Peue caee 10:38 - Plang (Blang)

³⁸ A meuh lawng Peucawoˊ tangˊ Eun ri uinˊ Yesuˊ peue veng Nasaraetˊ naˊ Eun ri cu Eun Citˊ seungaˊ chakˊ naˊ maeeˊ tiˊca ri naˊ, maeeˊ lawng heulˊ Eun ti duihˊ hawcˊ ti duihˊ, Eun yeuh kuˊ chakˊ maeeˊ baiˊ Eun peue utˊ hk'aˊruim tiˊca ka Satan naˊ ce ku peue ri, kopti Peucawoˊ utˊ Eun maeeˊ Heun.

Peue caee 10:38 ပူးပေါင်းရင်းမြစ်များ

Mahtae 12:15

Yam Yesuˊ yawng Eun lawng awnˊ a naˊ, Eun pucti heulˊ hk'aiˊ mawnˊ naˊ. Peue heunˊ naˊ ce hotˊ Eun heulˊ. Eun baiˊ peuyhat ce naˊ cuin eucˊ.

Mahtae 12:28

Daecti Uiˊ lawn puing Citˊ seungaˊ Eun Peucawoˊ naˊ Uiˊ ra ri tec seucaˊ naˊ ce koˊ, kuingˊ Eun Peucawoˊ naˊ rot a maeeˊ peˊ hawcˊ.

Mahtae 9:19

Yesuˊ Eun yuk ri hotˊ eun heulˊ. Tapaeˊ Eun naˊ ce ku hotˊ Eun heulˊ.

Mahtae 9:35

Yesuˊ Eun heulˊ nang veng nang yungˊ naˊ hk'awpˊ. Eun sangsawnˊ nang saˊla vang hk'oˊ munˊ ce naˊ. Eun sangsawnˊ leukahˊ munˊ renˊkawn lawng kuingˊ Eun Peucawoˊ naˊ. Eun baiˊ peuyhat ce peue naˊ cuin.

Makuˊ 6:6

Yesuˊ Eun amˊ ri unˊ cang yumˊ ce. Hawcˊ awnˊ na, Yesuˊ Eun heulˊ sangsawnˊ ti yungˊ hawcˊ ti yungˊ.

Luˊka 3:22

Citˊ seungaˊ naˊ a ruprang seunˊ guiˊ naˊ, a lih utˊ maeeˊ Heun. Sengˊ naˊ a lawsˊ lih neum kuingˊ pang maoˊ. A lahˊ, “Meuh Mi Konˊ aiˊ leumeusˊ Uiˊ. Mi hitˊ ri hpumˊ Uiˊ nyawkˊ.”

Luˊka 4:18

“Citˊ seungaˊ Eun Peucawoˊ naˊ kueˊ a hk'aˊpang Uiˊ. Punta kaw Uiˊ suip ri tuilˊ leukahˊ munˊ renˊkawn naˊ ri peue hk'oˊtukyak naˊ ce naˊ, Eun leuk ri ti Uiˊ hawcˊ. Eun saecˊ cusˊ Uiˊ heulˊ naˊ meuh a punta kaw Uiˊ paoˊ peue hk'awngˊ ri naˊ kaw ce ploeˊ ri, maeeˊ peue ngaiˊ lecˊ naˊ kaw ce nyu hk'aˊ ri baee, maeeˊ peue pun ri hkamˊ hk'aˊ keunhapˊ nokneh naˊ kaw ce ploeˊ ri,

Luˊka 9:42

Saecˊ meuh yam konˊ nyom awnˊ buih ingˊ eun naˊ, seucaˊ naˊ a yeuh eun cungˊkus toˊtetˊ rawsˊ ri pang keuteˊ naˊ. Daecti Yesuˊ Eun isˊ seucaˊ rai naˊ. Eun baiˊ konˊ nyom naˊ eun cuin. Hawcˊ koˊ, Eun tang ap eun ri kuiingˊ eun naˊ eun.

Luˊka 9:56

Hawcˊ koˊ, ce tang heulˊ hk'aˊ yungˊ tawk seubu naˊ.

Yoˊhan 10:32

Daecti Yesuˊ Eun lahˊ a ri ce, “Yeuh Uiˊ peˊ nawk kuˊ chakˊ heunˊ ceu lih neum Aˊkuiingˊ Eun naˊ hawcˊ. A ciˊ meuh kopti kuˊ chakˊ ceu nangnhawˊ naˊ, peˊ vaeeˊ seutˊ meulˊ seumu peˊ kaw dhimˊ Uiˊ?”

