Peue caee 19:29 - Plang (Blang)

²⁹ Hawcˊ ka naˊ unˊ lingˊ, a seutuin seutan nang veng awnˊ na gawmˊeucˊ. Kuˊ meuh peue long hk'aˊ maeeˊ Pawˊlu eun neum veng Masidoˊniˊ muis Gaiasˊ maeeˊ Aritahkasˊ naˊ ka ce yat ka lec vang peue veng naˊ hk'om ce puri naˊ.

Peue caee 19:29 ပူးပေါင်းရင်းမြစ်များ

Peue caee 13:5

Yam rot ka nang veng Salamisˊ naˊ, ka sangsawnˊ leukahˊ munˊ Eun Peucawoˊ naˊ nang saˊla vang hk'oˊ munˊ ce peue Yuˊda naˊ. Yoˊhan eun ku utˊ mawnˊ. Eun meuh nang teumˊkawm ka.

Peue caee 16:12

Ye tang pucti heulˊ neum veng awnˊ na, ye rot nang veng Hpiˊliˊpiˊ naˊ. Veng awnˊ a meuh veng tangˊ ce peue Roˊma naˊ. A meuh veng nambat keuhti ka hk'aˊnaee kuingˊ Masidoˊniˊ naˊ. Ye ku utˊ mawnˊ heunˊ seunyi yeut.

Peue caee 16:9

Peunsumˊ naˊ, Pawˊlu eun nyu limit peue Masidoˊniˊ ti peue cawng eun ri hk'oˊ a ri ti. Eun lahˊ, “Hk'oˊ mi ingˊ teumˊkawm ye nang kuingˊ Masidoˊniˊ naˊ.”

Peue caee 17:8

Yam peue veng naˊ maeeˊ peue yeuh kanˊ nang veng naˊ pun ce ri mhawngˊ yeuh a keutitˊ naˊ, ce hpumˊ haˊ ron nyawkˊ.

Peue caee 19:21

Hawcˊ ka lawng aenˊ yeuh a keutitˊ naˊ, Pawˊlu kaw eun hpaˊ kuingˊ Masidoˊniˊ maeeˊ kuingˊ Ahkaiyaˊ naˊ heulˊ nang veng Yeruˊsalaem naˊ eun kuit a deut. Eun lahˊ, “Hawcˊ rot uiˊ tehˊ naˊ, uiˊ ku kaw htukˊ ri heulˊ glue nang veng Roˊma naˊ yeut.”

Peue caee 19:22

Pawˊlu eun cusˊ nang teumˊkawm ri lalˊ peue ka heulˊ nang kuingˊ Masidoˊniˊ naˊ. A meuh Tiˊmoˊse eun maeeˊ Eˊratasˊ ka. Daecti heun ri, eun kawnˊ utˊ nang kuingˊ Asaˊ naˊ ti cu hkaoˊ.

Peue caee 19:32

Hk'aˊnaee vang hk'om naˊ a seutuin seutan nyawkˊ. Ngonˊ ce klawng ri lahˊ a yeuhkoˊ, ngonˊ ce klawng ri lahˊ a yeuhkiˊ. Peue hk'aˊ heunˊ naˊ ce unˊ yawng yeuh ri keunhawˊ mawnˊ.

Peue caee 20:34

Cu uiˊ tiˊ ri naˊ uiˊ sok kuˊ loˊ uiˊ naˊ maeeˊ kuˊ loˊ ce peue utˊ maeeˊ uiˊ naˊ ce, peˊ ku yawng a.

Peue caee 20:4

Peue heulˊ maeeˊ Pawˊlu eun naˊ ce a meuh Sawˊpataruˊ konˊ me eun Pliˊrasˊ peue veng Beriˊ, Aritahkasˊ eun maeeˊ Sekundasˊ peue veng Hteˊsaloˊniˊ, Gaiasˊ peue veng Deube, Tiˊmoˊse, Taiˊhkiˊkasˊ eun maeeˊ Trofimasˊ peue kuingˊ Asaˊ naˊ ka.

Peue caee 21:30

Peue veng naˊ ce seutuin seutan gawmˊeucˊ. Peue cuca ri ingˊ neum ku honˊ, ce ingˊ mheutˊ Pawˊlu eun. Ce olˊ eun pucti lih hk'aˊnok ka nya hk'oˊ munˊ keuting naˊ, ce keulawnˊ sawngˊ leuvaˊ ka naˊ.

