Makuˊ 9:2 - Plang (Blang)

² Hawcˊ ka les seunyi naˊ, Yesuˊ Eun va Petruˊ, Yakopˊ maeeˊ Yoˊhan ce hukˊ pang gong lhungˊ vang cang utˊ koe ce ri ka naˊ. Yam awnˊ na, ruprang Eun naˊ a plinˊ ri nanggalˊ ce naˊ.

Makuˊ 9:2 ပူးပေါင်းရင်းမြစ်များ

Mahtae 14:13

Yam Yesuˊ mhawngˊ Eun lawng awnˊ a naˊ, Eun pawk reu naˊ pucti heulˊ hk'aiˊ mawnˊ naˊ. Heun ri maeeˊ tapaeˊ Eun naˊ ce va puri heulˊ koe ri vang yenˊyong naˊ. Yam peue cum heunˊ naˊ pun ce ri mhawngˊ lawng ka naˊ, ce pucti neum veng naˊ ce, ce long hk'aˊ hotˊ Eun heulˊ.

Makuˊ 14:33

Eun va Petruˊ, Yakopˊ maeeˊ Yoˊhan ce heulˊ maeeˊ ti. Eun hpumˊ lu kuit nyhapˊ nyawkˊ.

Makuˊ 16:12

Hawcˊ awnˊ na, Yesuˊ Eun tuilˊ tapaeˊ lalˊ peue ri naˊ ka nyu ruprang seubu ri naˊ yam buih long ka hk'aˊ heulˊ hk'aˊnok ka veng naˊ.

Makuˊ 5:37

A lawn unˊ meuh Petruˊ, Yakopˊ maeeˊ Yoˊhan awngˊ eun Yakopˊ titˊ ce koˊ, Eun unˊ kah kuˊ seubu naˊ ce hotˊ ri heulˊ saecˊ ti peue.

Luˊka 6:12

A kueˊ ti seunyi, Yesuˊ Eun hukˊ hk'oˊ munˊ pang gong naˊ. Eun hk'oˊ munˊ ri Peucawoˊ Eun gawmˊ bul rot ti cengˊ ka.

Yoˊhan 1:14

Leukahˊ awnˊ keutˊ a ri meuh nhamˊ keune. A lih utˊ hk'aˊnaee eˊ. Eˊ pun ri nyu munhpungˊ Eun naˊ, a meuh munhpungˊ Eun Konˊ aiˊ ti peue koe kuˊ lih neum Aˊkuiingˊ Eun naˊ. Eun htonnuk ri munˊ sinˊ maeeˊ kuˊ neumneum naˊ.

Roˊma 12:2

Pawlaee aˊyu imˊ hotˊ seunˊ peue bhenˊ keuteˊ cu maetˊmaenˊ naˊ ce, daecti rap ri ti hk'aˊ leuplohˊ civit hpumˊ ri hk'uˊ naˊ. Yeuh keutitˊ koˊ, peˊ kaw cang caet ri nawk htawhkam ceu nangnhawˊ naˊ a ciˊ meuh alo Eun Peucawoˊ naˊ. Peˊ kaw cang yawng keunhawˊ naˊ chakˊ ka, keunhawˊ naˊ htukˊ a hpumˊ Eun, keunhawˊ naˊ a ciˊ chakˊ nyawkˊ hk'aiˊ peue.

2 Kawˊrinhtuˊ 13:1

Kaw uiˊ tang heulˊ glue ri peˊ pok aenˊ a naˊ meuh a loeˊ pok ti pok. Hk'aˊnaee vang yeuh aˊmu ri puri naˊ, kah a ri kueˊ nang meuh saˊhkiˊ ka lalˊ loeˊ peue.

Hpiˊliˊpiˊ 3:21

Hk'aˊnaee cu Eun tiˊca kuˊ cang yeuh ku ceu gawmˊeucˊ naˊ utˊ hk'aˊruim tiˊca Eun naˊ, Eun kaw plinˊ jawngkuiˊ tuˊ tem nyawkˊ eˊ naˊ meuh seunˊ jawngkuiˊ tuˊ kueˊ munhpungˊ keuting Eun naˊ.

Tuhˊ ri tuilˊ 20:11

Hawcˊ awnˊ na, uiˊ pun ri nyu tenceoˊ keuting paing maeeˊ Cawoˊ mokˊ hk'aˊpang ka naˊ Eun. Yam puc Eun ri lih naˊ, bhenˊ keuteˊ maeeˊ maoˊ naˊ a raiˊ. A hkuinˊ laee kueˊ vang utˊ pun kuˊ lalˊ ceu aenˊ na.