Yoˊhan 16:32

Daecti yam awnˊ buih ingˊ ka, a ingˊ rot hawcˊ. A meuh yam kaw peˊ sawngˊ hk'akcakˊ puri ingˊ ti nya ri. Pe kaw tec a vang Uiˊ ri koe. Daecti Uiˊ hkuinˊ kaw utˊ koe kopti Aˊkuiingˊ utˊ Eun maeeˊ Uiˊ naˊ.

Yoˊhan 3:2

Eun ingˊ lahˊ a ri Yesuˊ Eun peunsumˊ naˊ, “Rabiˊ, yawng ye meuh Mi seuraˊ lih neum Peucawoˊ Eun. Kopti Peucawoˊ Eun lawn unˊ utˊ maeeˊ peue koˊ, aˊnhawˊ hkuinˊ cang yeuh hetˊ keuting seunˊ kuˊ yeuh Mi naˊ saecˊ ti peue.”

Yoˊhan 3:34

Peue Peucawoˊ cusˊ Eun naˊ, lahˊ Eun leukahˊ Eun Peucawoˊ naˊ. Kopti Peucawoˊ tuilˊ Eun Citˊ seungaˊ ri naˊ Eun unˊ laee peutat a.

Yoˊhan 6:27

Pawlaee saeˊcaeeˊ coˊcaˊ ri sok kuˊ hk'a cang lulaic heulˊ naˊ, daecti sok ri yeuh ri pun kuˊ hk'a citˊ tip aˊyu tip cotˊcu kuˊ Konˊ aiˊ peue kaw Eun tuilˊ a ri peˊ naˊ reuˊ. Kuiingˊ Peucawoˊ tawkˊ Eun taˊraˊ htawhkam Eun a ri Konˊ aiˊ peue naˊ Eun hawcˊ.”

Peue caee 10:37

Peˊ ku yawng lawng kuˊ meuh nang kuingˊ Yuˊda tangˊ neum kuingˊ Galilaeˊ naˊ ku duihˊ hk'aˊkuiˊ hawcˊ ka tuilˊ hk'aˊ cumˊ sangsawnˊ eun Yoˊhan naˊ.

Peue caee 2:22

Peue Iˊsarelaˊ naˊ peˊ, leuceng leukahˊ aenˊ a reuˊ. Yesuˊ peue veng Nasaraetˊ meuh Eun peue Peucawoˊ htawhkam Eun peˊ ri kuˊ hk'oˊamˊ maeeˊ hetˊ keuting naˊ. Peucawoˊ cu Eun, Eun yeuh a nanggalˊ peˊ seunˊ kuˊ yawng peˊ naˊ hawcˊ.

Hebraeˊ 1:9

Mi leumeusˊ kuˊ leupaws seumeuˊ naˊ, Mi ces ri kuˊ rai naˊ. Kop awnˊ na, Peucawoˊ Cawoˊ Mi naˊ, Eun tangˊ Mi hk'aˊpang aˊmawo Mi naˊ ce ri lhuikˊ Mi ri lamawn ka hk'aˊ renˊkawn naˊ.”

1 Petruˊ 5:8

Yeuh ri uˊpeung pe tuˊ ri maeeˊ yeuh ri pawn kuiˊ ri reuˊ. Kopti seucaˊ rai meuh ransu peˊ naˊ lomlom a peˊ seunˊ leuvai sangsiˊ heulˊ eoˊ ri sok satˊ kaw ri kawk ri hk'a naˊ koˊ.

1 Yoˊhan 2:20

Daecti kopti pun peˊ ri leuk ri uinˊ ri ri Citˊ seungaˊ naˊ neum Eun Cawoˊ seungaˊ naˊ hawcˊ, peˊ yawng kuˊ meuh neum naˊ ku peue ri.

1 Yoˊhan 3:8

Peue yeuh mapˊ naˊ ingˊ ce neum seucaˊ naˊ, kopti tangˊ neum yamla ka naˊ seucaˊ naˊ yeuh a mapˊ naˊ. Konˊ aiˊ Eun Peucawoˊ lih Eun naˊ meuh a kop kaw Eun yeuh kanˊ ka seucaˊ naˊ lu.