Peue caee 18:19 - Plang (Blang)

¹⁹ Yam rot ce veng Eˊfeˊsuˊ naˊ, Pawˊlu eun uinˊ Pliˊsiˊlaˊ eun maeeˊ Aˊkuˊlaˊ ka utˊ mawnˊ. Heun ri koˊ, eun heulˊ lec ri saˊlit maeeˊ peue Yuˊda naˊ ce nang saˊla vang hk'oˊ munˊ naˊ.

Peue caee 18:19 ပူးပေါင်းရင်းမြစ်များ

Peue caee 18:20

Yam peue awnˊ hk'oˊ ce Pawˊlu eun utˊ maeeˊ ti lingˊ naˊ, daecti eun unˊ yeuh a.

Peue caee 18:21

Daecti yam kaw eun amˊla ce naˊ, eun tuilˊ kati ri ce lahˊ, “A lawn cawpˊ alo Eun Peucawoˊ koˊ, uiˊ kaw tang ingˊ ri peˊ baee.” Hawcˊ koˊ, eun pawk reu naˊ pucti heulˊ hk'aiˊ veng Eˊfeˊsuˊ naˊ.

Peue caee 18:24

Yam awnˊ na, peue Yuˊda muis Apawˊlu meuh peue veng Alekˊsandrian naˊ eun ingˊ nang veng Eˊfeˊsuˊ naˊ. Eun meuh peue chanan leukahˊ, yawng htawm Seungaˊ naˊ nyawkˊ.

Peue caee 18:4

Punta kaw eun sangsawnˊ pun peue Yuˊda maeeˊ peue Helasaˊ naˊ ce naˊ, eun saˊlit ce nang saˊla vang hk'oˊ munˊ naˊ ku Sinˊ.

Peue caee 19:1

Yam Apawˊlu kawnˊ utˊ eun nang veng Kawˊrinhtuˊ naˊ, Pawˊlu eun heulˊ hpaˊ nang ngonˊ ka kuingˊ naˊ, eun rot nang veng Eˊfeˊsuˊ. Eun pun ri hk'eupˊ tapaeˊ naˊ ce tehˊ ngonˊ.

Peue caee 19:17

Yam peue Yuˊda maeeˊ peue Helasaˊ utˊ nang veng Eˊfeˊsuˊ naˊ ce gawmˊeucˊ pun ce ri yawng lawng aenˊ a naˊ, ce lhatˊ nyawkˊ. Ce yuk muis Eun Cawoˊ Yesuˊ naˊ keuting lhungˊ.

Peue caee 19:26

Pawˊlu aenˊ hpawe eun ce naˊ punta peue nang veng Eˊfeˊsuˊ aenˊ na maeeˊ nang kuingˊ Asaˊ naˊ kaw a daee meuh ce gawmˊeucˊ kaw ce kleucˊ hk'aˊ ri naˊ, peˊ ku pun ri nyu yawng a. Eun lahˊ ruphtu plengˊ peue ri tiˊ ri naˊ a unˊ meuh peucawoˊ.

Peue caee 19:28

Yam mhawngˊ ce leukahˊ awnˊ a naˊ, ce seungeuengˊ nyawkˊ. Ce tangˊ ri taˊulˊ ri lahˊ, “Peucawoˊ Atemisˊ ce peue Eˊfeˊsuˊ naˊ a keuting lhungˊ.”

Peue caee 19:35

Peue yeuh kanˊ nang veng naˊ eun kah peue cum heunˊ naˊ ce ditˊti. Hawcˊ koˊ, eun lahˊ a ri ce, “Peue Eˊfeˊsuˊ naˊ peˊ, veng Eˊfeˊsuˊ eˊ naˊ meuh ka nang roksaˊ nya hk'oˊ munˊ ka peucawoˊ ma Atemisˊ keuting naˊ maeeˊ ruphtu ka Atamisˊ lih neum pang maoˊ naˊ, yawng peue a ku peue ri, unˊ meuh ka aw?

Peue caee 20:16

Punta Pawˊlu kaw eun unˊ laee sum yam ri nang kuingˊ Asaˊ naˊ, eun kuit ri kaw pawk reu naˊ hpaˊ keulawnˊ veng Eˊfeˊsuˊ naˊ heulˊ. Kopti a lawn kaw cang meuh koˊ, eun sumˊ heulˊ hk'eupˊ seunyi Petekoˊte naˊ nang veng Yeruˊsalaem naˊ vaeevaee.

