Peue caee 18:27 - Plang (Blang)

²⁷ Yam Apawˊlu sumˊ heulˊ eun nang kuingˊ Ahkaiyaˊ naˊ, ecˊawngˊ naˊ ce tuilˊ kawlˊreng eun. Punta tapaeˊ utˊ tehˊ naˊ kaw ce rap ri ti eun naˊ, ce temˊ ri tuilˊ lai ri ce. Yam rot eun tehˊ naˊ, kopti meuh a munˊ Eun Peucawoˊ naˊ, peue ingˊ yumˊ naˊ ce eun teumˊkawm ce.

Peue caee 18:27 ပူးပေါင်းရင်းမြစ်များ

Peue caee 1:15

Hk'aˊnaee seunyi meuyam awnˊ na, Petruˊ eun kuhˊ cawng nang ngonˊ ce peue yumˊ naˊ (ce kueˊ hk'ao ri pakˊ leualˊkulˊ peue.)

Peue caee 11:26

Yam pun eun ri nyu eun naˊ, eun va eun ingˊ nang veng Anhtiˊok naˊ. Ka hk'om maeeˊ muk konˊ Hkrit naˊ ce maeeˊ sangsawnˊ peue cum heunˊ naˊ ce ti neum nuk. Muis lahˊ tapaeˊ naˊ ce meuh konˊ Hkrit naˊ, a la ri lahˊ ri nanggalˊ nang veng Anhtiˊok naˊ.

Peue caee 18:12

Yam Galioˊ meuh eun cawoˊ keuting nang kuingˊ Ahkaiyaˊ naˊ, peue Yuˊda naˊ ce pawngˊ puri kaw yeuh Pawˊlu eun lu. Ce va eun heulˊ ri nang vang tawsˊ aˊmu naˊ.

Peue caee 18:18

Pawˊlu utˊ eun nang veng Kawˊrinhtuˊ naˊ lingˊ. Hawcˊ koˊ, eun amˊla ecˊawngˊ naˊ ce, eun pawk reu naˊ heulˊ nang kuingˊ Suˊriˊ. Pliˊsiˊlaˊ eun maeeˊ Ahkioˊlaˊ ka ku hotˊ eun heulˊ yeut. Nanggalˊ yam unˊ nang pawk eun reu naˊ, eun konˊ cingˊ ri naˊ nang veng Kechel naˊ, kopti yeuh eun kati satˊcaˊ ri Peucawoˊ Eun naˊ.

Peue caee 19:1

Yam Apawˊlu kawnˊ utˊ eun nang veng Kawˊrinhtuˊ naˊ, Pawˊlu eun heulˊ hpaˊ nang ngonˊ ka kuingˊ naˊ, eun rot nang veng Eˊfeˊsuˊ. Eun pun ri hk'eupˊ tapaeˊ naˊ ce tehˊ ngonˊ.

Peue caee 9:27

Daecti Banabasˊ eun va eun heulˊ hk'eupˊ peue caee Eun Yesuˊ naˊ ce. Lawng Sawˊlu nyu eun Yesuˊ Eun langˊhk'aˊ naˊ maeeˊ lawng Yesuˊ leukahˊ Eun maeeˊ heun yeuh saˊnhawˊ naˊ, maeeˊ lawng cu eun muis Eun Yesuˊ naˊ eun sangsawnˊ leukahˊ munˊ ri hpumˊ hatˊhanˊ ri nang veng Damasˊkasˊ naˊ yeuh saˊnhawˊ naˊ, Banabasˊ eun ris ce mhawngˊ a.

Roˊma 1:5

Punta kaw eˊ lahˊ ris peue unˊ meuh peue ceu Yuˊda naˊ ce ingˊ yumˊ Eun maeeˊ leuceng ri ti Eun naˊ, kopti meuh a Heun ri maeeˊ punta muis Eun naˊ, eˊ pun ri rap ri ti munˊ sinˊ naˊ maeeˊ pun ri meuh peue caee Eun Yesuˊ naˊ.

1 Kawˊrinhtuˊ 15:10

Daecti kopti meuh a munˊ Eun Peucawoˊ naˊ, uiˊ ku lakˊ meuh yeuhkiˊ. Munˊ Eun Peucawoˊ kueˊ ri uiˊ naˊ a hkuinˊ meuh kuˊ hk'oˊhk'awngˊ. Uiˊ yeuh kanˊ heunˊ hk'aiˊ peue caee Eun Yesuˊ naˊ ce gawmˊeucˊ. Daecti uiˊ hkuinˊ yeuh meun a, munˊ Eun Peucawoˊ kuˊ kueˊ hk'aˊnaee uiˊ naˊ a yeuh a.

1 Kawˊrinhtuˊ 16:3

Yam ingˊ rot uiˊ naˊ, uiˊ naˊ temˊ lai kaw meuh saˊhkiˊ ka tuilˊ a ri peue kuˊ nyu peˊ htukˊ hpumˊ ri peˊ leuk ce meuh nang kaw hukˊ tuilˊ lai naˊ maeeˊ paec tan peˊ naˊ nang veng Yeruˊsalaem naˊ.

1 Kawˊrinhtuˊ 3:6

Meuh uiˊ nang jheumˊ a, Apawˊlu eun meuh nang lhuikˊ a. Daecti Peucawoˊ Eun meuh nang yeuh a keuting.

2 Kawˊrinhtuˊ 1:24

Hpaw ya caˊ meuh cawoˊ uˊpeung hk'aˊ yumˊ peˊ naˊ. Daecti punta kaw peˊ pun ri rap hk'aˊ renˊkawn naˊ, ya reurao yeuh kanˊ naˊ maeeˊ peˊ, kopti hk'aˊ yumˊ peˊ naˊ keutawnˊ ka naˊ.

Hpiˊliˊpiˊ 1:25

Yam yawng uiˊ aenˊ a meulamlam ri naˊ, uiˊ yawng kaw ri tang suip ri aˊyu imˊ utˊ maeeˊ peˊ heulˊ, punta kaw peˊ hukˊhawnˊ maeeˊ renˊkawn hk'aˊnaee hk'aˊ yumˊ naˊ.

Hpiˊliˊpiˊ 1:29

Kopti Peucawoˊ tuilˊ Eun peˊ kaw yumˊ Hkrit Eun palkoe naˊ a hkuinˊ meuh, daecti Eun ku kah peˊ pun ri hkamˊ kuˊ tukhka naˊ pun Heun yeut.

Kawˊlawˊsaeˊ 2:12

Peˊ ku pun ri puingˊ ri maeeˊ Heun hk'aˊnaee rap peˊ ri ti hk'aˊ cumˊ naˊ. Eun yeuh peˊ tang kuhˊ imˊ maeeˊ ti ri hk'aˊ yumˊ peˊ hk'aˊnaee tiˊca Eun Peucawoˊ Cawoˊ yeuh Hkrit Eun tang kuhˊ imˊ naˊ Eun.

Kawˊlawˊsaeˊ 4:10

Aritahkasˊ meuh aˊmawo maeeˊ uiˊ nang htawngˊ naˊ eun maeeˊ Makuˊ eun ka ku tawmˊ a ka lahˊ ri leunyeng ri peˊ. Makuˊ maeeˊ Banabasˊ ka meuh konˊ ecˊ konˊ awngˊ. (Uiˊ ku tawn lahˊ a ri peˊ hawcˊ, Makuˊ eun lawn ingˊ ri peˊ koˊ, rap ri ti eun meulamlam ri reuˊ.)