Peue caee 20:19 - Plang (Blang)

¹⁹ Uiˊ saecˊ naˊ pun ri hkamˊ hk'aˊ copˊlong kopti peue Yuˊda naˊ saˊlit ce puri kaw toh uiˊ naˊ, daecti uiˊ yeuh mhaiˊ Eun Peucawoˊ naˊ hk'aˊnaee vang tangˊ uiˊ hpumˊ ri onawnˊ maeeˊ leuumˊ ngaiˊ ri.

Peue caee 20:19 ပူးပေါင်းရင်းမြစ်များ

Luˊka 19:41

Eun rot maeeˊ veng naˊ. Yam pun Eun ri nyu veng Yeruˊsalaem naˊ, Eun yam ri veng naˊ.

Yoˊhan 12:26

Peue yeuh mhaiˊ Uiˊ naˊ, kaw eun kah ri hotˊ Uiˊ. Uiˊ lawn utˊ tawngnhawˊ koˊ, mhaiˊ Uiˊ naˊ eun ku kaw utˊ ri ka. Kuiingˊ Uiˊ kaw Eun tuilˊ munhpungˊ naˊ ri peue yeuh mhaiˊ Uiˊ naˊ eun.

Peue caee 17:13

Yam peue Yuˊda utˊ nang veng Hteˊsaloˊniˊ naˊ pun ce ri mhawngˊ lawng Pawˊlu buih sangsawnˊ eun leukahˊ Eun Peucawoˊ nang veng Beriˊ naˊ, ce ku ingˊ mawnˊ. Ce ingˊ cuˊ peue cum heunˊ naˊ ce yeuh kuˊ suksak naˊ.

Peue caee 17:5

Daecti peue Yuˊda naˊ ce kueˊ hpumˊ hkoeˊmangˊ ka, ce klawng peue rai utˊ eoˊ nang keulas naˊ ce ingˊ yeuh kuˊ suksak nang veng naˊ. Punta kaw ce teukˊ Pawˊlu eun maeeˊ Silasˊ ka heulˊ nanggalˊ ce peue heunˊ naˊ, ce nui ri ingˊ lec ri sok ka nang nya eun Cesanˊ naˊ.

Peue caee 20:3

Eun utˊ tehˊ pun loeˊ chiˊ. Kopti yawng eun peue Yuˊda naˊ saˊlit ce puri kaw toh eun yeum naˊ, eun pawk reu heulˊ nang kuingˊ Suˊriˊ naˊ. Eun kuit ri kaw tang ingˊ kuingˊ Masidoˊniˊ naˊ eun kuit a deut.

Peue caee 20:31

Kop awnˊ na, rangraen ri koˊ reuˊ. Kuit rot ri unˊ laee keuluiˊ uiˊ ri uiˊ tuilˊ sati peˊ ku peue ri maeeˊ leuumˊ ngaiˊ ri gawmˊ sumˊ gawmˊ seunyi pun loeˊ neum naˊ reuˊ.

Peue caee 21:27

Yam kaw a hk'awsˊ htonnuk aˊres seunyi naˊ, peue Yuˊda ingˊ neum kuingˊ Asaˊ naˊ ce pun ri nyu Pawˊlu eun nang nya hk'oˊ munˊ keuting naˊ. Ce heulˊ cuˊciˊ peue cum heunˊ naˊ ce. Hawcˊ koˊ, ce mheutˊ Pawˊlu eun.

Peue caee 27:23

Bul peunkuˊ, inˊhpom Eun Peucawoˊ uiˊ kuˊ yeuh uiˊ mhaiˊ Eun naˊ ingˊ cawng eun keunam uiˊ naˊ.

Roˊma 1:1

Htawm ti okˊ aenˊ na koˊ, meuh uiˊ Pawˊlu meuh peue caee Eun Yesuˊ Hkrit. Peucawoˊ Eun klawng uiˊ meuh peue caee Eun Yesuˊ maeeˊ gvah ri uinˊ uiˊ meuh pun leukahˊ munˊ renˊkawn Eun Peucawoˊ naˊ.

Roˊma 1:9

Peucawoˊ Cawoˊ yeuh uiˊ mhaiˊ Eun sutˊ hk'aˊnaee hpumˊ ri hk'aˊnaee vang paoˊ uiˊ leukahˊ munˊ renˊkawn lawng Eun Konˊ aiˊ Eun naˊ, penˊ hkamˊ Eun saˊhkiˊ ka kuit rot uiˊ ri peˊ laleung

Roˊma 12:11

Pawlaee va hpumˊ hukˊ ri naˊ yop, daecti roksaˊ hpumˊ hukˊ ri hk'aˊ civit peˊ naˊ yeuh kanˊ Eun Peucawoˊ naˊ reuˊ.

2 Kawˊrinhtuˊ 2:4

Kopti temˊ uiˊ ri tuilˊ htawm ri peˊ hk'aˊnaee vang kuit nyhapˊ hpumˊ suiˊ nyawkˊ uiˊ naˊ maeeˊ leuumˊ ngaiˊ peucˊ ri naˊ, a hkuinˊ meuh punta kaw uiˊ yeuh peˊ kuit nyhapˊ, daecti a meuh punta kaw uiˊ yeuh pe yawng leumeusˊ uiˊ peˊ pe aˊneng naˊ.

