pun eˊ ri sawnˊ ri meuh peue leupaws seumeuˊ ri hk'aˊ yumˊ naˊ hawcˊ naˊ, eˊ kueˊ hk'aˊ kuit nyawkˊ kuit samˊran cumyenˊ naˊ maeeˊ Peucawoˊ Eun ri Yesuˊ Hkrit Eun.

1 Kawˊrinhtuˊ 1:22

Peue Yuˊda naˊ hk'oˊ ce ri nyu hetˊ keuting. Peue Helasaˊ naˊ ce hotˊ ri sok cuˊyi naˊ.

2 Kawˊrinhtuˊ 7:10

Kopti hk'aˊ hpumˊ lu hotˊ alo Eun Peucawoˊ naˊ yeuh a peue tang tawsˊ hpumˊ fuin mapˊ ri naˊ, a va peue ingˊ ri hk'aˊ htut lawtpon naˊ. A hkuinˊ meuh kuˊ hpumˊ lu. Daecti hk'aˊ hpumˊ lu ka bhenˊ keuteˊ naˊ a va peue heulˊ ri hk'aˊ yeum naˊ.

Galatiˊ 2:16

Yawng eˊ hpaw a caˊ kueˊ nang pun ri meuh peue leupaws seumeuˊ naˊ kopti hotˊ peue ri yeuh leukahˊ ritroe naˊ saecˊ ti peue, daecti pun peue ri meuh peue leupaws seumeuˊ naˊ kopti yumˊ peue Yesuˊ Hkrit Eun naˊ palkoe. Kop awnˊ na, punta kaw eˊ pun ri meuh peue leupaws seumeuˊ naˊ kopti yumˊ eˊ Hkrit Eun naˊ, a hkuinˊ meuh kopti hotˊ eˊ ri yeuh leukahˊ ritroe naˊ, eˊ yumˊ Yesuˊ Hkrit Eun. Kopti, hpaw a caˊ kueˊ nang pun ri meuh peue leupaws seumeuˊ naˊ kopti hotˊ peue ri yeuh leukahˊ ritroe naˊ saecˊ ti peue.

Galatiˊ 2:20

Pun uiˊ ri hkamˊ hk'aˊ tawkˊ ri naˊ maeeˊ Hkrit Eun hawcˊ. Uiˊ hkuinˊ laee suip ri kueˊ aˊyu, daecti a meuh Hkrit kueˊ Eun aˊyu hk'aˊnaee uiˊ. Aˊyu imˊ uiˊ hk'aˊnaee jawngkuiˊ tuˊ ri aenˊ a naˊ koˊ, uiˊ aˊyu imˊ ri hk'aˊ yumˊ uiˊ hk'aˊnaee Konˊ aiˊ Eun Peucawoˊ Cawoˊ leumeusˊ uiˊ maeeˊ Cawoˊ pun ri sum tuˊ ri pun uiˊ naˊ Eun.

Galatiˊ 3:22

Daecti htawm Seungaˊ naˊ a lahˊ, punta kati satˊcaˊ Eun Peucawoˊ naˊ kaw a pun ri tuilˊ ri ri peue kueˊ hk'aˊ yumˊ hk'aˊnaee Yesuˊ Hkrit Eun naˊ ce gawmˊeucˊ naˊ, peue gawmˊeucˊ naˊ peue utˊ hk'aˊruim tiˊca ka mapˊ naˊ.

Eˊfeˊsuˊ 1:15

Kop awnˊ na, tangˊ neum yam pun uiˊ ri mhawngˊ lawng hk'aˊ yumˊ peˊ hk'aˊnaee Cawoˊ Yesuˊ Eun naˊ maeeˊ lawng hk'aˊ leumeusˊkeus peˊ ri peue Eun Peucawoˊ naˊ ce ku peue naˊ,

Kawˊlawˊsaeˊ 2:5

Kopti tuˊ uiˊ naˊ a saecˊ naˊ unˊ utˊ maeeˊ peˊ koˊ, daecti hpumˊ uiˊ naˊ a utˊ maeeˊ peˊ. Pun uiˊ ri nyu utˊ peˊ cawpˊ hk'aˊ cawpˊ hk'ongˊ ri naˊ maeeˊ yumˊ keutawnˊ peˊ hk'aˊnaee Hkrit Eun naˊ, uiˊ renˊkawn.

1 Yoˊhan 5:1

Peue yumˊ Yesuˊ meuh Eun Hkrit naˊ ce ku peue, keutˊ ce neum Peucawoˊ Eun. Peue leumeusˊ Aˊkuiingˊ Eun naˊ ce ku peue, ce ku leumeusˊ Konˊ Eun naˊ Eun yeut.

1 Yoˊhan 5:5

Aˊnhawˊ ciˊ pe bhenˊ keuteˊ naˊ? Meuh a peue yumˊ Yesuˊ meuh Eun Konˊ aiˊ Eun Peucawoˊ naˊ ce palkoe.