Peue caee 21:38

Unˊ meuh mi peue Eˊjiˊtuˊ kuˊ fuin kuingˊ maeeˊ va peue rai hpawnˊhengˊ peue ce heulˊ nang vang hk'ohˊhk'oengˊ nanggalˊ aenˊ a naˊ eun aw?”

Peue caee 27:2

Ye lec reu naˊ ingˊ neum veng Adramiˊtiˊumˊ kuˊ kaw buih heulˊ ri ta ka veng utˊ keunam ka ba mhaˊseumutˊ nang kuingˊ Asaˊ naˊ ce. Hawcˊ koˊ, reu naˊ a yuk ri heulˊ. Peue Masidoˊniˊ kuˊ ingˊ neum veng Hteˊsaloˊniˊ muis Aritahkasˊ naˊ eun ku utˊ maeeˊ ye yeut.

Roˊma 16:23

Gaiasˊ kuˊ hpumˊ vah hpumˊ hk'oˊrenˊ rap ri ti uiˊ maeeˊ rap ri ti muk konˊ Hkrit maenˊ naˊ eun ku tawmˊ a lahˊ ri leunyeng ri peˊ. Eˊratasˊ cawoˊ roksaˊ leumuil ka veng aenˊ a naˊ eun maeeˊ Hkeotasˊ ecˊawngˊ uiˊ naˊ ka tawmˊ a lahˊ ri leunyeng ri peˊ.

1 Kawˊrinhtuˊ 1:14

Munˊ keuting uiˊ ri Peucawoˊ Eun kopti a lawn unˊ meuh yawo tuilˊ uiˊ hk'aˊ cumˊ naˊ ri Hkrisˊpasˊ maeeˊ Gaiasˊ ka koˊ, uiˊ hkuinˊ pun ri tuilˊ hk'aˊ cumˊ naˊ ri peˊ saecˊ ti peue.

1 Kawˊrinhtuˊ 4:9

Kopti nyu uiˊ Peucawoˊ Eun uinˊ peue caee Eun Hkrit naˊ ya vang tisutˊ ka naˊ seunˊ peue kaw pun ri yeum eun hawcˊ tawsˊ aˊmu ri naˊ eun koˊ. Ya meuh kuˊ hk'oˊsumˊ keunyas ri saˊhpahtaˊ ku ceu naˊ, ri inˊhpom naˊ ce maeeˊ ri peue naˊ ce.

2 Kawˊrinhtuˊ 8:19

Lheuˊ awnˊ na, muk konˊ Hkrit naˊ ce leuk ecˊawngˊ awnˊ eun heulˊ maeeˊ ya yam pinˊ ya paec tan heulˊ nang veng Yeruˊsalaem naˊ. Yeuh ya kanˊ pinˊ ri heulˊ tuilˊ paec tan aenˊ a koˊ, a meuh punta kaw ya tuilˊ munhpungˊ Eun Peucawoˊ naˊ maeeˊ punta kaw a yeuh hpumˊ sumˊ teumˊkawm ya naˊ pucti lih glihˊgleuengˊ naˊ.

Kawˊlawˊsaeˊ 4:10

Aritahkasˊ meuh aˊmawo maeeˊ uiˊ nang htawngˊ naˊ eun maeeˊ Makuˊ eun ka ku tawmˊ a ka lahˊ ri leunyeng ri peˊ. Makuˊ maeeˊ Banabasˊ ka meuh konˊ ecˊ konˊ awngˊ. (Uiˊ ku tawn lahˊ a ri peˊ hawcˊ, Makuˊ eun lawn ingˊ ri peˊ koˊ, rap ri ti eun meulamlam ri reuˊ.)

Hpiˊleˊmon 1:24

Kuˊ yeuh kanˊ maeeˊ uiˊ Makuˊ, Aritahkasˊ, Demasˊ maeeˊ Luˊka ce ku tawmˊ a ce lahˊ ri leunyeng ri mi.

3 Yoˊhan 1:1

Htawm ti okˊ aenˊ na koˊ meuh uiˊ roˊkan nang kawt, uiˊ temˊ ri tuilˊ a ri Gaiasˊ aˊmawo leumeusˊ uiˊ naˊ mi. Leumeusˊ uiˊ mi hk'aˊnaee vang leupaws seumeuˊ naˊ.