Peue caee 11:30 - Plang (Blang)

³⁰ Ce yeuh a seunˊ awnˊ na. Ce buˊ lapsawngˊ naˊ ri Banabasˊ eun maeeˊ Sawˊlu ka ri roˊkan nang kawt ce muk konˊ Hkrit naˊ ce.

Peue caee 11:30 ပူးပေါင်းရင်းမြစ်များ

Peue caee 12:1

Yam awnˊ na, punta hkunˊhawˊhkamˊ Herotˊ kaw eun keunhapˊ peue utˊ hk'aˊnaee muk konˊ Hkrit naˊ ce, eun mheutˊ ri ti ce.

Peue caee 12:25

Hawcˊ Banabasˊ eun maeeˊ Sawˊlu yeuh ka kanˊ teumˊkawm peue naˊ, ka kuhˊ neum veng Yeruˊsalaem tang ingˊ nang veng Anhtiˊok naˊ. Ka ku va Yoˊhan kuˊ klawng peue meuh Makuˊ naˊ eun hotˊ ri.

Peue caee 14:23

Pawˊlu eun maeeˊ Banabasˊ ka leuk muk konˊ Hkrit ku cum naˊ ce isˊ roˊkan nang kawt. Punta kaw ka ap ce nang tiˊ Eun Peucawoˊ yumˊ ce naˊ, ka eutˊ kuˊ hk'a ri hk'oˊ munˊ.

Peue caee 15:2

Kopti meuh a leukahˊ sangsawnˊ aenˊ a naˊ, Pawˊlu eun maeeˊ Banabasˊ ka htuˊhtingˊ ce nyawkˊ. Kop awnˊ na, punta kaw ce hukˊ mhaingˊ lawng kuˊ kleucˊ aenˊ a ri peue caee Eun Yesuˊ naˊ ce maeeˊ roˊkan nang kawt naˊ ce nang veng Yeruˊsalaem naˊ, ce leuk Pawˊlu, Banabasˊ maeeˊ peue yumˊ naˊ ce ngonˊ ce hukˊ.

Peue caee 15:23

Ce buˊ lai ri ce heulˊ. A temˊ ri yeuhkiˊ, “Lai aenˊ meuh a lai heulˊ neum peue caee Eun Yesuˊ naˊ maeeˊ roˊkan nang kawt kuˊ meuh ecˊawngˊ peˊ. Ecˊawngˊ peue yumˊ unˊ meuh peue ceu Yuˊda utˊ nang veng Anhtiˊok kuingˊ Suˊriˊ naˊ maeeˊ kuingˊ Siˊliˊsiˊ naˊ peˊ.

Peue caee 15:4

Yam rot ce nang veng Yeruˊsalaem naˊ, muk konˊ Hkrit naˊ ce, peue caee Eun Yesuˊ naˊ ce maeeˊ roˊkan nang kawt naˊ ce rap ri ti ce. Ka ris ce mhawngˊ lawng kuˊ Peucawoˊ cu Eun ka yeuh naˊ gawmˊeucˊ ka.

Peue caee 15:6

Punta peue caee Eun Yesuˊ naˊ ce maeeˊ roˊkan nang kawt naˊ kaw ce saˊlit lawng kuˊ kleucˊ aenˊ a naˊ, ce hk'om puri.

Peue caee 16:4

Yam buih heulˊ ce nang veng ti veng hawcˊ ti veng naˊ, kuˊ saˊlit ce peue caee Eun Yesuˊ naˊ maeeˊ roˊkan utˊ nang veng Yeruˊsalaem naˊ punta kaw peue hotˊ ri yeuh a naˊ, ce ku suip ri lahˊ a heulˊ.

Peue caee 20:17

Pawˊlu eun ku cusˊ peue heulˊ klawng roˊkan nang kawt muk konˊ Hkrit nang veng Eˊfeˊsuˊ naˊ ce ingˊ ri ti nang veng Meletasˊ naˊ.

