Peue caee 19:17 - Plang (Blang)

¹⁷ Yam peue Yuˊda maeeˊ peue Helasaˊ utˊ nang veng Eˊfeˊsuˊ naˊ ce gawmˊeucˊ pun ce ri yawng lawng aenˊ a naˊ, ce lhatˊ nyawkˊ. Ce yuk muis Eun Cawoˊ Yesuˊ naˊ keuting lhungˊ.

Peue caee 19:17 ပူးပေါင်းရင်းမြစ်များ

Luˊka 1:65

Peue utˊ keunam mawnˊ naˊ ce lhatˊ. Lawng aenˊ a seutuin seutan eoˊ nang gong nang bueˊ ka kuingˊ Yuˊda naˊ ku duihˊ ka.

Luˊka 7:16

Peue gawmˊeucˊ naˊ ce lhatˊ nyawkˊ. Ce sukˊseunˊ Peucawoˊ Eun. Ce lahˊ, “Peue suip leukahˊ Eun Peucawoˊ keuting naˊ puc Eun ri hk'aˊnaee eˊ hawcˊ. Peucawoˊ lih teumˊkawm Eun peue ceu ri naˊ ce hawcˊ.”

Peue caee 13:12

Yam cawoˊ veng naˊ nyu eun kuˊ meuh awnˊ a naˊ, kopti amˊ eun ri kuˊ sangsawnˊ lawng leukahˊ Eun Peucawoˊ naˊ, eun ku yumˊ yeut.

Peue caee 18:19

Yam rot ce veng Eˊfeˊsuˊ naˊ, Pawˊlu eun uinˊ Pliˊsiˊlaˊ eun maeeˊ Aˊkuˊlaˊ ka utˊ mawnˊ. Heun ri koˊ, eun heulˊ lec ri saˊlit maeeˊ peue Yuˊda naˊ ce nang saˊla vang hk'oˊ munˊ naˊ.

Peue caee 18:21

Daecti yam kaw eun amˊla ce naˊ, eun tuilˊ kati ri ce lahˊ, “A lawn cawpˊ alo Eun Peucawoˊ koˊ, uiˊ kaw tang ingˊ ri peˊ baee.” Hawcˊ koˊ, eun pawk reu naˊ pucti heulˊ hk'aiˊ veng Eˊfeˊsuˊ naˊ.

Peue caee 19:1

Yam Apawˊlu kawnˊ utˊ eun nang veng Kawˊrinhtuˊ naˊ, Pawˊlu eun heulˊ hpaˊ nang ngonˊ ka kuingˊ naˊ, eun rot nang veng Eˊfeˊsuˊ. Eun pun ri hk'eupˊ tapaeˊ naˊ ce tehˊ ngonˊ.

Peue caee 19:16

Hawcˊ koˊ, peue seucaˊ rai lec ka naˊ eun ku yawtˊ ri lhawˊ ri ri ce. Eun pe ce gawmˊeucˊ. Ce beus nhamˊ ri utˊ gungˊgangˊ pun ri pucti hk'uih heulˊ hk'aiˊ nya naˊ.

Peue caee 19:18

Maetˊmaenˊ peue yumˊ hawcˊ naˊ ce heunˊ peue, ce ingˊ ris kuˊ kleucˊ yeuh ri naˊ glihˊgleuengˊ.

Peue caee 2:43

Kopti peue caee Eun Yesuˊ naˊ yeuh ce kuˊ hk'oˊamˊ maeeˊ hetˊ keuting heunˊ ceu pucti lih naˊ, ce lhatˊ ku peue ri.

Peue caee 5:11

Muk konˊ Hkrit naˊ ce maeeˊ peue pun ri mhawngˊ lawng aenˊ na gawmˊeucˊ naˊ ce lhatˊ nyawkˊ.

Peue caee 5:13

Peue seubu naˊ ce saecˊ yumyamˊ ce nyawkˊ, daecti ce unˊ hatˊ ri ingˊ pawngˊ ri maeeˊ ce saecˊ ti peue.

Peue caee 5:5

Yam Ananiˊ pun eun ri mhawngˊ leukahˊ awnˊ a naˊ, eun keulawnˊ cungˊkus yeum. Peue pun ri mhawngˊ lawng awnˊ a gawmˊeucˊ naˊ ce lhatˊ nyawkˊ.

Hpiˊliˊpiˊ 1:20

Yumˊ uiˊ maeeˊ keutuiˊ hpumˊ uiˊ ri kaw unˊ laee yeuh kuˊ hk'oˊkaic naˊ saecˊ ti ceu, daecti kaw uiˊ kueˊ hk'aˊ hatˊhanˊ naˊ htonnuk punta maetˊmaenˊ Hkrit kaw Eun pun ri rap ri ti munhpungˊ naˊ kopti meuh a jawngkuiˊ tuˊ uiˊ naˊ seunˊ kuˊ tawn pun Eun laleung naˊ, uiˊ saecˊ naˊ aˊyu imˊ, aˊkoˊ caw ri yeum unˊ lahˊ.

2 Hteˊsalawˊniˊ 1:12

Punta muis Eun Cawoˊ Yesuˊ eˊ naˊ kaw a pun munhpungˊ sukˊseunˊ hk'aˊnaee peˊ naˊ maeeˊ punta kaw peˊ pun munhpungˊ ri hk'aˊnaee Heun hotˊ munˊ Eun Peucawoˊ naˊ maeeˊ Cawoˊ Yesuˊ Hkrit eˊ naˊ Eun naˊ, ye hk'oˊ munˊ yeuhkiˊ.

2 Hteˊsalawˊniˊ 3:1

Ecˊawngˊ naˊ peˊ, leukahˊ tisutˊ naˊ, punta leukahˊ munˊ renˊkawn Eun Peucawoˊ naˊ kaw a lawsˊ heulˊ vaeevaee meuh kuˊ yumyamˊ seunˊ meuh a hk'aˊnaee peˊ ri naˊ, hk'oˊ munˊ pun ye reuˊ.