2 Kawˊrinhtuˊ 3:5

Kopti ara chanan ya naˊ ya yeuh ceu nang aenˊ ce pucti lih naˊ, a hkuinˊ yeuh keutitˊ. Daecti ara chanan ya naˊ lih a neum Peucawoˊ Eun.

2 Kawˊrinhtuˊ 7:5

Kopti yam rot ya nang kuingˊ Masidoˊniˊ naˊ, ya hkuinˊ pun ri keuluiˊ ri saecˊ peunaeˊ. Hk'aˊ tukhka naˊ kueˊ a rop ya. Hk'aˊnok naˊ a kueˊ hk'aˊ kleucˊ puri, hk'aˊnaee naˊ a kueˊ kuˊ hk'oˊlhatˊ.

Galatiˊ 1:10

Lahˊ uiˊ a yeuhkiˊ naˊ, buih yeuh uiˊ kuˊ kaw htukˊ hpumˊ peue aw, aˊkoˊ kuˊ kaw htukˊ hpumˊ Eun Peucawoˊ aw? Aˊkoˊ, buih coˊcaˊ uiˊ kuˊ kaw hitˊ hpumˊ peue naˊ aw? Uiˊ lawn buih coˊcaˊ ri yeuh kuˊ kaw hitˊ hpumˊ peue naˊ koˊ, hpaw uiˊ caˊ meuh mhaiˊ Eun Hkrit.

Eˊfeˊsuˊ 6:7

Renˊkawn yeuh mhaiˊ naˊ seunˊ buih yeuh a pun Peucawoˊ Eun naˊ reuˊ, a hkuinˊ meuh yeuh a pun peue.

Hpiˊliˊpiˊ 3:18

Kopti seunˊ kuˊ tawn tuilˊ uiˊ sati peˊ laleung leumahˊ naˊ, maetˊmaenˊ uiˊ ku tuilˊ sati peˊ maeeˊ leuumˊ ngaiˊ ri, kueˊ a nang aˊyu imˊ seunˊ meuh ce ransu ka kleumˊ rawngˊtawpˊ Eun Hkrit naˊ heunˊ peue.

Kawˊlawˊsaeˊ 3:24

Kopti tup yawng peˊ kaw ri pun sinˊ kuˊ meuh lapsawngˊ naˊ ri Peucawoˊ Eun. Hkrit aenˊ meuh Eun kuˊ buih yeuh peˊ mhaiˊ Eun naˊ.

1 Hteˊsalawˊniˊ 1:9

kopti peˊ ciˊ rap ri ti ye yeuh saˊnhawˊ naˊ peue awnˊ lahˊ ris ce a. Peˊ ciˊ hpawtˊ ri tec ruphtu naˊ yeuh saˊnhawˊ punta kaw peˊ ingˊ yeuh kanˊ Eun taengtaeng Peucawoˊ Cawoˊ aˊyu imˊ naˊ,

2 Tiˊmoˊse 1:4

Yam keutuiˊ hpumˊ uiˊ leuumˊ ngaiˊ mi naˊ, punta kaw uiˊ renˊkawn kuit samˊran htonnuk naˊ, uiˊ sumˊ nyu mi.

Yakopˊ 1:2

Ecˊawngˊ uiˊ naˊ peˊ, yam hk'eupˊ peˊ kuˊ copˊlong heunˊ ceu naˊ, sawnˊ a meuh kuˊ renˊkawn reuˊ.

1 Petruˊ 1:6

Maetˊmaenˊ peˊ saecˊ naˊ pun ri hkamˊ kuˊ tukhka kopti kuˊ copˊlong heunˊ ceu naˊ ti cu hkaoˊ, peˊ renˊkawn nyawkˊ.

2 Petruˊ 1:1

Htawm ti okˊ aenˊ na koˊ, meuh uiˊ Siˊmon Petruˊ meuh mhaiˊ meuh peue caee Eun Yesuˊ Hkrit, uiˊ temˊ ri tuilˊ a ri peue pun ri rap ri ti hk'aˊ yumˊ ngos heunˊ naˊ ce seunˊ uiˊ ri pun uiˊ ri rap ri ti a hk'aˊnaee hk'aˊ leupaws seumeuˊ Eun Yesuˊ Hkrit meuh Peucawoˊ Cawoˊ htut eˊ naˊ Eun.

Tuhˊ ri tuilˊ 7:15

Kop awnˊ na, ce utˊ nanggalˊ tenceoˊ Eun Peucawoˊ naˊ. Ce yeuh mhaiˊ Eun gawmˊ sumˊ gawmˊ seunyi hk'aˊnaee nya hk'oˊ munˊ Eun naˊ. Cawoˊ mokˊ pang tenceoˊ naˊ Eun kaw uˊpeung hk'aˊpang ce naˊ.