Peue caee 21:18

Hawcˊ ka naˊ ti seunyi, Pawˊlu eun maeeˊ ye ri ye heulˊ hk'eupˊ Yakopˊ eun. Roˊkan nang kawt naˊ ce ku cu ri mawnˊ gawmˊeucˊ ri.

Peue caee 4:36

Yam awnˊ na, a kueˊ peue Leviˊ muis Yoˊsaep utˊ nang kawˊ kuingˊ Saiˊplasˊ ti peue. Peue caee Eun Yesuˊ naˊ ce klawng eun meuh Banabasˊ (vangdohˊ ka naˊ a lahˊ konˊ tuilˊ kawlˊreng).

1 Tiˊmoˊse 4:14

Pawlaee vel lapsawngˊ Peucawoˊ tuilˊ Eun ri mi ri leukahˊ ce peue suip leukahˊ Eun Peucawoˊ yam muk roˊkan nang kawt naˊ tangˊ ce tiˊ ri hk'aˊpang mi naˊ.

1 Tiˊmoˊse 5:17

Roˊkan nang kawt yeuh kanˊ muk konˊ Hkrit meulamlam ri naˊ ce, lheuˊ awnˊ na nang yeuh kanˊ sangsawnˊ leukahˊ munˊ maeeˊ kanˊ sangsawnˊ naˊ ce htukˊ ri pun munhpungˊ ri lalˊ pun.

1 Tiˊmoˊse 5:19

A lawn unˊ kueˊ peue hkamˊ saˊhkiˊ hk'oˊ lalˊ loeˊ peue koˊ, pawlaee rap ri ti leukahˊ tangˊ peue mapˊ ri roˊkan nang kawt naˊ ce.

Tiˊtasˊ 1:5

Hk'ahˊ uiˊ ri uinˊ mi utˊ nang kawˊ Kretˊ naˊ meuh a punta kaw mi suip kanˊ unˊ nang hawcˊ naˊ ce maeeˊ kaw mi leuk ri uinˊ roˊkan nang kawt muk konˊ Hkrit ku veng seunˊ leukahˊ kuˊ tawmˊ uiˊ ri uinˊ naˊ.

Yakopˊ 5:14

Hk'aˊnaee peˊ ri, aˊnhawˊ lawn suiˊ peuyhat koˊ, eun htukˊ ri klawng roˊkan nang kawt muk konˊ Hkrit naˊ ce heulˊ hk'oˊ munˊ pun ri, pok lamawn ri heun hk'aˊnaee muis Eun Peucawoˊ naˊ.

1 Petruˊ 5:1

Roˊkan nang kawt hk'aˊnaee muk naˊ peˊ, meuh uiˊ nang kawt seunˊ peˊ ri yeut, uiˊ ku meuh saˊhkiˊ ka Hkrit pun Eun ri hkamˊ hk'aˊ tukhka naˊ ti peue yeut, uiˊ ku pawngˊ hk'aˊnaee munhpungˊ kawnˊ kaw pucti lih Eun Hkrit naˊ yeut. Uiˊ sumˊ hk'oˊ a ri peˊ yeuh keutitˊ,

2 Yoˊhan 1:1

Htawm ti okˊ aenˊ na koˊ meuh uiˊ roˊkan nang kawt, uiˊ temˊ ri tuilˊ a ri beunˊ leuk ri uinˊ ri naˊ paˊ maeeˊ konˊhk'i paˊ naˊ peˊ. Leumeusˊ uiˊ peˊ hk'aˊnaee hk'aˊ leupaws seumeuˊ naˊ. A hkuinˊ meuh uiˊ ri koe, daecti saecˊ meuh peue yawng hk'aˊ leupaws seumeuˊ naˊ ce gawmˊeucˊ ce ku leumeusˊ peˊ yeut.

3 Yoˊhan 1:1

Htawm ti okˊ aenˊ na koˊ meuh uiˊ roˊkan nang kawt, uiˊ temˊ ri tuilˊ a ri Gaiasˊ aˊmawo leumeusˊ uiˊ naˊ mi. Leumeusˊ uiˊ mi hk'aˊnaee vang leupaws seumeuˊ naˊ.