Peue caee 20:17

Pawˊlu eun ku cusˊ peue heulˊ klawng roˊkan nang kawt muk konˊ Hkrit nang veng Eˊfeˊsuˊ naˊ ce ingˊ ri ti nang veng Meletasˊ naˊ.

Peue caee 21:29

(Nanggalˊ aenˊ na pun ce ri nyu Trofimasˊ peue Eˊfeˊsuˊ naˊ utˊ eun maeeˊ Pawˊlu eun nang veng naˊ. Kop awnˊ na, ce hteumˊ Pawˊlu eun va eun ingˊ lec nang nya hk'oˊ munˊ keuting naˊ.)

1 Kawˊrinhtuˊ 15:32

Uiˊ saecˊ naˊ klaeeˊ satˊ hk'i nang veng Eˊfeˊsuˊ naˊ, daecti Peucawoˊ Eun lawn unˊ yeuh peue yeum naˊ ce tang kuhˊ imˊ koˊ, a ciˊ kaw kueˊ munˊ keunhawˊ pun uiˊ? “Eˊ hk'asomˊ pawh, kopti peunsaˊ kaw eˊ yeum.”

1 Kawˊrinhtuˊ 16:8

Daecti uiˊ kaw suip ri utˊ nang veng Eˊfeˊsuˊ naˊ rot ti yam pawe Petekoˊte naˊ rot ka naˊ.

Eˊfeˊsuˊ 1:1

Meuh uiˊ Pawˊlu meuh peue caee Eun Yesuˊ Hkrit hotˊ alo Eun Peucawoˊ naˊ. Uiˊ temˊ ri tuilˊ htawm ti okˊ aenˊ a ri peue Eun Peucawoˊ utˊ nang veng Eˊfeˊsuˊ kuˊ kati keutawnˊ hk'aˊnaee Yesuˊ Hkrit Eun naˊ peˊ.

1 Tiˊmoˊse 1:3

Seunˊ kuˊ tawn lahˊ uiˊ ri mi yam kaw uiˊ heulˊ nang kuingˊ Masidoˊniˊ naˊ, uiˊ kah mi suip ri kuitˊ nang veng Eˊfeˊsuˊ naˊ punta kaw mi tuilˊ leukahˊ unˊ laee kah peue sangsawnˊ leukahˊ hk'aˊ yumˊ unˊ cawpˊ ngonˊ naˊ ce suip ri sangsawnˊ a baee naˊ,

2 Tiˊmoˊse 1:18

Kah Peucawoˊ Eun tuilˊ hk'aˊ tukyak ri naˊ ri heun hk'aˊnaee seunyi Yesuˊ Hkrit kaw Eun lih naˊ reuˊ. Yam utˊ uiˊ nang veng Eˊfeˊsuˊ naˊ eun ciˊ pe teumˊkawm uiˊ aˊneng naˊ, mi ku yawng a meulamlam ri.

2 Tiˊmoˊse 4:12

Kah uiˊ Taiˊhkiˊkasˊ eun heulˊ nang veng Eˊfeˊsuˊ hawcˊ.

Tuhˊ ri tuilˊ 1:11

A lahˊ, “Temˊ kuˊ pun mi ri nyu naˊ nang bawlˊ htawm naˊ buˊ a ri muk konˊ Hkrit aˊres muk naˊ ce reuˊ. Ce meuh muk konˊ Hkrit Eˊfeˊsuˊ, Sameunaˊ, Peugamaˊ, Tiyatira, Sadisˊ, Hpiˊladeufia maeeˊ Laodisia.”

Tuhˊ ri tuilˊ 2:1

Temˊ ri tuilˊ htawm ri inˊhpom ce muk konˊ Hkrit Eˊfeˊsuˊ naˊ eun yeuh keutitˊ, ‘Cawoˊ jhawpˊ seumeuengˊ aˊres meulˊ hk'aˊ tiˊ aˊtawmˊ ri Eun utˊ nang seunaˊ ka binˊ ngawl aˊres binˊ naˊ Eun lahˊ a yeuh keutitˊ,